Eféso 4:12 - Fayam Midhab Yiesu Kiristoká He Hol Af Iđiny Kaanaká

¹² Mu hééllá ekeyallá he giri gálallá gál Kirísto iiy yieká hol tág ki kokuo-, gaal Waag hujich ki nannuo-, gón Kiristo higirayyoká.

Eféso 4:12 ပူးပေါင်းရင်းမြစ်များ

Lúka 22:32

Tá yáá ko Waag kí vite, giri iiy yeenkú mán ma chegenká. Tá kuun ye hayche-, kor ye hol ˈdu gáá naateka, nyaaramkú gúófsish, Yíésu hí mú yie.

He Ekeny Gál Alb Fimiká 1:17

Yúúˈdas kinaallá úba hé túóykúnno gaa yiel, hé fayam Waaˈgiet úba ki hol ˈgar sisidhe.

He Ekeny Gál Alb Fimiká 1:25

Mú ál gálle Yíésu hí alb fafuo-, Yúúˈdas hí ká hay-, muí állé fedeká mé gaa níéllá nyí gaa koyyo, gaalí yie.

He Ekeny Gál Alb Fimiká 11:23

Aalé Barnábas ali ki ˈjie-, Waag gielmitle argeká geer hí gaa meedhe, mu gáál lulle guofsie, giri gaal kasle Máá Guđoká gaa iđimuo-, mú el af ma gaa taaminyká.

He Ekeny Gál Alb Fimiká 20:24

Tá yú yáá sídhchú ye geer ma gaa ˈdeeneny. Hé chia ye ki ˈdúwaká he hújích Máá Guđo Yíésu hí ye ká shieká, giri Fayam Midhab gielmiti Waaˈgietká đulalle yú kirmisat-, yú ˈdiyeen-, yú beđisatká.

He Ekeny Gál Alb Fimiká 20:28

Mu geđi gáál geey, kieye, Hol ˈdeeˈdemíe, gál Kiristo lullé Hím Naasan Waaˈgiet hí mé ki koyyééllá úba ˈdeeˈdemíe. Hát máádhat hí aanyle ˈdeˈdeenká Máá Guđo Yíésu gállé he fásle ká hidhdheká lulle hát tikiˈde kinaallá ˈdeeˈdemíe.

He Ekeny Gál Alb Fimiká 9:31

Aalé af kinaal gál Kiristo lés Yuuˈdia ubaa lés Galilaaya tá lés Samaria gaa ijeká lulle hím a níínni mare nie. Gaal Hím Naasan Waaˈgiet hí fargogonoyche, mú ˈdúˈjímle gaa yíéđie, Máá Guđoká a maale, met gaa keekeme, úba heere.

Róóma 12:5

Kirísto gónle úba hát kinaallá. Múúni ke gál Kiristóóllá he ki gón Kiristo. Hé kinaallá kieye, múún lulkúnno hollo ke hol ki ˈgee.

Róóma 12:7

Mu har héllé shiichoká gálaat ˈdúˈjím kátaka, hí gálaat hát ˈdabaanká ˈdú ˈjeeˈjeen, har héllé shiichoká gálaat ˈdeeny Waaˈgiet onisiny kátaka, hí gálaat hát ˈdabaanká he oonisuo.

Róóma 14:19

Aaléka, hé naanná yé ká ˈdeđuoká ubaa hé ke hol ki gogofsuoká kí ˈdú laađaan.

Róóma 15:14

Nyaaramchú, itín hát hí súm ger gaa ˈdabaan-, ˈdaalim hí hol af ki tatiyyaká lulle hí ˈgayyaká, yáá tág óg.

Róóma 15:2

Múún lulkúnno nyaaram kúnnaa iiy yeenle đalidhééllá kí guogofsuo, giri gáál iiy yeenle higirayyoká.

Róóma 15:29

Yú hí kí ˈjeˈjeenká, Kirísto ˈdúˈjímle lulle hát muun gáál ká bubuoká yáá óg.

Korínto Erká 12:27

Itín hí gón Kiristo. Gón Kiristo met hí hol ka burnayyééllá met ˈbaal hí itíni.

Korínto Erká 12:7

Gál Kiristo lulle héllé shiicho-, eiy eiyyeká Hím Naasan Waaˈgieto hí ká shigicha, giri gál Kiristo ki ˈdiˈdisoká.

Korínto Erká 14:12

Aaléka, ˈdaa giri hí hé shiicho Hím Naasan Waaˈgiet hí gálaat shigichoká gófle hí ˈgayyoká, hé shiicho gál Kiristo ˈdiˈdisoká laatle laađamíe, gáál kí ˈdiiˈdisáa.

Korínto Erká 14:14

Har yú af Hím Naasan Waaˈgiet yé gáá ˈdeˈdeenká Waag ki vivisatka, sídhchú hé Waag vivisato, tá kaschú íín hé Waag visan sídhchú hí vivisatóóllá muog.

Korínto Erká 14:26

Nyaaramchú, háteeye ki yeedhe? Af giri hí hol ˈdu gáá chiimet-, hí Waag hol ˈgar vivisatoká, mááká hé ár ka ˈdaraanká ˈguo, mááká hé he onisiny gáál af ki tatuoká ˈguo, mááká hé Waag hí kí edhesicheká ˈguo, mááká hé ˈdéé hót af Hím Naasan yé gáá ˈdeˈdeenká kí hogodhoká ˈguo, héétí hé máá ˈdéé hót af kinaal gáál eiy ki nannuoká ˈguo. He lulle hí hé gál Kiristo ˈdiˈdisoká onnow.

Korínto ki Naamaká 12:19

Itín haí taawuyye, hí kieye, Gaal taalle ˈdéé he hol ˈdú hogodho, hí nyí chegie? Nyaaram kínyaa nyí gielallo, he hé hát kinaallá muuniny. Nyiin innum Waaˈgietka hát gál Kiristoká nyí ˈdéé ká hogoto. He lullé nyí hogoto-, ubaa nyí ekemeychóóllá, he giri itín hí higirayyoká.

Korínto ki Naamaká 13:11

Aaléka, nyaaramchú, ger hí gaa meet, hiráa, gúóf ˈgáa, kas tikiˈdeká ˈgáa, hol naanná ki yíéđía. Waag kúnnaa gielmít ubaa naanná ˈgayyóóllá hí gaa yíéđiyyo.

Korínto ki Naamaká 13:9

Har káána úba nyiin nyí đáális kátaka, af giri iiy yeenkícho fargogiyyoká nyiin ger ha nyí gaa meedhe. Waag visan ke hí kí vivisatká he giri itín hí higirayyo-, hí tagano ˈgiiyyoká.

Korínto ki Naamaká 3:8

He hol af iđiny kaana-, Hím Naasan Waaˈgiet ki taalallá ˈduuwle hé hol af iđiny kisso-, hemuumurít ki taalallá af mé ma iđiny?

Korínto ki Naamaká 4:1

Aaléka, ˈdaa giri Waag nyí geer guuralle hújíchallá mé ki koyyééllá, nyáá nyí ma giinany.

Korínto ki Naamaká 5:18

Hééllá lulle Waago hí hatallá ká kokoyyo. Waag íínííllá Kirísto ali gáá kaayye, Kirísto muun ubaa Waag gáál hol hilsie. Waag úba nyíínííllá nyí hujich shiiche, giri gálaat ubaa mu íín nyí hol higilsichoká.

Korínto ki Naamaká 6:3

Nyiin hújích Waaˈgietallá nyáá nyí ˈgíérích gálaat Waag gaa faaganoyoká ma ki nanniny. Hújích Waaˈgietallá gálaat hí egesheyoká nyáá nyí ma fediny.

Korínto ki Naamaká 7:1

Nyaaram chia yú gielallo, ˈdaa giri Waag muun gáál hééllá lulle af iđicheká, ameeny hé ˈdeđew-, gón gelle ubaa sídh gelle gaa ijo-, muun gáál ˈdeđeneyoká lulle kí hol gaa dhiiro, kí Waag kiikiat, kí gál Waag hát ˈdabaanká ennianká yeet.

Eféso 1:23

Gál Kiristo he Kirísto gónlé. Kirísto he lullé biiy lulle gaa ijoká hí ki ijóóllá hé fargogintle gálle koch ki hoy.

Eféso 4:16

Hát káána gon kuuˈdamle hol af gaa ˈgíéllá, Kirísto gálle úba hát kinaallá he hoy. Gál gón Kiristo hol gielmít ká ˈguo-, hujichaamlé Kirísto hí met ki kuokoyká nannuoka, in gón Kiristo higirayya, fargoogoyyo.

Eféso 4:29

ˈDeem ˈdeđewká haí af ger yé gáá ˈdeˈdéminy, gál hí af nee kokuoká ˈdeeny hí ki midhab-, hí gogofsuoká geeđía.

Eféso 4:4

Múún ke gon tikiˈde, Hím Naasan Waaˈgiet gáál gaa iđoká úba tikiˈde. Hé nyí met egeto-, Waag hí nyí kí viiyyeká in úba Waag hí itín kí viiyye.

Kolosááya 1:24

Aalé káánaka, manyjany chia ˈdaa kíchoka, il hí ye aargiˈdóóllá geerle hé ye gaa meedhe. Manyjany chia ˈdaa Kiristoka gónchú hí aargiˈdo-, kor ˈbaal hátle ye met gaa iđo-, il hí ye aargiˈdoká ˈdaa gón Kiristo he ki taalla. Gón Kiristóóllá he gál Kirísto iiy yieká.

Kolosááya 1:28

Aaléka, nyáá nyí fayam Kiristo gálaat lulle ki ˈdiyeenne. ˈDaalim kínyaa lúl nyí ˈgayyaká nyáá nyí gálaat af ki tatiyya, nyí gáál ki oonisicha, giri gáál lulle nyí Waag metle egeyyo-, gaal Kirísto ki higirawká.

Kolosááya 4:17

Arkíbos geeyyíe, Hújích Máá kúnnaa Guđo gaal hí ko ka shíéllá bééso, mú yeedhíe.

Tímote Erká 1:12

Yáá Máá kúnnaa Guđo Yiesu Kirísto ye farguogoyóóllá gielmít hol ˈdú nannuo, ˈdaa giri mu ye máá hí af ˈduwasuoká ká dhaay-, ye hújíchle mé ki koyallá.

Tímote ki Naamaká 4:11

Lúka tákáma nyí hol af iđa. Af giri ka chiimetoká Márko hol ka eedhdhíe, ˈdaa giri hújích yú nannúólláka mu ye rangʼiteká.

Tímote ki Naamaká 4:5

Tá kúún, he met lulle ˈdaalleka, kas midhabká ˈgab, manyjany mé ki chírso, Fayam Midhaballá gálaat gééđish, hújích Waag hí ko shiichééllá hát ˈdabaanká náánnaʼ.

Héberew 13:17

Gál hí met ki ˈgíéllá he gál sidhamkícho ˈdaalle ˈdugaka hí ˈdeˈdeen-, aadh ˈdaatika hújích lééllá ˈdeenyle Waag met gaa hogodhoká. Gáál met gaa keekemíe, gáál atimle el gaa veerée, giri gaal hújích lééllá nannuo-, gaal ma giinany-, gáál ger hí gaa memeetká. Har itín hí gáál ger gaa ˈdeeneycheka, hé kinaallá hé hí ma ki midhanany.

Héberew 6:1

Aaléka, ha ke he onisiny erkob-, Kiristo-, ke onodheká taalle gaa íđiny, kí biiy met ki siet, giri ke mú ˈdeenyle ki higirawká. Hé erkob ke onodhe-, hát káána he ekeny ˈdúúw mánká ke haađuo-, ke Waag iiy yeen ká ˈguoká, hé kinaallá he hé ke ógká muunîny?