Eféso 4:10 - Fayam Midhab Yiesu Kiristoká He Hol Af Iđiny Kaanaká

¹⁰ Mu ííni ká leedhe-, lésallá mé ka níéllá he Máá tikiˈde úr af mé ˈdaatí mé nie-, biiy lulle gaa ijoká.

Eféso 4:10 ပူးပေါင်းရင်းမြစ်များ

Matááyo 24:34

Yú hí hé ˈdúwaká geeye, gálallá hé les ma gaa bebeny, ˈdaab hééllá lulle ali ma kí ˈdíinyká.

Lúka 24:44

Aalé mu gáál geey, kieye, ˈDeenyééllá ˈdeeny giri muun ke hol af ijeká yú hí geeyká, giri yú hí geey-, hé ˈdaachúka Móshe hí warˈgasamlé hemuumuritiká gaa veereká ubaa ˈdeeny chia gál Waag hí ˈdéé ka shigicheká hí warˈgasamle gaa veereká, héétí ubaa ˈdeeny chia gaalí warˈgat Arramká gaa veereká lulle hai ˈduuwaa, yú hí yieká, Yíésu hí gáál yie.

Yuána 1:16

Mú ˈdúˈjímlé-, ˈdúˈjím ke hemuumurít gaa argeká a mé iđóóllá hé muun lulkúnno gáál ˈdú ookoˈdmoote.

Yuána 19:24

Gaal kieye, Giel ha ki eiy ˈdániny, kí hol koiy ki ˈduo, máá kot hí ˈdú ˈdoyyoká hí lilew, gaalí hol yie. Hééllá hatallá ˈdíéllá he ˈdeeny Waaˈgiet giri kieye, Gaal đafaraamchú hol gise, gielchú koiy ki ˈdodhdhe, yieká ˈduway. Yuoy hé kinaallá ekeyche.

Yuána 19:28

Aalé el ˈdaal, Yíésu hát he lulle đusieká ógká in kieye, Yú báre ˈgaa, yie. Mu hééllá hodhééllá he ˈdeeny Warˈgat Waaˈgiet hí hoteká ˈduway.

Yuána 19:36

Hééllá hatallá ˈdíéllá he giri hé Warˈgat Waaˈgiet hí hote-, kieye, Mú lafle hé lafit tikiˈde gaalí gaa ˈgieˈguoká mán, chieká, ˈduuwawká.

He Ekeny Gál Alb Fimiká 1:11

kieye, Gál Galilaaya, háteka hí ál ˈgiiyya-, hí úr gaa dhaˈgasannóol? Yíésu Waag hí gaa eetééllá hát tikiˈde hí argiyya-, he ur Waaˈgiet mé níéllá in geđi hol kí naadha, gaalí yie.

He Ekeny Gál Alb Fimiká 1:9

Mu ˈdeenyéél beeteká hátlé gaalí dhaˈgameká úr mé nie, nyáˈdow hí buanne, gáál in ki bađay.

He Ekeny Gál Alb Fimiká 2:33

Mú hé Waag hí les gaa eeyye, Waag hí gíl ˈdaallé naanietká iđisate, mú ˈJaalle Hím Naasanlé he mú af iđieká hé mú shie. Hé káána aalé hí argiyya-, hí mamallóóllá he Hím Naasan Waaˈgiet kinaallá muí nyí ˈdú gáá leesie.

He Ekeny Gál Alb Fimiká 3:18

Hééllá hát Waag hí gállé héle ˈdeem ka shigicheká kíssóótí geeyche-, giri Messíyalle maanyjawká in ˈduway.

Korínto ki Naamaká 12:2

Yú yáá máá Kiristo-, warram tomon tikiˈde a afur beeyéétíá Waag hí ur ki seđeká ˈdú eeteká óg. Máá kinaallá Waag hí egeeteká, gónle ˈgabka, gónle mannabka, yáá muog, Waago hí og.

Eféso 3:19

Yáá úba Waag vivisat, giri gielmit kás lulle af mé iđóóllá gónkícho hí oonoot-, Waag hí Hím Naasanle koch ki hođichoká.

Kolosááya 1:19

Waag héllé kis feˈde-, muˈdeká he giri aalmichle alulle Inyle gaa iđoká.

Kolosááya 2:9

Hééllá he ˈdaa giri Waag aalmichle alulle Kirísto ˈdalidhe-, gon ˈgúóllá gaa iđoká.

Tímote Erká 3:16

Hé fálaam mánká he kieye, Waag héllé geer geđi-, káána ke ógallá ebá guđáan! Kirísto hé gon kaadhdhe, lésallá ki ˈdalidhe. Hím Naasan Waaˈgiet hé mú ˈduuwle ká edhesiche. Mu hé gál ˈgasso-, urruká hí arge. Mu hé gaalí kidhano hurt gaa ˈdiiyime. Mu hé gaalí lésallá iiy gaa yie. Héétí hé Waag hí guchlé uratiká mé ki niiyye.

Héberew 4:14

Aaléka, ˈdaa giri ke Máá Guđo-, méte suoryo-, úr mé nie-, Iny Waaˈgiet Yíésu lééllá ke ˈgúóllá, iiy yeen ke mú ka ˈgúóllá kí tág chirat.

Héberew 7:26

Mu he Máá méte suoryo-, muun ke hegesetká. Mu íín he máá Waag geer gaa memesuoká. Mu hé hé ˈdeeđeneyká mán, héétí mu hé ađaab níínní úba hileká mán. Waag hé lés gál ađaabano ˈgúóllá hí gaa ijóóllá mú gaa eete, mu hé he met lullé uratiká máállé hí mé ki yaalká yie.

Héberew 8:1

Hé nyí huogotééllá ˈdeenyle hééllá: Múún hé ke Máá méte suoryo-, Waag ˈdúwaká karallé guchi-, uratiká ˈdaa naaniet yíéđieká ˈguo.