Eféso 3:5 - Fayam Midhab Yiesu Kiristoká He Hol Af Iđiny Kaanaká

⁵ ˈDeeny geer geđi-, Waaˈgietallá kíssóótí hé Waag hí gálaat ma kí edhesîny. Tá káánaka, Hím Naasan Waaˈgiet ˈdaalleka, hé Waag hí gállé alb fimi-, ubaa gállé ˈdeem ka shigiche-, taak koyyeká kí edhesiche.

Eféso 3:5 ပူးပေါင်းရင်းမြစ်များ

Matááyo 13:17

Yú hí hé ˈdúwaká geeye, gál Waag hí ˈdeem ka shigiche-, burnayká ubaa gál ˈduuˈdúwa-, burnayká hé itín hí argiyyééllá úba aargireká he fede, kor hé ma árginy. Gál kinaallá hé itín hí maallééllá úba he mamaleká he fede, kor hé ma mááliny.

Matááyo 20:7

Gaal mú ˈdéé hol ˈdú nie, kieye, Hujicho máá hí nyí ki veereká man, gaalí mú yie. Mu gál kinaal geey, kieye, Itín úba sedhíe, lés chia saanoká hujich gaa náa, gáál yie.

Matááyo 23:34

Aaléka, gál Waag hí ˈdeem ka shigichoká ubaa gál ˈdaallelléká, tá gál ˈdeeny Waaˈgiet gálaat oonisuoká alb ha yú hí ˈdu gáá fafaa. Gál kinaallá ˈdáá tikiˈd haí cheese, ˈguor đarám ˈgieká haí ˈdú ˈdaraanna. Gáál ˈdáá tikiˈd ény kíchia ˈdiiyiminyká haí gaa tuunna, hollo hí hol gaa aruanna.

Lúka 10:24

Yú hí geeye, gál héle Waag hí ˈdeem ka shigiche-, burnayká ubaa gál kaansúo-, burnayká hé itín hí argiyyééllá aargireká he fede, tá hé ma árginy. Gál kinaallá hé itín hí maallééllá úba mamaleká he fede, tá hé ma mááliny, Yíésu hí gáál yie.

Lúka 11:49

Aaléka ˈdaalim Waaˈgiet héle hatallá he chie, kieye, Yú gál ˈdeenychú ka shiguoká ubaa gál alb fimiká gálaat alb ha ˈdú fafaa. Gál yú alb fafuo kinaal ˈdáá tikiˈd ha gaalí yeese, ˈdáá tikiˈd ha gaalí maanyjasia, he chie.

Yuána 14:26

Tá Máá hí rangʼite-, Hím Naasan Waaˈgietlé-, ˈdaa meenychúka, ˈJaachú hí ali ˈdu gáá kakawká, he lulle haí oonisia, he met lullé yú hí geeyká táb haí kí gagadha.

Yuána 16:13

Tá Hím Naasan hí ˈduuw Waaˈgiet af ki tatiyyo kinaallá ká chimieka, he lullé ˈdúwaká af haí gáá kokoyyo. Mu hé hélle ma hogon, mu hé maaleká hai hogodho, hé geđ igiroká haí ká geđia.

He Ekeny Gál Alb Fimiká 10:28

Mu nyésébích kinaal geey, kieye, Hát káána yú máá kídh éíyyallá ˈbílle ka hilééllá, nyátál gál kínyia Yuuˈdikáka hát tagle muuninyká it óg. Tá Waag hé ye he ká argisiche, giri yú máádhat máá ˈdúúw mán-, gaa nyakarichká ma ká dhaˈgaminyká.

Róóma 16:25

Aaléka, Waag kí meemeyo! Waag hé Fayam Midhab Kiristo-, yú gálaat ki ˈdiyeenallá ˈdaalleka hí higiraycho. Fayam Midhab Yiesu Kiristóóllá he Waag héllé geer geđi kis ˈgayye-, tá káána ka edhesicheká.

Korínto Erká 2:10

Tá múún ˈdaalimééllá Waag ˈdaa Hím Naasanlé hí gáál eiy kí niiyye. Hím Naasan Waaˈgietallá in he met lulle ˈgas og, úba hé geer geđi Waaˈgietká og.

Eféso 2:20

ˈBíl geer Waaˈgietallá gál Waag hí ˈdéé ká shigicheká ubaa gál alb fimiká Waag hí ˈdug gaa ˈdite, Yiesu Kirísto íín he ˈbíl áár.

Eféso 3:9

Waag úba hé ye ˈdú ˈjiiyye, giri ˈdeenylé geer geđiká hát he ˈduuwawká yú gálaat eiy ki nannuoká. ˈDeeny kinaallá Waag ameeny he met lulle ka kuonneká hé hí geerle ká ˈgayye.

Bétiro ki Naamaká 3:2

Hé yú hí gaa fedoká he giri itín hí ˈdeem héle Waag hí gállé taak kooteká ka shigicheká mé ka ˈgayya-, ubaa hemurit Máá kúnnaa Guđo-, Rubachietká hí ka shieká úba hí mé ka ˈgayyaká. Hemurit kinaallá itín Kirísto gállé alb fimiká hí gaa maalle.

Yúúa 1:17

Tá it sheel chia yú gielallo, Máá kúnnaa Guđo-, Yiesu Kirísto gállé alb fimiká ˈdeem Waag hí ká shigiche-, he ˈdiiyimeká táb ˈduoˈdodhdhíe.