Eféso 3:21 - Fayam Midhab Yiesu Kiristoká He Hol Af Iđiny Kaanaká

²¹ Múúni ke mú gállé-, mu gáál Yiesu Kirísto ˈdú fíéllá taalle bííyyó biiyo kí Waag meemeyo. Iiy-hí, he hí hát kinaallá yeet.

Eféso 3:21 ပူးပေါင်းရင်းမြစ်များ

Matááyo 6:13

Hé ˈdeđew-, maralle nyí ˈgayyaká nyí af gaa táátaʼ, nyí Sátan ka río. [Hééllá he ˈdaa giri gúch, ubaa fargogínt, tá meeny gálaat hí ko memeyoká lulle taalle bííyyo kuun hí léká! Iiy-hí, he hí hát kinaallá yeet.]

Lúka 2:14

Waag Úr Iđoká gaalí meeyo, gál lesallo-, muí ˈdú iifoká hí naanná yíéđuo, gaalí yie.

Róóma 11:36

He met lulle Waago yé gáá ˈdie, ki ija, tá geđi Máállé íín hí le. Waag taalle bííyyo gaalí meemeyo! Iiy-hí, he hí hát kinaallá yeet.

Róóma 16:27

Waag ˈdaalím lulle ˈgayyóóllá ˈdaa Yiesu Kiristoka, kí bííyyo ˈdúúw lúl shiiguo. Iiy-hí, he hí hát kinaallá yeet.

Galátia 1:5

ˈDuuw taalle bííyyo hí hé Waaˈgiet onnow. Iiy-hí, he hí hát kinaallá yeet.

Eféso 1:6

giri mú ˈdúˈjímlé-, ˈdúwáállá taalle ke mú ki memeyoká. Waag ˈdúˈjímlé-, múún gáál ˈdú ookodmichóóllá mú inylé galaamká ˈdaallé muí muun gáál ki shie.

Eféso 2:7

Hééllá Waag hí ekeychééllá, he giri bár ˈdaatika, Waag ˈdúˈjímle hát ˈdúˈjím lulle af mé iđoká gálaat aargisichoká. Múúni ki Kirísto hol liladhééllá Waag hát gáál ki midhabká gálaat hí argeka, Waag ˈdúˈjímlé ˈdúwáállá gálaat haí kiimita.

Eféso 4:1

Aaléka, yáá ˈdaa Máá kúnnaa Guđokáka, hiigin gaa ijóóllá, gillo yú hí ki efe, yaalmit midhab-, Waag hí kí viiyyeká hát ˈdabaanká gaa yíéđía.

Filíbi 1:11

Héétí Yiesu Kirísto hí kuol gaa chiirat-, hí hé midhabká ekemeycho-, Waag íín hí ˈdúúw ubaa meeny gaa aargiˈdoká.

Filíbi 2:11

Tá erb gálaat lulle Yiesu Kirísto Máá Guđo he met lulle ˈdú guđoká hai yeedhe. Tá hé kinaallá ˈdugaka, ˈJaa kúnnaa Waag íín ˈdúúw hai egedhdhe.

Filíbi 4:20

ˈJaa kúnnaa Waag guchle taalle bííyyó biiyo gálaat hí meemeyo. Iiy-hí, he hí hát kinaallá yeet.

Tímote ki Naamaká 4:18

Máá kúnnaa Guđóóllá he met lullé ˈdeđewká ha ye gáá biisia, mu Guchlé Uratiká naanná hai ye egee. Mú taalle bííyyo, gálaat hí meemeyo. Iiy-hí, he hí hát kinaallá yeet.

Bétiro Erká 2:5

itín úba hát hí waar luogol-, Waag hí ˈbílle ki ˈdiˈdisatoká. Itín úba hí Waag gállé suoryo-, Waag hí taak koote-, suor kíchia hodhinne-, hí Waag shigichoká ˈdaa Yiesu Kiristoka Waag hí met gaa egeetoká.

Bétiro Erká 5:11

Fargogínt taalle bííyyó biiyo hí mú hélle yeet. Iiy-hí, he hí hát kinaallá yeet.

Bétiro ki Naamaká 3:18

Tá Máá kúnnaa Guđo-, Rubachiet-, Yiesu Kirísto lééllá ˈdúˈjímle ubaa onyle ki hiráa. Káána ubaa bííyyo, ˈduuw taalle hí mú hélle yeet. Iiy-hí, he hí hát kinaallá yeet.

Yúúa 1:25

Waag tikiˈde-, tákámle Rúbách kúnnaallá, ˈdaa Máá kúnnaa Guđo Yiesu Kirísto léélláka, bár giri hátle les ma ka kúóninyká, ubaa bárallá, tá bííyyó biiyo, ˈdúúw, kansím, fargogínt, tá hemuumurít lulle hí hélle yeet. Iiy-hí, he hí hát kinaallá yeet.