Eféso 3:10 - Fayam Midhab Yiesu Kiristoká He Hol Af Iđiny Kaanaká

¹⁰ Waag kasleka, ˈdaalimle hátlé met hí hol ká eiyyeká kansimano lullé urietká hí kiimisatká he feˈde. Aalé káána, gál uriet-, kansimano ˈgúóllá, ˈdaa gál Kiristoka, Waag ˈdaalimlé kinaal hai kiimita.

Eféso 3:10 ပူးပေါင်းရင်းမြစ်များ

Róóma 11:33

Waag kamurle ubaa ˈdaalimle, tá he onyle, ebá guđáan! Mú kasle hé tág kaskúnno ˈdú guđo! Mú ˈgierimlé ˈdúwáállá eiy naasanle hé tág gáál far ˈdú gogo!

Róóma 8:38

Tá yáá gon óg, kúfach ubaa luolmít yíekaʼ, gál ˈgasso-, urruká ubaa kansimano aryaanká yíekaʼ, hé baralloká, muuninyka, hé bar ˈdaatiká yíekaʼ, farguoginsam met lulle

Korínto Erká 1:24

Tá gál Waag hí ká viiyye-, gál Yuuˈdi yíekaʼ, gál Hellen yíekaʼ, nyiin nyí fayamééllá ki ˈdiyeennallá, gaal íínka fayamééllá he Kirísto, giri Waag fargogintle ubaa Waag ˈdaalimle hí gaa iđoká.

Korínto Erká 2:7

ˈDaalim nyí ˈdiyeennallá he ˈdeeny geer geđi-, Waag hí hol ki kaayye-, Waag hátlé les ma ka kúóninyká hí murate-, hí muun gáál ki ˈduuwaychoká.

Eféso 1:21

Kansim Kirísto hí ˈguo kinaallá he kansim kansimano, hemuumurít, fargoginsam, tá gugúch, lúl af mé iđoká. Mú kansimle kansimano baralloká ubaa kansimano bar ˈdaatiká hátlé met hí hol ká eiyyeká, lúl af mé he iđa.

Eféso 1:23

Gál Kiristo he Kirísto gónlé. Kirísto he lullé biiy lulle gaa ijoká hí ki ijóóllá hé fargogintle gálle koch ki hoy.

Eféso 1:3

Máá kúnnaa Guđo Yiesu Kirísto ˈJaallé Waag gáál hé ˈdúwa-, hodhinne-, uratiká lulle gáál Kirísto ˈdaalle kí shieká, gaalí meeyo.

Eféso 1:8

Waag ííni ˈdaallé-, he met lulle hol ka ógká hé ˈdúˈjímlé kinaal muun gáál súm ˈdú ookodmiche!

Eféso 6:12

Ooskúnno hé oos ke gálaat hol yegeská muuniny, he oos ke kansimano aryaan-, bííy urietká ubaa bííy lesallo-, gaa ongʼoˈde-, gálle édhúm Waaˈgiet ma árginyká mé ki ˈgiiyyo-, hátlé met hí hol ká eiyyeká ke hol kí ririatká.

Kolosááya 1:16

He lullé Waag hí ka kuonnééllá Íny ˈdaallé he ká nadhe. He lullé úr ubaa les gaa ijo-, ki argo-, ubaa ki ma arginy-, hát káána kansimano met lullé urietallá Íny ˈdaallé he ká nadhe, Waag hí mú kí kuonne.

Kolosááya 2:10

Aalé ˈdaa giri itín hí Kirísto hol ˈdú faanneká, Kirísto hé hí gaa ijo, it he lullé luolmit kíchia kaana-, hí argiyyééllá ˈduwasichoká argiyye. Kiristóóllá in kansimano lulle mé.

Kolosááya 2:15

Kirísto hé kansimano lullé aryaanká hemuumurít gaa eey, gáál gálaat metle kern gaa ˈgidhie. Mu ˈdaa giri ˈgór đarám yaalká ˈdú kufekáka, mu hé kansimanóóllá a mé kí ˈjie.

Tímote Erká 3:16

Hé fálaam mánká he kieye, Waag héllé geer geđi-, káána ke ógallá ebá guđáan! Kirísto hé gon kaadhdhe, lésallá ki ˈdalidhe. Hím Naasan Waaˈgiet hé mú ˈduuwle ká edhesiche. Mu hé gál ˈgasso-, urruká hí arge. Mu hé gaalí kidhano hurt gaa ˈdiiyime. Mu hé gaalí lésallá iiy gaa yie. Héétí hé Waag hí guchlé uratiká mé ki niiyye.

Bétiro Erká 1:12

Gaal fayamééllá ˈdiiyimeká Waag hé hát gaal hol hujich ma ki nannîny-, itín hí hujich kí nannieká hé gáál argisiche. Gál káána hí fayam tikiˈdééllá ki ˈdiiyimééllá hé Hím Naasan Waaˈgiet úr yé gáá ˈdiiyyeká fargogintle hí ki ˈdiiyime. Waag gállé ˈgasso-, urruká úba hééllá hol eiy gaa nannasatká hé tág fedo.

Bétiro Erká 3:22

Aalé Kirísto tikiˈde kinaallá in úr mé nie, káána Waag gíl ˈdaa naaniet ija, gál urru-, ˈgasso-, Waaˈgietká ubaa kansimano lullé met hí hol ká eiyyeká hí hemuumuritle gim gaa ija.