Eféso 2:6 - Fayam Midhab Yiesu Kiristoká He Hol Af Iđiny Kaanaká

⁶ Aalé Waag hé múún gáál Kirísto ˈdú fiiyye, gáál Kirísto hol uushich ˈgar yé ká ˈdeeyche, gáál úratí Yiesu Kirísto hol af iđiche.

Eféso 2:6 ပူးပေါင်းရင်းမြစ်များ

Matááyo 26:29

Yú hí geeye, aalé káána ki gaa ijóóllá yáá geđi ˈduuny vinna ma igiminy, ˈdaab Guch ˈJaachú álle ke ˈduuny vinna kaanaká hol ˈgar ma gaa înyká, Yíésu hí lalille yie.

Lúka 12:37

Gál gédeká máállé guđoká hol ká nadheka, íín in bano-, karaf gaa ˈgieka, ger haí gaa meedhe. Hé ˈdúwaká yú hí geeye, máá guđo kinaallá đafaraam gede hí ˈguoká hai higita, gáál kara ˈguomietká álle hai iđimia, gáál hai golmia.

Yuána 12:26

Máá hújíchchú nannuoká, hí ye el gáá veero. Ál yú ijoká in gédéchchú úba hí ija. Máá hújíchchú nannuoká, ˈJaachú haí ˈduuwaya.

Yuána 14:3

Yú sedhe-, hí ali tág kí koyka, hollo hol ká naadha, haí egedhdhe, giri itín úba ál yú ijoká hí yíéđiannoká.

Eféso 1:1

Yú he Báulo, máá Waag hát hí ki feˈdeká, hí máá ali gaa kaany-, Yiesu Kiristoká hoycheká. Warˈgatééllá it Waaˈgiet, hí Eféso gaa iđa-, hí Kirísto iiy chie-, hí mú hát ˈdabaanká el gaa igiˈdaká, yú hí ˈdu gáá verene.

Eféso 1:3

Máá kúnnaa Guđo Yiesu Kirísto ˈJaallé Waag gáál hé ˈdúwa-, hodhinne-, uratiká lulle gáál Kirísto ˈdaalle kí shieká, gaalí meeyo.

Eféso 2:10

Múún ke hé lilammo-, Waag hí tág koyyeká. Waag múún gáál gál Kiristo hoycheká, in muun hújích midhab-, Waag hí kíssóótí gáál met tág koyyeká ki nannaa.

Eféso 2:13

Aalé káána, ˈdaa giri Waag hí Yiesu Kirísto ˈdú fiiyyeká, it érléká Waag gaa faganayyeká, it fás Kiristo hí Waag kí ˈjobonoy.

Kolosááya 1:18

Mu ííni Ínyííllá he gon mé. Gónallá he gál mú iiy yieká. Mu íín dhúrle he mé gáá koon. Gál uushim yiem gáá ˈdeˈdeenká máállé méteká he mu ííni, giri he met lulle mé ki yaalká.