Eféso 2:3 - Fayam Midhab Yiesu Kiristoká He Hol Af Iđiny Kaanaká

³ Múún lulkúnno érléká yaalmit tikiˈde gal kinaallóóllá ke ki ije, giri gónkúnno baltle ki geymisie-, he feditle ubaa kasle ki el gaa igireká. Hát tikiˈde Waag gál hí af đuˈdusanká ˈdú iiđidhanno-, gáál bár ˈdaatika he il ka aargisichóóllá, hé úba érléká idhokúnno ˈgayye.

Eféso 2:3 ပူးပေါင်းရင်းမြစ်များ

Márko 4:19

kor gáál tawuny lesalloká haí ká hille, gáál kamur lesalloká haí laate, gaal hé burnayká he fede. Hát ˈguor híí ˈguo-, hirís bolosíélláka, hééllá lulle gálaat ger hileka, in gaal ˈdéé nee ma kokony, hát Waag hí feˈdoká el ma gaa igiriny.

Yuána 1:13

Gál mú iiy yíéllá ˈdalmaat káána-, he kí ˈdalidhééllá hé ˈdalmaat aađa-, fás gonniet-, gálaat hí hol kí hođuoká muuniny, hééllá he ˈdalmaat Waag yé gáá ˈdiiyyeká.

Yuána 8:44

Itín ˈjaa kíchia hí léká he Sátan. Itín hát ˈjaakícho hí fedoká hí el gaa igiˈdoká hí feˈde. Máá kinaallá he máá aale-, gálaat yeges-, hé ˈdúwaká ma ki yaaliny-, hé ˈdúwaká hí gaa mánká. Mu af giri hódho higiloká in hélle tuuˈdle hogodho. Hééllá he ˈdaa giri mu hódho lé-, hódho ˈjaa léká.

He Ekeny Gál Alb Fimiká 14:16

Kíssóótíá mu kidh mé ki hay, giri gaal hátlé fedeká sesemeká.

Róóma 1:24

Hééllá ˈdaalle ˈdugaka in gaal héllé fedo-, gaa nyakarichká Waag hí ˈdú hayche, giri gaal babatle el gaa igiro-, hé kern mantiká ekemeyoká.

Róóma 11:30

It gál gál Yuuˈdi muuninyallá, it héle hát Waag hí feˈdeká điite. Aalé káána gál Yisirayel hát Waag hí feˈdoká điidhééllá, in itín hí Waag geer guuralle argiyye.

Róóma 13:14

Héél afleka, kí Máá Guđo Yiesu Kirísto húgúmle ˈguo, ha ke balt gaa nyakaridhe-, gonnietká tawunyle ˈgíiny.

Róóma 2:14

Gál kidhdho-, hemuumurit Waag hí gál Yuuˈdi shiicheká muog-, kor hé midhab-, hemuumurit kinaal hí hogotoká ekemeyoká, gál kinaallá dhúrle hé hemuumurit kinaal hí gaa iđo.

Róóma 5:10

Har káána úba ke Waag hol ka kídh onnoyka, Waag kúfách Inylééllá hé muun ubaa Waag gáál hol hilsie. Aalé káána ke Waag hol ka kídh muuninyallá, hát gon ke rubach aargiroká hé ke óg. Waag Inylé luolallá in muun gáál luolmit biiyoká shigia.

Róóma 5:9

Aalé káána, Kirísto fásle ˈdaalle ˈdugaka, Waag múún gáál gál ˈdúwaká hoyche. ˈDaa giri ke hé kinaal ógká, Kirísto hát muun gáál Waag idholle ubaa he il ká argisinyle gáál gaa ririanká hé úba ke óg.

Róóma 6:12

Aaléka, ađaabano hai gón kíchia-, aadh ˈdaatika kufunannóóllá he ki mumúriny, hí gon baltle híliny.

Róóma 7:18

Hát hé níínní midhab-, ye gaa ijo-, mánká yáá óg. Yú hé ˈdúwaká ekemeyoká fede, kor fargogint hé kinaal ki ekemeyoká yáá mán.

Róóma 9:22

Tá Waag ííni fargogintle gálaat aargisicheká feˈde-, gál hí điidheká idholle ˈdú iđimicheká feˈdééllá, har hol tiiyye-, gál onnônyka he beđisate-, idholle ˈdú iđimiche kinaal har nog ki sieteka, hééllá meete ˈdeew ke gaa hogodho?

Korínto Erká 4:7

Mááya hí gálaat ˈdú ˈduwanay? Tá hé hí ˈgayyáállá lulle hé Waag hí ma ka shíiny? Har hé kinaal lulle hí Waag gaa argiyyeka, af kinaalka háteka hí he hol bal ki ˈdaraanno-, hí he hát hé shiichoká ma ká dhaˈgaminyal?

Korínto ki Naamaká 7:1

Nyaaram chia yú gielallo, ˈdaa giri Waag muun gáál hééllá lulle af iđicheká, ameeny hé ˈdeđew-, gón gelle ubaa sídh gelle gaa ijo-, muun gáál ˈdeđeneyoká lulle kí hol gaa dhiiro, kí Waag kiikiat, kí gál Waag hát ˈdabaanká ennianká yeet.

Galátia 3:22

Tá Warˈgat Waaˈgiet hé gálaat lullé les gaa ijoká hát ađááb hí hiigiteká huogote, giri ˈdúˈjím Waag hí gáál af iđicheká Waag hí gál Yiesu Kirísto iiy yieká shigichoká.

Eféso 2:2

Af giri hí hé ˈdeđew-, lesalloká gaa seseenneká, it af đuˈdusiny ubaa ađaabano kinaallá gaa iđe. It úba aryáán máállé guđo-, aryáán bííyle kansimle ˈguoká ˈdeenyle el gaa veeˈde. Máá kinaallá ííni gál Waag af đuˈdusanká he gaa mumura.

Eféso 4:22

Yaalmit kisso-, hí ki iđeká, hát gon hí hađichaká it gaalí onisie. Kíssóótí balt kíchia gaa nyakaridheká hé hí nyimisate, hí bađisiche.

Kolosááya 1:21

Kíssóótí it Waag hol eiy gaa ˈgisate, tawunykícho ubaa he ekeny kíchia ˈdeđewká hé hí gál Waag ka kídhká hoyche.

Dhesaloníke Erká 4:13

Nyaaramkínyo, aaléka, yaalmisano gál Yiesu Kiristo kis mán yieká he onisinyle hí muogká nyáá nyí ma fediny, giri itle hát gál mú iiy ma yéen-, uushim yiem gáá ˈdím met esinyle mán-, ger hí gaa ˈdeđenetkáka itín ger hí ma gaa ˈdeđenenká.

Dhesaloníke Erká 5:6

Aaléka, hát gáál ˈbáál ram hí ˈdú ˈjeˈjeennóólláka, ha ram gáál ˈdú ˈjíiny. Kí in bano, met hí gáál ˈdú ˈgie.

Tímote Erká 6:9

Tá gál súm kaamurawká fedoká hé ˈdeđew-, tagle muuniny-, ki kaamurawká he ekemeye. Gaal he feditlé đeemo-, burnayye-, gálaat ˈdeđeneychóóllá he hát naar gaal íín dhúrle ˈgiiliˈgayyo-, gáál beđisato-, gáál mé ˈgiidhichoká.

Títo 3:3

Muun úba héle kíssóótí he gál đées-, metle ki seseme-, hé lesalloká hí nyiimite-, bált met lulle ˈgar kirmite-, hé ˈdeđewká gaa seseme-, hinááf ˈgie-, gálaat hí nebeney-, íín úba hol nebeneyká.

Bétiro Erká 1:14

Aaléka, ˈdaa giri hí um Waag af ˈduwasuoká chieká, balt af giri hí Waag moonnoyyeká hí ˈgayyeká haí geđi hol ˈdú náan.

Bétiro ki Naamaká 2:14

Gaal aadh lulle ˈgál ˈdíét af ˈgoˈgorot-, hergisanká hol gaa ˈgeˈgedhe, gaal hé hé ˈdeđewká ekenyle ma haađiny. Gaal gál Kiristo ma hirânyká he baađisia, nyuogim ubaa ađaabano met ki kokoo. Gáál gerle he hol ki fedít gaalí onodheká hí koch. Gálallá idho Waaˈgieto he gim gaa ija.

Bétiro ki Naamaká 2:18

Gaal ˈdeem churshamo-, ˈdúúw mánká he hogodho. Gaal gál ˈjobintéél hé gaa nyakarichká kar gáá ˈdaneká he laladhdha, balt gónlé gaa nyakaridheká he gáál af ki ˈgoˈgoˈdo.

Yuána Erká 2:16

Hééllá he ˈdaa giri he met lullé les gaa ijo-, hát káána balt ˈdeew-, gonietká yíekaʼ, bargaab hé gálaat inle hí fedoká yíekaʼ, héétí hé gálaat hí ˈguo-, ubaa hí ekemeset-, hí hol ki memeyoká yíekaʼ, hééllá lulle hé ˈJaa kúnnaa Waag yé ma gáá ˈdeˈdeminy, lésallá he yé gáá ˈdeˈdeme.

Yuána Erká 2:8

Tá hemurit yú hí ˈdu gáá vereno-, hol geelnedhíe, chegetallá íín he hemurit kaanaká. Yíésu hé hemuritééllá ˈduuwle ki ijo. Tá káána itín úba it hemuritééllá ki iđa, ˈdaa giri bííy gaa onˈgoˈdeká ká bebeyyo-, bííy ˈdúwa-, gaa édhká ka eedheyyoká.