Eféso 2:2 - Fayam Midhab Yiesu Kiristoká He Hol Af Iđiny Kaanaká

² Af giri hí hé ˈdeđew-, lesalloká gaa seseenneká, it af đuˈdusiny ubaa ađaabano kinaallá gaa iđe. It úba aryáán máállé guđo-, aryáán bííyle kansimle ˈguoká ˈdeenyle el gaa veeˈde. Máá kinaallá ííni gál Waag af đuˈdusanká he gaa mumura.

Eféso 2:2 ပူးပေါင်းရင်းမြစ်များ

Matááyo 11:19

Tá yáá Iny Máádhátallá ká yimie-, nyí gálaat hol ˈgar gololsote-, nyí gáál he hol ˈgar iyyeká gálaat hé hol geđuoká kieye, Bá dhaayyíe, máállá ebá he kokoo! Mu ebá bersh igima! Mú sheelle har gál gálaat birm gaa gugusatká ubaa gál ađaabano ˈguokaa! he ye yegedhe. Tá ˈdaalim Waaˈgiet hát ke kiimisatká he hé midhab ˈdaalim kinaal hújíchle yé gáá ˈdeˈdeenká, Yíésu hí gáál yie.

Matááyo 13:22

Ár ál híí ˈgayyoká les gaa ˈdaneká hélle he hát máá ˈdeeny Waaˈgiet maaleka, ˈdéé iiy yeet-, kor hé lesalloká ˈgar kirmisat-, kamur lesalloká hí lalaat-, hát Waag hí feˈdoká el ma gaa igirinyká.

Matááyo 13:38

Les ˈguom hí gáá igitoká íín he lés ke ˈdú ijóóllá. Ár midhabká íín he gál Guch Waaˈgiet léká. Iish íín he kídhích kúnnaa Sátan gállé.

Márko 4:19

kor gáál tawuny lesalloká haí ká hille, gáál kamur lesalloká haí laate, gaal hé burnayká he fede. Hát ˈguor híí ˈguo-, hirís bolosíélláka, hééllá lulle gálaat ger hileka, in gaal ˈdéé nee ma kokony, hát Waag hí feˈdoká el ma gaa igiriny.

Lúka 16:8

Aalé máá giri guđoká máá hí aanyle mé ki yiel-, aany ki aaˈdumeká hinyamlé koy kinaal meey. Gál lesalloká hé ˈdaalim gállé lesalloká hurt ki seseenká ˈguo. Gál édhúm Waaˈgiet gaa ijoká íín hé ˈdaalim hatallo-, gál lesalloká hurt ki seseenká mán.

Lúka 22:31

Aalé Yíésu Bétiro vie, mú geey, kieye, Símon, Símon, bá dháash, Sátan hé gil ká efiyye, kúúni he ko feˈde, giri hát sííndíkaʼ ko ereny kiiychoká.

Yuána 12:31

Waag aleđuđugul lésallá ˈdéé ki iđimichoká kálle hé ká maˈde. Kánsích lesallo-, Sátan léká Waag les haí gaa aruanna.

Yuána 13:2

Aalé Yíésu ubaa lalille hátlé gólól gelgaká gaa ijeká, Yúúˈdas Iskáryot giri iny Simonká af kinaallá meeny gíri Sátan hí he mé gaa kaayye, giri gál Yíésu oosle ˈguoká Yíésu ˈdu gáá egewká.

Yuána 13:27

Yúúˈdas tikiˈde balashá af gaa kakaatallá đo Sátan hí hille. Yíésu Yúúˈdas geey, kieye, Hé kua ekemeychoká đo káánallá ékesh, yie.

Yuána 14:30

Yáá ál ˈjíig hí ki geeyoká mán, ˈdaa giri kánsích lesallo-, Sátan léká ká yiimetká. Máá kinaallá hé níínni ye gil kí mumuroká mán,

Yuána 15:19

Itín hí lésallá gálle kátaka, les hát hí léká gálle onnônyka hé hí giel. Itín ˈdaa giri hí gál lesalloká muuniny-, yú hí waaˈde-, hí lésallá gíl sug ki haycheká in les gálle hí neb.

Yuána 16:11

Tá ˈdéé ki iđiny muí gálaat eiy ki nannúóllá, he ˈdaa giri Waag kis kánsích lesallo-, Sátan léká ˈdéé ki iđicheká.

Yuána 7:7

Lésallá gálle íín hé hát hí neebenetká mán, máá he nébká he yú, ˈdaa giri gaal héllé ekemeyoká hát he gaa nyakarichká ˈduuwle yú hogodhoká.

Yuána 8:23

Aalé Yíésu kín ˈdéé huogodhe, kieye, Itín lésallá hí le, yú íín úrro le. Itín hí gál lesallá, yú íín yáá máá lesallá muuniny.

Yuána 8:44

Itín ˈjaa kíchia hí léká he Sátan. Itín hát ˈjaakícho hí fedoká hí el gaa igiˈdoká hí feˈde. Máá kinaallá he máá aale-, gálaat yeges-, hé ˈdúwaká ma ki yaaliny-, hé ˈdúwaká hí gaa mánká. Mu af giri hódho higiloká in hélle tuuˈdle hogodho. Hééllá he ˈdaa giri mu hódho lé-, hódho ˈjaa léká.

He Ekeny Gál Alb Fimiká 19:35

Aalé máá ˈjien kinaal warˈgasamlé nyatalaamká gilka ˈguoká gáál shab hoy, kieye, It Efesóóllo, múúni giri ke gál ˈjien Efesóóllá Artémes guđóóllá ˈbíllé ke gaa vivisatká ubaa wárlé úr gáá ˈjieká hát ke ˈdeˈdeenká les lulle gálya hí gaa muog?

He Ekeny Gál Alb Fimiká 5:3

Aalé Bétiro Ananías vie, kieye, Ananías, háteka Sátan ko hille-, kuun Hím Naasan Waaˈgiet nyimisate-, bíre giri les yiateká ˈdáá tikiˈd hát hinyamietká kaatéel?

Róóma 12:2

Haí húgúm lesalloká enîny, hol Waag ˈdú hayyíe, Waag hí hol gaa layyo, hí tawuny ˈdúwaká shiicho. Hí hatal ˈdiiyyeka, in Waag he gaa feditlé midhab-, taglé-, mú geer gaa memeychoká hí ekemeyche.

Korínto Erká 5:10

Tá yáá kieye, gál lesallo-, herginy ađááb ˈgayyoká gaa seseenká ubaa gál he lulle hol ki feefedoká, gál buruanká, héétí gál waagam hódhoká vivisatká hol geđîny, ma yegen. Har itín hí gál hatallóóllá hol ma geđinyka, hí lésallá geerle lúl yé gaa ˈdiiyyeka kalat.

Korínto Erká 6:11

Itín ˈbaal it hé kinaallá gaa iđe. Tá káána it Máá kúnnaa Guđo Yiesu Kirísto ubaa Hím Naasan Waaˈgiet hí ađaabano kinaal gaa dhiire, hí gál saas mán-, Waag innumleka ˈdúwaká hoy.

Korínto ki Naamaká 4:4

Máá lesallo-, hol Waag hođuo-, Sátanlééllá hé gál Kirísto iiy ma yegenallá kasle chúg hoy, giri gaal Fayam Midhab Kiristo-, máálle ˈdúwa-, yaalmit Waaˈgiet ˈgúóllá ˈduuwle ma kiimisanká.

Galátia 1:4

ˈJaa kúnnaa Waag hát he fedeká in Kirísto nyuogim ubaa ađaabanokúnno ˈdaalle hol ˈdú sillie, giri mu gáál yaalmit gaa nyakaridhe-, barallóóllá gaa ririanká.

Eféso 1:21

Kansim Kirísto hí ˈguo kinaallá he kansim kansimano, hemuumurít, fargoginsam, tá gugúch, lúl af mé iđoká. Mú kansimle kansimano baralloká ubaa kansimano bar ˈdaatiká hátlé met hí hol ká eiyyeká, lúl af mé he iđa.

Eféso 2:11

It halúg gál gál Yuuˈdi muuninyká hí ˈdalóóllá, gál Yuuˈdi hol gál hermisatká yegetallá itín gál ma hermisanká hí yegedhe. Hermisan yú hogodhóóllá he hermisan gálle gaalí tudaam gaa mumuroká. Aaléka, onnóo! Itín érléká it Kirísto hol ma lilêny, it úba gál hí gál Yuuˈdi yegieká mán. Af iđiny Waag hí gálle af iđicheká it úba gaa lalayye. Lésallá hí gaa iđe, kor it Waag moonnoyye, it úba hé midhab hí táb ˈdoˈdoote-, hí met egeteká mán.

Eféso 2:13

Aalé káána, ˈdaa giri Waag hí Yiesu Kirísto ˈdú fiiyyeká, it érléká Waag gaa faganayyeká, it fás Kiristo hí Waag kí ˈjobonoy.

Eféso 2:3

Múún lulkúnno érléká yaalmit tikiˈde gal kinaallóóllá ke ki ije, giri gónkúnno baltle ki geymisie-, he feditle ubaa kasle ki el gaa igireká. Hát tikiˈde Waag gál hí af đuˈdusanká ˈdú iiđidhanno-, gáál bár ˈdaatika he il ka aargisichóóllá, hé úba érléká idhokúnno ˈgayye.

Eféso 4:17

Aaléka, ˈdaa Máá kúnnaa Guđokáka, yú hí hééllá geeye, hí mé gaa kaa: Gál Waag ˈduuwle muog-, tawuny hí ˈdúúw mánnallá yaalmisanollé gaa seseen kinaallá haí geđi gaa íđiny.

Eféso 4:22

Yaalmit kisso-, hí ki iđeká, hát gon hí hađichaká it gaalí onisie. Kíssóótí balt kíchia gaa nyakaridheká hé hí nyimisate, hí bađisiche.

Eféso 5:6

ˈDaa giri Waag gál hí af đuˈduse-, hé ˈdeđew kinaal gaa seseenká ˈdú idhanne-, gáál he il ká aargisichoká, máádhat haí ˈdeem nyag maamanká ki nyiimísan.

Eféso 5:8

Itín kíssóótí bííy gaa dhátká hí gaa iđe, káána ˈdaa giri hí Máá kúnnaa Guđoká hol lileteká it hí mú édhúmle argiyye. Édhúm kinaallá gaa yíéđía.

Eféso 6:12

Ooskúnno hé oos ke gálaat hol yegeská muuniny, he oos ke kansimano aryaan-, bííy urietká ubaa bííy lesallo-, gaa ongʼoˈde-, gálle édhúm Waaˈgiet ma árginyká mé ki ˈgiiyyo-, hátlé met hí hol ká eiyyeká ke hol kí ririatká.

Kolosááya 1:21

Kíssóótí it Waag hol eiy gaa ˈgisate, tawunykícho ubaa he ekeny kíchia ˈdeđewká hé hí gál Waag ka kídhká hoyche.

Tímote ki Naamaká 4:10

ˈdaa giri ˈDémas lésallá hélle giel-, ye hay-, Dhesaloníke mé nieká. Kerékes hé Galátia mé nie, tá Títo íín ˈDalmátia mé nie.

Yákob 1:27

ˈGíérích ˈdúwa-, Waaˈgiet-, saas mán-, ˈJaa kúnnaa Waag hí fedoká hééllá: um híyeská ubaa ˈdeg híyeská héllé hí ki ˈgierˈgereká ke ˈdú chichirat-, ubaa yaalmit lesallo-, gaa nyakaridheká ke hol gáá faaganayoká.

Yákob 1:7

Máá yaalmit kinaallá ˈguoká hát Máá Guđoká he ma gaa aargirinyká hí onnow.

Yákob 4:4

It Waag af gaa taannéel, hé lesalloká geelnetle hát Waag nebítiká it múog? Máá hé lesalloká geelnetká kídhích Waaˈgieto hol hoy.

Bétiro Erká 1:14

Aaléka, ˈdaa giri hí um Waag af ˈduwasuoká chieká, balt af giri hí Waag moonnoyyeká hí ˈgayyeká haí geđi hol ˈdú náan.

Bétiro Erká 4:3

It kíssóótí hé gál Waag muogká hí eekemey-, gálle kern mannay-, babát hí faanne-, bersham hí fafame-, hol hursam ki hergime-, ubaa waagam hódhoká viviteká úba it álle gaa seseenne, warram ki beesete.

Bétiro ki Naamaká 2:14

Gaal aadh lulle ˈgál ˈdíét af ˈgoˈgorot-, hergisanká hol gaa ˈgeˈgedhe, gaal hé hé ˈdeđewká ekenyle ma haađiny. Gaal gál Kiristo ma hirânyká he baađisia, nyuogim ubaa ađaabano met ki kokoo. Gáál gerle he hol ki fedít gaalí onodheká hí koch. Gálallá idho Waaˈgieto he gim gaa ija.

Yuána Erká 3:10

Yaalmit giri ke um Waaˈgiet ubaa um Satan hol eiy gaa nannasatká hééllá: Ameeny máá hé ˈdúwaká ma ekemenyká hé veel Waaˈgiet muuniny, héétí máá nyaaramlé Kiristoká ma geelnenyká hé úba veel Waaˈgiet muuniny.

Yuána Erká 3:8

Máá hé ˈdeđewká gaa seseenká íín máá Satan. Hé kinaallá he ˈdaa giri ameeny les mé gáá koonle, ˈjíig káána ke gaa ijóóllá, Sátan hé ˈdeđewká gaa seseenká. ˈDaa kinaallá ˈdugaka in Iny Waaˈgietallá ká yimie, giri hújích Satan eiy fufumuoká.

Yuána Erká 4:4

Umééllo, itín hí gál Waaˈgiet, ití gál mú ka kídhallá ká adhate. Hééllá he ˈdaa giri Máá hí geer gaa ijóóllá kídhíchlé les gaa ijoká far ˈdú gogoká.

Yuána Erká 5:19

Muun hát ke um Waaˈgietká hé ke óg, kor lésallá lulle íín Sátano he gíl geer gaa iđa.

Yuána Erká 5:4

Ameeny máá ˈdalmaat Waag yé gáá ˈdiiyyeká ˈdalidheká hé lesalloká he ká aađadhdha. Hé lesalloká hé ke kí aađaatká he iiy yeen kúnnaa ke Yiesu Kirísto ka ˈgúóllá.

Kí Edhesiny 12:9

Aalé áních guđo-, giri chár hele-, gaalí Waag kídhíchle ubaa Sátan yeget-, les gálle lulle nyiimisatallá gaalí les kí lay, mú gállé ˈgassoká úba gaalí les kí laalame.

Kí Edhesiny 13:14

Binich hé gáál af ˈdaˈdabsuo-, ekemeyo-, bíních erkobká gaa aargiróóllá ˈdaalleka in gáláát les ˈdug ˈdú ijoká ki nyiimita. Tá binich gáál he ki mure, giri gaal bíních faaˈd órofká hí muˈde-, liil onnônyká hí chegieská ˈgie-, kor bieká yaalmitle gaalí tág nannuoká.

Kí Edhesiny 13:8

Ameeny gál les ˈdug ˈdú ijo-, meetle Waag hátlé les ma ka kúóninyká Waag hí Élíny gaalí yieská warˈgatlé luolmitiká ma gaa véérinyká binich met les kurram hai gaa ˈdarama, binich hai meeye.

Kí Edhesiny 16:17

Aalé máá ˈgasso-, urru-, ki tiiyaká kedmitlé idho Waaˈgiet hí gaa iđeká úr gáá okodie. Aalé ˈBíl Waaˈgiet karallé guchi-, hí gaa ijeká ˈdéé hót ˈdérká hí yé gáá ˈdiiyye, kieye, He hé đue! chie.

Kí Edhesiny 20:2

Máá ˈgasso-, urru kinaal áních giriká ká ˈgiliˈgay, warram shíí tikiˈd gaa hiigidhe. Áníchallá he chár hele-, Waag kídhíchlé-, gaalí Sátan yegetká.