Eféso 2:10 - Fayam Midhab Yiesu Kiristoká He Hol Af Iđiny Kaanaká

¹⁰ Múún ke hé lilammo-, Waag hí tág koyyeká. Waag múún gáál gál Kiristo hoycheká, in muun hújích midhab-, Waag hí kíssóótí gáál met tág koyyeká ki nannaa.

Eféso 2:10 ပူးပေါင်းရင်းမြစ်များ

Matááyo 5:16

Hát tikiˈdééllá édhúmkícho hí gálaat met gaa edhew, giri hé ˈdabaan kíchia hí ekemeychoká gálaat hí aargiro-, gaal ˈJaa kíchia úr ijoká memeyoká.

Yuána 3:21

Tá máá hé ˈdúwaká el gaa igiroká in édhum álle yé ˈdú ˈdeˈdeme, giri héllé eekemeyká ˈduuwle hát ˈdaa Waaˈgiet ki ekeyká gálaat hí kiimisatká.

He Ekeny Gál Alb Fimiká 9:31

Aalé af kinaal gál Kiristo lés Yuuˈdia ubaa lés Galilaaya tá lés Samaria gaa ijeká lulle hím a níínni mare nie. Gaal Hím Naasan Waaˈgiet hí fargogonoyche, mú ˈdúˈjímle gaa yíéđie, Máá Guđoká a maale, met gaa keekeme, úba heere.

He Ekeny Gál Alb Fimiká 9:36

Aalé Yóóba álle min lali Yiesu-, gaalí Tabídha yegie mare hí gaa iđe. Min meenylé kinaallá af gál Hellenka ˈDórkaso gaalí yeedhe. (Tabídha tá ubaa ˈDórkas hélle kieye, Ginte.) Min aadh lulle hé midhabká gálaat ki ekemeyche, gál he maamanká he shigiche.

Róóma 8:1

Aalé káána ameeny gál Yiesu Kirísto ˈdú fameká, hé Waag hí ma ˈdeđensen.

Róóma 8:29

Waag hé gállé hátlé ma ka ˈdaláanká óg, hé úba gáál taak koyye, giri gaal hát mú Inyle yeget-, Iny gál burnay-, hol nyaaramallá angʼalle yegetká.

Korínto Erká 3:9

Nyiin hullaakínyo hújích Waaˈgieto nyí hol ˈgar nanniyya, itín íín he lés Waaˈgiet ke hí fieká. Héétí itín hí ˈbíl Waag hí ˈdiˈditoká.

Korínto ki Naamaká 5:17

Aaléka, máá Kirísto hol ˈdú fameká hé Waag hí káána hoyche, mu hé yaalmitlé kissoká gaa láʼ. Ebá mú dhaayyíe, mu hé káána kí yie!

Korínto ki Naamaká 5:5

Máá muun gáál ka kuone-, gáál gón kaana-, biiyóóllá ka shigúóllá he Waag. Waag íínííllá in gáál Hím Naasanle ká shiiche, giri luolmit biiyo kinaal ke met gaa ógká.

Korínto ki Naamaká 9:8

Tá Waag ˈdúˈjímle hát lulle hí ˈdú okoˈdmichoká hé uˈdo, giri itín aadh lulle hí he ˈgayya-, tá hí gálaat hát lulle ˈdú ˈjeˈjeennoká hí uˈdaká.

Galátia 6:15

Máádhat hermíte yíekaʼ, má hermisan yíekaʼ, hé naamáállá hé máádhat innum Waaˈgiet máá ˈdúwaká ma gaa hođiny. Hé ˈdúwaká he máádhat geđi Waag hí káána kí hođichoká.

Eféso 1:1

Yú he Báulo, máá Waag hát hí ki feˈdeká, hí máá ali gaa kaany-, Yiesu Kiristoká hoycheká. Warˈgatééllá it Waaˈgiet, hí Eféso gaa iđa-, hí Kirísto iiy chie-, hí mú hát ˈdabaanká el gaa igiˈdaká, yú hí ˈdu gáá verene.

Eféso 1:4

Waag hátlé les ma ka kúóninyká in muun gáál waarate, gáál Kirísto ˈdú fiiyye, giri Waag innumleka, ke saas mán-, Waag gáál ma ˈdeđensenká.

Eféso 2:13

Aalé káána, ˈdaa giri Waag hí Yiesu Kirísto ˈdú fiiyyeká, it érléká Waag gaa faganayyeká, it fás Kiristo hí Waag kí ˈjobonoy.

Eféso 2:15

Mu hé hemuumurít ubaa nyatalaam gál Yuuˈdi-, gáál hol nebesicheká kúfáchle úba ali ki koy. Mu hééllá ekeyallá, he giri gál met hí naama-, hol ka kídh onnoyká mú ˈdaalleka, hol ˈdú fafaan-, gaal tikiˈd yegetká. Mu hatallá in gáál hol shimít ki mure.

Eféso 2:2

Af giri hí hé ˈdeđew-, lesalloká gaa seseenneká, it af đuˈdusiny ubaa ađaabano kinaallá gaa iđe. It úba aryáán máállé guđo-, aryáán bííyle kansimle ˈguoká ˈdeenyle el gaa veeˈde. Máá kinaallá ííni gál Waag af đuˈdusanká he gaa mumura.

Eféso 2:6

Aalé Waag hé múún gáál Kirísto ˈdú fiiyye, gáál Kirísto hol uushich ˈgar yé ká ˈdeeyche, gáál úratí Yiesu Kirísto hol af iđiche.

Eféso 4:1

Aaléka, yáá ˈdaa Máá kúnnaa Guđokáka, hiigin gaa ijóóllá, gillo yú hí ki efe, yaalmit midhab-, Waag hí kí viiyyeká hát ˈdabaanká gaa yíéđía.

Eféso 4:24

Waag hí gál kaanaká hoychééllá, hí húgúmle kaataká he feˈde. Aalé mú húgúmlé ˈdúwa-, saas mánnallá gaa yíéđía.

Filíbi 1:6

Hé yú él ki mánká hééllá: Máá hí hújích midhaballá gerkícho mé kí kodhdhééllá hát hí ki fedoká hújíchle taalle hai nannaa, ˈjíig kúlích Yiesu Kirísto hí hol gáá nannaatká đig.

Filíbi 2:13

Waag ííni hí gerkícho hujich gaa nanniyya, he urít ubaa fargogint hé mú geer gaa memeyoká hí ki nanniyyoká ha muí shigia.

Kolosááya 1:10

Waag ke hí hatallá kí rogononallá he giri itín yaalmisano midhab-, hí ki iđáállá Máá kúnnaa Guđoká hí ˈdúúw gaa aargiroká. Héétí hí mú hát lulle geer gaa memesicho-, he lullé midhab hí nanniyyáállá taalle saano midhabká hí yiem gáá ˈdeˈdeen-, hí Waag hát ˈdabaanká oonootoká.

Kolosááya 3:10

hí húgúm kaanaká kaateká. Húgúm kíchia kaana Waag hí ka kuonnééllá, Waag kas midhab kasle hol ki égká hí ká shigicha.

Dhesaloníke ki Naamaká 2:17

hí gúóf shiiguo, hí farguogoyo, giri aadh lulle hé hí ekemeychoká ubaa hé hí hogotoká ˈdúwaká.

Tímote Erká 2:10

Gaal hí húgúm he ekeny midhabká ˈgayyoká hol ki ootolo, hát onnônyka gál ˈdíét-, gálle hol gál Waaˈgiet yegetká hí ijoká.

Tímote Erká 5:10

Héétí, min hiyesidhe-, túóy kinaal higilloká hí min húgúmle midhantle gálaat hí óg-, umle kuol kaayye-, dheeg geelneyye-, gál Kiristoká ˈgas ˈjiˈjiyye-, gál maanyjayká geer hí shâw ˈdú yegie-, tá hé ˈdabaan-, met hí hol ká burnayká ekenyle hol ˈdú silmicheká onnoyyo.

Tímote Erká 5:25

Hát tikiˈde kinaallá he ekeny midhabká hé kaany mán, tá har úba káána kaany gaa iđoka, hé ma ereminy, yé hai ká ˈdeenne.

Tímote Erká 6:18

Gáál géesh, gaal hí hé midhabká eekemeyo. Hé midhab gaalí eekemeyóóllá hí hé burnayká yeet. Gaal hí ger gaa ˈdabanaw, gálaat héllé hí ki ˈgierˈgereká úba ˈdú chiichirat.

Tímote ki Naamaká 2:21

Tá máádhat har hé ˈdeđew-, Waag hí ma fedinyallá hol ká ridhdheka, mu hát hé ˈdúwa-, Máá kúnnaa Guđóóllá hí hol taak ki koy-, hí hújíchle ki nannasatká hai yeedhe. Máá hatallóóllá hé tág yaal, giri Máá Guđoká hujichaamlé hí shieká lulle hát ˈdabaanká nannuoká.

Tímote ki Naamaká 3:17

giri ameeny gál Waaˈgiet tagano ˈgie-, hé midhab he ekemeyoká lúl uroká.

Títo 2:14

Mu íín dhúrlé gáál hol ˈdu gáá sillie, giri mu múúni ke mú iiy yíéllá he met lullé gaa nyakarichká gáál gáá bibisuo-, gáál dhidhiro-, gáál gálle hođisat-, gál hé midhabká ekemeyoká gófle ˈguoká gáál hođuoká.

Títo 2:7

He lullé ekemeycho-, ubaa hogotoká húgúm midhabká gaa ˈgab, gáál hí ko ká ennuo. Gálaat he oonisichoká, gálaat he onisiny tagléká hát ˈduwantiká oonísish.

Títo 3:1

Aaléka gáál géesh, gaal hí gál kansím ˈguo-, les met ki ˈgieká guguchle onnow, hí gáál met gaa keekeen. Gaal hí hé ˈdabaan-, ekemeyoká uritle ˈguo.

Títo 3:14

Gálkúnno hé midhab he ekemeyoká hí hol onisuo, hí húgúmle hosot, giri hát ˈguo-, gálaat héllé hí ki ˈgierˈgereká he gaa shiguoká.

Títo 3:8

ˈDeeny yú hí ka geeyallá hé ˈdúwa. ˈDeenyééllá kuun hí af ki googonoychoká yú fede, giri gál Waag iiy yieká hé midhab he ekemeyoká hí mé les gaa ˈdaraanká. ˈDeenyééllá he ˈdeeny ˈdúwa-, gálaat ki midhabká.

Héberew 10:24

Ebá kí hol met ká ˈguo, giri ke hol gogofsuo-, ke gielmít ˈguo-, ke he ekeny midhabká ekemeyoká.

Bétiro Erká 2:12

Gál Waag muogká yaalmisam ˈdúwaká hursam ki yíéđía. Har úba gaalí hé ˈdeđewká af kakaw-, gaalí ˈdeđensetka, hé ˈdúwa-, hí ekemeychoká gaalí argo, gaal hé kúlích Waag hí gáá ˈjeennoká Waag gaa meeyo.

Yuána Erká 1:7

Tá har hát mu íín édhum gaa ijóóllá muun úba ki édhum gaa seseenka, af kinaalka hé ke mú hol ˈdú fame, ke tikiˈd yie, tá mú Inylé Yíésu fásle nyuogimkúnno ubaa ađaabanokúnno lulle hai gáál gaa dhiira.

Yuána Erká 2:6

Máá kieye, Yáá mú gaa ijo, yegetká, húgúm Yíésu hí ki ijeká, úba hí ki yíéđuo.