Eféso 1:7 - Fayam Midhab Yiesu Kiristoká He Hol Af Iđiny Kaanaká

⁷ Múúni giri ke Kirísto gállééllá Kirísto fáslé gáál ki rie, gáál nyuogim ubaa ađaabano gaa eey. Waag ˈdúˈjímle hát fargogoká hééllá.

Eféso 1:7 ပူးပေါင်းရင်းမြစ်များ

Matááyo 20:28

Hééllá he ˈdaa giri yáá Iny Máádhátallá hújích gálaat hí ye ki nannuoká ma ˈdu gáá yímen, gálaat hujich ki nannuoká ˈdu gáá yimie. Yú ka yimíéllá gálaato sídhchú ˈdú silmia, giri gálaat ririanká, Yíésu hí gáál yie.

Matááyo 26:28

Hééllá he fás chia he hol af iđiny-, Waag ubaa gálle hí hol af iđieká ˈduuwayo-, okodmoot-, gál burnayká nyuogim ubaa ađaabano gaa egewká.

Matááyo 6:12

Hé nyí ˈdeeđeneycheká ˈdaalleka nyí ˈdú ˈjé, hát tikiˈde nyiin gál nyí he ki ˈdeeđeneyká nyí ˈdú ˈjiiyyééllá.

Márko 14:24

Mu gáál geey, kieye, Hééllá he fás chia he hol af iđiny-, gál burnayká ˈdaalle ki okodmootká.

Lúka 1:77

Kúún Máá Guđoká hát gálle ririanká gálaat ha ki ˈdiyeenne, giri mu gáál nyuogimle gaa egewká.

Lúka 24:47

Fayam rubachietallá mú meenyle ˈdugaka erkob Yerúsalemo gaalí gaa ˈdiyime, tá gaalí kidh lulle ki ˈdiyime, giri gálaat héllé ˈdeđewká haađuo-, Waag makan fafaan-, Waag hí ađaabano ubaa nyuogim gaa egeyyoká.

Yuána 20:23

Itín máádhat ađaabanollé ˈguoká hí hayche-, hí mú ˈdú ˈjiiyyeka, máá kinaallá úba Waag haí ˈdú ˈjeenne. Tá har máádhat ađaabanollé ˈguoká hí ma hany-, hí mú ma ˈdú ˈjiinyka, máá kinaallá ađaabanolle hai ˈgaa, Yíésu hí gáál yie.

He Ekeny Gál Alb Fimiká 10:43

Gál Waag hí ˈdéé ka shigicheká lulle hé mú ˈdeenyle huogodhe, giri mú meenyle ˈdaalle ˈdugaka gál mú iiy yeetká ađaabanolle Waag hí gaa egeyyoká, Bétiro hí gáál yie.

He Ekeny Gál Alb Fimiká 2:38

Bétiro gáál ˈdéé hol ˈdú nie, kieye, Hé kíchia ˈdeđew-, hí gaa seseenká hayyíe, Waag makan famíe, lulkícho gaalí meeny Yiesu Kiristo bie gim ki nuo, ađaabano ubaa nyuogim kícho Waag hí gaa eeyyo. Hát kinaallá in Hím Naasan Waaˈgiet hí aargiˈda.

He Ekeny Gál Alb Fimiká 20:28

Mu geđi gáál geey, kieye, Hol ˈdeeˈdemíe, gál Kiristo lullé Hím Naasan Waaˈgiet hí mé ki koyyééllá úba ˈdeeˈdemíe. Hát máádhat hí aanyle ˈdeˈdeenká Máá Guđo Yíésu gállé he fásle ká hidhdheká lulle hát tikiˈde kinaallá ˈdeeˈdemíe.

He Ekeny Gál Alb Fimiká 3:19

Hé kíchia ˈdeđew-, hí gaa seseennoká hayyíe, Waag makan famíe, giri ađaabano ubaa nyuogim kícho Waag hí ˈdug gaa laanno-, hím kíchia hí nanniyyoká Máá Guđo Waag yé gáá ˈdeenká.

Róóma 2:4

Bá he taalle Waag geer guuralle ubaa nog ki sienle, tá geer gaa guchlé guđo-, hí itín aargisichóóllá hí egesheyche? Mú geer guuralle hát hí af tatiyyo-, giri hí hé kíchia ˈdeđewká haađicha-, tá hí mú makan fafaannaká it eiy ma náásan?

Róóma 3:24

Tá Waag ˈdúˈjímlé guđoká hállééllá he gáál ká argisiche, Yiesu Kirísto ali gáá kaayye, giri gáál ađaabano ubaa nyuogim gim gáá egewká. Aalé ke Yiesu Kirísto iiy yieka, in Waag múún gáál gál ˈdúwaká chegedhe.

Róóma 3:25

Waag Yíésu ali gáá kaayyééllá, he giri mu suor yeget-, fásle okodmuo-, gál hí iiy yegetká ađaabano ubaa nyuogim gaa egewká. Waag mú ali gáá kaayyééllá, in he hát ˈdúwaká Waag hí gáál ká argisiche. Hé ˈdeđew-, héle gaalí eekemeyká hé muí il er nie.

Róóma 9:23

Waag hééllá ekemeychóóllá, he giri guchlé ˈdúúw ˈgayyóóllá gál he waarateká aargisichoká. Tá Waag har gálallá he gál geer guuralle aargisicho-, ubaa hí guchle higiloká hođichoka, hééllá meete ˈdeew ke gaa hogodho?

Korínto Erká 1:30

Tá Waag hé itín ubaa Yiesu Kirísto hí hol ˈdú fiiyye, Kirísto ˈdaalimkúnno hoyche. Kirísto ˈdaalleka Waag hé muun gáál gál ˈdúwaká hoyche, gáál gálle hosote, gáál ađaabano gim yé gaa ˈdeeyche.

Korínto ki Naamaká 8:9

It Máá kúnnaa Guđo Yiesu Kirísto gielmitlé hí ka ˈguoká ˈduuwle óg. Mu har úba kamurnayka, ˈdaakícho ˈdugaka mu hé kamurle gíl sug ki hay, máá he mánká yie, giri itín hí kamur Waaˈgiet aargiˈdoká.

Eféso 1:14

Waag Hím Naasanlé muun gáál ki guyyééllá, hát beríka, Waag hé ˈdabaan-, gáál af iđicheká gáál ka shigichoká ki met gaa ógká. Hé ˈdabaan kinaallá, múúni giri ki Waag gálléká af giri Waag gáál rianká ha ke aargira. Héél ˈdugaka, kí Waag ˈduuwle meemeyo.

Eféso 1:18

Hé úba yú Waag rogononká, he giri Waag hí in eiy ˈdeđicho-, hé ˈdabaan biiy met gaa ijo-, Waag hí kí viiyyeká hát hí aargiˈdaká hí kiimisata-, Waag kamurlé ˈdúúw ˈgayyo-, gál Kirísto iiy yieká hílléká hí oonootoká.

Eféso 1:6

giri mú ˈdúˈjímlé-, ˈdúwáállá taalle ke mú ki memeyoká. Waag ˈdúˈjímlé-, múún gáál ˈdú ookodmichóóllá mú inylé galaamká ˈdaallé muí muun gáál ki shie.

Eféso 1:8

Waag ííni ˈdaallé-, he met lulle hol ka ógká hé ˈdúˈjímlé kinaal muun gáál súm ˈdú ookodmiche!

Eféso 2:4

Tá Waag geer guuralle hé tág guđo, Waag hé tág muun gáál giel.

Eféso 2:7

Hééllá Waag hí ekeychééllá, he giri bár ˈdaatika, Waag ˈdúˈjímle hát ˈdúˈjím lulle af mé iđoká gálaat aargisichoká. Múúni ki Kirísto hol liladhééllá Waag hát gáál ki midhabká gálaat hí argeka, Waag ˈdúˈjímlé ˈdúwáállá gálaat haí kiimita.

Eféso 3:16

Hé yú hí Waag kí rogononká, he giri Waag hí kamurlé uriet-, ˈdúwaká ˈdaalleka, hí fargogintle shigicho-, tá mú Hím Naasanle hodhinaamkícho far googonoychoká.

Eféso 3:8

Har káána gál Waaˈgiet biiy elloká lulle máállé hí el ˈdaˈdká yú kátaka, Waag hé ye ˈdú ˈjiiyye, giri gál gál Yuuˈdi muuninyká yú ˈdú ˈgúúnnúmíny ˈdú ˈguunnuminy lulle af mé ˈdú gíriká gál Kirísto hol liiletká hí aargiroká yú ki ˈdiyeenká.

Filíbi 4:19

Waag yú gédéchle yieká, kamurlé uriet-, guđo-, ˈdúúw ˈgayyo-, Yiesu Kirísto yíé gáá ˈdeˈdeenká hé hí ki ˈgierˈgereká lúl haí kí đuusicha.

Kolosááya 1:14

Mú Inylééllá in muun gáál fásle ki rie, gáál nyuogim ubaa ađaabanokúnno gaa eey.

Kolosááya 1:27

Waag hé muˈdeká he giri héllé geer geđííllá ˈduuwlé guđoká hát kidh lulle hí léká gálle kí eedhesichoká. Waag héllé geer geđííllá hélle kieye, Kirísto hé hí gaa ijo. ˈDaa kinaallá ˈdugaka in aadh ˈdaatika Guch Waaˈgiet itín hát hí léká hí og.

Kolosááya 2:13

Itín hátlé hí ađaabanokícho ˈgayye-, Kirísto hí ađaabano kíchia kinaal ma gaa ˈgidhíiny-, hí gál kufachiet onnoyyeká, in Waag hí Kirísto hol ˈgar loolnoyche. Mu ađaabanokúnno ubaa nyuogimkúnno lulle gáál gaa eey.

Kolosááya 2:2

Laatééllá yú hatallá lađaanallá he giri lulkícho hí gofononno-, hí hol gielmít ka ˈgayya-, hí ˈdúˈjím Waaˈgiet aargiˈda-, giri Waag héllé geer geđi-, ˈdaa Kirístoká hí hát ˈdabaanká eiy nannasataká.

Tímote Erká 2:6

gálaat lulle ˈdaalleka, hol gusse-, gáál ríéllá. Hééllá he ˈdeeny ˈdúwa-, a leđugul Waag hí ki muˈdeká ali kí ˈdieká.

Títo 2:14

Mu íín dhúrlé gáál hol ˈdu gáá sillie, giri mu múúni ke mú iiy yíéllá he met lullé gaa nyakarichká gáál gáá bibisuo-, gáál dhidhiro-, gáál gálle hođisat-, gál hé midhabká ekemeyoká gófle ˈguoká gáál hođuoká.

Títo 3:6

Waag Hím Naasanle muun gáál ˈdú ookodmichééllá, ˈdaa Yiesu Kiristo Rúbách kúnnaallá he muun gáál kí shiiche,

Héberew 9:22

Aalé hemuumurít ˈdaalleka, he lulle gúch fásso hí dhidhira, tá suor fásle ma okodoonka, Waag hé gálaat ađaabanolle ubaa nyuogimle ma haađiny.

Bétiro Erká 2:24

Hé múún ki Waag ki ˈdeeđeneyká ˈdeentle mu ííni hí luut kaadhdhe, hí ˈgór đarám yaalká ˈdú eedhdhe, giri múún ki ađaabanokúnno ma gaa iđiny-, ke hát Waag hí feˈdoká yíéđianká. Aaléka, mú lilolle hé hí fayansie.

Bétiro Erká 3:18

Gálaat héllé ˈdeđewká ađaabanolle lulle ˈdugaka, Kirísto af tikiˈde hí ˈdú kufe. Máá saas níínní-, ˈguo-, mán kinaallá gál saas ˈguoká he ˈdú kufe, giri gáál Waag ˈdú egewká. Mú gonno gaalí gáá yies, tá Hím Naasan Waaˈgiet hé mú loolnoyche.

Yuána Erká 2:12

It umóóllo, hééllá yú hí ˈdu gáá verenóóllá he ˈdaa giri Kirísto ˈdugaka, Waag hí ˈdú ˈjiiyye-, hí nyuogimkícho ubaa ađaabanokícho gaa eeyyeká.

Yuána Erká 2:2

Mu he suor ađaabanokúnno ubaa nyuogimkúnno ewle higidhoká. Suorééllá hé ađaabano ubaa nyuogimkúnno tákámle ewle ma higin, gálaat lullé les gaa ijoká nyuogimle ubaa ađaabanollé úba ewle higita.

Yuána Erká 4:10

Waag gielmitle he hatallá, hé muun erro ke Waag geelnedhe muuniny, Waago muun gáál er geelnete, Inyle ali gáá kaayye, giri mu suor yeget-, mu ađaabanokúnno ubaa nyuogimkúnno ewle higidhoká.

Kí Edhesiny 14:4

Gálallá he gál hé Waag hí ma fedinyká hol ká ridhdhe-, Waag bala ˈdú nie-, Élíny el gaa igiro-, Eliny állé seseenká mé nannuo-, Waag hí yiate-, Waag hí gál lesietká gáá shuunate-, giri Waag ubaa Élíny saanollé erkobká yegetká.

Kí Edhesiny 5:9

Aaléka hé luogol kinaal ubaa káru ár kaanaká ˈdoy, aar kieye, Kuun kó ˈdúúw ˈgayyo, giri warˈgát egeet-, warˈgát kát gaa babiyyoká. Kuun gálaat hé ko yies. Kó fáskú okodiche. Hát kinaallá in gálaat ká yiate. Gál kuuní Waag kí yiatééllá he gál kidh lulle ubaa afano lulle tá émeet lulle, héétí gálaat lulle yé gáá ˈdeˈdeenká.