Eféso 1:3 - Fayam Midhab Yiesu Kiristoká He Hol Af Iđiny Kaanaká

³ Máá kúnnaa Guđo Yiesu Kirísto ˈJaallé Waag gáál hé ˈdúwa-, hodhinne-, uratiká lulle gáál Kirísto ˈdaalle kí shieká, gaalí meeyo.

Eféso 1:3 ပူးပေါင်းရင်းမြစ်များ

Lúka 2:28

Símion véel argeká mu véel ˈjielle gaa eedhdhe, véel úr ki eedhdhe, Waag meey, kieye,

Yuána 14:20

Kúlích kinaallá hát yú ˈJaachú gaa ijo-, itín hí ye gaa iđa-, tá yú hí gaa ijoká eiy haí naasata.

Yuána 17:21

giri gaal lulle tikiˈd yegetká. Baabá, hát kuun ye gaa iđo-, yú ko gaa ijóóllá, gaal íín úba hí muun gáál gaa yíéđuo, giri les gálle hát kuun ye ali gáá kaayyeká iiy yegetká.

Yuána 20:17

Aalé Yíésu María geey, kieye, Ha ye chíran, yáá hátle ˈJaachú hol ma ˈdú náan. Sí, nyaaramchú géesh, yú ˈJaa chia-, ˈJaakícho-, Waag chia-, Waag kíchiaká hol ˈdú naadha, muí María yie.

Róóma 12:5

Kirísto gónle úba hát kinaallá. Múúni ke gál Kiristóóllá he ki gón Kiristo. Hé kinaallá kieye, múún lulkúnno hollo ke hol ki ˈgee.

Róóma 15:6

giri lulkícho ageer tikiˈdeká Máá kúnnaa Guđo Yiesu Kirísto ˈJaallé Waag hí ki memeycho-, hí ˈdúúw shigichoká.

Korínto Erká 1:30

Tá Waag hé itín ubaa Yiesu Kirísto hí hol ˈdú fiiyye, Kirísto ˈdaalimkúnno hoyche. Kirísto ˈdaalleka Waag hé muun gáál gál ˈdúwaká hoyche, gáál gálle hosote, gáál ađaabano gim yé gaa ˈdeeyche.

Korínto Erká 12:12

Gón máádhat hé met hí hol ká burnayyeká. Tá metlé hol ká burnayye kinaallá in gon tikiˈd hoyche. Gón Kiristo úba hát tikiˈdééllá.

Korínto ki Naamaká 1:3

Máá kúnnaa Guđo Yiesu Kirísto ˈJaallé Waag kí meemeyo. Waag he ˈJaa kúnnaa geer ka guurá ˈguo-, gáál hát lulle gogofsuoká.

Korínto ki Naamaká 11:31

Máá kúnnaa Guđo Yíésu ˈJaallé Waag bííyó biiyo gaalí memeyóóllá hát hééllá ˈdugaka yú hódho ma hogonká hé óg.

Korínto ki Naamaká 5:17

Aaléka, máá Kirísto hol ˈdú fameká hé Waag hí káána hoyche, mu hé yaalmitlé kissoká gaa láʼ. Ebá mú dhaayyíe, mu hé káána kí yie!

Korínto ki Naamaká 5:21

Kirísto ađááb mánnallá in Waag hí ađaabanokúnno ˈdú iđiche, giri mú ˈdaalleka Waag muun gáál gál ˈdúwa-, ađááb mánká innumle gaa chegetoká.

Galátia 3:9

Abirááyam Waag iiy yieká đo Waag hí ˈdú ˈguunuanne. Tá káána gál Kirísto iiy yegetká hé Waag hí ˈdú ˈguunuminy Abiraayam kinaallá ˈdú ˈgunnuan.

Eféso 1:17

Máá kúnnaa Guđo-, Yiesu Kirísto ˈJaallé Waag ˈdúúw ˈguoká taalle ha yú rogonmo, giri muí Hím Naasan ˈdaalimo-, ubaa he hol eiy gaa naasanká ká shiguo-, tá hí mú hát ˈdabaanká eiy nannasatoká.

Eféso 1:20

muí Kirísto uushich yé kí ˈdeete-, mu Kirísto gíllé ˈdaa naaniet-, uratiká iđiteká.

Eféso 2:6

Aalé Waag hé múún gáál Kirísto ˈdú fiiyye, gáál Kirísto hol uushich ˈgar yé ká ˈdeeyche, gáál úratí Yiesu Kirísto hol af iđiche.

Eféso 3:10

Waag kasleka, ˈdaalimle hátlé met hí hol ká eiyyeká kansimano lullé urietká hí kiimisatká he feˈde. Aalé káána, gál uriet-, kansimano ˈgúóllá, ˈdaa gál Kiristoka, Waag ˈdaalimlé kinaal hai kiimita.

Eféso 6:12

Ooskúnno hé oos ke gálaat hol yegeská muuniny, he oos ke kansimano aryaan-, bííy urietká ubaa bííy lesallo-, gaa ongʼoˈde-, gálle édhúm Waaˈgiet ma árginyká mé ki ˈgiiyyo-, hátlé met hí hol ká eiyyeká ke hol kí ririatká.

Filíbi 2:11

Tá erb gálaat lulle Yiesu Kirísto Máá Guđo he met lulle ˈdú guđoká hai yeedhe. Tá hé kinaallá ˈdugaka, ˈJaa kúnnaa Waag íín ˈdúúw hai egedhdhe.

Héberew 8:5

Gál suoryóóllá ˈbíl he hujich gaa nannuoká ubaa hújíchlé nannuoká hé úr gaa ijoká he hol ki ekenyle ubaa yaalmitlé he ká yaalla. ˈDaa kinaallá ˈdugaka in af giri Móshe ˈBíl ˈbaaro Waaˈgietká ˈdiˈdiseká Waag hí geeyche, kieye, ˈBíl chia ye kí ˈdiˈditóóllá yaalmit lulle yú ko gúm álle kí edhesieká tákámle kí ˈdis, chie.

Héberew 9:23

ˈDaa kinaallá ˈdugaka, ˈBíl ˈbaaro Waaˈgiet les ˈdú ije-, ubaa héllé hí gaa ije-, hé uratiká ka yaalallá suoryam fásle hí dhidhireká he hegete. Tá ˈBíl ˈdúwa-, Waaˈgiet uratiká suor suoryam aanyiet far ˈdú gogiyyoká he hegete.

Bétiro Erká 1:3

Máá kúnnaa guđo Yiesu Kirísto ˈjaallé Waag gaalí meeyo. Mú geer guurallé guđoká ˈdaalleka, mu hé muun gáál ˈdalmaat kaanaká ká shie. ˈDaa giri Yiesu Kirísto uushich yé gáá ˈdieká, in káána hát ke luolmit biiyoká ˈguoká ke og.