Eféso 1:23 - Fayam Midhab Yiesu Kiristoká He Hol Af Iđiny Kaanaká

²³ Gál Kiristo he Kirísto gónlé. Kirísto he lullé biiy lulle gaa ijoká hí ki ijóóllá hé fargogintle gálle koch ki hoy.

Eféso 1:23 ပူးပေါင်းရင်းမြစ်များ

Yuána 1:16

Mú ˈdúˈjímlé-, ˈdúˈjím ke hemuumurít gaa argeká a mé iđóóllá hé muun lulkúnno gáál ˈdú ookoˈdmoote.

Róóma 13:5

Aaléka, gál kaansúóllá met gaa keekemíe, tá he hé ˈdaa he il ká argisiny kianle tákámle muuniny, he ˈdaa giri hééllá hé taglé onnônyka ki ekemeyoká.

Korínto Erká 12:6

He urit gálaat hí Waag he ki nannuoká hé hol ká burnayyeká, tá he urit eiy eiyyééllá Waag tikiˈdééllá hí gáál ká shigicha.

Korínto Erká 15:28

Tá af giri he met lulle Kirísto kansimle gim gaa ijoká, mu ííni Iny Waaˈgietallá dhúrle úba Waag gimmo hol gaa iđimia, giri Waag he lúl mé ki taalká.

Eféso 2:16

Mú kúfáchlé muí ˈgór đarám yaalká ˈdú kufe kinaallá ˈdaalleka in gón tikiˈde-, gálle met hí naama-, hol ka kídh onnoyká muí Waag hol ˈdu gáá nie, nebitle muí mé ˈgidhie.

Eféso 3:10

Waag kasleka, ˈdaalimle hátlé met hí hol ká eiyyeká kansimano lullé urietká hí kiimisatká he feˈde. Aalé káána, gál uriet-, kansimano ˈgúóllá, ˈdaa gál Kiristoka, Waag ˈdaalimlé kinaal hai kiimita.

Eféso 3:19

Yáá úba Waag vivisat, giri gielmit kás lulle af mé iđóóllá gónkícho hí oonoot-, Waag hí Hím Naasanle koch ki hođichoká.

Eféso 4:10

Mu ííni ká leedhe-, lésallá mé ka níéllá he Máá tikiˈde úr af mé ˈdaatí mé nie-, biiy lulle gaa ijoká.

Eféso 4:12

Mu hééllá ekeyallá he giri gálallá gál Kirísto iiy yieká hol tág ki kokuo-, gaal Waag hujich ki nannuo-, gón Kiristo higirayyoká.

Eféso 4:13

Yaalmitééllá in lulkúnno iiy yeenkúnno ubaa kas kúnnaa ki Iny Waaˈgiet ki ógká tikiˈd cheedhe, muun ke higiraa, ke hát Kirísto yeedhe.

Eféso 4:4

Múún ke gon tikiˈde, Hím Naasan Waaˈgiet gáál gaa iđoká úba tikiˈde. Hé nyí met egeto-, Waag hí nyí kí viiyyeká in úba Waag hí itín kí viiyye.

Kolosááya 1:24

Aalé káánaka, manyjany chia ˈdaa kíchoka, il hí ye aargiˈdóóllá geerle hé ye gaa meedhe. Manyjany chia ˈdaa Kiristoka gónchú hí aargiˈdo-, kor ˈbaal hátle ye met gaa iđo-, il hí ye aargiˈdoká ˈdaa gón Kiristo he ki taalla. Gón Kiristóóllá he gál Kirísto iiy yieká.

Kolosááya 2:19

Gál hatallóóllá hé Kirísto ma ki koongʼódon. Kirísto íín he mé, gon íín he gál Kiristo. Hát káána hedhgem ubaa kuuˈdam gon hol af ki chichiratallá, gál Kiristo úba hollo hol ki ˈgee. Gón Kiristóóllá Waago hí higirasicha.

Kolosááya 3:11

Aalé káána it ál níínní hol ki fooˈdo-, hí kieye, Máállá máá Hellen, máállá máá Yuuˈdi, máállá hé hermite, máállá hé ma hermísan, máállá máá kídh éíy, máállá máákúnno muuniny, máállá he gedech, máállá he máá ˈdúwaká hí hol ki chegetoká mán. Kirísto ííni gúúđo, gál hí iiy yieká lulle gaa ija.

Kolosááya 3:15

ˈDaa giri hí gon tikiˈde-, Waag hí naanná kí viiyyeká, Kirísto naannalle hí gaa yíéđiyyo, hí he gaa muumuˈdo, Waag gielmít hol ˈdú naannáa.