Eféso 1:17 - Fayam Midhab Yiesu Kiristoká He Hol Af Iđiny Kaanaká

¹⁷ Máá kúnnaa Guđo-, Yiesu Kirísto ˈJaallé Waag ˈdúúw ˈguoká taalle ha yú rogonmo, giri muí Hím Naasan ˈdaalimo-, ubaa he hol eiy gaa naasanká ká shiguo-, tá hí mú hát ˈdabaanká eiy nannasatoká.

Eféso 1:17 ပူးပေါင်းရင်းမြစ်များ

Matááyo 11:25

Bár kinaal Yíésu kieye, Baabá, Máá Guđo úr ubaa les lééllo! ˈDaa giri kuun hé gál ˈdaalelle-, hínyaská in ká kaayyeká đalbááya eiy naasanle shiicheká, gielmitlé yú ko hol ˈdú gáá nannaa.

Matááyo 11:27

Aalé Yíésu gálaat geey, kieye, He met lulle hé ˈJaachú hí ye gíl ká fie. Yáá Ínyííllá hé máá níínní ye ogká mán, ˈJaa chia tákáma ye og. Héétí hé máá níínní ˈJaachú ogká mán, yáá mú Inylééllá ubaa gál yú wawarat-, yú ˈJaachú aargisuoká tákáma nyí og, yie.

Matááyo 16:17

Aaléka, Yíésu Bétiro geey, kieye, Símon, iny Yonnas, kó Waag ko ˈdú ˈjiiyye. Hé hotééllá hé máádhát hí ko ma kí edhesîny, ˈJaa chia úr ijoká hí ko kí edhesie.

Matááyo 20:33

Gaal kieye, Máá Guđo, nyí biiy gaa aargiˈdaká nyí feˈde, gaalí yie.

Matááyo 6:13

Hé ˈdeđew-, maralle nyí ˈgayyaká nyí af gaa táátaʼ, nyí Sátan ka río. [Hééllá he ˈdaa giri gúch, ubaa fargogínt, tá meeny gálaat hí ko memeyoká lulle taalle bííyyo kuun hí léká! Iiy-hí, he hí hát kinaallá yeet.]

Lúka 12:12

Aadh ˈgas kinaallá tuuˈdle Hím Naasan Waaˈgiet hé hí hogotoká af haí ká fafiyya, Yíésu hí lalille yie.

Lúka 2:14

Waag Úr Iđoká gaalí meeyo, gál lesallo-, muí ˈdú iifoká hí naanná yíéđuo, gaalí yie.

Lúka 21:15

Hé hí hol ˈdú hogotoká af ha yú hí ká fafaa, ˈdaalím ha yú hí shigia, giri gál hí met il gaa ˈgieká hí ma ki faalminy-, ubaa hí ma ka aađaanká.

Yuána 14:17

Máá kinaallá he Hím Naasan hí ˈduuw Waaˈgiet af ki tatuoká. Gál lesalloká ˈdaa giri mú aargiroká điidhe-, ubaa mú muogká in mu gáál ma ˈdú ˈjeˈjeminy. Tá itín ˈdaa giri mu íín hí hol af iđa-, muí gaa ijoká it mú óg.

Yuána 14:26

Tá Máá hí rangʼite-, Hím Naasan Waaˈgietlé-, ˈdaa meenychúka, ˈJaachú hí ali ˈdu gáá kakawká, he lulle haí oonisia, he met lullé yú hí geeyká táb haí kí gagadha.

Yuána 16:3

Gaal hí hééllá ki ekemeyóóllá he ˈdaa giri gaal ˈJaachú ubaa yú nyí muogká.

Yuána 17:3

Luolmit biiyoká hatallá gaalí aargira, giri kúúni Waag tikiˈde-, ˈdúwáállá gaal ko óg-, yáá Yiesu Kirísto-, kuun ye ali gáá kaayyééllá úba gaal ye ógká.

Yuána 20:17

Aalé Yíésu María geey, kieye, Ha ye chíran, yáá hátle ˈJaachú hol ma ˈdú náan. Sí, nyaaramchú géesh, yú ˈJaa chia-, ˈJaakícho-, Waag chia-, Waag kíchiaká hol ˈdú naadha, muí María yie.

He Ekeny Gál Alb Fimiká 6:10

ˈDaalim Hím Naasan Waaˈgiet Estéfan hí ˈdéé ki hogodheká in fáláám gaalí hol ki fafalme kinaal Estéfan hí gáál kí adhdhe.

He Ekeny Gál Alb Fimiká 7:2

Aalé Estéfan gáál ˈdéé hol ˈdú nie, kieye, Nyaaramchú ubaa idhaamchú, ye af nee kóo, bár giri héle eshi eshim kúnnaa Abirááyam hátlé giri Háran mé ma níinyká in Waag gúch ˈgayyo-, hol édhum yé gáá ˈdeđichoká mú lés Mesobotámia álle yé ˈdú gáá ˈdiiyye,

Róóma 1:28

Aalé ˈdaa giri gaal Waag óny hát hé ˈdúwaká ma ká dhaˈgaminy-, ma chichiranká, in Waag gáál kaslé ˈdeenete kinaal ˈdú hayche, hé onnônyka gálaat hí ma ekemenyká ekemeye.

Róóma 15:6

giri lulkícho ageer tikiˈdeká Máá kúnnaa Guđo Yiesu Kirísto ˈJaallé Waag hí ki memeycho-, hí ˈdúúw shigichoká.

Korínto Erká 12:8

Mááká Hím Naasan Waaˈgiet ˈdéé hót ˈdaalimoká hí shigicha, héétí mááká Hím Naasan Waaˈgiet tikiˈdééllá ˈdéé hót he onyiká hí shigicha.

Korínto Erká 14:6

Aaléka, nyaaramchú, har yú hí ˈdu gáá yimie-, afano Hím Naasan Waaˈgiet yé gáá ˈdeˈdeenká hogodhoka, hé kinaallá meete ˈdúwa hí gaa aargiˈda? Tá yú hí hé Waag hí ye kí edhesicheká yíekaʼ, ˈdéé hót ˈdaalimoká yíekaʼ, ˈdeeny Waag hí ye ká shiicheká yíekaʼ, héétí he onisiny yíekaʼ, hééllá hé mákártaká yú hí ˈdu gáá sidheka, ití bal mé ma ki kakaan?

Korínto Erká 2:10

Tá múún ˈdaalimééllá Waag ˈdaa Hím Naasanlé hí gáál eiy kí niiyye. Hím Naasan Waaˈgietallá in he met lulle ˈgas og, úba hé geer geđi Waaˈgietká og.

Korínto Erká 2:8

ˈDaalimééllá hé guguch lesalloká hé máá níínní hí eiy nanateká mán. Gaal ˈdaalimééllá eiy nannasânka, hé onnônyka Máá kúnnaa Guđo-, ˈdúúw ˈgúóllá ˈgór đarám yaalká ma ˈdú yegésiny.

Korínto ki Naamaká 12:1

Har káána hol meeny úba ˈdúúw manítaka, bá yú geđi ˈdéé hol ˈdú hoogodho. Yú hé Máá kúnnaa Guđoká hí ye argisie-, tá hí ye kí edhesieká ˈdeenyle ha yú hí ká geđia.

Eféso 1:3

Máá kúnnaa Guđo Yiesu Kirísto ˈJaallé Waag gáál hé ˈdúwa-, hodhinne-, uratiká lulle gáál Kirísto ˈdaalle kí shieká, gaalí meeyo.

Eféso 3:5

ˈDeeny geer geđi-, Waaˈgietallá kíssóótí hé Waag hí gálaat ma kí edhesîny. Tá káánaka, Hím Naasan Waaˈgiet ˈdaalleka, hé Waag hí gállé alb fimi-, ubaa gállé ˈdeem ka shigiche-, taak koyyeká kí edhesiche.

Eféso 4:13

Yaalmitééllá in lulkúnno iiy yeenkúnno ubaa kas kúnnaa ki Iny Waaˈgiet ki ógká tikiˈd cheedhe, muun ke higiraa, ke hát Kirísto yeedhe.

Filíbi 3:15

Múúni ke ˈdaa Kiristoka ki hirayyallá lulkúnno kí kas hatallóóllá ˈguo. Tá itín hí hát eiy tawuyyeka, Waag hééllá úba eiy haí kí nanniyya.

Tímote ki Naamaká 2:25

Héétí hí máá gál hí mé il gaa ˈgieká hát abuntiká af tatuoká onnow. Kálmaréél gál kinaal hodhinaamle Waag đig haí cheedhe, gaal Waag makan hai faama, hé ˈduwa-, Waaˈgietká hai oonoodho,

Títo 1:1

Yú he Báulo, gédéch Waaˈgiet. Yú Waago ye máá ali gaa kaany-, Yiesu Kiristoká hoyche, giri gál Waag hí waarateká ki ˈdiyeen-, gaal Kirísto iiy yeget-, ˈdeeny ˈdúwa Waaˈgietallá lulle gaalí hát ˈdabaanká chiirat-, gaal hát Waag hí feˈdoká yíéđianká.

Yákob 2:1

Nyaaramchú, it Máá kúnnaa Guđo ˈdúwa-, Yiesu Kirísto iiy chíéllá haí gál kaamúreká ˈdú ˈdííníminy.

Bétiro ki Naamaká 1:3

ˈDaa giri Kirísto ki ógká, mú fargogintlé Waaˈgietká hé he lullé luolmitkúnno ki midhab-, gáál hé Waag hí feˈdoká ˈdú heergisatoká gáál ká shiiche. Mu ííni kinaallá in gáál ˈduuwle ubaa midhantle kí vie.

Bétiro ki Naamaká 3:18

Tá Máá kúnnaa Guđo-, Rubachiet-, Yiesu Kirísto lééllá ˈdúˈjímle ubaa onyle ki hiráa. Káána ubaa bííyyo, ˈduuw taalle hí mú hélle yeet. Iiy-hí, he hí hát kinaallá yeet.

Kí Edhesiny 7:12

kieye, Iiy-hí, he hí hát kinaallá yeet! Waagkúnno ˈduuwlé, ˈdaalimlé, guchlé, ubaa fargogintle ˈdugaka, taalle bííyyo kí meemeyo, kí gielmít hol ˈdú naannuo, kí ˈdúúw shiiguo. Iiy-hí, he hí hát kinaallá yeet! gaalí yie.