Dhesaloníke Erká 5:4 - Fayam Midhab Yiesu Kiristoká He Hol Af Iđiny Kaanaká

⁴ Nyaaramkínyo, ˈdaa giri hí bííy gaa dhátká ma gaa iđinyká, kúlích kinaallá hát máá buraalléká hí gáál biirgisuokáka hé hí ma biirgisiny.

Dhesaloníke Erká 5:4 ပူးပေါင်းရင်းမြစ်များ

Matááyo 10:15

Yú hí hé ˈdúwaká geeye, kúlích gálaat Waag hí ˈdéé ki iđimichoká ali kí ˈdiiyyeka, gál eny kinaalloká manyjany il hí aargiˈdoká hé tág ˈdeew! Manyjany gál ˈjien Soˈdom ubaa gál ˈjien Gomora il hí aargiˈdoká úba ˈdiefiyya.

Lúka 21:34

Hol ˈdeeˈdemíe, haí gál he dhir eiy ki babaatká ubaa gál bersh hí fafaannoká chéen, hí hé lesalloká ˈgar kirísan, kúlích kinaal hátlé hí met muogká ali kí ˈdíiny.

He Ekeny Gál Alb Fimiká 26:18

giri gáál in eiy ˈdeđicho-, bííy gaa ongʼoˈdeká gaalí hol gáá nannaat-, gaal bííy gaa édhká bala ˈdú gáá nannuoká. Héétí ubaa gaal fargogint Satan gim yé gáá ˈdeˈdeen-, Waag bala ˈdu gáá nannuo-, giri Waag hí ađaabano ubaa nyuogimle gaa egeyyo-, tá alb gál ye iiy yie-, yú saas gaa eeyallá hí gaa ijóóllá gaa yíéđianká, muí ye yie, Báulo hí mú yie.

Kolosááya 1:13

Mu hé kánsích ˈdeew-, bííyle gaa ongʼoˈdeká muun gáál gim yé gáá ˈdeey, gáál guch Inylé gielká gaa iđite.

Dhesaloníke Erká 5:2

Hát káána máá buraalléká aflé buraa ká iyaanká ke muogallá, in úba kúlích Máá kúnnaa Guđóóllá hí gáá ˈjeˈjeenká ke muog. Hé kinaallá it tág óg.

Bétiro ki Naamaká 3:10

Máá kúnnaa Guđoká kúlíchlé gáá ˈjeˈjeenká hát kúlích ki met muog-, máá buraalléká hí gáá ˈjeˈjeenká. Ur hai yaarma, mán hai yeedhe. Les ubaa héllé hí gaa ijoká lulle ˈjiet haí ˈjeenne, ˈjiet af haí ki shugunata.

Yuána Erká 2:8

Tá hemurit yú hí ˈdu gáá vereno-, hol geelnedhíe, chegetallá íín he hemurit kaanaká. Yíésu hé hemuritééllá ˈduuwle ki ijo. Tá káána itín úba it hemuritééllá ki iđa, ˈdaa giri bííy gaa onˈgoˈdeká ká bebeyyo-, bííy ˈdúwa-, gaa édhká ka eedheyyoká.

Kí Edhesiny 16:15

Yíésu kieye, Bá dhaayyíe, yú hát máá buraallé-, aadh ˈgas hí muogká gáá ˈjeˈjeenká ha gáá ˈjeeme, yie. Máá ˈdeyeen-, đafaraamle ˈguo-, giri gele mantle gálaat hí ma aargiriny-, kern hí ma ˈgiˈginká ebá Waag hí ˈdú ˈjiiy!

Kí Edhesiny 3:3

Aaléka, hé hí maalle-, hí iiy chieká táb ˈdodhdhíe, hé kinaallá ki kuongʼoˈdíe. Hé kíchia ˈdeđewallá gíl sug ki hayyíe, Waag makan famíe. Tá har hí in eiy ma ˈdeđinyka, onnóo, yú hát máá buraa léká ká yiimedhe, it aadh ˈgás yú gáá yiimetká muog.