Dhesaloníke Erká 4:3 - Fayam Midhab Yiesu Kiristoká He Hol Af Iđiny Kaanaká

³ Hé Waag hí feˈdoká he giri itín gál ˈdúwa-, Waaˈgietká hí chegeto-, hí herginy gálle hol ma shúúnanká hol ká ririato-,

Dhesaloníke Erká 4:3 ပူးပေါင်းရင်းမြစ်များ

Matááyo 12:50

Máá ˈJaa chia úr ijoká hát fedoká ekemeyoká in nyárchú, in nyaarchú, in ˈjiechú, mú yie.

Matááyo 15:19

Hé máádhat a geer yé gáá ˈdeˈdeenká he tawuny ˈdeewká, máádhat oosó, hol ˈdú herginy, hol buraa, héétí buraa ubaa hódho, tá máádhat méé ˈdeeneny.

Matááyo 5:32

Tá yú íín hí geeye, máá minle hí ma ˈdú hergîny-, min điidhoká, min herginy ađaabieto he mé ki koy. Tá máá min bélle hí điidheká eetká herginy ađaabieto he hile.

Matááyo 7:21

Gál ye Máá Guđo, Máá Guđo, yegetká ˈbaal hé Guch Uratiká ma higiliny, gál hí higiloká he gál hát ˈJaa chia úr ijoká hí fedoká el gaa igiroká.

Márko 3:35

Máá hé Waag hí feˈdoká ekemeyoká in nyárchú, nyaarchú, ˈjiechú, Yíésu hí yie.

Yuána 4:34

Yíésu kieye, Hújích Máá ye ali gáá kaayká hí ye gaa fedo-, yú nannuo-, yú beđisatká in ˈguomchú.

Yuána 7:17

Máádhat har hé Waag hí feˈdoká ˈgíéríchle nannaatká fedoka, af kinaalka he onisinyééllá har Waag yé gáá ˈdeˈdeenka, har yú tuuˈdchú ye yé gáá ˈdeˈdeenka, eiy hai naata.

He Ekeny Gál Alb Fimiká 15:20

Ínalleka kí gáál warˈgát ˈdú veero, gaal ˈguom suorle gaalí waagam hodhoká ki ˈgaˈgaloká ubaa so aanyle gaalí himano ki yegeská hí gaa faganat, gaal úba hai fasam igíminy, héétí ubaa gaal hí herginy gálle hol ma shúúnanká hol ká riat.

He Ekeny Gál Alb Fimiká 15:29

Aaléka, ˈguom suorle gaalí waagam hodhoká ki ˈgaˈgaloká ubaa so aanyle gaalí hím ki yegeská gaa fagandhíe, fasam haí igíminy, héétí herginy gálle hol ma shúúnanká hol ka ridhdhíe. Hééllá lullééllá hí hol ká riateka, af kinaalka hé midhabká hí ekeyche.

He Ekeny Gál Alb Fimiká 20:32

Yáá hí Waag gíl geerle fie, hí Waag ˈdeenylé gielmitiká ˈdú hay, giri ˈdee hí iiy yeenkícho higirasuo-, ubaa gál Waag hí gálle hosote-, muí taak koyká lulle hí mú áˈjánle hol ˈgar aargiˈdaká.

He Ekeny Gál Alb Fimiká 26:18

giri gáál in eiy ˈdeđicho-, bííy gaa ongʼoˈdeká gaalí hol gáá nannaat-, gaal bííy gaa édhká bala ˈdú gáá nannuoká. Héétí ubaa gaal fargogint Satan gim yé gáá ˈdeˈdeen-, Waag bala ˈdu gáá nannuo-, giri Waag hí ađaabano ubaa nyuogimle gaa egeyyo-, tá alb gál ye iiy yie-, yú saas gaa eeyallá hí gaa ijóóllá gaa yíéđianká, muí ye yie, Báulo hí mú yie.

Róóma 1:29

Gáál saas ˈgany, ađááb, he hol ki fedíti, hé gaa nyakarichká, gajálti, nyuogich, hol oosó, ubaa hódho, tá điđám hí koch. Gaal gálaato heengʼeedhe,

Róóma 12:2

Haí húgúm lesalloká enîny, hol Waag ˈdú hayyíe, Waag hí hol gaa layyo, hí tawuny ˈdúwaká shiicho. Hí hatal ˈdiiyyeka, in Waag he gaa feditlé midhab-, taglé-, mú geer gaa memeychoká hí ekemeyche.

Róóma 6:22

Aalé káána Waag hí ađaabano gim gáá eeyye-, hí Waag gedelle chíéllá, hééllá héllé ˈdúwa-, hí yé gáá ˈdeˈdeenká he giri gál hé Waag hí feˈdoká el gaa igiroká chegete-, el ˈdáˈdle hí luolmit biiyoká higiloká.

Korínto Erká 1:30

Tá Waag hé itín ubaa Yiesu Kirísto hí hol ˈdú fiiyye, Kirísto ˈdaalimkúnno hoyche. Kirísto ˈdaalleka Waag hé muun gáál gál ˈdúwaká hoyche, gáál gálle hosote, gáál ađaabano gim yé gaa ˈdeeyche.

Korínto Erká 7:2

Tá ˈdaa giri herginy ađááb ˈgayyoká hilitle gálaat hawul ki mánká, mááyab hí minle ˈguo, mááˈdiet hí bélle ˈguo.

Korínto ki Naamaká 12:21

Geer chia ye gaa ˈdeewká he giri geđi yú ká yimieka, kálmaréél ˈdaakíchoka Waag kern ha ye ˈgiidhicha, geer súm đo hai ye gaa ˈdeenedhe, ˈdaa giri it burnayyeká hí ađaabano kíchia kissoká hí ma hâny-, hí Waag makan ma fáminyká. It hé kíchia gaa nyakarichká, ubaa herginy hol buraaká, tá hé kern mantiká hátle ma hâny.

Galátia 5:19

Balt goniet gaa nyakaridheká he ekenyle hé ki óg, hát káána herginy gálle hol ma shúúnanká, babát ˈgany, ubaa kern mánti,

Eféso 5:17

Aaléka, haí đées chéen, Máá kúnnaa Guđoká hé hí gaa fedo-, hí ekemeychoká hol gaa ˈgeeˈgedhée, eekemeyyíe.

Eféso 6:6

Géde ˈbaal, af giri gállé hílléká alb ˈgieká tákáma in hujich hát ˈdabaanká nannaa, giri gaalí memeyoká. Tá ˈdaa giri itín hí gede Kiristoká haí hát gaal íín chéen, aadh lulle hujichaamkícho ger midhabká ki naannáa. Waag hát feˈdoká hé kinaallá.

Kolosááya 1:9

ˈDaa kinaallá ˈdugaka in a meeny giri nyí fayamkícho maalleká, Waag ke hí kí vivisatká nyí ali ma kôny. Waag ke hí kí rogononallá he giri Waag hí ˈdaalím ubaa kas hí he eiy ki nannasatoká hí ˈdaa Hím Naasanle kí shigicho-, hát feˈdoká hí hát ˈdabaanká kiimisatoká.

Kolosááya 3:5

Aaléka, húgúm lesalloká, hát káána herginy gálle hol ma shúúnanká, féén ˈgany, babát ˈgany, he fedit gaa nyakaridheká, tá gajálti, hol ka ridhdhíe. Máá gajált ˈguoká hé fedo kinaallá he waagle hođita.

Kolosááya 4:12

Máá kíchia Ebáfaros giri gédéch Yiesu Kiristoká úba hé hí naa ká yie. Mu hé aadh lulle lađaan-, hí Waag kí vivisat-, giri itín hát Waag hí feˈdoká hí kiimisata-, hí higirayya-, hí tág ˈgiiyyaká.

Dhesaloníke Erká 4:2

Máá kúnnaa Guđo Yíésu ˈdaalleka hemuumurit ke hí af ki tatieká it óg.

Dhesaloníke Erká 4:4

lulkícho hát ˈduwanti-, saas mantiká hí shugunatoká úba hí ógká.

Dhesaloníke Erká 5:18

Yaalmisano lullé hí gaa iđaká ˈdaalleka, Waag gielmít hol ˈdú naannáa, ˈdaa giri hééllá ˈdaa Yiesu Kiristoka Waag hí ki feˈdoká.

Dhesaloníke Erká 5:23

Waag naannaká dhúrle hí gál iđiny ˈdúwa-, Waaˈgietká ki ijoká hoycho, hí tawunykícho ubaa sidhamkícho tá gónkícho hát ˈdabaanká chirat, giri Máá kúnnaa Guđo Yiesu Kirísto ká ˈjieka hí ˈdeensen mánká.

Dhesaloníke ki Naamaká 2:13

It nyaaram kínyaa Máá kúnnaa Guđoká hí gielallo, ˈdaakíchoka aadh lulle Waag gielmít nyí hol ˈdú nanniyyoká taglé. Hééllá he ˈdaa giri itín he gál Waag hí waarate-, hí er rubach shiicheká ˈbáálká. Rúbách hí argiyyééllá, he Waag Hím Naasanle hí itín gál Waag gielká hoyche-, héétí hí hé ˈdúwaká iiy chieká in hí rúbáchallá argiyye.

Títo 2:14

Mu íín dhúrlé gáál hol ˈdu gáá sillie, giri mu múúni ke mú iiy yíéllá he met lullé gaa nyakarichká gáál gáá bibisuo-, gáál dhidhiro-, gáál gálle hođisat-, gál hé midhabká ekemeyoká gófle ˈguoká gáál hođuoká.

Héberew 10:36

Onnônyka mé hí ki chiirsata, giri hí he fedit Waaˈgiet ekeycheka, hé muí af iđieká hí aargiˈdoká.

Héberew 12:16

Máádhat hai hol buraa gaa seséminy. Héétí hai máá hát Ésawka Waag el ma gaa igirinyká onnôny. Ésáwallá he máá guchlé inyi erká haam kóony hí tikiˈdeká hidhdheká.

Héberew 13:4

Gálaat lulle hí hol shuunan ˈduuwle onnow, gál hol shuunneká hai hol ˈdú burúminy. Gál herginy ađááb ˈgayyoká gaa seseenká ubaa gál hol buruanká Waag ˈdéé haí ki iđimicha.

Bétiro Erká 1:2

ˈJaa kúnnaa Waag kíssóótí hé hí kasle ká ˈgie, in hí waaˈde. Mu hí Hím Naasanle taak ki kodhdhe, giri itín hí Yiesu Kirísto met gaa kekeenno-, hí fás Kiristo gim nannaatoká. Waag hí taalle ˈdú ˈjeeˈjeen, hí naanna guđoká shiigicho.

Bétiro Erká 4:2

Máá gon hí hatallá boloyyeká iđinylé lésallá ˈdú ijoká hé hát gálaat hí fedoká ma enniminy, mu hát Waag hí feˈdoká he yíéđima.

Yuána Erká 2:17

Les ubaa balt lesalloká el met haí ˈgiidha, tá máá hé Waag hí feˈdoká ekemeyoká bííyyo hé ali ijo.

Kí Edhesiny 21:8

Tá ameeny gál manyjasiny kiadhe-, Waag gíl sug ki hayká, gál Waag iiy ma yéenká, gál gaa nyakarichká, gál gálaat yegeská, gál herginy gálle hol ma shúúnanká gaa seseenká, gál gilka he ním ˈguoká, gál waagam hódhoká memeyoká, tá gál hođomléká lulle állé Waag hí ki lalaannoká he bás ˈjiete-, waar ˈjiet hí gaa boloonká hí gaa ijoká. Hé kinaallá he kúfách ki naamaká.

Kí Edhesiny 22:15

Tá gál gaa nyakarichká íín hé ˈjien kinaallá ma higiliny. Gál kinaallá he gál gilka he ním ˈguoká ubaa gál herginy gálle hol ma shúúnanká gaa seseenká, tá gál gálaat yegeská, héétí gál waagam hódhoká vivisatká ubaa ameeny gál ˈdeem hođomká giel-, gaa seseenká.