Dhesaloníke Erká 4:1 - Fayam Midhab Yiesu Kiristoká He Hol Af Iđiny Kaanaká

¹ Nyaaramkínyo, aaléka, Máá kúnnaa Guđo Yíésu ˈdaallé ke hí gil ki efe, ke hí gogofsia, giri hát káána iđiny Waag geer gaa memeychoká hí nyí gaa onnote-, hí ki iđóóllá, yaalmit hat kinaallóóllá af ˈdú faafadhdhíe, ki yíéđía.

Dhesaloníke Erká 4:1 ပူးပေါင်းရင်းမြစ်များ

Yuána 15:2

Mu kolm ye ki ˈgie-, saano hí ma gaa higisinyká ali hai gaa muura, kolm saano hí gaa higissoká íín in hollo hol ki nannaa, giri saano hí hát ˈdabaanká gaa higissoká.

He Ekeny Gál Alb Fimiká 20:27

He fedit Waaˈgiet hé níínní yú hí in ka kaayká mán, lulle yáá hí ki ˈdiiyime, muí gáál yie.

Róóma 8:8

Aalé gál balt gonniet hí he gaa mumuˈdoká hé hát níínní Waag geer gaa memeyoká mán.

Korínto Erká 11:23

Hé Máá kúnnaa Guđo Yíésu yú gaa maaleká, yáá kis hí ká geey. Chúúré giri Yúúˈdas hí gál Máá kúnnaa Guđo Yíésu ˈgiiliˈgawká Yíésu gíl geer gaa kakawká, in Máá kúnnaa Guđóóllá hí balashá gaa eedhdhe,

Korínto Erká 15:1

Aaléka, nyaaramchú, Fayam Midhab-, kis yú hí kí ˈdiiyime-, hí iiy chie-, hí tág ki taalallá, bá yú hí káána ááy kí naa.

Korínto Erká 15:58

Aaléka, nyaaram chia yú gielallo, taganokícho ˈdée, ha gaalí riitisîny. Aadh lulle Máá kúnnaa Guđoká hújíchle taalle hát ˈdabaanká naannáa. Hujichaam lullé hí Máá kúnnaa Guđoká ki nanniyyóóllá hát hé midhabká hí yé gáá ˈdeˈdeenká it óg.

Korínto ki Naamaká 10:1

Itín ˈbaal hí tawuyyeká, yáá Báulo lééllá, af giri ke hol af ijoká in síer, af giri ke hol in eiy ka láká tákáma nyáálle? Yú hát káána Kirísto abunaʼ-, nog seseenallá, yaalmit hat kinaallóóllá in yú ˈgaa, yú hí gil ki egefe.

Korínto ki Naamaká 13:11

Aaléka, nyaaramchú, ger hí gaa meet, hiráa, gúóf ˈgáa, kas tikiˈdeká ˈgáa, hol naanná ki yíéđía. Waag kúnnaa gielmít ubaa naanná ˈgayyóóllá hí gaa yíéđiyyo.

Korínto ki Naamaká 5:9

Aaléka, har káána úba nyí gón kúnnaa lokoolomallá gaa iđa yíekaʼ, nyí éget Máá kúnnaa Guđóóllá gaa iđa yíekaʼ, hé nyiin nyí súm feˈdoká he giri nyí Máá kúnnaa Guđóóllá geer gaa memeychoká.

Korínto ki Naamaká 6:1

Aaléka, nyííni nyí Waag hol hujich ˈgar nanniyyóóllá, gillo ke hí ki efe, Waag ˈdúˈjímlé hí argiyyééllá haí eeshêny.

Galátia 6:1

Nyaaramchú, har itín máádhat ađááb hileka, it giri hí Hím Naasan Waaˈgiet ki hirayyeká máá kinaallá hát abuntiká hol ka naatíe. Tá dhúrkícho hol ˈdeeˈdemíe, haí ađaab kinaal úba híliny.

Eféso 4:1

Aaléka, yáá ˈdaa Máá kúnnaa Guđokáka, hiigin gaa ijóóllá, gillo yú hí ki efe, yaalmit midhab-, Waag hí kí viiyyeká hát ˈdabaanká gaa yíéđía.

Eféso 4:20

Kor itín af giri hí Kirísto iiy chieká it máá hí yaalmit hatallóóllá onisie-, gaa yíéđía, yieká mán.

Eféso 5:17

Aaléka, haí đées chéen, Máá kúnnaa Guđoká hé hí gaa fedo-, hí ekemeychoká hol gaa ˈgeeˈgedhée, eekemeyyíe.

Filíbi 1:27

Hé ˈdúwaká hééllá: Húgúm fayam Kiristo méé miidhanayyoká ˈgáa. Har hí hát kinaal ˈdiiyyeka, yú hí af kí ˈdeʼ yíekaʼ, fayamkícho yú maal yíekaʼ, yú hát hí kas tikiˈdeká ˈgayya-, hí tág ˈgiiyya-, hí Fayam Midhaballá he onisinyle hol ˈgar lađaanna-,

Filíbi 1:9

Hé yú hí Waag kí vivisatká he giri gielmitkícho súm higirayyo-, hí Waag húgúmle hát ˈdabaanká kiimisato-, Waag hí kas he hol eiy gaa naasanká shigicho-,

Filíbi 3:14

laat chia lađama, hé shiicho biiy metoká đulallé gaa ija, giri hé kinaal aargiroká. Hé shiicho kinaallá he luolmit biiyo-, urati-, ˈdaa Yiesu Kiristoka, Waag hí ye kí viiyyeká.

Kolosááya 1:10

Waag ke hí hatallá kí rogononallá he giri itín yaalmisano midhab-, hí ki iđáállá Máá kúnnaa Guđoká hí ˈdúúw gaa aargiroká. Héétí hí mú hát lulle geer gaa memesicho-, he lullé midhab hí nanniyyáállá taalle saano midhabká hí yiem gáá ˈdeˈdeen-, hí Waag hát ˈdabaanká oonootoká.

Kolosááya 2:6

Aaléka, hát hí Yiesu Kirísto iiy chie-, hí mú Máá kíchia Guđoká hosotééllá taalle mú gaa yíéđía.

Dhesaloníke Erká 3:12

Hát tikiˈde gielmitkínyo ˈdaakíchoka súm guđóóllá, Máá kúnnaa Guđoká hí gielmit kíchia hí hol ká ˈgayya-, ubaa hí gálaat lulle ki gielká heersuo, hí ˈdú ookodmuo,

Dhesaloníke Erká 4:2

Máá kúnnaa Guđo Yíésu ˈdaalleka hemuumurit ke hí af ki tatieká it óg.

Dhesaloníke Erká 5:12

Nyaaramkínyo, gillo ki hí ki efe, gál hurtkícho hújích Waaˈgiet hát ˈdabaanká gaa nannuo-, ˈdaa Máá kúnnaa Guđóólláka hí met ki ˈgie-, hí af tatúóllá kiikiadhíe.

Dhesaloníke ki Naamaká 1:3

Nyaaramkínyo, ˈdaakíchoka aadh lulle Waag gielmít nyí hol ˈdú nanniyyoká taglé. Waag nyí gielmít hol ˈdú nanniyyáállá, he ˈdaa giri iiy yeenkícho súm higirayyo-, gielmit hí hol ká ˈgayyaká úba súm guuđanatallá.

Dhesaloníke ki Naamaká 2:1

Nyaaramkínyo, ˈdaa Máá kúnnaa Guđo Yiesu Kirísto hol ká naanle ubaa múún gáál hol ˈdú gáá shuunanle ˈdéé hótle ˈdaalleka, gillo yú hí ki efe,

Dhesaloníke ki Naamaká 3:1

Nyaaramkínyo, aaléka, nyí Waag kí viivitíe, giri Máá kúnnaa Guđoká fayamle đo biiy bash ki chegeto-, tá hát tikiˈde hí fayám iiy chíéllá, fayám gálaat úba hí hé ˈdúwaká ka dhaˈgasan-, gaalí iiy yegetká.

Dhesaloníke ki Naamaká 3:13

Tá it nyaaram kínyaallo, hé midhabká ekenyle haí ˈgorosîny.

Tímote Erká 5:21

Waag ubaa Yiesu Kirísto tá gál ˈgasso-, urru-, Waag hí waarateká metleka, ha yú ko geey, atim yú ko atíéllá tág chíro, ha gálaat hol eiy gaa nannîny, ˈbaal tírtir ˈdú kokôny, gálatí hélle mé yuyûny.

Tímote ki Naamaká 4:1

Waag metle ubaa Yiesu Kirísto giri gál luogolká ubaa gál kufeká bár ka chiimetóótíá ˈdéé ki iđimuo-, hol ká nadheka, Guchle biiy yé gáá ˈdeđuoká metle hé yú ko ki mureká hééllá:

Héberew 11:6

Aaléka, máádhat he iiy yeen manítaka, hé hát níínní Waag geer gaa meeyoká mán. Máádhat he Waag ˈdú gáá yiimet fedoka, mu Waag hát he ali iđo-, gál hí ˈdú gáá yiimetká hé midhabká shigichoká hí iiy yeet.

Héberew 13:16

Hé midhabká hí hol ki ekemeychoká ekenyle haí hâny. He ekeny hatallóóllá he hé shiicho-, ke Waag shiguo-, Waag geer gaa memesuoká.

Héberew 13:22

Nyaaramchú, ˈdéé hót chia gáá gaaw-, yú hí ˈdu gáá veere-, yú hí ki gogofsúóllá ger midhabká ki eedhdhíe.

Bétiro ki Naamaká 3:18

Tá Máá kúnnaa Guđo-, Rubachiet-, Yiesu Kirísto lééllá ˈdúˈjímle ubaa onyle ki hiráa. Káána ubaa bííyyo, ˈduuw taalle hí mú hélle yeet. Iiy-hí, he hí hát kinaallá yeet.

Yuána Erká 3:22

Héétí, hé mákárta-, ki mú rogononká ha ke mú gaa aargira. Hé kinaallá he ˈdaa giri ke mú hemuumuritle ki met gaa kekeen-, ke hé mú geer gaa memeyoká ekemeyoká.