Dhesaloníke Erká 3:3 - Fayam Midhab Yiesu Kiristoká He Hol Af Iđiny Kaanaká

³ héétí manyjasiny kíchia hí gaa iđóól hí ma gaa riiteenká. Manyjasiny hatallóóllá múúni ki Kirísto iiy yíéllá hát il hí muun gáál aargiˈdoká it óg.

Dhesaloníke Erká 3:3 ပူးပေါင်းရင်းမြစ်များ

Lúka 21:12

Tá hé kinaallá lulle hátlé ali ma kí ˈdíinyká ha gaalí ˈgiiliˈgaa, ha gaalí maanyjasia. Meenychú ˈdaalle ˈdugaka gál ény ˈdiiyiminyká met ki ˈgieká ubaa gál kaansúoká tá gállé guguđo-, les met ki ˈgieká ha gaalí ˈdú egee, gaal ˈdéé haí ki iđimia, gaal ény hiiginká haí fafaa.

Yuána 16:2

Itín gaal ény ˈdiiyiminyká haí ká riidha. Tá bár gál hí yegeská kieye, Nyíín Waago nyí hujich ki nanniyya, yegetká, hé geđ igiˈdo.

Yuána 16:33

Yú hí hééllá geeyallá, he giri ˈdaachúka, hí naanná aargiˈdaká. Lésallá he il haí gaa aargiˈda, tá haí ger mare ˈgíiny, yáá les ká adhdhe, muí gáál yie.

He Ekeny Gál Alb Fimiká 14:22

Gaal ˈjien kinaal gál láliká yiir gaa chiˈde, gáál af tie, giri gaal hát ˈdabaanká iiy yeen tág chiiratká. Gaal gáál geey, kieye, Guch Waaˈgiet ki higiloka, hát hé guđoká il hí gáál aargiˈdoká kí onnow, gaalí yie.

He Ekeny Gál Alb Fimiká 2:25

ˈDáwuˈd mú ˈdeenyle huogodheká kieye, Máá chia Guđoká bar lullé yú met gaa kokodhdho. Yú yáá hé ye riitisuoká mán, ˈdaa giri mu ye gíl ˈdaa naaniet yaalká.

He Ekeny Gál Alb Fimiká 21:11

Mu nyí ˈdú gáá yimieká mu Báulo sáblé seeteká eedhdhe, mu sááb gille ubaa ˈgasle ki hiigite, kieye, Hím Naasan Waaˈgiet hatallá he chie: Sáballá máálle gál Yuuˈdi Yerusalemká hatallá hí higidha, tá hí kidh gíl gaa kakaa, Hím Naasan hí ye chie, muí yie.

He Ekeny Gál Alb Fimiká 21:13

Aalé Báulo nyí ˈdéé hol ˈdu gáá nie, kieye, Háteka hí bebeenne-, hí ye gúóf gaa gagalicháal? Yerúsalem yú sedheka, Máá Guđo Yíésu meenyle ˈdugaka hiigin úba kí hayo, kúfach yáá ki ég, muí nyí yie.

He Ekeny Gál Alb Fimiká 9:16

Mú aalé ˈdaa meenychú ˈdugaka hé burnay-, il hí mú aargiˈdoká mú ha yú aargisia, Máá Guđoká hí yie.

Róóma 5:3

Hé ke hé kinaallá tákámle ma gaa geyyiminy, manyjanykúnno úba ha ki gaa geyyime, ˈdaa giri manyjany hat mé ki chirsan yé ˈdú ˈdeˈdeennoká ki ógká.

Korínto Erká 15:58

Aaléka, nyaaram chia yú gielallo, taganokícho ˈdée, ha gaalí riitisîny. Aadh lulle Máá kúnnaa Guđoká hújíchle taalle hát ˈdabaanká naannáa. Hujichaam lullé hí Máá kúnnaa Guđoká ki nanniyyóóllá hát hé midhabká hí yé gáá ˈdeˈdeenká it óg.

Korínto Erká 4:9

Tawunychúka, nyííni nyí gál alb fimííllá, hát gál Waag hí biiy el ˈdaˈd ki madiche-, gaalí ˈdéé ki mure-, gaalí yegeská. Biiy lulle gállé lesalloká ubaa gál ˈgasso-, urruká inno nyí gaa kuokoy.

Eféso 3:13

Aaléka, gillo yú hí ki efe, manyjany chia yú hí ˈdú maanyjawallá haí gúóf gaa galîny. Manyjanychú hé hí ki midhab-, hí ger gaa memesuoká hí yé gáá ˈdeˈdeme.

Filíbi 1:28

gál hí met il gaa ˈgieká itín hí hát lulle ma kikianká yáá óg. Sierm hí mánnallá gál hí met il gaa ˈgíéllá hí argeka, gaal hát Waag hí beđisat-, tá itín íín Waag hí ririanká hai kiimita.

Kolosááya 1:23

Tá hát ˈdabaanká ˈgée, iiy yeen kíchia hí ˈgayyáállá taalle chiˈdíe, hé Waag hí af iđiche-, hí Fayam Midhaballá gaa maalle-, hí met egetééllá haí sug ki níiny. Fayamééllá he Fayam Midhab Kiristo-, gaalí les geer lulle gaa ˈdiyime-, yáá Báulo lééllá hí gédéchlé gálaat ki ˈdiyeenká yíéllá.

Dhesaloníke Erká 5:9

Waag múún gáál gálle hosotééllá, idhollé he gáál ˈdú iđimicha muuniny, he giri muun ke Máá kúnnaa Guđo Yiesu Kirísto rubach gaa aargiroká.

Dhesaloníke ki Naamaká 1:4

ˈDaa kinaallá ˈdugaka alb gál Kiristo me hí hol gaa aargiroká in itín ke hí súm gaa memeye, hat giri hí manyjasiny ubaa he il ká argisiny lúl hí mé ki chichirsata-, hí iiy yeenkícho ki ˈgiiyyáállá in taalle nyí gáál geđicha.

Tímote ki Naamaká 1:8

Aaléka, Máá kúnnaa Guđóóllá fayamle ˈdiyeennoká kern hai ko ˈgíˈgin, héétí yáá mú ˈdaalleka hiigin gaa ijóóllá yaalmit chiallá hai úba ko kern ˈgidhîny. Tá ˈdaa fargogint Waaˈgietka, Fayam Midhaballá manyjanyle kí hol ˈgar maanyjaw.

Bétiro Erká 2:21

ˈDaa giri Kirísto hí ˈdú manyjayká, in Waag hí yaalmitééllá kí viiyye, giri hí yaalmit Kiristóóllá enniannoká.

Kí Edhesiny 2:10

Manyjany ál ˈjob-, il hí gaa aargiˈdoká siermle haí ˈgíiny. Bá dhaayyíe, itín ˈbaal Sátan ál ˈjob ˈbíl hiiginká haí ki lalaanna, giri muí he af kí dhaˈgasanká. Ram tomon he il haí gaa aargiˈda. Aaléka, har úba káána kúfach kátaka, iiy yeen kíchia hí ye ká ˈgayyaká haí hâny, yú hé shiicho luolmitiká haí shigia.

Kí Edhesiny 2:13

Itín hát ˈjien kara guchi-, Satanká hí gaa yaalká hí gaa iđaká yáá óg, tá it meenychú tág ki ˈgiiyya. Har úba máá chia ˈdúwa-, ˈdeenychú gálaat geđie-, Ántibas lé-, ˈjien Sátan hí gaa iđoká álle gaalí hurtkícho ki yieska, it iiy yeen hí ye iiy chieká ma đíiny.