Dhesaloníke Erká 3:2 - Fayam Midhab Yiesu Kiristoká He Hol Af Iđiny Kaanaká

² in nyí Tímote giri nyár kínyaa ˈdaa Waaˈgietka nyí hol hújích Fayam Midhab Kiristóóllá ˈgar nanniyyáállá ke hí ali ˈdu gáá kaay, giri mu itín hí iiy yeenkícho gaa higirasuo-, hí gogofsuo-,

Dhesaloníke Erká 3:2 ပူးပေါင်းရင်းမြစ်များ

He Ekeny Gál Alb Fimiká 16:1

Báulo ubaa Sílas sienylé gaa igireká ˈDérbe ubaa Lústura ki fame. Aalé gaal ˈjien Lustura állé kinaal máá lali-, gaalí Tímote yegie-, ˈjielle min Yuuˈdi-, Kirísto iiy chie-, ˈjaalle máá Hellen mare ál kinaal gaa arge.

He Ekeny Gál Alb Fimiká 16:5

Aalé gál Kiristo alb kinaalloká gaalí guofsie, iiy yeen hí fargogoyye, gál Yíésu iiy yieká aadh lulle heegere.

He Ekeny Gál Alb Fimiká 18:5

Aalé Sílas ubaa Tímote Makeˈdónia gáá fameká, Báulo đonganaam dhaany hay, hol sillie, aadh lulle ˈdeeny Yiesu gálaat ki ˈdiiyime, gál Yuuˈdi Yíésu hát he Messíyaká geeđie.

Róóma 16:21

Tímote giri nyí hol hujich ˈgar naniyyóóllá hé hí naa ká yie. Nyaaram chia Yuuˈdiká Lúkios ubaa Yáson, tá Sosibáteros úba hé hí naa ká yie.

Korínto Erká 3:10

ˈDúˈjím Waag hí ye shiicheká in yú hujich ki nie. Hát máá gil óg-, é ˈdiˈdisokáka, yáá ál ˈdúwa-, gaalí ˈbíl ˈdiˈdisoká gáál argisie, gál kinaal hé ál kinaallá ˈbíl gaa ˈdiˈdiso. Tá gálaat hí hol ˈdeeˈdeen, hí ˈbíl hát ˈdabaanká ˈdiiˈdisso.

Korínto Erká 4:17

Hééllá ˈdaalle ˈdugaka in yú hí iny chia yú giel-, ˈdaa Máá kúnnaa Guđokáka ˈduuwle yú kimite-, Tímote lééllá yú hí ali ˈdu gáá kaay. Mu ˈgíérích Kiristo yú ki ijo-, yáállé hí alb lulle gál Kiristo me hí hol gaa aargiroká gaa oonisuoká táb haí kí gaadha.

Korínto ki Naamaká 1:1

Yú he Báulo, máá Waag hát hí ki feˈdeká hí máá ali gaa kaany-, Yiesu Kiristoká hoycheká. Warˈgatééllá yú ubaa nyár kúnnaa Tímote it Kirísto iiy chie-, hí ˈjien Korinto gaa iđáállá ubaa gál Kiristo lulle lés Akaya gaa ijoká lul kíchia ke hí ˈdu gáá veere.

Korínto ki Naamaká 1:19

Iny Waaˈgiet-, Yiesu Kirísto-, yú ubaa Silfáánas, tá Tímote ke hí hurtkícho gaa ˈdiyimééllá mu hé iiy-hí ma yegen, kor wáásaka, héllé kinaal el mé ma ˈgiisan, híʼi, ma yegen. Mu héllé hogodhoká hé ˈdúwaká tákáma.

Korínto ki Naamaká 2:12

Af giri ˈdaa Fayam Midhab Kiristóólláka ˈjien Torowas álle yú ki ˈjieká, Máá kúnnaa Guđóóllá ye kar af kí fure, yú Fayam Midhaballá ˈdiiyime.

Korínto ki Naamaká 2:13

Tá af giri ál kinaal yú nyár chia Títo ma gaa árginyká mú geerle đo ye gaa ˈdeenedhe. Aalé gál nyaaram kúnnaa Kiristo-, ál kinaal gaa ijoká nyí hol Waag ki viiyye, yú đo lés Makeˈdoníállá mé ká nie.

Korínto ki Naamaká 8:23

Títo íín he máá chia ˈdaakíchoka nyí hol hujich ˈgar nanniyyoká, tá nyaaram kúnnaa mú hol ˈgúóllá he gál gállé Kiristo-, lesalloká hí ali ká fie-, hújíchlé nannúól Kirísto ˈdúúw gaa shiguoká.

Filíbi 1:25

Hé kinaallá yáá él ki mán. Tá yú hát les ˈdug ˈdú ijoká yáá óg, itín kín lulkícho hollo ke hol ˈgaa, giri hí higirayyo-, hí iiy yeenkícho ki geyyeenká.

Kolosááya 1:1

Yú he Báulo, máá Waag hát hí ki feˈdeká hí máá ali gaa kaany-, Yiesu Kiristoká hoycheká. Warˈgatééllá yú ubaa nyár kúnnaa Tímote nyí ká verenne.

Kolosááya 1:7

It Waag ˈdúˈjímle Fayam Midhab Kiristóóllá Ebáfaros gaa onnote. Máállá tág nyáá nyí giel, mu íín he máá kúnnaa ke hol ˈgar gede Waaˈgiet-, ˈdúwa-, ke hol hújích Kiristóóllá yiir ki chichiratká.

Kolosááya 4:12

Máá kíchia Ebáfaros giri gédéch Yiesu Kiristoká úba hé hí naa ká yie. Mu hé aadh lulle lađaan-, hí Waag kí vivisat-, giri itín hát Waag hí feˈdoká hí kiimisata-, hí higirayya-, hí tág ˈgiiyyaká.

Kolosááya 4:9

Mu nyár kúnnaa ki giel-, ˈdúwa-, Onésimo kíchiallá hollo hol ká egedhdhe. Gaal yaalmit alloká fayamle lulle haí shigia.

Dhesaloníke Erká 3:13

giri hí iiy yeenkícho tagano gaa ˈgiiyya-, Máá kúnnaa Guđo Yíésu ká ˈjieka itín ubaa mú gállé hí iiy yieká lulle hí ˈJaa kúnnaa Waag metle gál ˈdeensen mán-, ˈdúwaká gaa chegetoká.

Dhesaloníke Erká 3:5

In aaléka hééllá hát níínní yú hol gaa tuo-, mánká, in yú hí Tímote ali ˈdú gáá kaay, giri iiy yeenkícho yaalmitle muí ká aargiroká. Yú kieye, Sátan taalle gáál má ki egesen, laat ˈdaa kíchoka nyí laađaanneká laat halleelloká má cheen? yú yie.

Dhesaloníke ki Naamaká 2:17

hí gúóf shiiguo, hí farguogoyo, giri aadh lulle hé hí ekemeychoká ubaa hé hí hogotoká ˈdúwaká.