Dhesaloníke Erká 2:5 - Fayam Midhab Yiesu Kiristoká He Hol Af Iđiny Kaanaká

⁵ Nyiin hát nyí kálta churiny tag ki ˈdimiká ke hí ma ki chúrinyká it óg. Waag he misikirkínyo, nyiin nyáá nyí ke hí hát điđamoká ma ki ˈdíiny, ke hí he ma gaa árginy.

Dhesaloníke Erká 2:5 ပူးပေါင်းရင်းမြစ်များ

Matááyo 22:16

Gaal gállé láliká ubaa Heróˈde gállé hí ˈdú ijoká Yíésu ali ˈdú fie, gaal Yíésu geey, kieye, Máá gáál he oonisúóllo! Kuun hát máá hé ˈdúwaká hogodhoká tág nyáá nyí óg, ˈgierim Waaˈgiet hát ˈduwantiká kuuní ˈdiyeenne, kuun kó ˈdeeny gálaat el ma gaa igiriny, gálaat hol eiy ma gaa nanniny.

Matááyo 23:13

Yíésu geđi gáál geey, kieye, It gálaat nyatalaam oonisicháállo ubaa it gál Farisaayallo, he ebá hí ki ˈdéen! It hol ˈdug gáá sasalláal! It gálaat Guch Waaˈgiet hilít gáá moyche! Itín dhúrkícho it Guch Waaˈgiet hilít hol ká riate, héétí it gálaat Guch Waaˈgiet hilít ka riate.

He Ekeny Gál Alb Fimiká 20:33

Yú yáá máá níínní bírelle ubaa đafaraamle ílle ˈgieká mán.

Róóma 1:9

Waag giri yú fargogintchú lulle hujich ki nannuo-, Inyle Fayamlé Midhaballá yú ˈdiyeenallá, hát aadh lulle yú hí kí vivisatká hé óg.

Róóma 16:18

Gál hat kinaalloká hé Máá kúnnaa Guđo Kirísto hújíchle ma nanniny, gaal hé metlé hújíchle nannaa. Gaal ˈdeemano salsaloká ubaa ˈdéé hót he gálaat ki memeyoká he gálaat geđia. Yaalmitééllá in gaalí gál met af gaa guguđoká ki nyiimita.

Róóma 9:1

Yú ˈdaa giri Kirísto máálléká in hé ˈdúwaká hogodho, yáá hé hódhoká ma hogon. Yáá tág kídhchú geerle ye gaa ˈdeenedhe, geer gaa ˈdeenen chiallá hé ali ma ki ˈdeˈdeminy. Kaschú ubaa Hím Naasan Waaˈgiet hé yú hogodhóóllá hát he ˈdúwaká hé óg.

Korínto ki Naamaká 12:17

Tá háte yú hí nyiimite? He in gál yú hí ali ˈdú gáá fieká ˈdaalleka in itín yú hí bal mé ki káádhdhe?

Korínto ki Naamaká 2:17

Nyiin nyáá nyí hát gál burnay-, hát tagléká ˈdeeny Waaˈgiet ma ˈdiyiminy-, gálaat birm hát điđamoká gaa shugunatká muuniny. Nyiin nyí gede Kiristo-, giri Waag hí alb fafiyyo-, Waag innumleka hát ˈduwantiká gálaat ˈdeeny Waag gáá yimieká ki ˈdiyeenká.

Korínto ki Naamaká 4:2

Nyíín nyáá nyí hé kern manti-, ubaa hé điđám gaa ijoká gaa láʼ. Nyáá nyí gálaat ma nyiimisan, fayam Waaˈgiet nyí hol ma gaa lalaminy. Nyiin innum Waaˈgietka ˈdeeny ˈdúwa-, leđuđugulleká nyí gálaat met gaa hogoto, giri gálaat lulle ˈduuwkínyo hát ˈdabaanká eiy nannasatká.

Korínto ki Naamaká 7:2

Aaléka, ˈdaakínyoka ger furáa. Nyiin nyáá nyí máá níínní he ki ˈdeeneycheká mán, muuninyka, nyí he ki ekeycheká mán, héétí nyí ki kiiyyeká mán.

Galátia 1:20

Hé yú hí ˈdu gáá verenóóllá hát hódho muuninyká hé Waag hí óg.

Dhesaloníke Erká 2:10

Hééllá itín ubaa Waago hí ˈdúúw ˈdú ˈdiiyye, giri it hí Kirísto iiy chíéllá ke hí hát saas manti-, ubaa ˈduwanti-, tá ˈdeensen mantiká ke hí ki sesemeká.

Tímote Erká 3:3

Mu hai máá bersh súm igianká onnôny, hai máá aˈgereká onnôny, hí máá abunaʼ-, af ka shalal mán-, birm ma geelnenyká onnow.

Tímote Erká 3:8

Gede ˈbíl geer Waaˈgiet úba hí hát tikiˈde kinaallá gál siríg ˈguoká onnow. Hai gál af hí nanama-, bersham súm igian-, hát tag ki ˈdimiká he ki aargiroká onnôny.

Títo 1:7

ˈDaa giri gál Kiristo máállé méteká hújích Waaˈgiet mé ki yaalká, mu hí máá gálaat hí ma ˈdeđensenká onnow. Mu hai máá mé gogo-, ídho ˈjób-, bersh hí fafaan-, aˈgere-, már ˈguoká onnôny.

Bétiro Erká 5:2

wala Waaˈgiet hí met ki ˈgiiyyáállá hát ˈdabaanká ˈdeeˈdemíe, af taatáa, tá hé kinaallá hé he mé ki tím muuniny, he hát hí uˈda-, Waag hí ki feˈdoká. Haí birm maralle ˈgíiny, hújích hí nanniyyáállá gófle ˈgáa.

Bétiro ki Naamaká 2:18

Gaal ˈdeem churshamo-, ˈdúúw mánká he hogodho. Gaal gál ˈjobintéél hé gaa nyakarichká kar gáá ˈdaneká he laladhdha, balt gónlé gaa nyakaridheká he gáál af ki ˈgoˈgoˈdo.

Bétiro ki Naamaká 2:3

Gaal ˈdaa he hol ki feditleka in ˈdeem hol af tagano ki kokoo, hí nyiimita, hí he ki nannata. Tá Máá gáál ˈdéé ki iđimuo-, gáál af ki beđisatká íín kisso gáál met tág ˈdie, hé in bano.

Yúúa 1:11

Hóbá! He bá gál kinaal ki ˈdéen! Gaal hé ˈgíérích Kayinká nadhe, gaal hé hol gaa ˈdoˈdodhdhe, ˈgíérích muommo-, Balamká nadhe. Gaal hé hát tikiˈde-, mú Kóra hí Waag af đuˈduse-, Waag hí af ki beeseteká íín úba Waag af haí ki beđisata.