Dhesaloníke Erká 2:3 - Fayam Midhab Yiesu Kiristoká He Hol Af Iđiny Kaanaká

³ Churiny ke hí chureká, hé ˈdaa nyimisan ubaa hé tagle muuninyká muuniny. Héétí úba hé ˈdaa điđamo muuniny.

Dhesaloníke Erká 2:3 ပူးပေါင်းရင်းမြစ်များ

He Ekeny Gál Alb Fimiká 13:15

Aalé hemuumurit Waag hí Móshe ka shiicheká ubaa gál Waag hí ˈdeem ka shigicheká ˈdeemle túóy hí đuyyeká, ˈbíl ˈdiiyiminyká gállé guguđo-, hí mé ki ˈgieká máádhat mú Báulo ali ˈdú kaay, kieye, Nyaaram kínyia Yuuˈdííllo, har ˈdeeny hí gálallá af ki tatiyyoká hí ˈgayyaka, ka kée, gáál af táa, yie.

He Ekeny Gál Alb Fimiká 4:36

Yúósef giri máá Levi, tá máá lés Kuburos, giri gál alb fimiká hí meeny Barnábas léká shieká léslé he lilayká úba bíre hidhdhe, bíre kinaal gál alb fimiká met ká sidhe. (Barnábas hélle kieye, Máá gáál gogofsuoká.)

Korínto ki Naamaká 11:13

Gál hatallóóllá he gál alb fimi-, hođomlé-, hujichaam điđám ki nannuo-, hol gál alb fimi-, Kiristoká ka hođuoká.

Korínto ki Naamaká 2:17

Nyiin nyáá nyí hát gál burnay-, hát tagléká ˈdeeny Waaˈgiet ma ˈdiyiminy-, gálaat birm hát điđamoká gaa shugunatká muuniny. Nyiin nyí gede Kiristo-, giri Waag hí alb fafiyyo-, Waag innumleka hát ˈduwantiká gálaat ˈdeeny Waag gáá yimieká ki ˈdiyeenká.

Korínto ki Naamaká 4:2

Nyíín nyáá nyí hé kern manti-, ubaa hé điđám gaa ijoká gaa láʼ. Nyáá nyí gálaat ma nyiimisan, fayam Waaˈgiet nyí hol ma gaa lalaminy. Nyiin innum Waaˈgietka ˈdeeny ˈdúwa-, leđuđugulleká nyí gálaat met gaa hogoto, giri gálaat lulle ˈduuwkínyo hát ˈdabaanká eiy nannasatká.

Korínto ki Naamaká 4:5

Nyiin nyáá nyí dhúrkínyo hékínyo ma ˈdiyiminy, nyiin Yiesu Kirísto hát he Máá Guđoká nyí ˈdiyeenne. Yíésúúllá ˈdaalle in nyí gedekícho ki chie.

Korínto ki Naamaká 6:8

Gálaat aadhká gál ˈdúwaká hai nyí ká dhaay, aadhká hai nyí eeshey, aadhká hai nyí fichile, aadhká hai nyí meey. Nyiin gál hé ˈdúwaká hogodhoká, kor gáál ˈbaal gál gálaat nyiimisatká he nyí ká dhaˈgama.

Korínto ki Naamaká 7:2

Aaléka, ˈdaakínyoka ger furáa. Nyiin nyáá nyí máá níínní he ki ˈdeeneycheká mán, muuninyka, nyí he ki ekeycheká mán, héétí nyí ki kiiyyeká mán.

Dhesaloníke Erká 2:11

Nyiin hát urgúaka baabá hí umle ki seseenká úba ke hí ki sedheká, it óg.

Dhesaloníke Erká 4:7

Waag íín hé gáál yaalmit gaa nyakaridheká ma kí víiny, iđiny ˈdúwa-, he feˈdoká he gáál kí viiyye.

Dhesaloníke ki Naamaká 2:11

Hééllá ˈdaalle ˈdugaka in Waag gáál hé hódhoká ˈdú haađicha, giri gaal hé hódhoká ˈdúúw hođisatká.

Bétiro ki Naamaká 1:16

Af giri ke hí geey-, Máá kúnnaa Guđo Yiesu Kirísto fargogínt hollo hol kí nanadha-, ki hí yieká, hé kinaallá hé hib điđamo-, gálaat hí hol af tág kí koyká muuniny. Yíésu ˈduuwle íín íl kínyaa nyí ki argiyye.