Dhesaloníke Erká 1:3 - Fayam Midhab Yiesu Kiristoká He Hol Af Iđiny Kaanaká

³ Iiy yeenkícho hát hí he gaa eekemeycho-, ubaa hújích kíchiallá gielmit hí ˈgayyáállá hí ki nanniyyo-, héétí har káána úba he hí ki ˈgierˈgernítaka hát hí Máá kúnnaa Guđo Yiesu Kirísto hí ˈdúúw ki ógallá nyáá nyí ˈJaa kúnnaa Waag met táb gaa ˈdoˈdooto.

Dhesaloníke Erká 1:3 ပူးပေါင်းရင်းမြစ်များ

Yuána 14:15

Har hí ye gielnítaka, hé yú hí kí mureká el haí gaa verenne.

Yuána 15:10

Hát yú hemuumurit ˈJaachú ki yaal-, mú gielmitle gaa ijóóllá, itín har hí hemuumuritchú ki taalka, gielmitchú haí gaa yíéđianna.

He Ekeny Gál Alb Fimiká 10:31

kieye, Kornélios, Waag hé Waag visankú maalle, tá hé kua gál he maamanká shigichoká hé úba méká ˈgayyo.

He Ekeny Gál Alb Fimiká 3:19

Hé kíchia ˈdeđew-, hí gaa seseennoká hayyíe, Waag makan famíe, giri ađaabano ubaa nyuogim kícho Waag hí ˈdug gaa laanno-, hím kíchia hí nanniyyoká Máá Guđo Waag yé gáá ˈdeenká.

Róóma 12:12

Waag hé hí af iđiche-, hí met egetoká, hát geer gaa meentiká ki esée, manyjany hát lulle il hí aargiˈdoká mé ki chiichirtíe, Waag viivitíe.

Róóma 15:13

Aalé it hí Kirísto iiy chíéllá, Waag ííni gáál ˈdú ˈjeˈjeennóóllá hí ger gaa meen ubaa naanná shiigicho. Héétí ˈdúˈjím Waaˈgiet hát hí aargiˈdaká onyle úba Waag hí shiigicho. Hím Naasan Waaˈgiet fargogintle hí onyééllá ˈdú ookodmicho.

Róóma 15:4

He lullé Warˈgat Waaˈgiet gaa ijóóllá kisso gaalí veere, giri múún gáál af tatuoká. Atimééllá in muun gáál gúóf ubaa mé ki chirsan shigicha. Hát kinaallá in he lullé Waag hí gáál af iđiche-, ke met egesóóllá hát Waag hí ˈduuwasichoká ke og.

Róóma 16:26

Aalé hát warˈgasam gál Waag hí ˈdeem ka shigicheká hí huogodheká ubaa hát Waag bííyyo ali iđóóllá hí muˈdeká, Fayam Midhab Kiristóóllá hé káána gálaat hí kidh lúl mamalsuo, giri gaal Kirísto iiy yeget-, mú el gaa igiroká.

Róóma 16:6

María giri hí súm hujich kí nanniyyeká ye naa kí yiedhíe.

Róóma 2:7

Gál hé midhabká ekemeyo-, giri aadh ˈdaatika Waag hí meeycho-, muí gál ˈdúwaká yeget-, gón ma kufuminyká muí shiguoká, luolmit biiyoká Waag haí shigicha.

Korínto Erká 13:13

Aalé káánaka, hé farguogo-, ke ˈguoká he iiy yeen ke Waag ka ˈguoká, ubaa hé ke met egessoká hát he ˈduuwawká ónyi, héétí he gielmíti. Tá hé seđééllá héllé hí a mé ijoká he gielmíti.

Korínto Erká 15:58

Aaléka, nyaaram chia yú gielallo, taganokícho ˈdée, ha gaalí riitisîny. Aadh lulle Máá kúnnaa Guđoká hújíchle taalle hát ˈdabaanká naannáa. Hujichaam lullé hí Máá kúnnaa Guđoká ki nanniyyóóllá hát hé midhabká hí yé gáá ˈdeˈdeenká it óg.

Korínto ki Naamaká 2:17

Nyiin nyáá nyí hát gál burnay-, hát tagléká ˈdeeny Waaˈgiet ma ˈdiyiminy-, gálaat birm hát điđamoká gaa shugunatká muuniny. Nyiin nyí gede Kiristo-, giri Waag hí alb fafiyyo-, Waag innumleka hát ˈduwantiká gálaat ˈdeeny Waag gáá yimieká ki ˈdiyeenká.

Galátia 1:4

ˈJaa kúnnaa Waag hát he fedeká in Kirísto nyuogim ubaa ađaabanokúnno ˈdaalle hol ˈdú sillie, giri mu gáál yaalmit gaa nyakaridhe-, barallóóllá gaa ririanká.

Galátia 5:13

Nyaaramchú, itín mé furinyo Waag hí kí viiyye. Tá mé furitkícho haí kár giri hí balt gón kíchia gaa nyakaridheká ki geymisichoká hôny, hí mé furit gálle hol giel-, hol he ˈdú chichiratká onnoyyo.

Galátia 5:6

ˈDaa Yiesu Kiristoka, ke hermita yíekaʼ, ke má hermisan yíekaʼ hé kinaallá hé kátaká mán. Hé súm ˈdúwaká he iiy yeen ke Kirísto ka ˈguoká ubaa gielmit iiy yeen kinaallá yé gáá ˈdeˈdeen-, ke gálaat ki gielká.

Galátia 6:9

Hé midhab-, ki ekemeyoká hai gáál ˈgorosîny. Muun ki ma ginnanyka, hé midhab kinaal héllé hí yé gáá ˈdeˈdeenká aleđuđugulle ali kí ˈdiiyyeka ha ki aargira.

Dhesaloníke Erká 3:6

Kor káánaka, Tímote bííykícho gáá ˈjieká, hé nyí fayam midhab-, ˈdaa iiy yeenkícho ubaa gielmitkícho ki taalká hé nyí shie. Mu hát hí tawuny midhabká ˈdaakínyo ka ˈgayya-, itle hí nyí fiiriche-, hát káána itín ke hí aargiroká nyí feˈdééllá itín úba hát hí nyí aargiˈdoká hí feˈdoká fayamle hé úba muí nyí shie.

Dhesaloníke ki Naamaká 1:11

ˈDaa kinaallá ˈdugaka in ke hí aadh lulle Waagkúnno kí vivita, giri iđiny kíchia muí kí víéllá mu hí gál ˈdúwa-, iđiny kinaal ki ijoká ka tuoyo-, héétí mú fargogintle ˈdaalleka muí he feditkíchía midhabká ubaa he ekeny kíchia iiy yeenkícho yé gáá ˈdeˈdeenká lulle muí đuusuoká.

Dhesaloníke ki Naamaká 1:3

Nyaaramkínyo, ˈdaakíchoka aadh lulle Waag gielmít nyí hol ˈdú nanniyyoká taglé. Waag nyí gielmít hol ˈdú nanniyyáállá, he ˈdaa giri iiy yeenkícho súm higirayyo-, gielmit hí hol ká ˈgayyaká úba súm guuđanatallá.

Tímote Erká 1:14

Tá Máá kúnnaa Guđo Waag hé ye ˈdúˈjímle hát ˈdabaanká ˈdú ookoˈdmie, ˈdaa Yiesu Kiristoka ye iiy yeen ubaa gielmít ká shie.

Tímote Erká 2:3

Hééllá innum Waag kúnnaa gáál rubach shigichóólláka, he yíéđiny midhab-, Waag hí gáál ki feˈdoká.

Héberew 10:36

Onnônyka mé hí ki chiirsata, giri hí he fedit Waaˈgiet ekeycheka, hé muí af iđieká hí aargiˈdoká.

Héberew 11:17

Abirááyam iiy yeenle ˈdaalleka, af giri Waag hí he af kí dhaaycheká in Waag af ˈduwasie, inylé Yísak kúb suoryoká ˈdú iifie, giri Waag suor ki ˈgaaloká. Har úba Waag mú he af iđiche-, kieye, Hídhkú Yísako yé gáá ˈdeeme, chieka, mu hé inylé ali ka takachallá Waag suor ki hođuoká ma đíin.

Héberew 4:11

Aaléka, kí laađaan, kí Waag állé him ki nimííllá hilo, giri muun mú tikiˈd hát gál héle Waag af đuˈdusekáka ˈboy ma ˈdeeminy-, ma baađanyká.

Héberew 6:15

Aaléka Abirááyam hé ma ˈgorôny, hé Waag hí hotéél af yíéđie, in el ˈdaal hé Waag hí af iđichééllá arge.

Bétiro Erká 3:4

Verekícho hí vere hí hodhinaam ká ˈgayyaká onnoyyo, úba hí vere hugumiet ma ˈdeđenen-, abuniyyo-, sáaká onnoyyo. Vere hat kinaallóóllá innum Waaˈgietka hé ˈdúwa.

Yuána Erká 3:18

Umééllo, ha ki gálaat af tákámle ki geelnêny, gálaat kí hát ˈduwantiká geelnew, gálaat kí ˈdú ˈjeeˈjeen.

Yuána Erká 3:21

Sheel chia yú gielallo, har ke hol óíyta-, ke ˈgíérích ˈdúwa-, Waag hí feˈdoká el gaa igiroka, af kinaalka Waag metle hé ke sierm gaa mán.

Yuána Erká 3:3

Ameeny máá he met esinyééllá Kirísto ka ˈguoká, hát tikiˈde Kirísto saas mánnallá, íín úba hé hí saas mé ki kokuoká hol ká riiriat.

Yuána Erká 5:3

Waag geelnen he Waag hemuumuritle el gaa igiriny. Mú hemuumuritlééllá hé gáál ílsh ma ˈdú iđiminy.

Kí Edhesiny 2:19

Yáá húgúm kíchia hí ˈgayya-, hát káána gielmít ubaa iiy yeen kíchia, héétí laat kíchia ubaa mé ki chirsan kíchia hí ˈgayyáállá óg. Húgúm kíchia midhab-, kaanallóóllá hát húgúm kíchia kissoká af yíé ˈdieká úba yáá óg.

Kí Edhesiny 3:10

Aalé ˈdaa giri ˈdeeny chia kieye, mé ki chirtíe, chieká hí chirateká, aaléka af giri manyjany les gáá ˈdeen-, gál les ˈdú ijoká lulle he il hí aargiˈdoká, hé kinaal ha yú hí ká riidha.