Tito 3:7 - DIOSPA QHELQACHISQ

⁷ Ajinata Dios ruwarqa noqanchej qhasilla k'acha yanapayninnejta cheqan runapaj qhawasqa kaspa, wiñay kawsayta chayaqeta jina jap'iyta suyakunanchejpaj.

Qheshwa Biblia DC

⁷ Diospa khuyakuyninrayku cheqan runas kanchej, chayaqeta jap'inanchejpaj wiñay kausayta suyasqanchejman jina.

DIOSPA QHELQACHISQAN DEUTEROCANONICAL

⁷ Ajinata Dios ruwarqa noqanchej qhasilla k'acha yanapayninnejta cheqan runapaj qhawasqa kaspa, wiñay kawsayta chayaqeta jina jap'iyta suyakunanchejpaj.

Quechua South Bolivia: Dios Parlapawanchej

⁷ Ajinamanta Dioska c'acha yanapayninnejta chekanpaj khawawanchej. Chekanpaj khawaskas caspataj wiñay causayta jap'inanchejta suyashanchej.

Tito 3:7 ပူးပေါင်းရင်းမြစ်များ

San Mateo 25:34

Chantá Kuraj Kamachejqa pañanpi kajkunata nenqa: Jamuychej, qankunaqa Tataypa saminchasqan kankichej. Chayrayku Diospa janaj pacha kamachiyninman yaykuychej, mayqenchus kay pachaj qallariyninmantapacha chayaqeykichejpaj wakichisqa karqa, chayman.

Marcos 10:17

Jesús Jerusalenman puririshajtinña, uj runa usqhayllata payman chimparqa. Jesuspa ñawpaqenman qonqoriykukuspataj, payta taporqa: K'acha Yachachej Wiraqochíy, imata ruwaspataj wiñay kawsayta tariymanri? nispa.

Romanos 11:6

Paykunaqa Diospa qhasilla k'acha yanapayninrayku ajllasqa karqanku, mana imata ruwasqankuraykuchu. Manachus jina kanman karqa chayqa, Diospa qhasilla k'acha yanapaynenqa manaña qhasillachu kanman.

Romanos 3:24

Chaywanpis Diosqa qhasilla k'acha yanapayninrayku, Cristo Jesusnejta cheqan runapaj qhawawanchej. Cristomin wañuspa, juchanchejmanta jasut'isqa kanamanta kacharichiwarqanchej.

Romanos 3:28

Ajinapi yachanchej Diospi atinikusqanraykulla pipis cheqan runapaj qhawasqa kasqanta, manataj Moisespa kamachisqanta junt'asqanraykuchu.

Romanos 4:16

Chayrayku, Diospa qosaj nisqantaqa noqanchej paypi atinikuynejta jap'inchej, chayta mana jap'inanchejpaj jina kashajtinchejpis. Jinaqa Moisespa kamachisqanman jinapis kawsana chayrí amapis, yachanchej Diospa qosaj nisqanta jap'inanchejta, sichus Abraham jina Diospi atinikusun chayqa. Chayrayku Abrahamqa tatanchej, tukuy pikunachus Diospi atinikunchej, chaykunajta.

Romanos 4:4

Kayta nisunman: Pichus pitapis imata ruwapunanpaj mink'arikun chayqa, ruwapojman mana khuyaspachu pagapun, manachayqa manupis kanman jina pagapun.

Romanos 8:17

Ajinaqa Diospa wawankuna kaspa, noqanchej Cristowan khuska paymanta chayaqeta jap'isunchej. Sichus Cristowan khuska ñak'arinchej chayqa, paywan khuskallataj jatunchasqa kasunchej.

1 Corintios 6:11

Ñawpajta qankunamanta wakin ajina karqankichej. Kunanrí llimphuchasqaña kankichej, juchamanta t'aqasqaña, cheqan runapajña qhawasqa ima Tukuyta Kamachej Jesuspa atiyninnejta, chantá Diosninchejpa Espiritunnejta ima.

Gálatas 2:16

Chaywanpis yachayku runaqa mana Moisespa kamachisqankunata junt'aspachu cheqan runapaj qhawasqa kasqanta, manachayqa Jesucristopi atinikusqanraykulla. Noqaykupis Cristopi atinikorqayku, paypi atinikusqaykuraykutaj Diospa ñawpaqenpi cheqan runapaj qhawasqa kayku, manataj kamachisqakunata junt'asqaykuraykuchu. Mana pipis kamachisqakunata junt'asqanrayku Diospa ñawpaqenpi cheqan runapaj qhawasqa kayta atenqachu.

Gálatas 3:29

Jinallataj sichus qankuna Cristojta kankichej chayqa, cheqapuni Abrahampa mirayninmanta kankichej, Diospa nisqanman jinataj chayaqeta jap'ejkuna.

Gálatas 4:7

Ajinaqa manaña wata runachu kankichej, aswanpis Diospa wawankunaña. Diospa wawanña kasqaykichejraykutaj, payqa chayaqeta jap'ejkunata ruwasunkichej.

2 Tesalonicenses 2:16

Kikin Tukuyta Kamachej Jesucristonchej, chantá Tata Diosninchej ima munakuwanchej, jinataj wiñaypaj sonqochawanchej, paykunamantataj allin kajta jap'ikunanchejta suyakushallanchejtaj.

Tito 1:2

Cheqa kajta yachasqankoqa paykunata yanapan wiñay kawsayniyojña kasqankuta sut'ita yachanankupaj, imaraykuchus mana jayk'aj llullakoj Diosmin chay wiñay kawsayta qonanta nerqa, manaraj kay pacha ruwasqa kashajtin.

Tito 2:11

Diosqa qhasilla k'acha yanapayninta rikucherqa, chayta mana jap'ikunanchejpaj jina kashajtinchejpis, tukuy qhespichisqa kananchejpaj.

Tito 2:13

Ajinata kawsananchej tiyan, suyakushanchej, chay kusiy p'unchay chayamunankama. Chaypacha may jina atiyniyoj Dios Qhespichiwajninchej Jesucristo jatun kayninpa lliphipiyninwan rikhurimonqa.

Hebreos 1:14

Aswanpis angelkunaqa Diospa munasqanta ruwanankupaj kashanku. Diostaj paykunata kachamun, pikunachus qhespichisqa kanata chayaqeta jina jap'enqanku, chaykunata yanapanankupaj.

Hebreos 11:7

Jinallataj Noeqa Diospi tukuy sonqo atinikorqa. Chayrayku mana jayk'aj rikusqan kananta Dios sut'inchajtin, Noeqa Diosta kasuspa, uj jatun barcota ruwarqa wasi ayllun ama wañunanpaj. Jinallataj Diospi atinikusqanrayku Noé yachayta qorqa chaypacha kawsaj runakuna juchachanapaj jina kasqankumanta. Chantá Diospi atinikusqannejta pay cheqan runapaj qhawasqa kanata jap'erqa.

Hebreos 11:9

Chaymanta Abrahamqa Diospi atinikusqanrayku, Dios qosqayki nisqan jallp'api tiyakorqa, runaj llajtanpi waj llajtayoj runa jina. Pay toldollapi tiyakorqa. Isaacpis, Jacobpis toldollapitaj tiyakorqanku, pikunachus Diospa nisqanta jap'inallankutaj karqa, chaykuna.

Hebreos 6:17

Chayrayku Diospis tiluspa, sut'ita yachayta qosharqa imatachus nisqanta junt'anantapuni. Ajinamanta imatachus nisqanta jap'ejkunaqa yacharqanku, Dios tiluspa imatachus nisqanmanta mana kutirispa junt'ananta.

Santiago 2:5

Munasqa wawqe panaykuna, allinta uyariwaychej: Manachu Diosqa pikunachus kay pachapi wajcha kajkunata ajllakun, Diospi atinikuypi qhapaj kanankupaj? Manachu paykuna kamachiyninpi chayaqeyoj kanqanku, Dios payta munakojkunaman chayaqeta qonanta nisqanman jina?

1 Pedro 3:7

Ajinallatataj qosakuna sapa ujpis warmiykichejwan kawsakuychej, jatun respetowan paykunata qhawakuspa. Paykunata maypaj qhawaychej, imajtinchus paykuna mana qhari jina kallpayojchu kanku chaypis, qankuna jinallataj paykunapis Diospa qosqan mosoj kawsayta jap'enqanku. Ajinatachus ruwankichej chayqa, Dios mañakusqaykichejta uyarisonqachej.