Tito 3:5 - DIOSPA QHELQACHISQ

⁵ Pay qhespichiwarqanchej mana noqanchej ima allinta ruwasqanchejraykuchu, astawanqa khuyakuwasqanchejraykulla. Chantá Santo Espiritunejta juchanchejmanta mayllawarqanchej, watej paqarichispataj, mosoj kawsayta qowarqanchej.

DIOSPA QHELQACHISQAN DEUTEROCANONICAL

⁵ Pay qhespichiwarqanchej mana noqanchej ima allinta ruwasqanchejraykuchu, astawanqa khuyakuwasqanchejraykulla. Chantá Santo Espiritunejta juchanchejmanta mayllawarqanchej, watej paqarichispataj, mosoj kawsayta qowarqanchej.

Quechua South Bolivia: Dios Parlapawanchej

⁵ Mana ima chekan ruwaskanchejraycuchu carka. Manachayrí paypa qhuyacuyninraycu cacharichiwarkanchej mosoj causaypaj juchamanta llimphuchaynejta. Ajinapi Santo Espiritunejta mosojyachiwarkanchej.

Tito 3:5 ပူးပေါင်းရင်းမြစ်များ

Job 15:14

Imataj runa kasqa llimphu kasqanta yuyananpajri? Warmimanta paqarej runaqa cheqan kanmanchu?

Job 25:4

Runaqa Diospa ñawpaqenpi llimphu kayta atinmanchu? Mana pipis warmimanta paqarejqa juchamanta llimphuchu.

Job 9:20

Sichus noqa niyman mana juchayoj kasqayta chayqa, simillaytaj juchachaykuwanman. Sichus cheqan kasqayta niyman chaypis, chay nisqallaytaj juchayoj kasqayta rikhurichiwanman.

Salmos 130:7

Israel, Tata Diosllapi atinikuy, imaraykuchus payqa khuyakojmin, cheqatapunitaj kacharichiwanchej.

Salmos 143:2

Kay kamachiykita ama juzganawaykipaj wajyawaychu, imaraykuchus ñawpaqeykipeqa mana pipis mana juchayojqa kanmanchu.

Salmos 51:10

10 (12) Diosníy, llimphu sonqota ruwaway. Cheqan sonqoyoj kanaypaj tukuy kayniyta mosojyachiway.

Salmos 62:12

12 (13) Tukuyta Kamachej Diosníy, munakuyniykeqa mana tukukuyniyoj. Jinallataj qanmin sapa ujman ruwasqankuman jina qopunki.

Salmos 86:15

Qanrí, Tukuyta Kamachej Dios, khuyakoj sonqoyoj kanki, mana usqhayta phiñarparikoj, may jina munakuyniyoj, cheqa kajtaj.

Salmos 86:5

Tukuyta Kamachej Dios, qan k'acha kanki, runaj juchanta qhespichiyta yachanki, qanta wajyakojkunapajtaj jatun munakuyniyoj kanki.

Isaías 57:12

Kunan noqa sut'iman orqhosaj ruwasqaykita, imatachus cheqan kasqanta yuyanki, chayta. Chaywanpis chayqa mana yanapasonqachu.

Ezequiel 36:25

Llimphu yakuwan mayllasqaykichej, tukuy ch'ichi kawsayniykichejmantataj llimphuchasqa kankichej. Tukuy lantikunamantapis t'aqasqaykichej.

Miqueas 7:18

Qan jina Dios mana waj dios kanchu, imaraykuchus qanqa juchaykuta pampachanki, qonqayman churanki puchoj aylluykej juchankuta. Qanqa munakuwasqaykuta rejsichiwayku, nitaj wiñaypajchu phiñakunki.

San Mateo 3:11

Noqaqa yakuwan bautizaykichej, Diosman kutirikusqaykichejmanta yachayta qospa. Qhepayta jamojrí noqamanta aswan atiyniyoj, noqataj mana paypa wata runan kanaypaj jinallapischu kani. Payqa Santo Espirituwan, ninawan ima bautizasonqachej.

San Lucas 1:50

Diospa khuyakuynin kallanpuni miraymanta mirayman, pikunachus may respetowan payta qhawajkunapaj.

San Lucas 1:54

Diosqa khuyakuyninmanta yuyarikuspa, kamachin Israelta yanaparqa,

San Lucas 1:72

Diosqa ñawpa tatanchejkunata khuyaspa, sumaj tratota paykunawan ruwasqanmanta yuyarikorqa.

San Lucas 1:78

Diosninchejqa jatun khuyakuyninrayku patamantapacha qhespichejta kachamuwanchej sut'iyaypi inti llojsimoj jina k'anchanawanchejpaj.

Romanos 11:14

Ichachus ajinamanta noqa yawar masiykunata qankunawan celosachiyman, paykunamanta wakillantapis qhespichisqa kanankupaj yanapanaypaj.

Romanos 11:6

Paykunaqa Diospa qhasilla k'acha yanapayninrayku ajllasqa karqanku, mana imata ruwasqankuraykuchu. Manachus jina kanman karqa chayqa, Diospa qhasilla k'acha yanapaynenqa manaña qhasillachu kanman.

Romanos 12:2

Ama Diosman mana kutirikojkunaj yuyasqankuman jinaqa puriychejchu. Aswanpis saqeychej Dios yuyayniykichejta mosojyachispa mosoj runaman tukuchisunaykichejta. Ajinapi yachankichej qankunapaj Diospa munaynin k'acha, sonqonta kusichej, chantá mana pantayniyoj kasqanta.

Romanos 3:20

Chayrayku kamachisqaj nisqanta kasojkunamanta mana pipis Diospa ñawpaqenpi cheqan runapaj qhawasqachu kanqa. Manachayqa kamachisqakuna juchayoj kasqanchejmanta yachayta qowanchej.

Romanos 3:28

Ajinapi yachanchej Diospi atinikusqanraykulla pipis cheqan runapaj qhawasqa kasqanta, manataj Moisespa kamachisqanta junt'asqanraykuchu.

Romanos 4:5

Chaywanpis Diosqa juchasapata cheqan runapaj qhawan, cheqan runapaj qhawasqa kananpaj jina mana imatapis ruwasqanraykuchu. Manachayqa Dios pitapis cheqanpaj qhawan paypi atinikusqanraykulla, pichus juchasapaj juchanta pampachan, chaypi.

Romanos 9:11

Chay wawakuna manaraj paqarishajtinku, manarajtaj allin kajtapis, chayrí mana allin kajtapis ruwashajtinku, Diosqa Rebecata nisqa: Kuraj kajqa sullk'a kajpa kamachisqanta ruwanqa, nispa. Ajina karqa Diospa wakichisqan junt'akunanpaj. Chaytaj mana runaj ruwasqanraykuchu karqa, aswanpis pichus wajyajpa munasqanrayku.

Romanos 9:16

Ajinaqa Dios runata ajllakun, mana chay runa ajllasqa kayta munasqanraykuchu, nitaj imata ruwasqanraykuchu, manachayqa Dios paymanta khuyarikusqanraykulla.

Romanos 9:30

Jinaqa, ima nisuntajri? Mana judío kajkuna Diospa kamachisqanta mana ruwarqankuchu chaypis, cheqan runapaj qhawasqa kayta tarerqanku. Chaytaj ajina karqa Jesucristopi atinikusqankurayku.

1 Corintios 6:11

Ñawpajta qankunamanta wakin ajina karqankichej. Kunanrí llimphuchasqaña kankichej, juchamanta t'aqasqaña, cheqan runapajña qhawasqa ima Tukuyta Kamachej Jesuspa atiyninnejta, chantá Diosninchejpa Espiritunnejta ima.

Gálatas 2:16

Chaywanpis yachayku runaqa mana Moisespa kamachisqankunata junt'aspachu cheqan runapaj qhawasqa kasqanta, manachayqa Jesucristopi atinikusqanraykulla. Noqaykupis Cristopi atinikorqayku, paypi atinikusqaykuraykutaj Diospa ñawpaqenpi cheqan runapaj qhawasqa kayku, manataj kamachisqakunata junt'asqaykuraykuchu. Mana pipis kamachisqakunata junt'asqanrayku Diospa ñawpaqenpi cheqan runapaj qhawasqa kayta atenqachu.

Efesios 2:4

Chaywanpis Diosqa khuyakuypi may jina qhapaj kaspa, may jinatapuni munakuwarqanchej.

Efesios 4:23

Qankunarí Santo Espíritu yuyayniykichejta mosojyachinanta saqeychej.

Efesios 5:26

Chayta Cristo ruwarqa Iglesian juchamanta t'aqasqa llimphu kananpaj, simi nisqanwan mayllaspataj, yakuwan jina llimphucharqa.

Deuteronomio 9:5

Mana sumaj runa kasqaykichejraykuchu, nitaj cheqan kajta ruwasqaykichejraykuchu paykunaj jallp'ankuta jap'inkichej. Tata Dios ñawpaqeykichejmanta paykunata qharqonqa millayta ruwaspa kawsasqankurayku. Chantá ñawpa tataykichej Abrahamman, Isaacman, Jacobman ima nisqanta junt'anqa.

Colosenses 3:10

Jinaspataj, mosoj runa jina kanata p'achata jina churakunkichej. Chay mosoj runaqa Ruwajninpa rijch'ayninman jina astawan astawan mosojyachisqapuni kashan, ajinamanta Diosta astawan rejsinaykichejpaj.

2 Timoteo 1:9

Paymin qhespichiwarqanchej, chantá juchamanta t'aqasqa jina kawsananchejpaj wajyawarqanchej, mana allin kajta ruwasqanchejraykuchu, aswanpis imatachus munasqanta junt'ananrayku, chantá qhasilla k'acha yanapayninrayku ima. Ajinata Diosqa Cristo Jesusnejta chay qhasilla k'acha yanapayninta qowarqanchej, manaraj kay pacha ruwasqa kashajtin.

Tito 3:4

Chaywanpis maypachachus Qhespichiwajninchej Dios k'acha kayninta, chantá munakuyninta ima rejsicherqa chaypacha, pay qhespichiwarqanchej.

Hebreos 10:22

Chayrayku ch'uwa sonqowan Tata Diosman qayllaykunachej, tukuy sonqo Cristopi atinikuspa, imaraykuchus pay wañusqanwan sonqonchejta tukuy juchamanta llimphuwarqanchej, llimphu yakuwanpis ukhunchejta mayllanman jina.

Hebreos 4:16

Chayrayku noqanchej mana manchachikuspa, may jina munakuyniyoj Diospa ñawpaqenman qayllaykunachej. Payman qayllaykuspataj, khuyakuyninta, chantá qhasilla k'acha yanapaynintawan tarisunchej, necesitasqanchej p'unchaypi yanapanawanchejpaj.

Hebreos 6:6

Ajinata yachashaspapis, sichus ñawpa kawsayninkuman kutiripunkuman chayqa, manaña ujtawan Diosman kutirichisqa kayta atinkuñachu. Ajinata ruwaspaqa, Diospa Churinta paykuna kikinku watej cruzman chakatanku, ajinamanta runaj rikunanta p'enqaypi rikhurichispa.

1 Pedro 1:3

Yupaychasqa kachun Tukuyta Kamachej Jesucristonchejpa Tatan Dios. Payqa jatun khuyakuyninrayku watejmanta paqarichiwarqanchej, Jesucristota wañusqamanta kawsarichisqannejta. Chayrayku kunan mayta suyakushanchej

1 Pedro 2:10

Qankuna ñawpajtaqa mana ayllunchu karqankichej, kunantajrí Diospa ayllunña kankichej. Ñawpajtaqa Dios mana khuyakusorqachejchu, kunantajrí Diospa khuyakusqanña kankichej.

1 Pedro 3:21

Chay tukoyqa bautismowan ninakun. Bautismoqa mana ukhunchejpa ch'ichinta mayllanchu. Aswanpis noqanchej chaynejta Diospa ñawpaqenpi llimphu sonqo kayta munasqanchejta nishanchej. Kunantaj Diosqa Jesucristoj kawsarimpusqannejta qhespichiwanchej.