Tito 3:3 - DIOSPA QHELQACHISQ

³ Noqanchejpis ñawpajtaqa mana yuyayniyoj wampu karqanchej, mana kasukojkuna, chinkasqa ima. Kallarqanchejtaj tukuy imaymana mana allin kajta ruwayta munajkuna, sonqonchejpa munasqanta ruwaspa kusiririkuyta munajkuna ima. Chaykunamantataj mana kacharichikuyta aterqanchejchu. Jinallataj noqanchej millay ch'ichi kajta ruwaspa, envidiakuspa, chejnispa, chantá ujkuna ujkuna chejninakuspa ima kawsarqanchej.

Qheshwa Biblia DC

³ Noqanchejpis ñaupajtaqa mana yuyayniyoj karqanchej, Diosta mana kasuspa, chinkasqas aychaj munaynimpi, imaymana sajra munaykunaman qokuspa, mana allin yuyaypi, qhawanakuspa, chejnisiris, chejninakuspataj ujkuna ujkunawan.

DIOSPA QHELQACHISQAN DEUTEROCANONICAL

³ Noqanchejpis ñawpajtaqa mana yuyayniyoj wampu karqanchej, mana kasukojkuna, chinkasqa ima. Kallarqanchejtaj tukuy imaymana mana allin kajta ruwayta munajkuna, sonqonchejpa munasqanta ruwaspa kusiririkuyta munajkuna ima. Chaykunamantataj mana kacharichikuyta aterqanchejchu. Jinallataj noqanchej millay ch'ichi kajta ruwaspa, envidiakuspa, chejnispa, chantá ujkuna ujkuna chejninakuspa ima kawsarqanchej.

Quechua South Bolivia: Dios Parlapawanchej

³ Nokanchejpis ñaupajpeka mana yuyayniyoj, mana casucoj pantachiskas imamin carkanchej. Tucuy munayninchejman tucuy yankha cusiymanpis wataskas carkanchej. Causarkanchej sajra yuyaypi, envidiacuspa, chejniska, nokanchejpurapis chejninacuspa ima.

Tito 3:3 ပူးပေါင်းရင်းမြစ်များ

Génesis 38:9

Onán yacharqa wañoj wawqenpa warminpi wawata rejsisqan mana paypa sutintachu apananta. Chayrayku chay warmiwan sapa kuti puñuykuspa, mujunta pampallaman surucherqa, wawqenpa miraynin ama paynejta kananpaj.

Génesis 39:16

Chantá chay warmeqa Josejpa p'achanta qosan chayamunankama jallch'arqa.

Salmos 36:2

2 (3) Payqa sumaj runa kasqanta yuyakuspa, mana reparanchu millay ruwasqan chejnikuna kasqanta.

Proverbios 8:5

Mana yachayniyojkuna, umayoj kaychej. Wampukuna, allin yuyayniyoj kayta yachaqakuychej.

Proverbios 9:6

Wampu kayniykichejta saqeychej, kawsankichejtaj. Sumaj yuyayniyoj runakuna jina puriychej, nispa.

Isaías 44:20

Chayta ruwajqa ushphata mikhuspa kawsayta munaj jina. Payqa mana cheqan yuyaykunawan q'otiyachikun. Chayrayku chay runaqa mana qhespichisqa kayta atinchu, nitaj tapukunchu: Makiypi jap'ishani chay lanti manachu qhasi manakaj q'otiriyojlla? nispa.

Abdías 1:3

Wapuykachasqayki q'otiyasorqa. Chhanka jusk'ukunapi kawsasqaykirayku, orqo patapi tiyakusqaykirayku ima sonqoykipi nerqanki: Noqataqa mana pipis urmachiwanmanchu, nispa.

San Mateo 21:29

Churintaj nisqa: Mana riymanchu, nispa. Jinapis yuyayninman kutirispa, uva huertaman risqa.

San Lucas 21:8

Chantá Jesús nerqa: Allinta qhawakuychej, pajtataj pipis q'otiyasunkichejman. Chayta niykichej, imaraykuchus ashkha runakuna jamuspa, nenqanku: Noqaqa Diospa kachamusqan Cristo kani, nispa. Nillanqankutaj: Chay p'unchay qayllaña, nispa. Qankunarí amapuni qhepankuta riychejchu.

San Juan 8:34

Jesustaj paykunata nerqa: Kayta sut'ita niykichej: Pichus juchallikojqa juchaj wata runanmin.

Romanos 11:30

Qankuna mana judío kajkuna ñawpajta Diosta mana kasorqankichejchu. Kunanrí judiokuna mana kasukusqankurayku Dios qankunamanta khuyakusunkichej.

Romanos 6:12

Chayrayku amaña saqeychejchu juchaqa qankunata munayninta ruwachinanta, nillataj sonqoykichejpa millay munayninta kasuychejchu.

Romanos 6:17

Ñawpajta juchaj wata runan karqankichej. Kunantajrí, Diosta pachis ninachej, imaraykuchus tukuy sonqowan imatachus yachachisqaykuta kasukushankichej.

Romanos 6:22

Kunantajrí, juchaj wata runan kanamanta kacharichisqaña kaspa, Diospa wata runan kanaykichejpaj yaykupunkichej. Chaytaj qankunapaj arí sumaj, imajtinchus llimphu kawsayta tarinkichej, chaymantataj wiñay kawsayta jap'inkichej.

Romanos 6:6

Yachanchej jina, ñawpajta pichus karqanchej, chayqa Cristowan khuska chakatasqa kashan, juchalliyllata munaj kayninchej amaña atiyniyoj kananpaj. Chayrayku manaña juchaj wata runanchu kanchej.

2 Corintios 12:20

Noqa manchachikushani, qankunata watukoj jamuspaqa, ichá mana munasqayman jinachu qankunata taripanaymanta, nitaj qankunapis munasqaykichejman jinachu taripawanawaykichejmanta. Chantá manchachikullanitaj qankuna ukhupi churanakuykuna kananta, qhawanakuykuna, phiñanakuykuna, t'aqanakuykuna ima. Jinallataj kanman qhasimanta tumpanakuykuna, cuento apaykachaykuna, jatunchakuykuna, ch'ajwata sayarichiy ima.

Gálatas 6:3

Sichus ujkunata yanapanaykipaj aswan kasqaykita yuyakunki chayqa, qan kikiykita q'otiyakushanki.

Colosenses 1:21

Qankunaqa ñawpajta Diosmanta karunchasqa karqankichej. Mana allin kajta yuyasqaykichejrayku, chantá millayta ruwasqaykichejrayku ima Diospa awqanpuni karqankichej.

Colosenses 3:7

Qankunapis ñawpajta chaykunata ruwaspa purej kankichej.

2 Timoteo 3:13

Chaywanpis millayta ruwaj runakuna, q'otiyajkuna ima astawan astawan mana allinman tukonqanku. Wajkunata q'otiyanqanku chaypis, paykunapis q'otiyasqallataj kanqanku.

2 Timoteo 3:6

Paykuna wasimanta wasi purispa, pisi sonqo warmikunaj umankuta muyuchinku. Chay warmikunaqa tukuy imaymana millay kajta munapayaywan apaykachasqa kaspa, jucha q'epirisqa kawsanku.

Tito 1:16

Paykuna Diosta qhatikusqankuta ninku, ruwasqankuwantajrí mana jinachu kasqanmanta yachayta qonku. Chay jina runakunaqa millay kanku, mana kasukojkuna, nitaj ima allin kajtapis ruwanankupaj jinachu.

Tito 2:12

Diospa qhasilla k'acha yanapayninrí yachachiwanchej millayta ruwaspa puriyta qhesachananchejta, chantapis Diosman mana kutirikojkuna imatachus munasqankuta mana munapayananchejta ima. Yachachillawanchejtaj kay pachapi allinta qhawarikuspa purinata, cheqanta ruwaspa kawsanata, chantá Diosta may jatun respetowan qhawaspa kawsanata ima.

Santiago 1:26

Sichus pipis Diospa munasqanta ruwaspa purishasqanta yuyanman, manataj allinta qhawarikuspa parlan chayqa, chay runa pay kikinta q'otiyakun. Jinallataj Diospa munasqanta ruwaspa purisqanqa qhasi manakaj.

1 Pedro 1:14

Chayrayku kasukoj wawakuna jina kaychej, amataj sonqoykichejpa munasqanta ruwaychejchu, imaynatachus ñawpajta manaraj Diosmanta allinta yachashaspa ruwaj kankichej, jinataqa.

Apocalipsis 12:9

Ajinata chay jatun sierpe jawaman wijch'usqa karqa. Chay sierpeqa unay ñawpa katari, pichus Kuraj Supay, Satanastaj sutichasqa kashan, chay. Payqa llullakuspa, kay pachapi tukuy runata loq'eyan. Chantá sierpeta, angelninkunatawan ima kay pachaman wijch'umorqanku.

Apocalipsis 13:14

Jinallataj jallp'amanta rikhurimoj sierpeqa ñawpa kaj sierpe atiyta qosqanwan t'ukuna imakunata ruwarqa, chaykunawantaj kay pachapi tukuy runata q'otiyarqa. Chantá jallp'amanta rikhurimoj sierpe kamachillarqataj, chay ñawpaj kaj sierpej lantinta ruwanankuta, mayqenpa ujnin umanchus k'irisqa kashajtin thañiporqa, chaypata.

Apocalipsis 18:2

Paytaj jatunmanta qhaparerqa: Urmanña, Babilonia jatun llajta urmanña. Chay llajtaqa supaykunaj wasinman tukun, tukuy millay espiritukunaj pakakunanman, chantá tukuy imaymana millay ch'ichipaj qhawasqa phawajkunaj thapanman ima.