Tito 3:1 - DIOSPA QHELQACHISQ

¹ Wawqe panakunata yuyarichiy kamachejkunawan, kamachejta yanapajkunatawan ima kasuy sonqo kanankuta. Paykunata kasuchunku, chantá tukuy imachus allinta kajtataj usqhayllata ruwayta munachunku.

Qheshwa Biblia DC

¹ Hermanosta yuyarichiy, kasunankupaj kamachejkunata atiyniyojkunatawan. Wakichisqastaj kachunku tukuy imata allinta ruwanankupaj.

DIOSPA QHELQACHISQAN DEUTEROCANONICAL

¹ Wawqe panakunata yuyarichiy kamachejkunawan, kamachejta yanapajkunatawan ima kasuy sonqo kanankuta. Paykunata kasuchunku, chantá tukuy imachus allinta kajtataj usqhayllata ruwayta munachunku.

Quechua South Bolivia: Dios Parlapawanchej

¹ Paycunata yuyarichiy autoridadcunata atiyniyojcunatapis casunancuta, tucuy sumaj cajta ruwanapajpis waquichiskas canancuta.

Tito 3:1 ပူးပေါင်းရင်းမြစ်များ

Proverbios 24:21

Tata Diosta, chantá kuraj kamachejtawan jatun respetowan qhaway, wawáy. Mana kasukojkunawanqa ama tantakuychu.

Eclesiastés 10:4

Sichus kamachej qanwan phiñarikun chayqa, imachus ruwanaykita ama saqeychu. Pacienciayoj kayqa jatunta pantaykunamanta jark'an.

Isaías 43:26

Contraypi ima niwanaykipaj kajtenqa, jamuy chaymanta sut'iman orqhonanchejpaj. Ichapis mana juchayoj kasqaykita rikuchiwankiman.

Jeremías 27:17

Ama paykunata kasuychejchu. Astawanpis Babiloniamanta kuraj kamachejpa munayninta ruwaychej, chantá kawsankichej. Imaraykutaj kay llajta raqayllaman tukuchisqa kanmanri?

San Mateo 22:21

Paykunataj kuticherqanku: Cesarpata ari, nispa. Jesustaj kuticherqa: Jina kajtenqa, Cesarpata kajtaqa Cesarman qopuychej. Diospata kajtatajrí Diosman qopuychej, nispa.

1 Corintios 15:58

Ajina ari, munasqa wawqe panakuna, mana sayk'uspa sinch'ita sayaychej, Tukuypa Kamachejpa ruwananpi astawan astawan llank'aspa, imaraykuchus yachankichej Tukuyta Kamachej Jesuswan ujchasqa llank'asqaykichejqa mana qhasipajchu kananta.

Efesios 2:10

Noqanchejqa Diospa ruwasqanmin kanchej, Jesucristoman ujchasqa kasqanchejraykutaj watej ruwawarqanchej allin kajta ruwananchejpaj. Chaykunata Dios ñawpajmantaña wakicherqa ruwananchejpaj.

Deuteronomio 17:12

Sichus pipis machuykachaspa, Tata Diospa kamachin sacerdotej nisqanman jina, chayrí juezpa nisqanman jina mana ruwanman chayqa, payta wañuchinkichej. Ajinata israelitakuna ukhumanta chay jina millay ruwanata chinkachinkichej.

Filipenses 1:11

Chay jinamanta qankuna Jesucristoj yanapasqanwan allin kajta ruwayta atinkichej, runakuna Tata Diosta yupaychanankupaj, chantá jatunchanankupaj ima.

Colosenses 1:10

Ajinata mañapuyku Tukuyta Kamachej Jesuspa munasqanman jina purinaykichejpaj, chantá tukuy imapi Diosta kusichinaykichejpaj. Ajinamanta allin kajta ruwaspa kankichej, jinataj Diosta astawan astawan rejsinkichej.

1 Timoteo 2:2

Astawanqa kuraj kamachejkunarayku Diosmanta mañapuy, chantá tukuy kamachejkunapaj ima. Ajinamanta allin kawsakuypi kawsakusunchej, mana ni ima ch'ajwapi, Diosta kasuspa, chantá cheqanta ruwaspa ima.

1 Timoteo 4:6

Timoteo, chaykunatachus wawqe panakunaman yachachinki chayqa, Cristo Jesuspa sumaj kamachin kanki. Jinallataj mikhunawan jina sumaj kallpachasqa kanki Diospi atinikunamanta yachachisqawan, mayqentachus kunankama qhatishanki, chaywan.

1 Timoteo 5:10

Chantá pay allin kajta ruwasqanrayku tukuypaj sumaj respetowan qhawana kachun. Kallachuntaj wawankunata allinta uywaj, wajkunata wasinman wajyarikuyta yachaj, Jesucristota qhatikojkunaj chakinkuta mayllaj, llakiyniyojkunata khuyaspa yanaparej, chantá tukuy allin kajta ruwayta yachaj ima.

2 Timoteo 1:6

Chayrayku yuyaychayki, ruwanapaj atiyta jap'isqaykita ninata jina lawrarichinaykita, mayqentachus Dios qosorqa makiyta umaykiman churashasojtiy, chayta.

2 Timoteo 2:14

Timoteo, chaykunamanta tukuyman yuyarichiy. Chantá Diospa ñawpaqenpi paykunata kamachiy, ama ima simi jawa churanakunankuta. Chay jina churanakunaqa mana imapaj walejchu, aswanpis uyarejkunaj umankuta muyuchispa, pierdechin.

2 Timoteo 2:21

Ajinallataj pichus mana allin kajta ruwanamanta t'aqakojqa jatun p'unchayllapi oqharinapaj jina kanqa. Payqa Tukuyta Kamachej Diospaj t'aqasqa kaspa, wakichisqa kanqa, Dios paynejta tukuy allin kajta ruwananpaj.

Tito 1:16

Paykuna Diosta qhatikusqankuta ninku, ruwasqankuwantajrí mana jinachu kasqanmanta yachayta qonku. Chay jina runakunaqa millay kanku, mana kasukojkuna, nitaj ima allin kajtapis ruwanankupaj jinachu.

Tito 2:14

Paymin noqanchejrayku wañunanpaj jaywaykukorqa, tukuy imaymana juchamanta kacharichinawanchejpaj, chantá llimphuchanawanchejpaj ima. Ajinata ruwarqa, paypa ayllun kananchejpaj, chantá allin kajta tukuy sonqo ruwayta munananchejpaj ima.

Tito 3:14

Diosta qhatej masinchejkuna allin kajta ruwayta yachachunku, imamantapis pisichikojkunata yanapaspa. Ajinata ruwaspa, mana jinalla kakojkunachu kanqanku.

Tito 3:8

Kay nisqayqa cheqapuni, munanitaj mana sayk'uspa chaymanta parlanaykita. Noqanchej Diosta qhatikojkuna imachus allin kajta ruwanapi yuyaspa kananchej tiyan. Chaykunata ruwanaqa may sumajmin, allintaj runapaj.

Hebreos 13:21

Paymin tukuy imata allinta ruwanaykichejpaj qankunata yachachichun. Jinallataj Jesucristonejta qankunapi pay ruwachun, imachus payta kusichin, chayta. Chayrayku pay may jatunchasqa kachun, wiñay wiñaynintinpaj. Ajina kachun.

2 Pedro 1:12

Qankuna chayta allinta yachankichej, chantá cheqa kajmanta yachasqaykichejpi sinch'ita sayashankichej. Chaywanpis noqa mana sayk'uspa chaykunamanta yuyarichillasqaykichejpuni.

Judas 1:5

Qankuna kayta yachankichejña. Chaywanpis uj kutitawan yuyarichiyta munaykichej: Tukuyta Kamachej Dios israelitakunata Egiptomanta orqhomuspa qhespicherqa. Payta wasanchajkunatarí chinkarparicherqa.