Tito 2:14 - DIOSPA QHELQACHISQ

¹⁴ Paymin noqanchejrayku wañunanpaj jaywaykukorqa, tukuy imaymana juchamanta kacharichinawanchejpaj, chantá llimphuchanawanchejpaj ima. Ajinata ruwarqa, paypa ayllun kananchejpaj, chantá allin kajta tukuy sonqo ruwayta munananchejpaj ima.

Qheshwa Biblia DC

¹⁴ Pay kikin noqanchejrayku wañuyman rerqa, sajra kajmanta kacharichinawanchejpaj, llimphuchawanchejtaj paypa ayllun kananchejpaj, k'uchita tukuy imata allinta ruwanachejpaj.

DIOSPA QHELQACHISQAN DEUTEROCANONICAL

¹⁴ Paymin noqanchejrayku wañunanpaj jaywaykukorqa, tukuy imaymana juchamanta kacharichinawanchejpaj, chantá llimphuchanawanchejpaj ima. Ajinata ruwarqa, paypa ayllun kananchejpaj, chantá allin kajta tukuy sonqo ruwayta munananchejpaj ima.

Quechua South Bolivia: Dios Parlapawanchej

¹⁴ Payka pay quiquinta nokanchejraycu jaywaycucorka tucuy juchasninchejmanta cacharichinawanchejpaj. Ajinapi llimphuchawarkanchej paypa ajllacuskasnin cananchejpaj tucuy sonkowan c'acha cajta ruwananchejpaj.

Tito 2:14 ပူးပေါင်းရင်းမြစ်များ

Génesis 48:16

Paymin tukuy sajra kajmanta waqaychawaj Angelqa. Kunantaj pay kay wawakunata saminchachun. Paykunanejta sutiy yuyarisqa kachun, jinallataj ñawpa tataykuna Abrahampata, Isaacpatawan sutinkupis. Kaykuna wiñaspa, ashkha wawayoj kachunku, kay pachapitaj may chhikata mirachunku, nispa.

Salmos 130:8

Paymin preciota pagaspa Israelta tukuy juchanmanta kacharichenqa.

Salmos 135:4

Payqa Jacobta paypata kananpaj ajllakorqa, Israelta ayllun kananpaj ajllakorqa.

Éxodo 15:16

Paykunaj patankuman kharkatitiy, manchachikuy ima urmachun. May jina atiyniykiwan rumi jina titipacha kachunku, Israel aylluyki pasanankama, orqhokapusqayki ayllu chimpanankama.

Ezequiel 36:25

Llimphu yakuwan mayllasqaykichej, tukuy ch'ichi kawsayniykichejmantataj llimphuchasqa kankichej. Tukuy lantikunamantapis t'aqasqaykichej.

Ezequiel 37:23

Manañataj millay lantikunata yupaychaspa ch'ichichakonqankuchu, nitaj millayta ruwanqankuchu, nillataj contrayta oqharikonqankuchu. Noqa paykunata kacharichisaj, maypichus juchallikorqanku, chay cheqamanta, paykunatataj llimphuchasaj. Ajinamanta aylluy kanqanku, noqataj paykunaj Diosninku kasaj.

Levítico 25:41

Chay watataj pay, tukuy wawankunawan ima wasiykimanta llojsiponqa. Chantá ayllunman kutiponqa, ñawpa tatankunaj jallp'antataj ujtawan jap'ikaponqa.

Malaquías 3:3

Tata Dios tiyarikuspa, Leví jatun aylluta ch'uwachanqa, imaynatachus yachajkuna ninapi qolqe metalta, qorita ima ch'uwachanku, jinata. Chaymantataj paykunaqa Tata Diospa munasqanman jina ofrendata apamonqanku.

Números 25:13

Chayrayku payman, jinataj mirayninmanpis sacerdote kanankuta wiñaypaj qoni. Chayta ruwani imaraykuchus payqa Diosninmanta sienterqa, israelitakunaj juchallisqanku pampachasqa kanantataj tarerqa, nispa.

Números 7:15

Chantá Nasón q'olachispa Diosman jaywananpaj qollarqataj uj torillota, uj carnerota, chantá uj watayoj corderota ima.

San Mateo 1:21

Mariaqa qhari wawayoj kanqa, chay wawatataj Jesús sutiwan sutichanki, imaraykuchus payqa ayllunta juchankumanta qhespichenqa, nispa nerqa chay angelqa.

San Mateo 20:28

Noqa Runaj Churenqa mana runawan sirvichikunaypajchu jamorqani. Aswanpis runakunaj kamachin jina kanaypaj jamorqani, kawsayniytataj qoj, ashkha runakuna qhespichisqa kanankupaj, nispa.

San Mateo 3:12

Jorcapis makinpiña kashan, erapi trigota wayrachinanpaj. Chantá pirwaman trigota jallch'anqa, pajatatajrí mana thasnukoj ninaman enqhaykonqa. Ajinata nispa, Juanqa runakunaman willararqa.

San Juan 10:15

Imaynatachus Tata Diosniy rejsiwan, ajinallatataj noqapis payta rejsini. Chantá ovejaykunata qhespichinayrayku noqa wañusaj.

San Juan 6:51

Noqamin janaj pachamanta urayk'amoj kawsayta qoj t'anta kani. Pillapis kay t'antamanta mikhojtaj wiñaypaj kawsanqa. Noqa qosaj, chay t'antaqa ukhuymin. Noqataj ukhuyta qospa wañusaj runakunaman wiñay kawsayta qonaypaj, nispa.

Hechos 15:14

Ñapis Simón Pedro willawanchejña imaynatachus kay ñawpaj kutipi Diosqa mana judío kajkunata watukusqanta, paykuna ukhumantataj wakinkunata ajllakusqanta paypata kanankupaj.

Hechos 15:9

Payqa noqanchejta, mana judío kajkunatapis uj ñawillawan qhawawanchej. Chayrayku paykunaj sonqonkutapis juchamanta llimphucharqa Jesuspi atinikusqankurayku.

Hechos 20:28

Chayrayku qankuna Dioswan imaynatachus purisqaykichejta qhawakuychej. Jinallataj tukuy wawqe panakunatapis michillaychejtaj, imaraykuchus Santo Espíritu qankunata churasorqachej paykunata qhawanaykichejpaj, Diospa Iglesianta michinaykichejpaj ima, mayqentachus Jesucristo kikin yawarninwan rantikorqa, chayta.

Hechos 9:36

Chaypacha Jopepi tiyakorqa Jesusta qhatikoj uj warmi, Tabitá sutiyoj, griego rimaypitaj sutin Dorcas karqa. Paytaj allin imakunata ruwaj, wajchakunatapis yanapajpuni.

Gálatas 1:4

Jesucristomin Tata Diosninchejpa munasqanman jina juchanchejrayku wañuchisqa kananpaj jaywaykukorqa, kay pachapi millay kawsaymanta kacharichinawanchejpaj.

Gálatas 2:20

Noqaqa Cristowan khuska chakatasqa karqani, kunantaj manaña ñawpajta jinachu kawsani. Manachayqa noqapi Cristo munayninta ruwaspa kawsan. Chayrayku kunan Diospa Churinpi atinikusqayrayku kawsashani, imaraykuchus paymin munakuwarqa, noqaraykutaj pay kikin wañuchisqa kananpaj jaywaykukorqa.

Gálatas 3:13

Jinapis kamachisqakunata mana kasusqanchejmanta maldicisqa kananchejmanta Cristo kawsayninwan pagaspa kacharichiwarqanchej. Chayta ruwarqa, imaraykuchus cruzpi chakatasqa kaspa, pay noqanchejrayku maldicisqa karqa. Diospa Qhelqachisqanpi nin: Kurkupi tukuy warkhusqa kajqa maldicisqa kachun, nispa.

Efesios 1:11

Jinallataj Cristoman ujchasqa kasqanchejrayku Diospa chayaqenmanta jap'erqanchej. Dios ajina kananta nerqa, imajtinchus payqa wiñaymantapacha ajllakuwarqanchej, pichus munayninta junt'ananpaj tukuy imata ruwan, chay.

Efesios 2:10

Noqanchejqa Diospa ruwasqanmin kanchej, Jesucristoman ujchasqa kasqanchejraykutaj watej ruwawarqanchej allin kajta ruwananchejpaj. Chaykunata Dios ñawpajmantaña wakicherqa ruwananchejpaj.

Efesios 5:2

Jinallataj ujkunata munakuychej, imaynatachus Cristopis munakuwarqanchej, ajinata. Chayrayku pay kikin noqanchejrayku Diosman jaywaykukorqa ima munay q'aparishaj jaywana jina.

Deuteronomio 14:2

Qankunaqa Tata Diosniykichejpata kanaykichejpaj t'aqasqa kankichej. Paymin tukuy suyumanta ajllakusorqachej, paypata uj k'ata ayllun kanaykichejpaj.

Deuteronomio 26:18

Jinallataj Tata Diospis kunan nisunkichej, nisusqanman jina qankuna paypa ayllun kasqaykichejta. Ajinaqa tukuy kamachisqanta junt'aychej.

Deuteronomio 4:20

Tata Diosqa Egiptomanta metalta unuyachina hornomanta jina qankunata orqhomusorqachej, paypata ayllun kanaykichejpaj, imaynachus kunan kashankichej, ajina.

Deuteronomio 7:6

Qankunaqa Tata Diosniykichejpaj t'aqasqa ayllu kankichej. Paymin kay pachapi tukuy suyumanta ajllakusorqachej, paypata may munasqa ayllun kanaykichejpaj.

1 Timoteo 1:15

Kay willayqa cheqamin, jap'ikunapaj jinataj, ajinaqa tukuy jap'ikunanchej: Cristo Jesús kay pachaman jamorqa juchasapakunata qhespichinanpaj. Chay juchasapakunamantataj noqa aswan millay juchasapa kani.

1 Timoteo 2:10

Manachayqa, Diosta jatunchayta munajkuna jina warmikunaqa allin kajta ruwasqankuwan k'achanchakuchunku.

1 Timoteo 2:6

Pay kikinmin wañunanpaj jaywaykukorqa, ajinamanta tukuy runata qhespichinanpaj. Chaymantataj Dios maychus tiemponpi tukuy runaman willacherqa.

1 Timoteo 6:18

Chantá paykunata kamachillaytaj allin kajta ruwanankuta, allin kajta ruwanapitaj qhapaj kanankuta. Jinallataj jatun sonqoyoj kachunku, tiyapuyninkumanta mana mich'akuspa wajkunata yanaparinankupaj.

Tito 2:7

Qanrí tukuy imata allinta ruwaspa purisqaykita paykunaman rikuchiy, qan jina puriyta yachanankupaj. Tukuy imatachus ruwasqaykeqa yachayta qochun, yachachisqayki cheqan sonqowan, chantá mana pujllakuspa jinallachu kasqanta.

Tito 3:8

Kay nisqayqa cheqapuni, munanitaj mana sayk'uspa chaymanta parlanaykita. Noqanchej Diosta qhatikojkuna imachus allin kajta ruwanapi yuyaspa kananchej tiyan. Chaykunata ruwanaqa may sumajmin, allintaj runapaj.

Hebreos 1:3

Diospa Churenqa Diospa jatun kayninpa lliphipiyninta rikuchin, paypa kaynintaj Tata Diospa kayninta rejsichiwanchej. Payllataj atiyniyoj simi nisqanwan tukuy kaj chhikata maychus kananpi purichin. Chantá juchanchejta pampachaspa llimphuchawarqanchej, jinaspataj, janaj pachapi jatun atiyniyoj Kamachejpa pañanman tiyaykukorqa.

Hebreos 10:24

Jinallataj ujkuna ujkuna imaynatachus yanaparinakunapaj yuyaycharikuna, puraj munakunanchejpaj, chantá allin kajta ruwananchejpaj ima.

Hebreos 9:14

Cristorí wiñaypaj kawsaj Santo Espiritunejta Diosman mana iman imanasqa uywa jina pay kikin jaywaykukorqa. Ajinaqa Cristoj yawarnin may jinatarajchus sonqonchejta millay ruwasqanchejmanta llimphuchawasunchej, kawsaj Diospa munayninta ruwananchejpaj.

Santiago 4:8

Diosman qayllaykuychej, paypis qankunaman qayllamusonqachej. Juchasapakuna, makiykichejta mayllakuychej. Qankuna iskay sonqoyojkuna, sut'ita ninaykichej tiyan, Diostachus qhatikunaykichejta, chayrí juchallispachus purinaykichejta.

1 Pedro 1:18

Yachankichej jina, Diosqa chay qhasi manakaj kawsaymanta ashkha preciota pagaspa kacharichisorqachej, mayqen kawsaytachus tataykichejkunamanta yachakorqankichej, chaymanta. Chay pagasqan precio mana qorichu, nitaj qolqechu karqa, imaraykuchus chaykunaqa tukukapojllamin.

1 Pedro 1:22

Kunantaj qankuna cheqa kajta kasusqaykichejrayku llimphuchasqaña kankichej, wawqe panaykichejta tukuy sonqowan munakunaykichejpaj. Chayrayku tukuy sonqo astawan astawan munakuychej.

1 Pedro 2:12

Jinallataj Diosta mana qhatejkunaj ñawpaqenkupi allinta puriychej. Paykuna kunan mana allin kajta qankunapaj rimanku, millayta ruwajkunapis kawajchej jina. Chaywanpis allin ruwasqaykichejta rikuspa, paykuna Diosta jatunchanqanku, Dios juzganan kashan, chay p'unchay chayamojtin.

1 Pedro 2:9

Qankunarí Diospa ajllakusqan ayllu kankichej, Kuraj Kamachejpa sacerdotenkuna, juchamanta t'aqasqa runakuna, Diospatapuni kanaykichejpaj t'aqasqa ima. Chayrayku qankuna Diospa t'ukuna may sumaj ruwasqanmanta willayta atinkichej, pichus laqhamanta sumaj k'anchayninman wajyasorqachej, chaypa ruwasqanmanta.

1 Pedro 3:18

Cristopis juchanchejrayku wiñaypaj uj kutillata ñak'arerqa. Pay mana juchayojchu karqa. Chaywanpis juchasapakunarayku wañorqa, Tata Diosman pusanasuykichejpaj. Cheqapuni payqa runa jina wañuchisqa karqa, Santo Espiritunejtataj kawsarichisqa karqa.

1 Juan 1:7

K'anchaypichus kawsanchej chayqa, imaynatachus Diospis k'anchaypi kashan, ajinata, noqanchejpis ujkuna ujkunawan uj sonqolla kawsanchej, Diospa Churin Jesuspa yawarnintaj tukuy juchamanta llimphuchawanchej.

1 Juan 1:9

Juchanchejtachus Diosman rimarinchej chayrí, payqa nisqanta junt'aj, cheqantaj kasqanrayku juchanchejta pampachanqa. Jinallataj payqa tukuy millay ruwasqanchejmantapis llimphuchawasunchej.

1 Juan 3:2

Munasqa wawqe panaykuna, noqanchejqa Diospa wawankunaña kanchej. Chaywanpis aswan qhepanejman imaynachus kananchejta Dios mana rikuchiwanchejrajchu. Jinapis Jesucristo rikhurimojtin, pay jina kananchejta yachanchej, imaraykuchus payta imaynachus kasqanta rikusunchej.

Apocalipsis 1:5

Jesucristoqa cheqanta willaj testigomin. Paymin wañusqamanta ñawpajta kawsarimporqa, payllataj kay pachapi tukuy kuraj kamachejkunata kamachin. Jesucristo munakuwarqanchej, jinataj wañuspa yawar jich'asqannejta juchanchejta pampacharqa.

Apocalipsis 5:9

Chantá paykuna uj mosoj takiyta takispa, nerqanku: Qanllamin chay k'uyusqa p'anqata jap'inaykipaj jina kanki, sellonkunatataj llik'inaykipaj, imaraykuchus qan wañuchisqa karqanki. Jinallataj qanmin cruzpi wañuspa yawar jich'asqaykiwan runakunata ranterqanki Diospata kanankupaj tukuy ayllumanta, tukuy imaymana rimayniyojta, tukuy imaymana rijch'aj runata, chantá tukuy suyumanta ima.