Tito 2:12 - DIOSPA QHELQACHISQ

¹² Diospa qhasilla k'acha yanapayninrí yachachiwanchej millayta ruwaspa puriyta qhesachananchejta, chantapis Diosman mana kutirikojkuna imatachus munasqankuta mana munapayananchejta ima. Yachachillawanchejtaj kay pachapi allinta qhawarikuspa purinata, cheqanta ruwaspa kawsanata, chantá Diosta may jatun respetowan qhawaspa kawsanata ima.

Qheshwa Biblia DC

¹² Yachachiwanchej Diospa contrampi kajkunata saqenata, kay mundoj sajra munaynintapis. Astawanqa kay mundopi maychus kajta kausana, cheqanta, Diosta yupaychaspa.

DIOSPA QHELQACHISQAN DEUTEROCANONICAL

¹² Diospa qhasilla k'acha yanapayninrí yachachiwanchej millayta ruwaspa puriyta qhesachananchejta, chantapis Diosman mana kutirikojkuna imatachus munasqankuta mana munapayananchejta ima. Yachachillawanchejtaj kay pachapi allinta qhawarikuspa purinata, cheqanta ruwaspa kawsanata, chantá Diosta may jatun respetowan qhawaspa kawsanata ima.

Quechua South Bolivia: Dios Parlapawanchej

¹² Chay c'acha yanapaynin yachachiwanchej khesachananchejta sajra yuyayta, cay pacha yankha munaycunamanjina causayta ima. Ajinapimin chayta khesachaspa cunan cay pachapi causanchej, c'acha yuyayniyoj, chekanta ruwaspa, Diosta cusichispataj.

Tito 2:12 ပူးပေါင်းရင်းမြစ်များ

Salmos 105:45

Tata Dios ajinata ruwarqa, imaraykuchus pay munarqa israelitakuna paypa nisqanta kasunankuta, kamachisqantataj kasunankuta ima. Tata Dios jatunchasqa kachun.

Salmos 4:3

3 (4) Yachaychej Tata Diosqa nisqanta kasojkunata paypaj ajllakusqanta. Yachallaychejtaj payta wajyakojtiy, Tata Dios uyariwasqanta.

Ezequiel 36:27

Espirituytapis qollasqaykichejtaj, nisqayta, kamachisqaytawan junt'anaykichejpaj.

San Mateo 12:32

Sichus pipis Runaj Churinpa contranta millayta riman chayqa, chay juchan pampachasqa kanqa. Sitajchus pipis Santo Espíritoj contranta riman chayrí, mana chay juchaqa pampachasqachu kanqa kay p'unchaypi, nitaj jamoj p'unchaypipis.

San Mateo 16:24

Chaymanta Jesús yachachisqankunata nerqa: Pillapis yachachisqay kayta munajqa munasqanman jinalla purinanta saqechun, cruzninta oqharispataj, qhepayta jamuchun.

San Mateo 28:20

Chantá paykunaman yachachimuychej, imatachus noqa kamacherqaykichej, chayta, paykunapis kasunankupaj. Jinallataj yachaychej noqa qankunawan tuta p'unchay kanayta kay pacha tukukunankama, nispa.

San Lucas 1:6

Qhari warmi Diospa ñawpaqenpi cheqan kawsayniyoj karqanku, Diospa nisqanman jina kawsakuspa, ni pejpa k'aminan.

San Lucas 1:75

Diospa ñawpaqenpi may llimphuta purispa, jinallataj cheqanta ruwaspa.

San Juan 14:30

Manaña qankunawan anchata parlasajchu, imaraykuchus kay pachata kamachej jamushanña. Chaywanpis payqa atipanawanpaj mana atiyniyojchu.

San Juan 6:25

Chay runakunaqa qocha chimpaman chayaspa, Jesusta tariytawan, nerqanku: Yachachej Wiraqochi, jayk'ajtaj kayman jamorqankiri? nispa.

Hechos 24:16

Chayrayku kallpakuni ruwasqaymanta sonqoypi mana juchachasqa kanaypaj Diospa ñawpaqenpi, runakunaj ñawpaqenpipis.

Hechos 24:25

Chaypacha Pabloqa cheqan kajta ruwanamanta, sonqoj munayninwan mana atipachikoj kanamanta, jamoj juicio p'unchaymanta ima parlarqa. Felixtajrí chayta uyarispa, mancharikorqa. Chayrayku Pablota nerqa: Kunanqa amaña chaymanta astawan parlawayñachu. Noqa waj p'unchaypi ujtawan wajyasqayki, nispa.

Romanos 12:2

Ama Diosman mana kutirikojkunaj yuyasqankuman jinaqa puriychejchu. Aswanpis saqeychej Dios yuyayniykichejta mosojyachispa mosoj runaman tukuchisunaykichejta. Ajinapi yachankichej qankunapaj Diospa munaynin k'acha, sonqonta kusichej, chantá mana pantayniyoj kasqanta.

Romanos 6:12

Chayrayku amaña saqeychejchu juchaqa qankunata munayninta ruwachinanta, nillataj sonqoykichejpa millay munayninta kasuychejchu.

Romanos 6:19

Qankuna mana usqhayllata entiendesqaykichejrayku, noqa wata runamanta rijch'anachinawan parlarqaykichej. Qankunaqa ñawpajta ukhuykichejta jaywarqankichej millay kajta, jinataj ch'ichi kajta ruwanapaj, ajinamantataj juchaj wata runan karqankichej. Kunanrí cheqan kajta ruwaspa kawsanaykichejpaj Diosman wata runa jina jaywaykukuychej, ajinamanta payllapajña llimphuta kawsanaykichejpaj.

Romanos 8:13

Sichus qankuna juchallinaman aysaj sonqoykichejpa munasqanman jinachus kawsankichej chayqa, wañunkichej. Sitajchus Santo Espiritunejta juchallinaman aysaj sonqoj munasqanta wañuchinkichej chayrí, kawsankichej.

2 Corintios 1:12

Noqayku kayta tukuy sonqo niyku: Dios yanapawarqayku ch'uwa sonqowan, chantá llimphu kawsaywan ima tukuywan allinpi kawsakunaykupaj, astawanqa qankunawan. Ajinata kanaykupaj noqayku Diospa qhasilla k'acha yanapayninpi atinikorqayku, manataj yachallasqaykupichu.

2 Corintios 7:1

Ajinaqa, munasqa wawqe panakuna, Dios chay imakunata qonawanchejta nin. Chayrayku tukuy mana allin kajmanta karunchakuna, jinataj sonqonchejtapis tukuy ch'ichi kajmanta llimphuchana. Chantá Diosta may jatun respetowan qhawaspa, atisqanchejta ruwana pay jina llimphupuni kananchejpaj.

Gálatas 1:4

Jesucristomin Tata Diosninchejpa munasqanman jina juchanchejrayku wañuchisqa kananpaj jaywaykukorqa, kay pachapi millay kawsaymanta kacharichinawanchejpaj.

Gálatas 5:24

Cristojta kajkunaqa juchallinaman aysaj sonqonkuta chakatanku, millay ruwayta yachasqa kaynintawan khuskata.

Efesios 1:4

Manaraj kay pachata ruwashaspa, Diosqa Cristonejta ajllakuwarqanchej llimphupuni kananchejpaj, jinataj paypa ñawpaqenpi mana k'amina kananchejpaj ima.

Efesios 2:2

Chaykunapi qankuna ñawpajta kawsaj kankichej, Diosman mana kutirikojkunaj purisqankuta qhatispa. Jinallataj mana rikukoj atiyniyojkunata kamachej Kuraj Supayta kasorqankichej, mayqenchus Diosta mana kasojkunaj sonqonkupi llank'ashan, chayta.

Colosenses 1:22

Kunantajrí Cristo runaman tukuspa wañusqannejta Dioswan allinyachisqaña kankichej. Ajinamanta Cristoqa Tata Diospa ñawpaqenpi llimphuta, mana juchayojta, nitaj ni imamanta juchachanata rikhurichisonqachej.

1 Tesalonicenses 4:7

Diosqa mana millayta ruwaspa purinapajchu wajyawarqanchej, manachayqa juchamanta t'aqasqa kaspa, Diospa munasqanman jina kawsananchejpaj.

1 Tesalonicenses 4:9

Diosta qhatejkunapura munakunamanta manaña imatapis ninayku kanchu, imaraykuchus Dios kikinmin qankunapura munakunaykichejta yachachisunkichej.

1 Timoteo 4:12

Ama saqeychu wajkuna pisipaj qhawasunankuta wayna kasqaykirayku. Aswanpis Diosta qhatikojkunaj ñawpaqenkupi allinta puriy, paykunapis qan jina puriyta munanankupaj. Allinta puriy, rikunankupaj imaynatachus parlasqaykita, imaynatachus kawsasqaykita, imaynatachus wajkunata munakusqaykita ima. Rikullachunkutaj Diospi imaynatachus atinikusqaykita, chantá mana imamanta k'amina kawsasqaykita ima.

1 Timoteo 6:17

Timoteo, kay pachapi qhapajkunata kamachiy ama umata oqharinankuta, amataj tiyapuyninkupi atinikunankuta, imaraykuchus qhapajyayqa tukukapojlla. Manachayqa kawsaj Diospi atinikuchunku, pichus mana mich'akuspa tukuy imata qowanchej chaykunawan kusisqa kawsananchejpaj, chaymanta.

1 Timoteo 6:9

Qhapajyayta munajkunarí, tojllapi jina urmanku imaymana pierdechej wampu munapayaykunaman. Chaykunaqa runakunata mana allin kawsayman tanqaykunku, chinkaymantaj.

2 Timoteo 3:12

Ajinallatataj, tukuy pichus Cristo Jesusman ujchasqa kasqanrayku Diosta kasuspa kawsayta munajqa qhatiykachasqa kanqa.

2 Timoteo 4:10

Demasqa saqerpariwaspa, Tesalónica llajtaman ripun, kay pachapi kajta astawan munakusqanrayku. Crescentepis Galaciaman rin, Titotaj Dalmaciaman.

Tito 3:3

Noqanchejpis ñawpajtaqa mana yuyayniyoj wampu karqanchej, mana kasukojkuna, chinkasqa ima. Kallarqanchejtaj tukuy imaymana mana allin kajta ruwayta munajkuna, sonqonchejpa munasqanta ruwaspa kusiririkuyta munajkuna ima. Chaykunamantataj mana kacharichikuyta aterqanchejchu. Jinallataj noqanchej millay ch'ichi kajta ruwaspa, envidiakuspa, chejnispa, chantá ujkuna ujkuna chejninakuspa ima kawsarqanchej.

Hebreos 8:11

Manaña pipis runa masinta yachachenqañachu, nitaj wawqentapis nenqachu: Tata Diosta rejsinayki tiyan, nispa, imaraykuchus tukuy rejsiwanqanku, sullk'amantapacha kurajninkukama.

Santiago 1:27

Diospa ñawpaqenpi munasqanta ruwaspa purinaqa llimphu, mana ch'ichiyoj kanan tiyan. Chaytaj kay jina: Wajcha wawakunata khuyarina, warmisapakunata yanapana, chantá Diosman mana kutirikojkunaj millay ruwasqankuwan mana ch'ichichakuna ima.

2 Pedro 2:9

Ajinata reparanchej, Diosta kasuspa purejkuna juchallinaman tanqasqa kashajtinku, Tukuyta Kamachej Diosqa paykunata kacharichiyta yachasqanta. Pay yachallantaj millayta ruwajkunata juzganan p'unchaypi jasut'isqa kanankupaj jallch'ayta.

2 Pedro 3:11

Ajinata tukuy ima ninawan tukuchisqa kananta yachaspa, qankuna astawanraj juchamanta t'aqasqa, chantá Diosta kasuspa kawsanaykichej tiyan.

1 Juan 2:27

Qankunamanrí Diosqa Santo Espirituta qosorqachej, paytaj qankunapi tiyakushan. Chayrayku mana pejpa yachachinanrajchu kanaykichej tiyan, manachayqa Santo Espíritu tukuy imata yachachisunkichej. Paypa yachachisqanqa cheqanmin, manataj llullachu. Chayrayku qankunaqa Cristowan allinpipuni kawsakuychej, imaynatachá Santo Espíritu yachachisorqachej, ajinata.

1 Juan 2:6

Pichus Dioswan uj sonqolla kasqanta nejqa kawsanan tiyan, imaynatachus Jesús kay pachapi kawsarqa, ajinata.

1 Juan 5:19

Yachallanchejtaj noqanchej Diospata kasqanchejta, kay pachapi tukuy millayta ruwaspa purejkunatajrí Kuraj Supaypa makinpi kasqankuta.

Judas 1:18

Paykuna ajinata nispa, yuyaychasorqachej: Qhepanejman tukuy imamanta alqochakojkuna rikhurimonqanku, chaykunataj sonqonkoj millay munasqanman jina purenqanku, nispa.

Apocalipsis 14:12

Chay niyta munan Diospa ajllakusqankunaqa qhatiykachasqa kasqankuta pacienciawan awantanankuta, jinataj kamachisqanta kasunankuta, chantá Jesuspi atinikuspa mana sayk'uspa sinch'ita sayanankuta.