Tito 2:11 - DIOSPA QHELQACHISQ

¹¹ Diosqa qhasilla k'acha yanapayninta rikucherqa, chayta mana jap'ikunanchejpaj jina kashajtinchejpis, tukuy qhespichisqa kananchejpaj.

Qheshwa Biblia DC

¹¹ Dios rikuchiwanchej khuyakuyninta, tukuy runas salvasqas kanankupaj.

DIOSPA QHELQACHISQAN DEUTEROCANONICAL

¹¹ Diosqa qhasilla k'acha yanapayninta rikucherqa, chayta mana jap'ikunanchejpaj jina kashajtinchejpis, tukuy qhespichisqa kananchejpaj.

Quechua South Bolivia: Dios Parlapawanchej

¹¹ Diospa c'acha yanapaynenka ricuchiskañamin. Chaymin imaymana runata juchamanta cacharichin.

Tito 2:11 ပူးပေါင်းရင်းမြစ်များ

Salmos 67:2

2 (3) Ajinamanta kay pachapi tukuy runakuna munayniykimanta, chantá runata imaynatachus qhespichisqaykimanta ima yachanqanku.

Salmos 84:11

11 (12) Tata Dios k'anchawanchej, waqaychawanchejtaj. Payqa mana k'amina kawsajkunata munakun, jatunchantaj, tukuy ima allin kajtataj paykunaman qon.

Salmos 96:10

Tukuy suyumanta runakunaman niychej: Tata Diosqa Kuraj Kamachejmin. Paymin kay pachata sinch'ita sayacherqa, mana kuyunanpaj jina. Payllataj tukuy runata kamachin mana uyankuta qhawarispalla, nispa.

Isaías 45:22

Tukuy kay pachapi tiyakojkuna, qhespichisqa kanaykichejpaj noqaman jamuychej. Noqamin Dios kani, manataj waj Dios kanchu.

Isaías 49:6

Pay niwan: Qanqa kamachiy kanki, mana Jacobpa ayllullantachu watej sayarichinaykipaj, nitaj Israelmanta puchojkunallatachu kutirichimunaykipaj. Aswanpis waj suyukunapaj k'anchay jina kanaykipaj churayki, noqa qhespichej kasqayta tukuy kay pachaj k'uchunkama willamunaykipaj, nispa.

Isaías 52:10

Tata Diosqa makinta q'empirakun atiyninta rikuchinanpaj tukuy suyoj ñawpaqenkupi. Chantá tukuy kay pachaj k'uchunpi tiyakojkunaqa Diosninchej kacharichiwasqanchejta rikonqanku.

Zacarías 12:10

Chantá Davidpa mirayninman, jinataj Jerusalenpi tiyakojkunaman sumaj sonqota qosaj, noqa Diosmanta mañakuyta munana sonqotawan. Noqata qhawariwanqanku, pitachus t'ojserqanku, chayta. Chaymantataj may jinata waqanqanku, imaynatachus runakuna waqanku k'ata wawanku chayrí kuraj kaj churinku wañojtin, ajinata.

Zacarías 4:7

Chhika jatun orqo, imataj qan kankiri? Zorobabelpa ñawpaqenpi pampachasqa kanki. Temploj cimientonpaj sumaj kaj rumita orqhoshajtin, runakuna qhaparenqanku: Chayqa manchay k'achitu, may k'achitupuni, nispa.

San Mateo 28:19

Chayrayku qankuna rispa, tukuy suyupi runakunata yachachisqayman tukuchimuychej. Paykunatataj Tata Diospa, Churej, chantá Santo Espíritoj sutinpi bautizaychej.

Marcos 16:15

Jesustaj nerqa: Qankuna tukuy kay pachaman riychej, jinaspataj noqamanta sumaj willayta tukuy runaman willamuychej.

San Lucas 24:47

Chantá Jerusalenpi qallarispa, payta qhatikojkuna Jesuspa sutinpi tukuy runaman willananku karqa Diosman kutirikunankuta, ajinamanta Dios juchankuta pampachananpaj.

San Lucas 3:6

Chantá tukuy runaqa Diospa kachamusqan qhespichejta rikonqanku, nispa.

San Juan 1:14

Chay Simi Nisqaqa runaman tukorqa, jinataj noqayku ukhupi tiyakorqa. Chantá noqayku jatun kayninpa lliphipiyninta rikorqayku, chaytaj Tata Diospa uj k'ata Churin jatun kayninpa lliphipiynin karqa. Paypitaj munakuywan, chantá cheqa kajwan ima may jinapuni karqa.

San Juan 1:9

Cheqa k'anchayrí tukuy runaman k'anchananpaj kay pachaman jamusharqa.

Hechos 11:23

Bernabetaj Antioquiaman chayaspa, imatachus Dios qhasilla k'acha yanapayninnejta ruwashasqanta rikorqa. Chaymantataj kusikuspa, chay wawqe panakunata yuyaycharqa Tukuyta Kamachej Jesucristota tukuy sonqo kasunallankutapuni.

Hechos 13:43

Chay tantakuna wasimanta puririshajtinkutaj, ashkha judiokuna, chantá Diosta yupaychaj mana judiokuna ima Pablota, Bernabetawan qhaterqanku. Jinapitaj Pablowan, Bernabewan paykunata yuyaycharqanku Diospa qhasilla k'acha yanapayninpi mana sayk'uspa kakunankuta.

Hechos 13:47

Ajinata ruwasqayku, imaraykuchus Tukuyta Kamachej Dios kay jinata kamachiwarqayku: Mana judío kajkunapaj uj k'anchay jina kanaykipaj churayki, noqalla qhespichej kasqayta tukuy kay pachaj k'uchunkama willamunaykipaj, nispa.

Hechos 17:30

Ñawpa tiempopi runakuna Diosta mana rejserqankuchu chaypis, Dios chayta qonqayman churarqa. Kunantajrí, Diosllataj tukuynejpi runakunata kamachin payman kutirikunankuta.

Hechos 20:24

Chaywanpis manapuni chayta manchachikunichu, nitaj wañuytapis. Aswanpis kusiywan kawsayniyta tukuchiyta munani Tukuyta Kamachej Jesuspa kamachiwasqanta junt'aspa. Jinallataj munani Diospa qhasilla k'acha yanapayninmanta sumaj willaytapis tukuyman willarayta.

Romanos 10:18

Kunanrí tapuni: Manachu israelitakuna Jesucristomanta sumaj willayta uyarerqanku? Arí, uyarerqankupuni, imaynatachus Salmos sutiyoj qhelqapi nin: Paykunaj willasqankoqa tukuynejman chayarqa, kay pachapi tukuy runaman, nispa.

Romanos 5:15

Chaywanpis Dios qhasilla k'acha yanapayninta qowasqanchejqa aswanraj, Adán juchallisqanrayku imatachus tarinchej, chaymanta nisqaqa. Uj runa juchallisqanrayku ashkha wañorqanku. Jesucristonejtarí Diosqa qhasilla k'acha yanapayninta qowanchej, chaytaj aswanmin, ashkha runaj allinninpajtaj.

Romanos 5:2

Chantá Jesucristopi atinikusqanchejrayku, Dioswan allinpi kawsayman yaykunchej, mana chaypaj jina kashajtinchej. Chaypi sinch'ita sayaspataj, kusikunchej, Diospa jatun kayninpa k'anchayninpi paywan khuska kayta suyakuspa.

2 Corintios 6:1

Ajina ari, Diospa ruwayninpi yanapakojkuna kaspa, noqayku mañarikuyku ama pisipaj qhawanaykichejta Diospa qhasilla k'acha yanapayninta jap'isqaykichejta.

Gálatas 2:21

Jinallataj noqa Diospa qhasilla k'acha yanapayninta mana qhesachanichu. Sichus Moisespa kamachisqanta junt'aspa cheqan runapaj qhawasqa kayta atisunman karqa chayqa, Cristo qhasi manakajta wañunman karqa.

Efesios 2:5

Juchallisqanchejrayku wañusqa kashajtinchej, Dios noqanchejmanpis kawsayta qowarqanchej, maypachachus Cristota wañusqakunamanta kawsaricherqa, chaypacha. Noqanchej Diospa qhasilla k'acha yanapayninrayku qhespichisqa kanchej.

Efesios 2:8

Diosqa qhasilla k'acha yanapayninnejta qhespichisorqachej, maypachachus Jesucristopi atinikorqankichej, chaypacha. Qhespichisqa kanaqa mana qankuna imatapis ruwasqaykichejraykuchu, manachayqa Diospa qhasilla jaywasqan.

Colosenses 1:23

Chaywanpis chay ajina kananpaj Cristopi atinikuspa sinch'ita sayanaykichej tiyan. Jinallataj Jesusmanta sumaj willayta jap'ikusqaykichejrayku imatachus tukuy sonqo suyashankichej, chaymanta mana karunchakunaykichejchu tiyan. Chay sumaj willayqa tukuynejpi willasqa kashan, noqataj chay sumaj willaymanta willaranaypaj churasqa kani.

Colosenses 1:6

Chay sumaj willayta uyarisqaykichejqa tukuynejpi willasqa kashan. Chay runakunaqa chay sumaj willayta jap'ikusqankurayku waj jinaman tukuchisqa kashanku, imaynatachus qankunapis uyarisqaykichejmantapacha waj jinaman tukuchisqa karqankichej, ajinata. Qankunataj Diospa khuyakuyninmanta uyarispa, chaypacharaj cheqapuni kasqanta yacharqankichej.

2 Tesalonicenses 2:16

Kikin Tukuyta Kamachej Jesucristonchej, chantá Tata Diosninchej ima munakuwanchej, jinataj wiñaypaj sonqochawanchej, paykunamantataj allin kajta jap'ikunanchejta suyakushallanchejtaj.

1 Timoteo 1:14

Chantá Tukuyta Kamachej Diosninchej qhasilla k'acha yanapayninwan may jinatapuni yanapawarqa. Jinallataj Cristo Jesusnejta paymanta jap'ikuyta, jinataj munakuyta ima Dios yanapallawarqataj.

1 Timoteo 2:4

Pay munan tukuy runakuna qhespichisqa kanankuta, jinataj cheqan kaj yachachiyta rejsinankuta.

2 Timoteo 1:10

Kunantajrí chay k'acha kaynenqa qhespichiwajninchej Jesucristo rikhurimusqanrayku rikuchisqa kashan. Payqa wañuypa atiyninta phirispa, sumaj willaynejta wiñay kawsayta qowarqanchej.

2 Timoteo 4:17

Chaywanpis, Tukuyta Kamachej Dios noqawan karqa, kallpachawarqataj Jesuspa sumaj willayninmanta sut'ita parlanaypaj, ajinamanta mana judío kajkuna uyarinankupaj. Ajinata Diosqa leonpa siminmanta jina wañunaymanta kacharichiwarqa.

Hebreos 12:15

Qankunamanta pipis Diospa qhasilla k'acha yanapayninta jap'ejtinña, ama saqeychejchu chaymanta karunchakunanta. Amallataj saqeychejchu pipis jaya sonqo kasqanrayku ch'ajwata sayarichinanta, imajtinchus chay ch'ajwa mana allin kawsayta apamusunkichejman, chaynejtataj ashkha pantachisqa kankuman.

Hebreos 2:9

Diosqa Jesusta churarqa angelkunamanta tumpawan pisi kananpaj. Chaywanpis kunan Jesusta rikunchej, jatun kaywan pilluchisqata, jatunpaj qhawasqata ima, noqanchejrayku ñak'arispa wañusqanrayku. Dios munakuwasqanchejrayku munarqa Churin tukuy runarayku wañunanta.