Tito 2:10 - DIOSPA QHELQACHISQ

¹⁰ nitaj imatapis suwakuchunkuchu, manachayqa tukuy imachus ruwanankuta junt'aspa, k'acha kachunku. Wata runakuna ajinata ruwaspa, tukuy imapi qhespichiwajninchej Diospa yachachisqan may sumaj kasqanta rikuchenqanku.

Qheshwa Biblia DC

¹⁰ Yachachillaytaj ama suwas kanankuta, tukuy imapi allin junt'aj kanankuta; ajinamanta tukuy imapi Dios Salvadorninchejpa yachachiyninta allimpi rikuchinankupaj.

DIOSPA QHELQACHISQAN DEUTEROCANONICAL

¹⁰ nitaj imatapis suwakuchunkuchu, manachayqa tukuy imachus ruwanankuta junt'aspa, k'acha kachunku. Wata runakuna ajinata ruwaspa, tukuy imapi qhespichiwajninchej Diospa yachachisqan may sumaj kasqanta rikuchenqanku.

Quechua South Bolivia: Dios Parlapawanchej

¹⁰ Ama imatapis patronnincumanta suwachuncuchu. Manachayrí tucuy imata junt'aspa c'acha causayniyoj cachuncu. Ajinapi tucuy imapi Cacharichejninchej Diospa yachachinan c'achapaj sumajpajtaj khawaska canka.

Tito 2:10 ပူးပေါင်းရင်းမြစ်များ

Salmos 101:6

Chantá mana wasanchaj runakunata allinpaj qhawasaj, paykuna noqawan khuska tiyakunankupaj. Noqaqa cheqanta purejkunallata ajllasaj kamachiykuna kanankupaj.

Isaías 12:2

Diosmin kacharichiwajneyqa. Payllapi noqa atinikuni, manaña ni imamanta manchachikusajchu. Tata Dios kallpachawajneyqa, payllamantapuni takisaj, imaraykuchus paylla atipanaypaj yanapawan.

San Mateo 24:45

Pitaj allin yuyayniyoj mayordomo jina kanman? Paytaqa patronnin churan maychus tiemponpi kamachin masinkunaman mikhuchinanpaj.

San Mateo 5:16

Ajinallatataj, k'anchayniykichejqa runakunaj ñawpaqenpi k'anchachun. Ajinamanta paykuna allin ruwasqaykichejta rikuspa, janaj pachapi kashaj Tata Diosniykichejta jatunchanqanku.

San Lucas 1:47

Espirituytaj mayta kusikun qhespichiwaj Diosniypi.

San Lucas 1:80

Chay qhepata chay wawa wiñarqa, Diosmanta yachaspataj, kallpachakorqa. Runayaspataj, pay ch'innejpi tiyakorqa, Israel aylluman rejsichikunan p'unchaykama.

San Lucas 16:10

Pichus pisi imawan maychus kajta ruwajqa ashkhawanpis maychus kajta ruwallanqataj. Pisiwan mana cheqanta ruwajrí manallataj ashkhawanpis cheqanta ruwanqachu.

San Juan 12:6

Judas chayta nisharqa, mana wajchakunata khuyaspachu. Manachayqa pay Jesuspa yachachisqankunaj qolqe wayaqankuta jap'erqa, chayman churasqankutataj suwaj.

1 Corintios 4:2

Ajinaqa pichus uj ruwanata jap'ejqa yachayta qonan tiyan pay atinikunapaj jina kasqanta.

Efesios 4:1

Tukuyta Kamachej Jesuspa munasqanta ruwasqayrayku carcelpi wisq'asqa kaspa, noqa tukuy sonqo mañakuykichej, Diospa wajyasqan kajkuna imaynatachus purinanku kashan, ajinata qankunapis purinaykichejta.

Filipenses 1:27

Kayta niykichej: Qankuna allinta puriychej Cristomanta sumaj willayta allinpi rikhurichinaykichejpaj jina. Ajinapi noqa watukoj jamuspapis, chayrí karupi kashaspapis, qankuna sinch'ita sayashasqaykichejta uyariyta munani, jinallataj uj sonqolla kashasqaykichejta. Chantá uyariyta munallanitaj khuska Jesusmanta sumaj willayta mana sayk'uspa willashasqaykichejta.

Filipenses 4:8

Kunanqa wawqe panakuna, parlayta tukunaypaj kaytawan nisqaykichej: Qankunaqa yuyaychej tukuy imachus cheqan, tukuy imachus respetowan qhawanapaj jina kanman, chantá tukuy cheqan kajpi ima. Jinallataj yuyaychej tukuy llimphu kajpi, tukuy k'acha kajpi, tukuy allinpaj qhawasqa kajpi ima. Ajinaqa tukuy imachus sumaj, chantá jatunchanapaj jina, chaypipis yuyallaychejtaj.

1 Timoteo 1:1

Noqa Pablo Jesuspa kuraj kachan kani, qhespichiwajninchej Diospa kamachisqanrayku chantá Cristo Jesuspa kamachisqanraykutaj. Paynejtamin Dios yanapanawanchejta suyakunchej.

1 Timoteo 5:17

Iglesiata pusarejkuna imachus ruwanankuta sumajta ruwajtinku, paykuna kawsanankupaj iglesia uj jinatawan qonanku tiyan, astawanqa pikunachus Diospa simi nisqanta willanku, yachachinkutaj, chaykunaman.

1 Timoteo 6:1

Jesucristota qhatejkunamanta wata runakuna patronninkuta jatunpaj qhawachunku, wajkuna ama Diospa sutinmanta nitaj yachachisqanchejmantapis mana allinta parlanankupaj.

1 Timoteo 6:3

Sichus pillapis waj jinata yachachin, mana Tukuyta Kamachej Jesucristoj cheqa nisqanman jina nitaj cheqan kajman jina chayqa,

Tito 1:3

Chay nisqantataj Diosqa maychus tiemponpi junt'arqa. Kunantaj Qhespichiwajninchej Dios chay nisqanta tukuyman willanayta kamachiwarqa.

Tito 3:4

Chaywanpis maypachachus Qhespichiwajninchej Dios k'acha kayninta, chantá munakuyninta ima rejsicherqa chaypacha, pay qhespichiwarqanchej.

1 Pedro 2:12

Jinallataj Diosta mana qhatejkunaj ñawpaqenkupi allinta puriychej. Paykuna kunan mana allin kajta qankunapaj rimanku, millayta ruwajkunapis kawajchej jina. Chaywanpis allin ruwasqaykichejta rikuspa, paykuna Diosta jatunchanqanku, Dios juzganan kashan, chay p'unchay chayamojtin.

1 Pedro 3:16

Chantapis sonqoykichej mana juchachasunaykichejpaj allintapuni puriychej. Ajinamanta pikunachus allinta purisqaykichejrayku qankunapaj mana allinta parlajkuna p'enqachisqa kanqanku, Cristota qhatispa allinta purisqaykichejmanta qhasi manakajta parlasqankurayku.

2 Juan 1:9

Pichus pantaykuspa, mana Cristoj yachachisqanpi sayanchu chayqa, Dios mana paywanchu kashan. Pichus Cristoj yachachisqanpi sayajrí Tata Dioswan, chantá Churinwan ima ujchasqa kashan.

1 Samuel 22:14

Ajimelectajrí kuraj kamachejman kuticherqa: Mayqentaj tukuy yanapajniykikunamanta David jina mana wasanchaj runari? Payqa tolqayki kanpis, chay jawarí soldadokunaj kuraj kamachejninku, kamachinayki wasipitaj manchay respetowan qhawasqari?

1 Samuel 26:23

Tata Diostaj sapa ujman cheqan ruwasqanman jina, ch'uwa sonqoyoj kasqanman jina kutichipuchun. Tata Diosqa qan kuraj kamachejniyta makiyman jaywaykuwarqa chaypis, mana wañuchisuyta munarqanichu, imajtinchus qanqa Tata Diospa ajllakusqan kanki.