Tito 1:6 - DIOSPA QHELQACHISQ

⁶ Iglesiata pusarejqa mana imamanta k'amina kanan tiyan, uj warmiyojlla. Wawankunapis Jesusta qhatejkuna kananku tiyan, jinallataj allinta purejkuna, chantá kasukuyta yachajkuna ima.

Qheshwa Biblia DC

⁶ Kurajqa mana imamanta k'amina kanan tiyan, uj warmiyojlla. Wawasnintaj creejkuna kananku tiyan, manataj sajra kausaymanta ch'atanas, nitaj mana kasukojkuna.

DIOSPA QHELQACHISQAN DEUTEROCANONICAL

⁶ Iglesiata pusarejqa mana imamanta k'amina kanan tiyan, uj warmiyojlla. Wawankunapis Jesusta qhatejkuna kananku tiyan, jinallataj allinta purejkuna, chantá kasukuyta yachajkuna ima.

Quechua South Bolivia: Dios Parlapawanchej

⁶ Pastorpajka churay mana juchachana cajllata, uj warmiyojlla cajta, Diospi jap'icoj wawasniyoj cajllata. Astawanpis wawasnenka ama runata rimachejka cachuncuchu, ni manacaj puriymanta nitaj mana casucoj caymantapis.

Tito 1:6 ပူးပေါင်းရင်းမြစ်များ

Génesis 18:19

Noqa payta ajllakullarqanitaj wawankunata, miraynintapis kamachinanpaj, ajinamanta noqata kasuwaspa chantá cheqan kajta, allin kajtataj ruwaspa purinankupaj. Sichus Abraham nisqayta ruwanqa chayqa, noqa payman tukuy nisqayta junt'asaj, nispa. Ajinata Tata Dios Abrahamta nerqa.

Proverbios 28:7

Diospa kamachisqanta junt'aj chureqa sumaj yuyayniyoj. Pichus millayta ruwajkunawan purejrí tatanta p'enqaypi rikhurichin.

Ezequiel 44:22

Mana qosanmanta t'aqasqa warmiwan, chayrí warmisapawanpis casarakonqankuchu. Manachayqa Israel ayllumanta kaj mana qharej chayasqan warmiwan, chayrí wañupoj sacerdotej warminwan casarakonqanku.

Levítico 21:14

Warmisapawanqa ni ima kashajtin warmichakonqachu, nitaj qosanmanta t'aqasqawan, nillataj phisu warmiwanpis warmichakonqachu. Manachayqa paypa kikin jatun ayllunmanta, qharita mana rejsej warmita oqharikonqa.

Levítico 21:7

Jinallataj sacerdotekunaqa ama phisu warmiwan, nitaj alqochasqa warmiwan, nillataj qosanmanta t'aqasqa warmiwanpis casarachunkuchu, imaraykuchus sacerdotekunaqa Tata Diospaj t'aqasqa kanku.

Malaquías 2:15

Manachu Tata Diosqa warmiykita qantawan uj runa jinallaman tukuchisorqachej? Ukhuykichejwan espirituykichejwan ima Diospata kankichej. Chantá Dios imatataj munanri? Manachu munan mirayniykichej payllapaj t'aqasqa kanankutari? Chayrayku qankuna sonqoykichejta allinta qhawakuychej, wayna kashaspa casarakusqaykichej warmita ama wasanchanaykichejpaj.

San Lucas 1:5

Kuraj kamachej Herodes Judea jap'iypi kamachishajtin, uj sacerdote karqa Zacarías sutiyoj, Abiaspa mit'anmanta. Warmenqa Elisabet sutiyoj karqa, Aaronpa ayllullanmantataj.

Efesios 5:18

Ama machakuychejchu, imaraykuchus machanaqa mana ruwanata ruwanaman apasunkichejman. Aswanpis Santo Espíritoj kamachiyninpi sapa p'unchay puriychej.

1 Tesalonicenses 5:14

Ajinallatataj wawqe panakuna, mañarikuyku qhellakunata k'aminaykichejta, manchalikunata kallpachanaykichejta, pisi kallpayojkunatapis yanapanaykichejta, tukuywantaj pacienciayoj kanaykichejta.

1 Timoteo 1:9

Yachallanchejtaj Diospa kamachisqan mana cheqanta ruwajkunapajchu churasqa kasqanta. Manachayqa kay jinata ruwajkunapaj churasqa karqa: Kamachisqata mana uyarikuyta munajkunapaj, mana kasukojkunapaj, Dioswan churanakojkunapaj, juchasapakunapaj, pikunachus tatankuta, chayrí mamankuta wañuchejkunapaj, runa wañuchejkunapaj ima.

1 Timoteo 3:12

Diaconokunaqa uj warmiyojlla kachunku, jinataj wawankukunata, chantá wasinkupi kajkunata ima allinta qhawananku tiyan.

Tito 1:10

Chayta niyki, imaraykuchus ashkha mana kasukojkuna manakajta parlaspa, q'otiyajkuna kanku. Chaykuna astawanqa circuncidakunamanta yachachinku.

1 Samuel 2:11

Chantá Elcanaqa Ramá llajtapi wasinman kutiporqa. Wawatajrí Elí sacerdotej kamachisqanman jina, Tata Diospaj llank'anapi qhepakorqa.

1 Samuel 2:22

Eliqa allin unayniyojña karqa, yacharqataj churinkuna israelitakunata imatachus ruwashasqankuta. Paykuna Dioswan Tinkukuna Toldo punkupi yanapakoj warmikunawan puñuykusqankutapis yachallarqataj.