Tito 1:3 - DIOSPA QHELQACHISQ

³ Chay nisqantataj Diosqa maychus tiemponpi junt'arqa. Kunantaj Qhespichiwajninchej Dios chay nisqanta tukuyman willanayta kamachiwarqa.

Qheshwa Biblia DC

³ Maychus tiempompitaj rikuchisqa karqa palabran willaykunanejta; chaytaj noqaman qosqa karqa, Salvadorninchej Dios kamachisqanrayku.

DIOSPA QHELQACHISQAN DEUTEROCANONICAL

³ Chay nisqantataj Diosqa maychus tiemponpi junt'arqa. Kunantaj Qhespichiwajninchej Dios chay nisqanta tukuyman willanayta kamachiwarqa.

Quechua South Bolivia: Dios Parlapawanchej

³ Cunanrí ajllaskan p'unchaypi ricuchiwarkanchej wiñay causaymanta willanasta paypa niskanpi. Chay sumaj willanasta Cacharichejninchej Dioska nokaman confiawarka camachiwaskanmanjina.

Tito 1:3 ပူးပေါင်းရင်းမြစ်များ

Isaías 12:2

Diosmin kacharichiwajneyqa. Payllapi noqa atinikuni, manaña ni imamanta manchachikusajchu. Tata Dios kallpachawajneyqa, payllamantapuni takisaj, imaraykuchus paylla atipanaypaj yanapawan.

Isaías 45:15

Cheqapuni Israelpa Diosnin kanki, qhespichej Diostaj. Qanqa mana rikukoj Dios kanki.

Isaías 45:21

Qankuna allinta parlaychej. Ruwasqaykichejmanta sumajta rimanakuspa, imatachus ninaykichejta wakichikuychej. Pitaj qallariymantapacha chay imakunata ruwarqari? Pitaj unaymantapacha chay imakunata willanri? Manachu Noqa Tata Dios chay imakunamanta willarqaykichej? Noqamanta jawaqa mana waj dios kanchu. Noqalla cheqanta ruwaj Dios, qhespichejtaj kani. Noqamanta jawaqa manapuni ujpis kanchu.

Daniel (hebreo) 11:27

Chay iskaynin kuraj kamachejkuna paykunapura mana allin kajta ruwanakuyta yuyashaspa, khuska mikhunankupaj tiyaykonqanku. Chaypitaj llullata purajmanta ninakonqanku. Chaywanpis mana mayqenninkoj yuyasqanku junt'akonqachu, imaraykuchus manaraj tiempo chayamunchu.

Daniel (hebreo) 8:23

Manaña chay tawa kuraj kamachejkuna kamachishajtinku, millay ruwanapis anchaña kanqa. Chantá machu machu uj kuraj kamachej sayarenqa, paytaj ch'awkiyanapaj churasqa kanqa.

Daniel (hebreo) 9:24

Diosqa qanchis chunka semanata t'aqan israelitakunawan, Diospaj t'aqasqa llajtanwan ima Diospa contranta oqharikusqankumanta kutirikunankupaj, juchallisqankumanta, millay ruwasqankumantataj qhespichisqa kanankupaj ima. Chaymantataj Diosqa cheqan kajta wiñaypaj sayachenqa. Ajinata mosqoypi jina rikusqayki, sut'inchajkunaj willasqanku ima junt'akonqa, may llimphu cheqapis Diosllapaj t'aqasqa kanqa.

Habacuc 2:3

Mosqoypi jina rikusqaykej junt'akunan tiempo manaraj chayamunchu. Chaywanpis junt'akonqapuni. Qheparisqanta rijch'asunki chaypis pacienciawan suyarillay, junt'akunan tiempotaj chayamonqapuni.

Marcos 1:15

Diospa nisqan p'unchay junt'akunña, paytaj kamachinanpaj wakichisqaña kashan. Chayrayku juchaykichejmanta Diosman kutirikuychej, Diosmanta kay sumaj willaytataj jap'ikuychej, nispa.

Marcos 13:10

Noqamanta sumaj willayqa ñawpajta tukuy imaymana runaman willasqa kanan tiyan, manaraj kay pacha tukukushajtin.

Marcos 16:15

Jesustaj nerqa: Qankuna tukuy kay pachaman riychej, jinaspataj noqamanta sumaj willayta tukuy runaman willamuychej.

San Lucas 1:47

Espirituytaj mayta kusikun qhespichiwaj Diosniypi.

Hechos 10:36

Uyarinkichejña Dios Israelpa mirayninman kay sumaj willayta willasqanta: Payqa runakunata paywan allinyachin Jesucristonejta, pichus Tukuyta Kamachej kashan, chaynejta.

Hechos 17:26

Payqa uj runallamanta tukuy suyuta rikhuricherqa, kay pachaman junt'ananchejpaj. Diosllataj churarqa mayk'ajkamachus, chantá may cheqapichus tiyanankuta.

Romanos 15:19

Jinallataj Santo Espíritoj atiyninwan runaj mana jayk'aj rikusqanta, chantá t'ukuna imakunata ima ruwarqani. Ajinamanta Cristomanta sumaj willayta Jerusalenmantapacha Ilíricoj muyuyninkama junt'acherqani.

Romanos 16:25

Dios yupaychasqa kachun, pichus sinch'ita sayachiyta atisunkichej Jesucristomanta sumaj willayta willasqayman jina, chay. Jesucristomanta sumaj willaypi Diosqa qankuna mana judío kajkunapaj imatachus wakichisqanta sut'inchan. Chay imatachus wakichisqanqa unaymantapacha pakasqa karqa.

Romanos 16:26

Chay willayqa Diosmanta sut'inchajkunaj qhelqasqankupi rejsichisqaña karqa, wiñaypaj kawsaj Diospa kamachisqanman jina. Kunantajrí chay pakasqa yachayqa rejsichisqaña runakuna jap'ikunankupaj, kasunankupajtaj.

Romanos 5:6

Qhespichisqa kananchejpaj noqanchej mana imatapis ruwayta atishajtinchej, Diospa ajllasqan tiempopi Cristo juchasapakunarayku wañorqa.

1 Corintios 9:17

Munasqayraykullachus willarayman chayqa, pagachikuyta atiyman. Chaywanpis kamachiwasqanta junt'anayrayku willarashani, imaraykuchus Dios willaranayta kamachiwarqa.

Gálatas 4:4

Chantá señalasqan p'unchay chayamojtin, Diosqa Churinta kachamorqa. Payqa uj warmimanta paqarerqa, jinataj Moisespa kamachisqankunata kasuspa kawsarqa.

Efesios 1:10

Ajinamanta señalasqa p'unchay chayamojtin, Diosqa janaj pachapi kajkunata, jinallataj kay pachapi kajkunatapis ujllaman tantanqa, chantá Cristoj kamachiyninman churanqa.

Efesios 2:17

Cristo jamuspa, allinyachisqa kanamanta sumaj willayta willarqa, qankuna mana judiokuna Diosmanta karupi kashajkunaman, jinataj pikunachus qayllallapi kasharqayku, chay judiokunamanpis.

Filipenses 1:13

Ajinamanta kuraj kamachejpa wasinta qhawaj soldadokuna, jinallataj tukuy runakuna yachanku Cristorayku noqa wisq'asqa kasqayta.

Colosenses 1:23

Chaywanpis chay ajina kananpaj Cristopi atinikuspa sinch'ita sayanaykichej tiyan. Jinallataj Jesusmanta sumaj willayta jap'ikusqaykichejrayku imatachus tukuy sonqo suyashankichej, chaymanta mana karunchakunaykichejchu tiyan. Chay sumaj willayqa tukuynejpi willasqa kashan, noqataj chay sumaj willaymanta willaranaypaj churasqa kani.

Colosenses 1:6

Chay sumaj willayta uyarisqaykichejqa tukuynejpi willasqa kashan. Chay runakunaqa chay sumaj willayta jap'ikusqankurayku waj jinaman tukuchisqa kashanku, imaynatachus qankunapis uyarisqaykichejmantapacha waj jinaman tukuchisqa karqankichej, ajinata. Qankunataj Diospa khuyakuyninmanta uyarispa, chaypacharaj cheqapuni kasqanta yacharqankichej.

1 Tesalonicenses 2:4

Aswanpis Diosqa noqaykuta allinpaj qhawaspa Jesusmanta sumaj willayta willanaykuta kamachiwarqayku, chayraykutaj chayta ruwayku. Mana runamanchu allin rijch'ayta munayku, manachayqa Diosman, pichus sonqoykuta rejsin, chayman.

1 Timoteo 1:1

Noqa Pablo Jesuspa kuraj kachan kani, qhespichiwajninchej Diospa kamachisqanrayku chantá Cristo Jesuspa kamachisqanraykutaj. Paynejtamin Dios yanapanawanchejta suyakunchej.

1 Timoteo 1:11

Chay cheqan yachachiyta willanaypaj may yupaychasqa Diosninchej noqata churawarqa, Jesucristomanta jatunchasqa sumaj willayman jina.

1 Timoteo 2:3

Ajinata mañapuna allin, qhespichejninchej Diostataj kusichin.

1 Timoteo 4:10

Chayrayku tukuy sonqo sinch'ita llank'anchej, jinataj mayta kallpakushallanchejpuni, imaraykuchus kawsaj Diospi atinikuspa yanapanawanchejta suyakushanchej. Diosqa tukuy runata qhespichiyta munan, astawanqa pikunachus paypi atinikunku, chaykunata.

2 Timoteo 4:17

Chaywanpis, Tukuyta Kamachej Dios noqawan karqa, kallpachawarqataj Jesuspa sumaj willayninmanta sut'ita parlanaypaj, ajinamanta mana judío kajkuna uyarinankupaj. Ajinata Diosqa leonpa siminmanta jina wañunaymanta kacharichiwarqa.

Tito 2:10

nitaj imatapis suwakuchunkuchu, manachayqa tukuy imachus ruwanankuta junt'aspa, k'acha kachunku. Wata runakuna ajinata ruwaspa, tukuy imapi qhespichiwajninchej Diospa yachachisqan may sumaj kasqanta rikuchenqanku.

Tito 2:13

Ajinata kawsananchej tiyan, suyakushanchej, chay kusiy p'unchay chayamunankama. Chaypacha may jina atiyniyoj Dios Qhespichiwajninchej Jesucristo jatun kayninpa lliphipiyninwan rikhurimonqa.

Apocalipsis 14:16

Phuyu patapi tiyasqa kajtaj chajrata hozewan ruthoj yaykorqa, jinamanta chajraqa ruthusqa karqa.