Tito 1:2 - DIOSPA QHELQACHISQ

² Cheqa kajta yachasqankoqa paykunata yanapan wiñay kawsayniyojña kasqankuta sut'ita yachanankupaj, imaraykuchus mana jayk'aj llullakoj Diosmin chay wiñay kawsayta qonanta nerqa, manaraj kay pacha ruwasqa kashajtin.

Qheshwa Biblia DC

² Wiñay kausay suyaypi, mayqentachus mana llullakoj Dios qosqaykichej nerqa, manaraj kay mundo ruwasqa kashajtin.

DIOSPA QHELQACHISQAN DEUTEROCANONICAL

² Cheqa kajta yachasqankoqa paykunata yanapan wiñay kawsayniyojña kasqankuta sut'ita yachanankupaj, imaraykuchus mana jayk'aj llullakoj Diosmin chay wiñay kawsayta qonanta nerqa, manaraj kay pacha ruwasqa kashajtin.

Quechua South Bolivia: Dios Parlapawanchej

² Ajinapi paycuna wiñay causayta suyankancu. Chayta ni jayc'aj llullacoj Dioska konanta nerka, cay pachata manaraj ruwashaspa.

Tito 1:2 ပူးပေါင်းရင်းမြစ်များ

Isaías 1:20

Manapuni kasukuyta munankichej chayrí, espadawan wañuchisqa kankichej. Noqa Tata Diosmin chayta nini.

Números 23:19

Diosqa mana wañoj runa jinachu llullakunanpaj, nitaj nisqanmanta kutirinanpaj. Nin chayqa, manachu ruwanqa? Parlan chayrí, imatachus nisqanta manachu junt'anqa?

San Mateo 25:34

Chantá Kuraj Kamachejqa pañanpi kajkunata nenqa: Jamuychej, qankunaqa Tataypa saminchasqan kankichej. Chayrayku Diospa janaj pacha kamachiyninman yaykuychej, mayqenchus kay pachaj qallariyninmantapacha chayaqeykichejpaj wakichisqa karqa, chayman.

San Mateo 25:46

Chaymantataj paykuna wiñay ñak'ariyman renqanku, cheqan kajta ruwajkunatajrí wiñay kawsayman yaykonqanku, nispa. Ajinata Jesús yachacherqa.

Marcos 10:17

Jesús Jerusalenman puririshajtinña, uj runa usqhayllata payman chimparqa. Jesuspa ñawpaqenman qonqoriykukuspataj, payta taporqa: K'acha Yachachej Wiraqochíy, imata ruwaspataj wiñay kawsayta tariymanri? nispa.

Marcos 10:30

Paykunataj pachaj jinatawanraj kay pachapi wasikunata jap'enqanku, wawqekunata, panakunata, mamakunata, wawakunata, jallp'akunata ima. Jinallataj may ñak'arichisqa, chantá qhatiykachasqa ima kallanqankutaj. Jamoj p'unchaypitajrí wiñay kawsayta jap'enqanku.

San Juan 10:28

Noqaqa paykunaman wiñay kawsayta qoni, manataj jayk'ajpis chinkanqankuchu. Makiymantataj paykunata mana pipis qhechuwayta atenqachu.

San Juan 17:2

Churiykiman qan atiyta qorqanki, tukuy runata kamachinanpaj, wiñay kawsaytataj qonanpaj, pikunatachus payman qorqanki, chaykunaman.

San Juan 17:24

Tatáy, munani qowasqayki kajkuna, maypichus noqa kasaj, chaypi noqawan kanankuta. Chaypacha qowasqayki jatun kayniypa lliphipiyninta rikuyta atenqanku, imaraykuchus manaraj kay pacha ruwasqa kashajtin, qan munakuwarqanki.

San Juan 5:39

Qankunaqa Diospa Qhelqachisqanta allin allinta qhawankichej, imaraykuchus qhelqasqapi imatachus nisqannejta wiñay kawsayta tarinaykichejta yuyankichej. Chay qhelqasqarí noqamanta willan.

San Juan 6:54

Pillapis ukhuyta mikhoj, yawarniytataj ujyajrí wiñay kawsayniyojña, noqataj kay pachaj tukukuynin p'unchaypi payta wañusqamanta kawsarichisaj.

San Juan 6:68

Chantá Simón Pedro kuticherqa: Wiraqochi, pimantaj riyta atiykumanri? Qanpa parlasqaykeqa wiñay kawsayman pusawayku.

Hechos 15:18

Ajinata Tukuyta Kamachej Dios nin, pichus kay imakunata ruwananta unaymantapachaña rejsicherqa, chay, nispa.

Romanos 1:2

Diosqa Qhelqachisqanpi paymanta sut'inchajkunanejta unayña nisqa sumaj willayta rejsichinanta.

Romanos 16:25

Dios yupaychasqa kachun, pichus sinch'ita sayachiyta atisunkichej Jesucristomanta sumaj willayta willasqayman jina, chay. Jesucristomanta sumaj willaypi Diosqa qankuna mana judío kajkunapaj imatachus wakichisqanta sut'inchan. Chay imatachus wakichisqanqa unaymantapacha pakasqa karqa.

Romanos 2:7

Allinta ruwaspa mana sayk'ojkunaman Dios wiñay kawsayta qonqa, pikunachus Diospa ñawpaqenpi jatunpaj qhawasqa kayta mask'anku, mana jayk'aj wañuyta ima, chaykunaman.

Romanos 5:2

Chantá Jesucristopi atinikusqanchejrayku, Dioswan allinpi kawsayman yaykunchej, mana chaypaj jina kashajtinchej. Chaypi sinch'ita sayaspataj, kusikunchej, Diospa jatun kayninpa k'anchayninpi paywan khuska kayta suyakuspa.

Romanos 5:21

Ajinaqa jucha atiyniyoj karqa tukuy runakuna wañuyta rejsinankupaj. Ajinallataj kunanqa Diospa qhasilla k'acha yanapayninpis atiyniyojllataj, runa Diospa ñawpaqenpi cheqanpaj qhawasqa kananpaj. Chantá Jesucristonejta Dioswan allinyachisqa kasqanchejrayku noqanchej wiñay kawsayta jap'inchej.

Romanos 5:4

Pacienciawan awantasqanchejqa wiñay tukusqa runaman tukuchiwanchej, chaytaj tukuy sonqo Diosmanta allin kajta suyakuyta yachachillawanchejtaj.

Romanos 6:23

Juchaqa pagota jina wañuyta qon. Diostajrí Tukuyta Kamachej Jesucristonejta wiñay kawsayta qhasilla qon.

Colosenses 1:27

Paykunaman Dios rejsichiyta munarqa, Cristoj qhapaj kasqan, chantá jatun kaynin ima qankuna mana judío kajkunapajpis kasqanta. Chay pakasqa yachayqa kaymin: Cristoqa qankuna ukhupi kashan. Ajina kasqanraykutaj qankuna tukuy sonqo janaj pachaj jatun kayninpa lliphipiyninta jap'iyta suyashankichej.

1 Tesalonicenses 2:15

Judiokunamanta wakinkuna Tukuyta Kamachej Jesusta wañuchisqanku, jinallatataj Diosmanta sut'inchajkunatapis. Noqaykutapis qhatiykachaspa, ñak'arichillawarqaykutaj. Paykuna mana Diospa munasqanman jinachu ruwanku, jinallataj tukuy runaj contranpi kashanku.

1 Tesalonicenses 5:8

Noqanchej sut'i p'unchaypi kawsashajkunarí, ch'aki sonqo runa jina yuyayninchejpi kana. Diospi atinikuywan, munakuywan ima fierro pecherawan jina p'achallikuna kachun. Chantá qhespichisqa kasqanchejta monterata jina churakuna.

1 Timoteo 6:12

Jesucristopi atinikuyrayku soldado jina sumajta maqanakuy. Jinataj wiñay kawsaymanta ch'ipakuy, imaraykuchus chaypajmin Dios wajyasorqa ashkha runaj ñawpaqenpi, Cristopi atinikusqaykimanta rimarishajtiyki.

1 Timoteo 6:19

Ajinamanta paykuna jamoj p'unchaykunapaj qhapaj kapuyta tantakushanku, ajinapi cheqa kaj kawsaymanta misk'irichikunankupaj.

2 Timoteo 1:1

Noqa Pabloqa Dios munasqanrayku Cristo Jesuspa kuraj kachan kani, Dios Cristonejta wiñay kawsayta qonanta nisqanman jina.

2 Timoteo 1:9

Paymin qhespichiwarqanchej, chantá juchamanta t'aqasqa jina kawsananchejpaj wajyawarqanchej, mana allin kajta ruwasqanchejraykuchu, aswanpis imatachus munasqanta junt'ananrayku, chantá qhasilla k'acha yanapayninrayku ima. Ajinata Diosqa Cristo Jesusnejta chay qhasilla k'acha yanapayninta qowarqanchej, manaraj kay pacha ruwasqa kashajtin.

2 Timoteo 2:10

Chayrayku, tukuy imata ñak'arispa awantashani Diospa ajllakusqankunata munakusqayrayku, paykunapis Cristo Jesusnejta qhespichisqa kayta, chantá wiñay kusiytawan tarinankupaj.

2 Timoteo 2:13

Sichus payta wasanchasunman chaypis, payqa nisqanta junt'allanpuni, imaraykuchus nisqanmanta manapuni kutirinchu.

2 Timoteo 2:15

Qanrí atisqaykita ruway Diospa ñawpaqenpi allinpaj qhawasqa kanaykipaj. Imachus ruwanaykita sumajta ruway, ama imamanta p'enqakunaykipaj jina, cheqa kaj willayta maychus kajta yachachispa.

Tito 2:13

Ajinata kawsananchej tiyan, suyakushanchej, chay kusiy p'unchay chayamunankama. Chaypacha may jina atiyniyoj Dios Qhespichiwajninchej Jesucristo jatun kayninpa lliphipiyninwan rikhurimonqa.

Tito 2:7

Qanrí tukuy imata allinta ruwaspa purisqaykita paykunaman rikuchiy, qan jina puriyta yachanankupaj. Tukuy imatachus ruwasqaykeqa yachayta qochun, yachachisqayki cheqan sonqowan, chantá mana pujllakuspa jinallachu kasqanta.

Tito 3:7

Ajinata Dios ruwarqa noqanchej qhasilla k'acha yanapayninnejta cheqan runapaj qhawasqa kaspa, wiñay kawsayta chayaqeta jina jap'iyta suyakunanchejpaj.

1 Juan 2:25

Chaymá chay wiñay kawsayqa, mayqentachus kikin Jesucristo qonawanchejta nerqa, chay.

1 Juan 5:20

Yachallanchejtaj Diospa Churin jamuspa yuyayta, yachayta ima qowasqanchejta, cheqa kaj Diosman kutirikunanchejpaj. Kunantaj cheqa kaj Dioswan ujchasqa kawsashanchej, imajtinchus Churin Jesucristowan ujchasqa kawsashanchej. Paymin uj k'ata Diosqa, payllataj wiñay kawsayta qon.

Judas 1:21

Chantá Diospa munakuyninpi kallaychejpuni, jinallataj Tukuyta Kamachej Jesucristo wiñay kawsayman pusanawanchej p'unchayta suyaychej, imaraykuchus pay may jinata khuyakuwasunchej.

Apocalipsis 13:8

Kay pachapi tukuy runataj chay waj sierpeta yupaycharqanku. Kay pacha manaraj ruwasqa kashajtin, pichus wañuchisqa kanan karqa, chay Corderoqa kawsay p'anqapi qhelqasqa, pikunachus wiñay kawsayniyoj kananku karqa, chay sutinkuta. Kay ujkunaj sutinkurí mana chay p'anqapi qhelqasqachu karqa.

Apocalipsis 17:8

Chay rikusqayki sierpe ñawpajta karqa, kunantajrí manaña kanchu. Chaywanpis manaraj wiñaypaj chinkachisqa kashaspa, ukhu pachamanta ujtawan rikhurimonqa. Kay pacha ruwasqa kasqanmantapacha pikunaj sutinkuchus kawsay p'anqapi mana listasqachu kashan, chaykunaqa sierpeta rikuspa, t'ukonqanku. Chay sierpeqa ñawpajta karqa, kunantaj manaña kanchu, chaywanpis kutimonqarajmin.

1 Samuel 15:29

Israelpa Tukuy Atiyniyoj Diosnenqa mana llullakunchu, nitaj sonqonta nanachikunchu. Payqa mana runachu imatachus nisqanmanta kutirinanpaj, nispa.