Tito 1:16 - DIOSPA QHELQACHISQ

¹⁶ Paykuna Diosta qhatikusqankuta ninku, ruwasqankuwantajrí mana jinachu kasqanmanta yachayta qonku. Chay jina runakunaqa millay kanku, mana kasukojkuna, nitaj ima allin kajtapis ruwanankupaj jinachu.

Qheshwa Biblia DC

¹⁶ Yuyanku Diosta rejsisqankuta, ruwasqasninkuwantaj payta qhesachanku. Millaykuna mana kasojkuna kanku, nitaj allin kajtapis ruwayta atinkuchu.

DIOSPA QHELQACHISQAN DEUTEROCANONICAL

¹⁶ Paykuna Diosta qhatikusqankuta ninku, ruwasqankuwantajrí mana jinachu kasqanmanta yachayta qonku. Chay jina runakunaqa millay kanku, mana kasukojkuna, nitaj ima allin kajtapis ruwanankupaj jinachu.

Quechua South Bolivia: Dios Parlapawanchej

¹⁶ Diosta rejsiskancuta nincu. Ruwaskasnincutaj ricuchin mana ajina caskanta. Millay, mana casucojcuna cancu. Ima sumaj ruwanapajpis manacaj cancu.

Tito 1:16 ပူးပေါင်းရင်းမြစ်များ

Job 15:16

Astawanraj millay juchasapa runapi mana atinikonqachu, yakutapis ujyashanman jina millay kajta ruwaj runapi.

Proverbios 30:12

Wakinkuna llimphu kasqankuta yuyakunku, chaywanpis millayta ruwasqankumanta mana llimphuchakunkuchu.

Isaías 29:13

Tukuyta Kamachej Diostaj nin: Kay runakunaqa simillankuwan jatunchawanku, simillamanta yupaychawanku, sonqonkutajrí noqamanta karupi kashan. Noqata yupaychawasqankoqa runaj wakichisqallan, mayqentachus runakunalla yachachinku, chay.

Isaías 48:1

Jacobpa ayllun, kayta uyariychej, qankunaqa Israel sutiwan sutichasqa kankichej. Qankuna Judajpa miraynin kankichej, Tata Diospa sutinpitaj tilunkichej. Jinallataj Israelpa Diosninmanta mañakunkichej. Chaywanpis, mana cheqanta ruwankichejchu, nitaj cheqan sonqowanchu mañakunkichej.

Isaías 58:2

Paykunaqa sapa p'unchay mask'awanku. Kamachisqayta rejsiyta munanku, cheqanta ruwaj ayllupis kankuman jina, Diosninkoj kamachisqanta manapis saqenkumanchu karqa jina. Jinallataj paykuna cheqan justiciata ruwanayta mañawanku, noqaman qayllaykamuwaspataj, kusikunku.

Isaías 59:13

Kay jinata juchallikorqanchej: Tata Diospa contranpi oqharikorqanchej, payta wasancharqanchej, paymantataj karunchakorqanchej. Chantá runa masinchejta ñak'arichejkunata astawan kallpacharqanchej, kawsaqenta wasanchajkunatataj yanaparqanchej. Sonqonchejpitaj llullakuyta wakicherqanchej, chaytataj parlarqanchej.

Jeremías 12:2

Qanqa paykunata mallkerqanki, paykunataj jap'ikuspa wiñanku, chantá poqonkutaj. Siminkuwan qanta yupaychasunku, sonqonkupirí qanmanta karupi kashanku.

Jeremías 5:2

Paykuna llullakuspa, tilunku: Tata Diospa sutinrayku tiluni, nispa, nitaj nisqankuta junt'ankuchu, nispa.

Jeremías 6:30

Paykuna sutichasqa kanku: “Qhesachasqa qolqe metal”, nispa, imaraykuchus noqa, Tata Dios, paykunata qhesacharqani, nispa.

Ezequiel 33:31

Ajinata aylloyqa jamuspa, ñawpaqeykipi yachasqankuman jina tiyarikunku, parlasqaykita uyarinankupaj. Chaywanpis uyarisqankuta mana ruwankuchu. Simillankuwan misk'ita parlanku, sonqonkupitajrí qolqeta mask'anallapi yuyashanku.

Números 24:16

Diospa parlasqanta uyarerqani. Yachasqayqa Patapi Kaj Diosmanta jamun, sut'ipi jina rikusqaytataj Tukuy Atiyniyoj Diosmanta jap'ini.

Romanos 1:28

Jinapi Diosta mana cuentaman churayta munasqankuraykutaj, Dios paykunata saqerparerqa ch'ichi millay yuyasqankuman jina mana ruwanata ruwanankupaj.

Efesios 5:6

Ama piwanpis qhasi manakaj parlasqanwan q'otiyachikuychejchu, imajtinchus chaykunata ruwasqankurayku Diospa k'araj phiñakuynin mana kasukojkunaj patankuman jamun.

1 Timoteo 1:9

Yachallanchejtaj Diospa kamachisqan mana cheqanta ruwajkunapajchu churasqa kasqanta. Manachayqa kay jinata ruwajkunapaj churasqa karqa: Kamachisqata mana uyarikuyta munajkunapaj, mana kasukojkunapaj, Dioswan churanakojkunapaj, juchasapakunapaj, pikunachus tatankuta, chayrí mamankuta wañuchejkunapaj, runa wañuchejkunapaj ima.

1 Timoteo 5:8

Sapa wawqe pana ayllunpaj, astawanraj wasi ayllunpaj kawsanapaj imatachus necesitanku, chayta apamunan tiyan. Ajinata mana ruwanchu chayqa, chay runa Diosmanta karunchakapun, paytaj Diosman mana kutirikojmantapis aswan millayrajmin.

2 Timoteo 3:17

Ajinamanta Diospa kamachenqa ruwanapaj sumaj yachachisqa kanqa, jinallataj tukuy ima allin kajta ruwananpaj sumaj wakichisqa.

Tito 3:1

Wawqe panakunata yuyarichiy kamachejkunawan, kamachejta yanapajkunatawan ima kasuy sonqo kanankuta. Paykunata kasuchunku, chantá tukuy imachus allinta kajtataj usqhayllata ruwayta munachunku.

Tito 3:3

Noqanchejpis ñawpajtaqa mana yuyayniyoj wampu karqanchej, mana kasukojkuna, chinkasqa ima. Kallarqanchejtaj tukuy imaymana mana allin kajta ruwayta munajkuna, sonqonchejpa munasqanta ruwaspa kusiririkuyta munajkuna ima. Chaykunamantataj mana kacharichikuyta aterqanchejchu. Jinallataj noqanchej millay ch'ichi kajta ruwaspa, envidiakuspa, chejnispa, chantá ujkuna ujkuna chejninakuspa ima kawsarqanchej.

1 Juan 2:4

Sichus pipis ninman: Noqaqa Dioswan allinpi kawsakushani, nispa, nitaj kamachisqanta kasunchu chayqa, chay runaqa llullamin, manataj cheqantachu parlashan.

Judas 1:4

Chayta niykichej, imaraykuchus wakinkuna iglesiaman mana reparayllata yaykuykamunku. Paykunaqa Dioswan churanakojkuna kanku, imajtinchus Diospa qhasilla k'acha yanapayninta q'ewinku, munasqankuman jina millayta ruwaspa purinankupaj. Chaywanpis paykuna juchachasqa kanankoqa ñawpajmantapachaña nisqa kashan, imaraykuchus Tukuyta Kamachej Jesucristota qhesachanku.

Apocalipsis 21:27

Chaymanqa mana ni ima ch'ichi kajpis yaykonqachu, nitaj millayta ruwajkuna, ni llullakojkunapis. Manachayqa Corderoj kawsay p'anqanpi listasqa kajkunalla yaykonqanku.

Apocalipsis 21:8

Manchalikunarí, Diospi mana atinikuyta munajkuna, millay kajkuna, runa wañuchejkuna, khuchichakojkuna, layqakuna, lanti yupaychajkuna, chantá tukuy llullakojkuna ima azufrewan lawrashaj nina qochaman wijch'uykusqa kanqanku. Chaymá iskay kaj wañoyqa.

1 Samuel 15:22

Chantá Samuel kuticherqa: Imataj astawan Tata Diospa sonqonta kusichinri? Uywata ñak'aspa q'olachinachu, chayrí kamachisqanta kasunachu? Cheqamanta aswan allin payta kasuna, uywata ñak'aspa q'olachinamanta nisqaqa. Jinataj nisqanta uyarina aswan allin, corderoj wiranta jaywanamanta nisqaqa.

1 Samuel 15:24

Chantá Saulqa Samuelta nerqa: Arí, juchallini, Tata Diospa kamachisqanta, niwasqaykitawan mana kasuta ruwaspa. Chaytaqa ruwarqani runata manchachikuspa, imatachus mañawasqankuta uyarisqayrayku.