TAKIYKUNA 8:2 - DIOSPA QHELQACHISQ

² Noqa mamaypa wasinman pusaykuykiman, chaypitaj qan yachachiwankiman imaynatachus munakunata. Noqataj sumaj vinota ujyachiykiman, granadaymanta ch'irwasqatapis jaywariykiman.

Qheshwa Biblia DC

² Chantapis noqaqa mamaypa wasinman pusaykuykiman; qantaj yachachiwankiman. Chanta sumaj kaj vinota noqaqa ujyachiykiman, sumachajnin kaj granadasniymanta ch'irwasqawan.

DIOSPA QHELQACHISQAN DEUTEROCANONICAL

² Noqa mamaypa wasinman pusaykuykiman, chaypitaj qan yachachiwankiman imaynatachus munakunata. Noqataj sumaj vinota ujyachiykiman, granadaymanta ch'irwasqatapis jaywariykiman.

TAKIYKUNA 8:2 ပူးပေါင်းရင်းမြစ်များ

Proverbios 9:2

Uywakunata ñak'acherqa jatun mikhuyta wayk'uchinanpaj, sumaj vinotataj wakicherqa, jinallataj mesatapis mast'arqa.

TAKIYKUNA 3:4

Paykunamanta uj chhikanta karunchakuytawantaj, munasqaywan tinkukorqani. Makinmanta jap'iykuspataj, manaña kacharerqanichu. Chantá mamaypa wasinman pusaykorqani, maypichus paqarikorqani, chayman.

TAKIYKUNA 4:10

Ima munayta munarikuwanki chunkitúy, munasqetáy. Munarikuwasqaykeqa vinomantapis astawan misk'i. Q'aparishaj jawinawan jawikusqaykeqa astawan sumaj tukuy q'apaj jawinamanta nisqaqa.

TAKIYKUNA 7:12

12 (13) Uva huertaman sut'iyayta risunchej. Ijishanñachus t'ikashanñachus, chayta qhawarimusunchej, granadakunapis t'ikashanñachus chaytapis. Chaypitaj munakamusqayki.

TAKIYKUNA 7:9

9 (10) Simisituykeqa sumaj vino jina. Chay vinoqa simiykinejta, kiruykinejtapis llamp'ulla yaykurin.

TAKIYKUNA 8:1

Sichus qan turay kawaj, mamaypa ñuñunwan uywasqa kawaj chayqa, mayllapipis qanta tariytawan, much'aykuykiman. Nitaj pipis qhawakuwanmanchu.

San Juan 5:39

Qankunaqa Diospa Qhelqachisqanta allin allinta qhawankichej, imaraykuchus qhelqasqapi imatachus nisqannejta wiñay kawsayta tarinaykichejta yuyankichej. Chay qhelqasqarí noqamanta willan.

Gálatas 4:26

Sararí patapi kaj Jerusalenwan ninakun, chaytaj mana wata runachu. Noqanchejtaj paypa wawankuna kanchej.

2 Timoteo 3:15

Qan wawamantapacha imatachus Diospa Qhelqachisqanmanta yachaqakusqaykita yuyarikuy, imaraykuchus yachayniyoj kayta yachachisunkiman. Jinallataj Cristo Jesuspi atinikuynejta qhespichisqa kanaman apasuyta atin.

2 Pedro 1:19

Chayta uyarispa, noqayku repararqayku Diosmanta sut'inchajkunaj willasqanku jinapuni kasqanta. Qankunataj chay nisqankuta kasuta ruwaspa, allinta ruwankichej. Chay nisqankoqa laqhapi lámpara jina k'ancharin. Jinallataj k'anchanqapuni, sut'iyay ch'aska llojsimuspa, sonqoykichejpi k'anchanankama.

Apocalipsis 19:10

Chayta ángel nejtin, noqaqa payta yupaychanaypaj chakin chaynejman pampakama k'umuykorqani. Paytajrí niwarqa: Ama chayta ruwaychu. Noqaqa qan jina, chantá Jesuspa nisqanta jap'ikoj wawqe panaykikuna jina Diospa kamachillantaj kani. Qanqa Diosllata yupaychay, imaraykuchus Diosmanta sut'inchajkunaj nisqankoqa, Jesusmanta willanallapajpuni runaj sonqonta aysan, nispa.