TAKIYKUNA 6:11 - DIOSPA QHELQACHISQ

¹¹ Nogal sach'ayojkuna huertaman urayk'orqani, imachus chay vallepi poqon, chayta qhawarej. Uva sach'a ijimushajta, granadakunatapis t'ikashajta, chayta qhawarej rerqani.

Qheshwa Biblia DC

¹¹ Nuez huertaman uraykorqani, imaschus chay vallepi poqon chaykunata qhawarej, imaynatachus uvas k'aspi q'erqemushajta, granadaspis t'ikashanchus manachus chaytawan qhawarej.

DIOSPA QHELQACHISQAN DEUTEROCANONICAL

¹¹ Nogal sach'ayojkuna huertaman urayk'orqani, imachus chay vallepi poqon, chayta qhawarej. Uva sach'a ijimushajta, granadakunatapis t'ikashajta, chayta qhawarej rerqani.

TAKIYKUNA 6:11 ပူးပေါင်းရင်းမြစ်များ

Génesis 2:9

Chay huertapi Tata Dios tukuy imaymana sach'akunata wiñacherqa. Chay sach'akunaqa ima munay karqa, poqoyninkutaj mikhunapaj sumaj karqa. Huerta chawpipi pay kawsachej sach'ata wiñachillarqataj, jinallataj allin kajta mana allin kajta yachana sach'atapis.

Génesis 40:10

Chay uva sach'aqa kinsa k'ajllayoj kasqa. Chaytaj ijispa, t'ikashasqa, chantá sumaj poqosqa uva chhullchuman tukusqa.

TAKIYKUNA 5:1

Noqa huertayman yaykuniña, chunkitúy, munasqetáy. Noqaqa mirraytawan, sumaj k'acha q'apayniyoj jawinatapis pallaniña. Chantá abeja misk'itapis mikhuniña. Vinoytawan, lecheytawanpis ujyaniña. Munasqa kawsaqeykuna, mikhurikuychej, ujyarikuychej munanakuspa sajsanaykichejkama.

TAKIYKUNA 6:12

Chaymanta manaña yuyarikorqanichu imachus kasqanta, kamachejniypa carretanpiña rikhurinaykama.

TAKIYKUNA 6:2

Munasqayqa huertanman rin, ima munayta q'aparishaj huertanman, huertanpi michimunanpaj, lirio t'ikatawan pallamunanpaj.

TAKIYKUNA 7:12

12 (13) Uva huertaman sut'iyayta risunchej. Ijishanñachus t'ikashanñachus, chayta qhawarimusunchej, granadakunapis t'ikashanñachus chaytapis. Chaypitaj munakamusqayki.

TAKIYKUNA 7:13

13 (14) Mandragorapis k'achituta q'aparishanku. Wasinchej punkupeqa imaymana poqoykuna tiyan. Kunallanraj pallasqa kajta, jinallataj k'isasqaña kajta, munasqáy, qanpaj jallch'aporqayki.

Marcos 11:13

Karumantataj uj higo sach'ata rikorqa q'omer laqheyojta. Poqoyta tariyta munaspataj, higo sach'aman qayllaykorqa. Chaywanpis mana poqoyta tarerqachu, manachayqa laqhellata, imaraykuchus manaraj higo poqona tiempochu karqa.

San Lucas 13:7

Chantá huerta qhawajman nisqa: Kinsa watataña jamuni kay sach'api higota mask'aj, manataj tarinichu. K'uturpariy ari. Imapajtaj qhasi manakajta jallp'ata usuchillanqapuniri? nispa.

San Juan 15:16

Mana qankunachu ajllawarqankichej, aswanpis noqa qankunata ajllarqaykichej. Chantá churarqaykichej, rispa ashkha poqoyniyoj yura jina kanaykichejpaj, chay ruwasqaykichejtaj unaypaj kananpaj. Ajinamanta tukuy imatachus noqaj sutiypi Tata Diosmanta mañakusqaykichejta pay qosonqachej.

Hechos 15:36

Chaymanta qhepaman Pabloqa Bernabeta nerqa: Jaku, tukuy llajtapi wawqe panakunata ujtawan waturikamuna, maypichus Tukuyta Kamachej Jesuspa simi nisqanta willarqanchej, chayman, imaynachus paykuna kashasqankuta yachananchejpaj, nispa.