TAKIYKUNA 5:16 - DIOSPA QHELQACHISQ

¹⁶ Simenqa may misk'i, payqa mayta munakunapaj jina. Ajina ari noqaj munasqayqa. Jerusalenmanta sipaskuna, ajina ari munasqayqa.

Qheshwa Biblia DC

¹⁶ Parlaynenqa misk'i k'achitutaj, tukuy munapayanampaj jina. Ajina ari noqaj munasqayqa. Ajina ari munakusqayqa, Jerusalenmanta kaj sipaskuna.

DIOSPA QHELQACHISQAN DEUTEROCANONICAL

¹⁶ Simenqa may misk'i, payqa mayta munakunapaj jina. Ajina ari noqaj munasqayqa. Jerusalenmanta sipaskuna, ajina ari munasqayqa.

TAKIYKUNA 5:16 ပူးပေါင်းရင်းမြစ်များ

2 Samuel 1:23

Saulwan, Jonatanwanqa ancha munasqa karqanku. Mana t'aqanakorqankuchu kawsashaspa, nitaj wañushaspapis. Ankamanta aswan usqhayta phawaj kanku. Leonkunamantapis aswan kallpayoj karqanku.

Salmos 119:103

Noqapaj nisqaykeqa manchay misk'imin, abeja misk'imantapis aswan misk'iraj.

Salmos 148:13

Tata Diospa sutinta tukuy jatunchachunku, imajtinchus paypa sutillan manchay jatun respetowan qhawasqa kashan. Paypa jatun kayninpa lliphipiynenqa kay pachamanta, jinallataj janajmantapis aswan patapi kashan.

Salmos 19:10

10 (11) Chayqa sumaj qorimantapis aswan munana, abeja misk'imantapis aswan misk'iraj.

Salmos 45:2

2 (3) Qanqa tukuymanta aswan alajitu kanki. Simiykimanta misk'i parlay t'ojyarimun. Chayrayku Diosninchej wiñaypaj saminchasunki.

Salmos 89:6

6 (7) Ni ima diospis, ni pipis janaj pachapi kajkunamanta, Tata Dios, qanwan kikinchakusunkimanchu.

TAKIYKUNA 1:16

Alajitu kanki, munasqáy, ima munana kanki. Puñunanchejqa q'omer qhora.

TAKIYKUNA 1:2

Much'aykurinawaykita imata jina munashani, imaraykuchus munakuyniykeqa vinomantapis astawan misk'i.

TAKIYKUNA 1:5

Jerusalenmanta sipaskuna, noqaqa paruraw warmisita kani, jinapis k'achita. Paruraw warmisita kani, Cedarpa toldonkuna jina. K'achita kani, Salomonpa cortinan jina.

TAKIYKUNA 2:1

Noqaqa Sarón vallemanta t'ika kani, pampamanta lirio t'ika.

TAKIYKUNA 2:16

Munasqayqa noqajta, noqapis paypata kani. Payqa lirio t'ika chawpillapi ovejankunata michin.

TAKIYKUNA 2:3

Munasqayqa waynakunaj chawpinkupi, manzana sach'a jina sach'akunaj chawpinkupi kashan. Chay sach'aj llanthunpi noqaqa ima munayta tiyarikuni. Poqoynintataj manchay misk'ita mikhurikuni.

TAKIYKUNA 4:3

Simisituykeqa puka q'aytitu jina. Parlakusqaykipis misk'i, sonqo suwaj. Uyitaykeqa granada phatasqa jina, suk'umpayki urapi pakasqa.

TAKIYKUNA 6:3

Munasqayqa noqajta, noqapis paypata kani. Payqa lirio t'ika chawpillapi ovejankunata michin.

TAKIYKUNA 7:9

9 (10) Simisituykeqa sumaj vino jina. Chay vinoqa simiykinejta, kiruykinejtapis llamp'ulla yaykurin.

Jeremías 15:16

Parlamushawajtiyki, niwasqaykita sumajta uyarerqani. Chaytaj sonqoyta qhallallaricherqa, kusiytaj sonqoy ukhupi karqa, imaraykuchus Tukuy Atiyniyoj Tata Diosníy, qanpatamin kani.

Jeremías 3:20

Chaywanpis qankunaqa, imaynatachus uj warmi qosanta wasanchan, ajinata wasanchawarqankichej. Noqa Tata Diosmin chayta nini.

Oseas 3:1

Tata Dios ujtawan nillawarqataj: Rispa, watej munakamuy waj qharej munakusqan khuchi warmiykita. Ajinatamin noqa Tata Dios israelitakunata munakuni, waj dioskunaj qhepankuta ripushajtinkupis, waj dioskunaman jaywasqanku mikhunata mikhushajtinkupis, nispa.

Gálatas 2:20

Noqaqa Cristowan khuska chakatasqa karqani, kunantaj manaña ñawpajta jinachu kawsani. Manachayqa noqapi Cristo munayninta ruwaspa kawsan. Chayrayku kunan Diospa Churinpi atinikusqayrayku kawsashani, imaraykuchus paymin munakuwarqa, noqaraykutaj pay kikin wañuchisqa kananpaj jaywaykukorqa.

Filipenses 3:8

Cheqapuni ñawpajta imachus kasqayta qhasi manakajpaj qhawani, Tukuyta Kamachej Jesucristowan kawsakuna tukuy imamanta nisqaqa aswan sumaj kasqanrayku. Cristota munakusqayrayku noqa chay tukuy imata qhesachani, jinataj Cristota kasunayrayku q'opata jina qhawani, paywan ujchasqa kanaypaj.

Santiago 2:23

Ajinamanta Diospa Qhelqachisqanpi imatachus nisqan junt'akorqa: Abrahamqa Diospi atinikuspa nisqanmanta jap'ikorqa, chay jap'ikusqanraykutaj Diosqa Abrahamta cheqan runapaj qhawarqa, nispa. Ajinamanta Diosqa Abrahamta kawsaqenpaj rejsikaporqa.

Santiago 4:4

Uyariychej, Diosta wasanchajkuna: Manachu yachankichej Diosman mana kutirikojkunaj yuyasqankuman jina kawsajqa Diospa contran kasqanta? Pillapis Diosman mana kutirikojkunaj yuyasqankuman jina kawsanata munakojqa Diospa awqanman tukun.