TAKIYKUNA 2:8 - DIOSPA QHELQACHISQ

⁸ Munasqayqa jamushanña, parlasqanta uyarishaniña. Payqa orqo patata, loma patatataj phinkirispa, jamushan.

Qheshwa Biblia DC

⁸ Munasqayqa jamushanña; parlamusqanta uyarishaniña. Payqa orqos patasta, jinallataj loma patasninta phinkirispa jamushan.

DIOSPA QHELQACHISQAN DEUTEROCANONICAL

⁸ Munasqayqa jamushanña, parlasqanta uyarishaniña. Payqa orqo patata, loma patatataj phinkirispa, jamushan.

TAKIYKUNA 2:8 ပူးပေါင်းရင်းမြစ်များ

2 Samuel 6:16

Tata Diospa arcan Davidpa llajtanman chayajtin, Saulpa ususin Micalqa wasi ventananmanta qhawarimuspa, kuraj kamachej Davidta tusushajta, phinkiykachashajtataj Tata Diospa ñawpaqenpi rikorqa. Chayta rikuspataj, Micalqa sonqonpi Davidta pisipaj qhawarqa.

TAKIYKUNA 2:17

P'unchay manaraj chayamushajtin, laqhayaypis chinkapushajtin, kutimpuway ari, munasqáy. Taruka jina usqhayta jamuy, Beter orqopi uña taruka jina.

TAKIYKUNA 4:16

Wichaynejmanta wayra, sayarikuy. Uranejmanta wayra, jamuy kayman. Huertaypi wayraripuway, tukuy t'ikakunaj q'apayninta junt'aykuchipuway. Huertaykiman jamuy ari, munasqáy. Sumaj misk'i poqoykunata mikhurispa, misk'irichikuy.

TAKIYKUNA 5:2

Noqaqa puñusharqani. Chaywanpis sonqoyqa mana puñusharqachu. Noqaqa munasqay punkumanta wajyamuwajta uyarerqani: Kicharirimuway, chunkitúy, munasqetáy, urpilitáy. Umayqa chhullawan joq'opachaña. Ch'isin chhullamusqanwan chujchaymanta yaku sut'urashan, nispa.

Isaías 35:6

Cojokunapis taruka jina phinkiykachanqanku, mana parlayta atejkunapis kusiywan takirenqanku. Yakupis ch'innejpi phullchirenqa, ch'in ch'aki jallp'apitaj yaku purirenqa.

Isaías 44:23

Janaj, kusiywan takiy, imaraykuchus kaytaqa Tata Diosmin ruwan. Ukhu pacha, kusiywan qhapariy. Qankuna orqokuna, montepi tukuy sach'akuna ima kusiywan takirikuychej, imaraykuchus Tata Diosqa Jacobpa ayllunta pagota qospa kacharichin, ajinamantataj Israelpi jatun kayninta rikuchin.

Isaías 52:7

Pichus orqo patanta jamuspa sumaj willaykunata apamojta rikunaqa may kusiymin. Payqa allin kawsaymanta, qhespichisqa kaymanta ima sumaj willaykunata apamushan, Sionmantaj nin: Diosniykeqa kamachishanña, nispa.

Jeremías 48:27

Moab, manachu qanqa Israelmanta alqochakorqanki? Payta chejnikuspataj, suwakunawanpis khuskachakunman jina Israelmanta parlaj kanki.

San Lucas 6:23

Chaypacha jatun kusiywan kusikunkichej, imaraykuchus janaj pachapi t'inkaykichejqa may jatun kanqa. Ñawpa runakunapis kikillantataj Diosmanta sut'inchajkunata ñak'aricherqanku.

San Juan 10:27

Noqaqa ovejaykunata rejsini, paykunataj parlasqayta rejsinku, kasuwaspataj, qhepayta jamunku.

San Juan 3:29

Noqaqa casarakoj qharejpa kawsaqen jina kani. Casarakupi noviayojqa qharilla jinataj casarakoj qharej kawsaqen paypa parlasqanta uyarispa, paywan khuska kusikun. Ajinata noqapis Jesuspa ruwasqanmanta kusikushani.

Hechos 14:10

Chayrayku Pablo jatunmanta parlaspa, suchuta nerqa: Sayariy, nispa. Suchutaj ujllata sayarispa, puririyta qallarerqa.

Hechos 3:8

Chaypacha suchu runaqa ujllata phinkispa, sayarerqa, puriytataj qallarerqapacha. Jinaspataj Jesuspa kuraj kachankunawan khuska Temploj pationman thaskispa yaykorqa, kusiywan phinkiykachaspa, Diosta jatunchaspa ima.

Apocalipsis 3:20

Noqaqa punkuykipi kashani, takashanitaj. Sichus wajyasqayta uyarispa punkuta kicharimuwanki chayqa, noqa wasiykiman yaykusaj, qanwan khuskataj mikhusaj.