TAKIYKUNA 1:7 - DIOSPA QHELQACHISQ

⁷ Willaway ari, munasqáy: Maypitaj ovejaykikunata michinkiri? Chawpi p'unchayta mayman qhatispataj llanthurichinkiri? Willariway ari, ama wajkunaj uywanku ukhupi mask'asunaypaj.

Qheshwa Biblia DC

⁷ Yachanaypaj willaway ari, munakuwajníy. Maypitaj ovejasniykitaqa michimunkiri? Chaupi p'unchaytaqa mayman qhatispataj samarichimunkiri? Imaraykutaj noqa uj puriskiri jina puriymanri?, kausaqesniykej uywasnillanta qhawaspari?

DIOSPA QHELQACHISQAN DEUTEROCANONICAL

⁷ Willaway ari, munasqáy: Maypitaj ovejaykikunata michinkiri? Chawpi p'unchayta mayman qhatispataj llanthurichinkiri? Willariway ari, ama wajkunaj uywanku ukhupi mask'asunaypaj.

TAKIYKUNA 1:7 ပူးပေါင်းရင်းမြစ်များ

Génesis 37:16

Josetaj nerqa: Wawqeykunata mask'aspa purishani. Manachu rikuwaj maypichus michishasqankuta? nispa.

Salmos 116:1

Tata Diosta munakuni, imajtinchus pay mañakusqayta uyariwan.

Salmos 18:1

(2b) Qanmin Tata Dios, kallpachawajniy kanki, noqataj maytapuni munakuyki.

Salmos 28:1

(1b) Jark'akuwaj Tata Diosníy, qanman qhaparikamuyki. Amapuni mana uyarejqa tukuychu. Manachus mañakusqayta uyariwankiman chayqa, jallp'aj sonqonman yaykojkuna jina kayman.

Salmos 80:1

1 (2) Israelta michej Dios, uywariwayku. Qanqa José aylluta ovejata jina pusaykachanki, kamachinayki tiyanataj querubinkunaj chawpinkupi kashan.

TAKIYKUNA 2:16

Munasqayqa noqajta, noqapis paypata kani. Payqa lirio t'ika chawpillapi ovejankunata michin.

TAKIYKUNA 2:3

Munasqayqa waynakunaj chawpinkupi, manzana sach'a jina sach'akunaj chawpinkupi kashan. Chay sach'aj llanthunpi noqaqa ima munayta tiyarikuni. Poqoynintataj manchay misk'ita mikhurikuni.

TAKIYKUNA 5:10

Munasqayqa ima munay rijch'ayniyoj, puka uyita alajitutaj, chunka waranqa qharikuna chawpipi sut'i rejsinapaj jinalla.

TAKIYKUNA 5:16

Simenqa may misk'i, payqa mayta munakunapaj jina. Ajina ari noqaj munasqayqa. Jerusalenmanta sipaskuna, ajina ari munasqayqa.

TAKIYKUNA 5:8

Jerusalenmanta sipaskuna, ama jina kaspa, munasqaywan tinkunkichej chayqa, munakunawanmanta wañushasqayta willaripuwaychej.

TAKIYKUNA 6:2

Munasqayqa huertanman rin, ima munayta q'aparishaj huertanman, huertanpi michimunanpaj, lirio t'ikatawan pallamunanpaj.

TAKIYKUNA 6:3

Munasqayqa noqajta, noqapis paypata kani. Payqa lirio t'ika chawpillapi ovejankunata michin.

TAKIYKUNA 8:13

Urpilitáy, huerta chawpipi tiyakoj, kawsaqeykuna parlasqaykita uyariyta munanku. Noqamanpis parlarisqaykita uyarichiway ari.

Isaías 13:20

Chaymanta qhepaman Babiloniapi manaña runakuna tiyakonqankuchu, nitaj llajtachakonqankuchu. Arabekunapis manañapuni chaypi jarakonqankuchu, nitaj michejkunapis chaypi uywankuta michenqankuchu.

Isaías 26:9

Ch'isenqa tukuy sonqo qanllapi yuyani, sut'iyaytataj tukuy munakuyniywan mask'ayki. Qan kay pachapi justiciata ruwajtiyki, kay pachapi runakuna yachanqanku imachus cheqan justicia kasqanta.

Isaías 40:11

Ayllunta qhawanqa, imaynatachus uj michej ovejankunata michin, ajinata. Corderokunata makinpi marq'arikonqa, uñachakojtataj alliyllawan pusanqa.

Isaías 5:1

Chantá Isaías nerqa: Kunanqa munasqaypa sutinpi uva huertamanta takiysituta takirisaj. Munasqaypata uva huertan uj kinraypi sumaj jallp'api tiyapusqa.

Jeremías 33:12

Tukuy Atiyniyoj Tata Dios nillantaj: Kay suyoqa kunan ch'inpacha kashan, manataj runakuna, nitaj uywakunapis kanchu. Chaywanpis tukuynejpi watej pasto wiñallanqataj, tukuy michejkuna chaypi ovejankuta michinankupaj.

Miqueas 5:4

4 (3) Chay kamachejtaj Israel ayllunta michinanpaj jatarenqa Tata Diospa atiyninwan, jatun kayninwantaj. Jinapi paykuna allinpi kawsanqanku, imaraykuchus Tata Dios jatunchasqapuni kanqa kay pachaj k'uchunkunakama.

San Mateo 10:37

Pichus tatanta, chayrí mamanta noqamanta astawan munakojqa mana noqajta kananpaj jinachu. Ajinallatataj, sichus pipis churinta, chayrí ususinta noqamanta astawan munakun chayqa, nillataj payqa noqajta kananpaj jinachu.

San Juan 10:11

Noqa sumaj michej jina kani. Sumaj michejqa ovejankunarayku wañunatapis mana manchachikunchu.

San Juan 21:17

Ujtawanpis Jesús tapullarqataj: Jonaspa churin Simón, munakuwankichu? nispa. Pedrotaj llakiywan oqharichikorqa, kinsa kutikama: Munakuwankichu? nispa Jesús nisqanmanta. Chantá kuticherqa: Tukuyta Kamachej Jesusníy, qan tukuy imata yachanki. Qanta munakususqaytapis yachallankitaj, nispa. Jesustaj payta nerqa: Jina chayqa, ovejaykunata michipuway.

1 Pedro 1:8

Qankunaqa Jesucristota mana rikuspalla munakunkichej. Kunanpis mana payta rikuspalla, paypi atinikunkichej, kusikunkichejtaj may jatun mana niy atina kusiywan.

1 Pedro 2:7

Qankuna Diospi atinikojkunapaj chay rumeqa may valorniyojmin. Mana Paypi atinikojkunamantarí Diospa Qhelqachisqanpi nin: Wasichajkunaj qhesachasqanku rumeqa sumaj esquina rumiman tukun, nispa.

1 Juan 2:19

Paykunaqa noqaykuwan khuska karqanku. Chaywanpis mana noqaykumantapunichu karqanku. Noqaykumantachus kankuman karqa chayqa, paykunaqa noqaykuwan qhepakunkuman karqa. Jinapis llojsipuspa, mana jayk'ajpis noqaykumantachu kasqankuta yachayta qorqanku.

Apocalipsis 7:17

Kamachina tiyanapi tiyashaj Corderoqa paykunata michenqa, kawsayta qoj yaku juturinkunamantaj pusanqa. Diostaj paykunaj ñawinkumanta waqasqankuta pichanqa, nispa.

Rut 2:21

Chantá Moabita Rutqa Noemiman willallarqataj: Chay runaqa sipas kamachinkunawan chajmakunallaytapuni niwarqa, ruthuy tukukunankama, nispa.