Sofonías 3:8 - DIOSPA QHELQACHISQ

⁸ Chayrayku, qankuna suyariwaychej, maypachachus noqa sayarisaj contraykichejpi parlanaypaj, chay p'unchaykama. Noqa Tata Dios kayta nini: Yuyaychakuni, suyukunata, kamachejkunatawan tantamuyta, phiñakuyniyta patankuman jich'aykunaypaj, may k'ajashaj phiñakuyniyta paykunaman rejsichinaypaj. Chay k'araj phiñakuyniyraykutaj tukuy kay pacha t'usti ruwasqa kanqa.

Qheshwa Biblia DC

⁸ Chayrayku, qankuna suyariwaychej chay p'unchaykama maypachachus noqa sayarisaj contraykipi parlanaypaj. Noqa Señorqa kaytamin nini: Yuyaychakuni tantamuyta runasta, nacionesmanta reinosmantawan, phiñakuyniyta paykunaj patanman urmachinaypaj. May k'ajashaj phiñakuyta paykunaman rejsichinaypaj. Chaypachataj tukuynin jallp'a t'unasqa kanqa nina larwaj phiñakuyniyrayku.

DIOSPA QHELQACHISQAN DEUTEROCANONICAL

⁸ Chayrayku, qankuna suyariwaychej, maypachachus noqa sayarisaj contraykichejpi parlanaypaj, chay p'unchaykama. Noqa Tata Dios kayta nini: Yuyaychakuni, suyukunata, kamachejkunatawan tantamuyta, phiñakuyniyta patankuman jich'aykunaypaj, may k'ajashaj phiñakuyniyta paykunaman rejsichinaypaj. Chay k'araj phiñakuyniyraykutaj tukuy kay pacha t'usti ruwasqa kanqa.

Sofonías 3:8 ပူးပေါင်းရင်းမြစ်များ

Salmos 12:5

5 (6) Tata Diosrí kay jinata kutichispa nin: Millayta ruwajkunaqa wajchakunata, pisi kallpayojkunata ima ñak'arichinku, waqachinkutaj. Chayrayku kunan sayarispa, noqaqa ñak'arichisqa runakunaj suyasqankuman jina paykunata yanapasaj, nispa.

Salmos 123:2

Imaynatachus wata runa patronninta qhawan, jinallatataj warmi wata runapis patronanta qhawan, ajinata noqaykupis, Tata Dios, qan qhawarisqalla kayku, khuyakunawaykuta suyaspa.

Salmos 27:14

Tata Dios yanapasunanta pacienciawan suyakuy. Kallpachakuy, amataj llawch'iyaychu. Arí, Tata Diospi atinikuspa, pacienciawan suyay.

Salmos 37:34

Qanrí, Tata Dios yanapanasunta suyakuy, paytataj kasuy. Pay jatunchasonqa, kay pachatataj chayaqeykipaj qosonqa. Chantá qan kikin ñawiykiwan millay runakunaj urmasqankuta rikunki.

Salmos 37:7

Tata Diospa ñawpaqenpi ch'inlla kakuy, pay yanapanasunta pacienciawan suyay. Pitapis allin risqanrayku ama phiñakuychu, pichus millayta ruwanapaj wakichikojmanta.

Salmos 62:1

1 (2) Diosllapi almayqa sonqo tiyasqa kawsayta tarin. Qhespichisqa kanayqa payllamanta jamun.

Salmos 62:5

5 (6) Almayqa Diosllapi sonqo tiyasqa kawsayta tarin, noqataj paylla yanapanawanta suyakuni.

Salmos 79:5

Tata Dios, mayk'ajkamataj phiñasqa kankiri? Celoso kayniykeqa nina jinachu k'ajarenqa?

Salmos 79:6

Qanta mana rejsisojkunaj patankuman phiñakuyniykita kachaykuy, sutiykita mana yupaychaj kuraj kamachejkunaj patankuman.

Proverbios 20:22

Amapuni jayk'ajpis niychu: Vengakusaj, nispa. Tata Diospi atinikuy, paytaj yanapasonqa.

TAKIYKUNA 8:6

Sonqoykipi sellowan jina churaykuway, makiykipi anillota jina. Munakoyqa wañuy jina atiyniyojmin, wañuy jina mana kutimuyniyoj. Munakoyqa nina jina k'ajarin, sinch'i nina lawray jina.

Isaías 14:26

Chaymin chay yuyasqayqa tukuy kay pachaj contranpi, makiytaj tukuy llajtata jasut'inaypaj oqharisqa kashan.

Isaías 30:18

Chaywanpis Tata Dios qankunaman khuyakuyninta, munakuyninta ima rikuchinasuykichejpaj suyashasunkichej, imaraykuchus payqa cheqanta ruwaj Diosmin. Pay yanapananta tukuy suyakojkunaqa may kusikuyniyojmin kanqanku.

Isaías 34:2

Tata Dios manchay phiñasqa kashan tukuy suyupaj, jinataj tukuy soldadonkupaj ima. Chaykunata chinkarparichenqa, wañurachisqa kanankupajtaj paykunata jaywaykonqa.

Isaías 63:6

Ajinata sinch'ita phiñakuspa, suyukunamanta runakunata t'usterqani. Phiñakuyniywantaj paykunata musphaykachacherqani, jinaspataj, yawarninkuta pampaman jich'arqani, nispa.

Jeremías 10:25

Phiñakuyniykita kachaykuy, pikunachus mana rejsisunkuchu, chay suyukunaj patankuman, pikunachus sutiykita mana yupaychankuchu, chaykunaj patankuman. Ajinata ruway, imaraykuchus paykuna Jacobpa mirayninta tukucherqanku, suyunkutataj raqayllataña saqerparerqanku, nispa.

Oseas 12:6

6 (7) Ajinaqa, Israel, Diosniykiman kutirikamuy. Cheqa kajta munakuy, cheqan kajtataj ruway, paypi atinikuspataj, suyakuypuni.

Joel 3:2

2 (4.2) Chaypachallataj tukuy suyukunamanta kajkunata Josafatpa vallenman tantaykusaj. Chaypitaj paykunamanta cuentata mañasaj Israel aylluywan imatachus ruwasqankumanta, imaraykuchus paykuna israelitakunata tukuynejman ch'eqeracherqanku, jinaspataj, jallp'ayta rak'inakorqanku.

Miqueas 7:7

Noqatajrí Tata Diospi atinikusaj, qhespichiwajniy Diosnillaypi atinikuspa suyakusaj, imaraykuchus pay mañarikusqayta uyariwanqa.

Habacuc 2:3

Mosqoypi jina rikusqaykej junt'akunan tiempo manaraj chayamunchu. Chaywanpis junt'akonqapuni. Qheparisqanta rijch'asunki chaypis pacienciawan suyarillay, junt'akunan tiempotaj chayamonqapuni.

Sofonías 1:18

Tata Diospa phiñakuyninpa p'unchayninpi runaqa mana qolqewan nitaj qoriwan kacharichikonqachu. Aswanpis Tata Diospa phiñakuynenqa nina jina tukuy llajtantinta q'olaykonqa. Ajinata kay pachapi tukuy tiyakojkuna uj ñawi ch'irmiypi chinkarparichisqa kanqanku.

Hageo 2:22

Kay pachapi atiyniyojkunata phiriykusaj, kamachinanku tiyanakunatapis urmarachisaj. Urmarachillasajtaj carretakunata, chay carretakunapi purejkunatawan. Caballokuna, chaypi purejkunapis wañullanqankutaj, paykunapurataj espadawan wañuchinakonqanku.

San Mateo 25:32

Chantá tukuy suyumanta runakuna ñawpaqenman tantakamonqanku. Paytaj ujkunata ujkunamanta t'aqanqa, imaynatachus michejpis ovejakunata cabrakunamanta t'aqan, ajinata.

2 Pedro 3:10

Tukuyta Kamachej Jesucristoj kutimunan chay p'unchayqa suwa jina chayamonqa. Chaypachataj, janajpis manchayta t'ojyaspa chinkarenqa, tukuy kaj chhikataj ninawan q'olaykusqa kanqa. Jinallataj kay pachapis, tukuy imantin kantumanta tukuchisqa kanqa.

Apocalipsis 16:1

Chantá Templomanta noqa jatunmanta parlamojta uyarerqani, chay parlamojtaj qanchis angelkunata nerqa: Riychej, chay qanchis vasokunamanta Diospa k'araj phiñakuyninta kay pachaman jich'aykamuychej, nispa.

Apocalipsis 16:14

Chay supaykuna runaj mana jayk'aj rikusqan t'ukunata ruwaspa, tukuy kay pachapi kuraj kamachejkunaman rinku. Jinaspataj, runakunata tantanku Tukuy Atiyniyoj Diospa contranpi maqanakunankupaj. Chay kanqa, maypachachus Dios tukuy runata juzganqa, chay p'unchayta.