Sofonías 3:20 - DIOSPA QHELQACHISQ

²⁰ Chay p'unchaypi qankunata pusamuspa, tantaykusqaykichej. Waj suyuman apasqa kasqaykichejmantataj kutichikampusqaykichej. Jinallataj ruwasaj qankuna tukuy runakuna ukhupi jatunpaj qhawasqa kanaykichejta, jinallataj allin ñawiwan qhawasqa kanaykichejta ima, nispa. Noqa Tata Diosmin chayta nini.

Qheshwa Biblia DC

²⁰ Jaqay p'unchaypi qankunataqa pusarimusqaykichej, tantaykusqaykichejtaj. Presochasqamanta kutirichimusqaykichej. Qosqaykichejtaj alabasqas honrasqastaj kanaykichejpaj kay pachapi tukuy llajtas ukhupi. Noqa Señor kayta nini.

DIOSPA QHELQACHISQAN DEUTEROCANONICAL

²⁰ Chay p'unchaypi qankunata pusamuspa, tantaykusqaykichej. Waj suyuman apasqa kasqaykichejmantataj kutichikampusqaykichej. Jinallataj ruwasaj qankuna tukuy runakuna ukhupi jatunpaj qhawasqa kanaykichejta, jinallataj allin ñawiwan qhawasqa kanaykichejta ima, nispa. Noqa Tata Diosmin chayta nini.

Sofonías 3:20 ပူးပေါင်းရင်းမြစ်များ

Salmos 35:6

Purisqanku ñanpi jayt'akuspa urmachunku, llusk'achunkutaj. Tata Diospa angelnintaj paykunata qhatiykachachun.

Isaías 56:5

noqaj Temploypa pationpi, perqawan muyuykuchisqa llajtaypi ima sutinku qhelqasqa kanqa. Noqa paykunaman may uyarisqa sutita qosaj, chay wiñaypaj qosqa sutitaj mana jayk'aj chinkachisqachu kanqa. Chaytaj capasqa runapaj aswan sumaj kanqa wawayoj kanamanta nisqaqa.

Isaías 56:8

Noqa Tukuyta Kamachej Tata Dios, pichus karuman wijch'usqa israelitakunata tantamuni, kayta nini: Kay tukuy tantamusqaymanta jawaqa wajkunatapis tantamusajraj, nispa.

Isaías 60:15

Qan ñawpajta saqerpayasqa, chejnisqataj karqanki, jinataj qan chaynejta mana pipis pasayllatapis munajchu. Kunanrí noqaqa wiñaypaj chhika pataman oqharisqayki, qanpitaj tukuy mita runakuna kusikonqanku.

Isaías 61:9

Israelitakunaj mirayninku tukuy suyu ukhupi uyarisqa kanqanku, llajtakuna chawpipitaj paykunaj mirayninku may uyarisqa kanqanku. Tukuy chayta rikojkunataj nenqanku: Tata Diosmin paykunata saminchan, nispa.

Isaías 62:12

Chaypacha israelitakunata sutichanqanku: “Tata Diospaj T'aqasqa Ayllu”, “Tata Dios Pagaspa Kacharichisqan Kajkuna”, nispa. Jerusalentataj sutichanqanku: “May Munasqa Llajta”, “Mana Saqerpayasqa Llajta”, nispa.

Isaías 62:7

Nitaj Tata Diosta samarikojta saqeychejchu Jerusalenta watej sayachinankama, kay pachapi kaj chhika runakuna Jerusalenta jatunchanankukama, nispa.

Isaías 66:22

Mosoj janajta, mosoj kay pachatawan ruwasqayqa ñawpaqeypipuni wiñaypaj kanqanku. Ajinallatataj mirayniykichejqa unayta kanqanku, sutiykichejpis mana jayk'ajpis chinkanqachu. Ajinata noqa Tata Dios nini.

Jeremías 23:3

Tata Dios nillantaj: Noqa kikin puchoj ovejaykunata tantasaj, maymanchus wijch'orqani, chay suyumantapacha kanchankuman kutichimpusaj, chaypitaj mayta miranqanku.

Jeremías 29:14

Arí, noqata qankuna tariwankichej, chantá preso kasqaykichejta tukuchisaj. Chay suyumanta orqhomusqaykichej, maymanchus apasqa karqankichej, chaymanta tantaykusqaykichej. Chantá Jerusalén llajtaman kutichimusqaykichej, maymantachus karuman apacherqaykichej, chayllamantaj. Noqa Tata Diosmin chayta nini.

Jeremías 30:3

Uj p'unchay jamushan, chay p'unchaytaj Israelmanta, Judamantawan apasqa kajkuna llajtankuman kutimponqanku. Noqaqa paykunata ñawpa tatankuman qosqay suyuman kutichimusaj, chaypi tiyakunankupaj. Noqa Tata Diosmin chayta nini.

Jeremías 33:9

Chantá Jerusalén llajta kusikunay llajta kanqa, tukuy suyoj ñawpaqenkupi manchay uyarisqa kanqa. Paykunanejta kay pachapi tukuy suyukunaj ñawpaqenpi yupaychasqa, chantá manchay uyarisqa kasaj. Jinataj sonqo tiyaykuy kawsayta qosqayrayku chantá tukuy imawan junt'achisqayta rikuspa, waj suyukunamanta runakuna kharkatitenqanku, nispa.

Ezequiel 16:53

Chaywanpis aswan qhepaman noqaqa Sodoma llajtata, Samaria llajtata ima ñawpa tiempopi jina allin kawsayman kutirichisaj, jinallataj ususinkukunatapis. Qantapis ñawpa tiempopi jina allin kawsayman ujtawan kutirichisqayki.

Ezequiel 28:25

Tukuyta Kamachej Tata Dios nillantaj: Maypachachus tukuy suyukunaman ch'eqerachisqamanta Israel aylluyta tantaykamusaj chaypacha, chay suyukunaj rikunankuta may llimphu kaj Dios kasqayta rejsichikusaj. Israelitakunataj kikin suyunkupi tiyakonqanku, mayqentachus kamachiy Jacobman qorqani, chaypi.

Ezequiel 34:16

Chinkasqa ovejakunata noqa mask'amusaj, ch'eqerasqatataj tropaman kutirichimusaj. Chakin p'akisqata tableyaykusaj, mayt'uykusajtaj. Tulluyajkunata makimanta mikhuchisaj, kallpasapa wira ovejakunatataj maychus michinata michisaj, nispa.

Ezequiel 37:12

Chayrayku paykunaman kay jinata sut'inchay: Tukuyta Kamachej Tata Dios nisunkichej: Israel ayllúy, noqaqa aya p'ampanaykichejta kicharispa, chaymanta orqhomusqaykichej, chantá Israel suyuman kutichimusqaykichej.

Ezequiel 37:21

Jinaspataj, paykunata ninki: Tukuyta Kamachej Tata Dios kay jinata nin: Israelitakuna maymanchus ch'eqerasqa chayarqanku, chay suyukuna ukhumanta orqhomuspa, paykunata tukuynejmanta tantaykamusaj, suyunkumantaj kutirichimusaj.

Ezequiel 39:13

Chay p'unchaypi tukuy runakuna wañusqakunata p'ampaspa kanqanku. Chay p'ampajkunapajtaj may jatun p'unchay kanqa, maypachachus noqa jatunchasqa kasaj, chaypacha. Noqa Tukuyta Kamachej Tata Dios chayta nini.

Ezequiel 39:28

Pikunatachus waj suyukunaman apacherqani, chaykunata watej suyunkupi tantaykusaj, ni mayqenninkutapis saqerparispa. Chaypacha noqa Tata Dios kasqayta yachanqanku.

Joel 3:1

1 (4.1) Tata Dios nillantaj: Chay p'unchaykuna chayamonqa chaypacha, noqa pikunachus Judamanta, Jerusalenmanta ima waj suyukunaman apasqa karqanku, chaykunata kutichikampusaj.

Amós 9:14

Chantá karu suyukunaman mana munashajta apasqa kasqanmanta Israel aylluyta pusakampusaj. Paykuna thuñisqa llajtankukunata watej sayarichenqanku, chaypitaj tiyakonqanku. Watej uva sach'akunata mallkenqanku, vinotataj ujyanqanku. Huertakunatapis ruwanqanku, poqojtataj mikhonqanku.

Miqueas 2:12

Aswan qhepamanrí, noqa Jacobpa ayllunmanta kajkunata tukuyninta tantasaj. Israelmanta uj chhika puchojta tantaykakapusaj, imaynatachus ovejata tropanman tantaykunchej, ajinata. Chantá pasto chawpipi michisqa oveja jina kanqanku, may chhika runapis kankuman jinataj ch'ajwarenqanku.

Miqueas 4:7

Chaykunawan, qhepakojkunawantaj kallpayoj suyuta ruwasaj. Chantá noqa Tata Diosmin Sión orqopi Israel suyuyta wiñaypaj kamachisaj.

Sofonías 2:7

Judá suyumanta puchojkunaqa chay llajtayojkunaj suyunkuta jap'ikaponqanku, imaraykuchus Tata Diosninku paykunata yanapaj jamonqa. Chantá paykunata waj suyuman apasqa kasqankumanta kutichimonqa. Jaqaypitaj Judamanta kajkuna ovejankuta michenqanku. Tutantaj Ascalonpi kaj wasikunapi samarikonqanku.

Sofonías 3:19

Chay p'unchaypi noqa oqharikusaj, pikunachus ñak'arichisunku, chaykunaj contrankupi. Imaynatachus michejqa chakin p'akisqa ovejata yanapan, chinkasqa kajtataj pusakampun, ajinata yanapasqayki. Noqa pisipaj qhawasqa kasqaykichejta jatunchasqa kanaman, chantá may uyarisqa kanaman tijrasaj.

Zacarías 8:13

Imaynatachus qankuna Judamanta, jinataj Israelmanta kajkunapis waj suyukunapi maldicisqa jina karqankichej, ajinallatataj kunanqa noqa kacharichisqaykichej, jinamanta waj suyukunaj kusikuyninku kanaykichejpaj. Chayrayku, amapuni manchachikuychejchu, manachayqa kallpachakuychej, nispa.

Zacarías 8:8

Chaymantataj paykunata Jerusalenman pusasaj chaypi tiyakunankupaj. Chaypacha paykuna aylluy kanqanku, noqataj Diosninku kasaj, nisqayta junt'aspa, justiciata ruwaspataj, nispa.

Malaquías 3:12

Chantá jallp'aykichej may moq'ena kanqa, tukuy suyukunapi kaj runakunataj imayna kusikuyniyojchus kasqaykichejmanta mayta parlanqanku. Noqa Tukuy Atiyniyoj Tata Dios ajinata nini.

Deuteronomio 26:18

Jinallataj Tata Diospis kunan nisunkichej, nisusqanman jina qankuna paypa ayllun kasqaykichejta. Ajinaqa tukuy kamachisqanta junt'aychej.

Deuteronomio 26:19

Payqa tukuy sayachisqan suyukunamanta qankunata aswan pataman churasonqachej, manchay uyarisqa, maypaj qhawana kanaykichejpaj. Ajinaqa nisqanman jina qankuna Tata Diosniykichejpaj t'aqasqa suyu kankichej, nispa.