Sofonías 3:2 - DIOSPA QHELQACHISQ

² Tata Diospa parlasqanta mana uyariyta munarqankuchu, nitaj k'amisqantapis jap'ikorqankuchu. Tata Diospi mana atinikorqankuchu, nitaj payman chimpaykorqankuchu.

Qheshwa Biblia DC

² Señorpa parlasqanta mana uyarerqachu, nitaj cheqanyachikuytapis munarqachu. Señorpi mana confiakorqachu, manataj payman qayllaykorqachu.

DIOSPA QHELQACHISQAN DEUTEROCANONICAL

² Tata Diospa parlasqanta mana uyariyta munarqankuchu, nitaj k'amisqantapis jap'ikorqankuchu. Tata Diospi mana atinikorqankuchu, nitaj payman chimpaykorqankuchu.

Sofonías 3:2 ပူးပေါင်းရင်းမြစ်များ

Nehemías 9:26

Chaywanpis, Tata Dios, paykunaqa mana kasukojkuna karqanku. Contraykipi oqharikorqanku, kamachisqaykitataj qhesacharqanku. Chantaqa sut'inchajniykikunata wañucherqanku uyankupi qanman kutirikamunankuta k'amisqankurayku. Chaymantataj aswan millayta ruwaspa, sonqoykita nanachisorqanku.

Salmos 10:4

Payqa Diosta mana mask'anchu. Chantá nin: Dios mana kanchu. Cuentata mañawajqa mana pipis kanchu, nispa. Yuyayninpeqa Diospi yuyana mana kanchu.

Salmos 50:17

K'amisqayta qanqa sajrapaj jap'inki, nitaj parlasqaytapis cuentaman churankichu.

Salmos 73:28

Noqarí Diosman qayllaykusaj. Noqapajqa chaymin aswan sumaj. Tukuyta Kamachej Tata Dios, qanmin pakakunay kanki, noqataj tukuy ruwasqaykimanta tukuyman willasaj.

Salmos 78:22

Ajina karqa, imajtinchus paykuna mana Diospi atinikorqankuchu, nitaj yanapananta yuyarqankuchu.

Proverbios 1:7

Yachayniyoj runa kanapajqa ñawpajta Tata Diosta may jatun respetowan qhawana. Wampu runakunarí yachayta, yachachiytawan ima qhesachanku.

Proverbios 5:12

Chantataj qan nishawaj: Imajtintaj yuyaychawasqankuta qhesacharqaniri? Imaraykutaj k'amiwasqankutapis mana jap'ikorqanichuri?

Isaías 1:5

Tata Diospa contranpipuni oqharikuyta munajkuna, imajtintaj ñak'arichisqallapuni kayta munankichejri? Tukuy umaykichejqa k'irisqa, tukuy ukhuykichejpis nanasqa.

Isaías 29:13

Tukuyta Kamachej Diostaj nin: Kay runakunaqa simillankuwan jatunchawanku, simillamanta yupaychawanku, sonqonkutajrí noqamanta karupi kashan. Noqata yupaychawasqankoqa runaj wakichisqallan, mayqentachus runakunalla yachachinku, chay.

Isaías 31:1

Ay imallachus kanqa, pikunachus yanapata mask'aspa Egiptoman urayk'unku, chaykunapaj. Paykunaqa Egiptomanta caballokunapi atinikunku, maqanakunapaj ashkha carretakunapi, jinallataj wapu soldadokuna carretata apaychajkunapi ima. Chaywanpis manapuni Israelpa May Llimphu Kaj Diosninku yanapananta mañakunkuchu, nitaj Tata Diosta mask'ankuchu.

Isaías 43:22

Chaywanpis Jacobpa miraynin Israel, qanqa sutiyta mana oqharerqankichu, manachayqa noqawan amichikorqanki.

Isaías 9:12

12 (11) Siriokunaqa inti llojsimuynejmanta jamunku, inti yaykuynejmantataj filisteokuna jamunku. Chaykunataj Israelta ujllata simi junt'ata oqoykuspa chinkarqarichenqanku. Chaywanpis Tata Diospa phiñakuynenqa manarajpuni thasnukunchu, jasut'inanpaj wakichisqallapuni kashan.

Jeremías 13:25

Chaymin qankunata qhatirinan kashan. Chayta jap'inaykichejta noqapuni nerqani, imaraykuchus noqamanta qonqaporqankichej, qhasi manakaj dioskunapitaj atinikorqankichej. Noqa Tata Diosmin chayta nini.

Jeremías 2:30

Qhasillata wawaykichejta jasut'erqani, ni chaywanpis wanarqankuchu. Qankuna kikiykichej phiña leonkuna jina noqamanta sut'inchajkunata wañucherqankichej.

Jeremías 22:21

Tukuy ima allillanraj rishasojtin, parlapayarqayki, qantajrí mana uyariwayta munarqankichu. Qanqa wayna kasqaykimantapacha ajinapuni karqanki. Nisqaytataj manapuni uyariyta munarqankichu.

Jeremías 32:33

Paykunaqa wasanchawarqanku, manataj kutirikamuwayta munarqankuchu. Noqa paykunata kutin kutinta yachachispa k'amerqani chaypis, mana kasuwarqankuchu, nitaj jasut'isqaywan wanaytapis munarqankuchu.

Jeremías 35:13

Noqa Israelpa Tukuy Atiyniyoj Tata Diosnin kamachiyki, rispa Judapi, Jerusalenpiwan kaj runakunaman sutiypi nimunaykita: Recabitakunaj ruwasqankumanta yachaqakuspa, kamachisqayta kasuychej. Noqa Tata Diosmin chayta nini.

Jeremías 35:17

Chayrayku noqa Israelpa Tukuy Atiyniyoj Tata Diosnin nini: Noqa Judapi tiyakojkunaj patanman, jinataj Jerusalén llajtapi tiyakojkunaj patankumanpis tukuy ima ñak'ariykunata kachaykamusaj. Noqa parlapayarqaykichej, qankunatajrí mana kasuwarqankichejchu. Jinallataj wajyarqaykichej, manataj uyariwarqankichejchu, nispa.

Jeremías 5:3

Noqataj kuticherqani: Tata Dios, qan cheqanta ruwaj runata mask'ashanki. Qanqa paykunata jasut'erqanki, jinapis paykunata mana nanaykorqachu. Paykunata t'unaykorqanki, manataj cheqan ñanman kutiriyta munarqankuchu. Ancha k'ullu kanku, rumimantapis aswan chuki, manapunitaj allin ñanman kutirikuyta munarqankuchu.

Ezequiel 22:24

Runaj churin, Israelta niy: Qanqa ch'ichichasqa jallp'a kanki, ch'aki watawan jasut'isqa, mana yakuyojtaj.

Ezequiel 24:13

Jerusalén, khuchichakuspa purisqaykimanta llimphuchasuyta munarqani, qantajrí manapuni ch'ichiykimanta llimphuchakuyta munarqankichu. Kunantajrí manaraj llimphuchasqachu kanki noqa phiñakuyniyta qanpi thasnunaykama.

Sofonías 1:6

Noqamanta karunchakojkunata, jinallataj mana mask'awajkunata, jinataj pikunachus mana tapuwankuchu imatachus ruwanankumanta ima, chaykunatapis chinkachillasajtaj.

2 Timoteo 3:16

Diospa tukuy Qhelqachisqanqa paypa yuyaychasqan kaspa, may sumajmin cheqa kajmanta yachachinawanchejpaj, noqanchejpi imachus mana allinchu kashan, chayta reparachinawanchejpaj ima. Jinallataj pantaykunchej chayqa, Diospa Qhelqachisqanqa cheqan ñanman churawanchej, chantá cheqanta puriyta yachachiwanchej ima.

Hebreos 10:22

Chayrayku ch'uwa sonqowan Tata Diosman qayllaykunachej, tukuy sonqo Cristopi atinikuspa, imaraykuchus pay wañusqanwan sonqonchejta tukuy juchamanta llimphuwarqanchej, llimphu yakuwanpis ukhunchejta mayllanman jina.