Sofonías 3:19 - DIOSPA QHELQACHISQ

¹⁹ Chay p'unchaypi noqa oqharikusaj, pikunachus ñak'arichisunku, chaykunaj contrankupi. Imaynatachus michejqa chakin p'akisqa ovejata yanapan, chinkasqa kajtataj pusakampun, ajinata yanapasqayki. Noqa pisipaj qhawasqa kasqaykichejta jatunchasqa kanaman, chantá may uyarisqa kanaman tijrasaj.

Qheshwa Biblia DC

¹⁹ Jaqay p'unchaypi noqa sayarisaj ñak'arichisunku chaykunaj contrampi. Chakinmanta onqosqa ovejata yanaparisaj. Chinkasqa kajtataj jap'ikapusaj tukuy jallp'api, mayqempichus qhesachasqa karqa chaykunapi honrasqa, alabasqataj kanampaj.

DIOSPA QHELQACHISQAN DEUTEROCANONICAL

¹⁹ Chay p'unchaypi noqa oqharikusaj, pikunachus ñak'arichisunku, chaykunaj contrankupi. Imaynatachus michejqa chakin p'akisqa ovejata yanapan, chinkasqa kajtataj pusakampun, ajinata yanapasqayki. Noqa pisipaj qhawasqa kasqaykichejta jatunchasqa kanaman, chantá may uyarisqa kanaman tijrasaj.

Sofonías 3:19 ပူးပေါင်းရင်းမြစ်များ

Isaías 26:11

Tata Dios, qanqa ñapis paykunata jasut'inaykipajña kashanki, paykunatajrí mana reparakunkuchu. Chay aylluykipaj munakuyniykita rikuspa, millayta ruwajkuna p'enqaypi rikhurichunku, k'araj phiñakuyniykej lawraynintaj awqaykikunata tukuchichun.

Isaías 33:1

Ay, ima llakiyrajchus kanqa qankunapaj, asiriokuna. Qankuna wajkunata thuñerqankichej chaypis, qankuna mana jayk'aj thuñisqachu karqankichej. Qankuna tukuyta wasancharqankichej, qankunatatajrí mana pipis wasanchasorqachejchu. Chaywanpis qankuna thuñiyta tukojtiykichej, qankunatapis thuñillasonqachejtaj. Wasanchayta tukojtiykichej, qankunatapis wasanchallasonqachejtaj.

Isaías 60:14

Chaypachallataj ñak'arichisojkunaj wawankoqa ñawpaqeykipi k'umuykonqanku, pisipaj qhawasojkunapis chakiykiman k'umuykamullanqankutaj. Paykuna sutichasonqanku “Tata Diospa Llajtan”, “Israelpa May Llimphu Kaj Diosninpa Sión Llajtan”, nispa.

Isaías 60:18

Manaña jayk'ajpis maqanakuy chantá wañuchinakuy suyuykipi uyarikonqachu, nillataj pipis suyuykita thuñej jamonqachu. Manachayqa perqaykikunata “Qhespichiwajniy”, nispa sutichanki, punkuykikunatataj “Tata Diosta Yupaychana”, nispa.

Isaías 61:7

Qankuna manaña p'enqachisqachu nitaj k'umuykachachisqachu kankichej. Aswanpis jallp'ataqa uj jinatawanraj jap'inkichej, chaypi kapuyniyoj kankichej, wiñaypajtaj kusisqa kawsakunkichej.

Isaías 62:7

Nitaj Tata Diosta samarikojta saqeychejchu Jerusalenta watej sayachinankama, kay pachapi kaj chhika runakuna Jerusalenta jatunchanankukama, nispa.

Jeremías 30:16

Chaywanpis tukuy qankunata oqoykusojkunaqa oqoykusqallataj kanqanku. Qankunata ch'uskisojkunaqa ch'uskisqallataj kanqanku. Tukuy awqaykichejkunataj waj suyuman apasqa kanqanku. Qankunamanta suwajkunapis suwachikullanqankutaj.

Jeremías 30:19

Chaypi pachis nispa takiykuna uyarikonqa, kusikuymanta asiykunapis uyarikullanqataj. Noqa paykunata ashkhayachisaj, manañataj pisiyanqankuchu. Mana pipis paykunata pisipaj qhawanqachu, imaraykuchus noqamin paykunata jatunpaj qhawasaj.

Jeremías 31:8

Noqa paykunata wichaynej suyumanta kutichimusaj, jinallataj kay pachaj tukuy k'uchunmantapacha paykunata tantaykullasajtaj. Paykunawan lerq'okuna, wist'u chakiyojkuna, wijsallisqa warmikuna, onqokoj warmikuna ima jamonqanku. Manchay ashkhapuni kutimonqanku.

Jeremías 33:9

Chantá Jerusalén llajta kusikunay llajta kanqa, tukuy suyoj ñawpaqenkupi manchay uyarisqa kanqa. Paykunanejta kay pachapi tukuy suyukunaj ñawpaqenpi yupaychasqa, chantá manchay uyarisqa kasaj. Jinataj sonqo tiyaykuy kawsayta qosqayrayku chantá tukuy imawan junt'achisqayta rikuspa, waj suyukunamanta runakuna kharkatitenqanku, nispa.

Jeremías 46:28

Noqa Tata Diosmin kayta nini: Ama manchachikuychu, Jacobpa ayllun, imaraykuchus noqa qanwan kashani. Maykunamanchus ch'eqeracherqayki, chay tukuy suyukunata phirisaj. Jinapis qantaqa mana chinkachisqaykichu, manachayqa mana allinta ruwasqaykiman jina jasut'ispa, cheqan ñanman churasqayki. Qanqa jasut'isqapuni kanayki tiyan. Noqa Tata Diosmin chayta nini.

Ezequiel 16:27

Chayrayku jasut'inaypaj makiyta oqharerqani. Mikhunaykita pisiyacherqani, awqayki filisteokunamantaj jaywaykorqayki. Paykunaqa chejnikusunku, millayta purisqaykimantataj p'enqachikusorqanku.

Ezequiel 16:57

Kunantaj Siria llajtayojkuna, filisteo llajtayojkuna ima, tukuy qayllapi kajkunawan millayta qanmanta parlanku, tukuytaj pisipaj qhawasunku.

Ezequiel 34:16

Chinkasqa ovejakunata noqa mask'amusaj, ch'eqerasqatataj tropaman kutirichimusaj. Chakin p'akisqata tableyaykusaj, mayt'uykusajtaj. Tulluyajkunata makimanta mikhuchisaj, kallpasapa wira ovejakunatataj maychus michinata michisaj, nispa.

Ezequiel 39:13

Chay p'unchaypi tukuy runakuna wañusqakunata p'ampaspa kanqanku. Chay p'ampajkunapajtaj may jatun p'unchay kanqa, maypachachus noqa jatunchasqa kasaj, chaypacha. Noqa Tukuyta Kamachej Tata Dios chayta nini.

Ezequiel 39:26

Maypachachus jallp'ankupi ni imata manchachikuspa tiyakonqanku chaypacha, paykuna p'enqayta purisqankumanta, wasanchawasqankumanta ima p'enqakonqanku.

Miqueas 7:10

Chantá awqay chayta rikuspa, p'enqakuymanta wañonqa. Pay kusipayawaspa niwaj: Maypitaj Tata Dios, chay Diosniykiri? nispa. Chaywanpis ñanpi t'uruta jina sarusqata awqayta rikuspa, noqañataj kusikusaj.

Sofonías 3:15

Tata Diosqa juchachasqa kasqaykichejta oqharipun. Pikunachus awqaykichej karqanku, chaykunatapis karunchan. Israelpa Kuraj Kamachejnin Tata Diosqa qankunawan khuska kashan. Mana ni imamanta manchachikunaykichej kanqañachu.

Zacarías 8:23

Chay p'unchaypi waj llajtakunamanta chunka runakuna uj judíoj p'achanmanta jap'iykukuspa, nenqanku: Qankunawan riyta munayku, imaraykuchus uyariyku qankunawan Dios kasqanta, nispa.

Deuteronomio 26:19

Payqa tukuy sayachisqan suyukunamanta qankunata aswan pataman churasonqachej, manchay uyarisqa, maypaj qhawana kanaykichejpaj. Ajinaqa nisqanman jina qankuna Tata Diosniykichejpaj t'aqasqa suyu kankichej, nispa.

Hebreos 12:13

Chantá cheqanta purispa kawsaychej, ajinamanta pisi kallpayoj wist'u chaki jina ama ñanta pantananpaj, manachayqa kallpachasqa kaspa thuruta sayananpaj.

Apocalipsis 20:9

Paykuna tukuy pampata aywirispa jamorqanku, chantá Diospa ajllakusqankunaj jarankuta, jinataj munasqa llajtatawan ima muyuykorqanku. Jinallaman janaj pachamanta nina urayk'amuspa, paykunata q'olarparerqa.

Jueces 1:7

Chaypacha Adonibesecqa nerqa: Ñawpajtaqa noqa qanchis chunka kuraj kamachejkunaj makinkoj machu ruk'anankuta, jinallataj chaki machu ruk'anankutapis mut'uracherqani. Chantá chay runakunataj mikhuna t'akakusqanmanta mesay urapi mikhunankupaj pallaj kanku. Kunanrí imaynatachus noqa ruwarqani, kikillantataj Tata Dios ruwawan, nispa. Chantá Jerusalenman payta aparqanku, chaypitaj wañuporqa.