Sofonías 3:17 - DIOSPA QHELQACHISQ

¹⁷ Tata Diosniykeqa qanwan kashan. Payqa may atiyniyojmin, qhespichisonqataj. Tata Diosqa qanwan kusisqapuni kanqa. Munakuyninwan mosoj kawsayta qosonqa, qanmanta kusikuspataj, raymipi jina takirikonqa, nispa.

Qheshwa Biblia DC

¹⁷ Señor Diosniykeqa qanwan khuskamin kashan. Atiyniyojmin payqa, salvasonqataj! Señortaj kusikonqa qanmanta. Munakuyninwan mosoj kausayta qosonqa. Fiestapi jina kusikuynimpi takenqa.

DIOSPA QHELQACHISQAN DEUTEROCANONICAL

¹⁷ Tata Diosniykeqa qanwan kashan. Payqa may atiyniyojmin, qhespichisonqataj. Tata Diosqa qanwan kusisqapuni kanqa. Munakuyninwan mosoj kawsayta qosonqa, qanmanta kusikuspataj, raymipi jina takirikonqa, nispa.

Sofonías 3:17 ပူးပေါင်းရင်းမြစ်များ

Génesis 1:31

Chantá Diosqa tukuy ima ruwasqan manchay sumajpuni kasqanta qhawarqa. Ajinaqa inti yaykuymanta q'ayantin inti yaykuykama, sojta kaj p'unchay karqa.

Génesis 17:1

Abram jisq'on chunka jisq'onniyoj watayoj kashajtin, Tata Dios payman rikhurispa, nerqa: Noqa Tukuy Atiyniyoj Dios kani. Chayrayku qan munasqayman jina cheqanta puriy.

Génesis 18:14

Tata Diospaj imallapis ruway mana atina kanmanchu? Watapaj kunanta jinallataj kutimuspa, watukusqayki, chaypajtaj Sara wawayojña kanqa, nispa.

Génesis 2:2

Jinataj Diosqa qanchis kaj p'unchaypi tukuy ima ruwananta tukuspa, samarikorqa.

Salmos 147:11

Tata Diosqa payta jatunchajkunawan sonqo junt'asqa, pikunachus khuyakuyniyoj kasqanpi atinikojkunawanpis kusikullantaj.

Salmos 149:4

Tata Diosqa ayllunwan sonqo junt'asqa kashan, llamp'u sonqoyojkunatataj atipachispa pilluykuchin.

Salmos 78:65

Chantá puñusqanmanta jina Tukuyta Kamachej Dios rijch'arerqa, imaynatachus maqanakoj runa vinowan machaykuspa qhaparin, ajinata qhaparispa.

Isaías 12:2

Diosmin kacharichiwajneyqa. Payllapi noqa atinikuni, manaña ni imamanta manchachikusajchu. Tata Dios kallpachawajneyqa, payllamantapuni takisaj, imaraykuchus paylla atipanaypaj yanapawan.

Isaías 12:6

Sionpi tiyakojkuna, kusiywan sinch'ita takiychej, imaraykuchus Israelpa May Llimphu Kaj Diosnenqa chawpiykichejpi tukuy jatun kayninwan kashan, nispa.

Isaías 18:4

Ajinata ruwaychej, imaraykuchus Tata Dios kay jinata niwan: Ch'inlla kakuspa, tiyakunaymanta qhawamullasaj, imaynatachus inti k'ancharimuspa k'ajarin, ajinata, jinallataj poqoy oqharina p'unchaypi q'oñimojtin chhulla phuyu phuyuykun, ajinata.

Isaías 63:1

Pitaj Edom suyumanta jamushanri? Pitaj Bosra llajtamanta jamushan puka p'achayojri? Pitaj sumaj p'achallisqa atiyniyoj thaskejri? Chaymin noqa Tata Dios kani, pichus qhespichinapaj atiyniyoj kaspa, atipanaytapuni willani, chay.

Isaías 63:12

Maypitaj kashan pichus jatun atiyninta Moisesta yanapananpaj churarqa, chayri? Maytaj kunan pichus israelitakunaj ñawpaqenkupi yakuta iskayman t'aqarqa, chayri? Ajinamanta Tata Diosqa atiyniyoj kasqanta wiñaypaj rikucherqa.

Isaías 65:19

Chaypacha Jerusalén llajtarayku kusikusaj, aylluytaj noqapaj may jatun kusiy kanqa. Chay llajtapi manaña jayk'ajpis waqajkunata uyarenqankuchu, nitaj llakiywan qhaparejkunatapis.

Isaías 9:6

6 (5) Uj qhari wawa paqaripuwanchejña, Diostaj uj qhari wawata qowanchej. Kamachinanpaj jatun ateyqa paywan kanqa. Paytataj sutichanqanku: May K'acha Yuyaychaj, Tukuy Atiyniyoj Dios, Wiñay Kawsayniyoj Tata, Allin Kawsayta Apamoj Kamachej ima.

Jeremías 32:41

Noqaqa paykunapaj allin kajta ruwaspa, kusikusaj. Chantá tukuy sonqo, tukuy alma paykunata kay suyupi kawsachisaj, nispa.

Oseas 14:4

Tata Dios nin: Mana kasukoj kasqaykichejta noqa jampisaj. Noqa tukuy sonqo munakusqaykichej mana munakunapaj jina kashajtiykichejpis, imaraykuchus phiñakuyneyqa tiyaykapunña.

Joel 2:21

Kay pacha, mayta kusikuy, amataj manchachikuychu, imaraykuchus Tata Dios t'ukunata ruwanqa.

Sofonías 3:15

Tata Diosqa juchachasqa kasqaykichejta oqharipun. Pikunachus awqaykichej karqanku, chaykunatapis karunchan. Israelpa Kuraj Kamachejnin Tata Diosqa qankunawan khuska kashan. Mana ni imamanta manchachikunaykichej kanqañachu.

Sofonías 3:5

Chay tukuywanpis Tata Dios chay llajtawan kashan, paytaj cheqan kajtapuni ruwan manataj sajra kajtaqa. Sapa paqarin pay justiciata ruwan. Chay millay runakunarí mana p'enqakuyta yachankuchu.

Números 14:8

Tata Dioschus allinpaj qhawariwasun chayqa, chay jallp'aman pusawasun, qowasuntaj. Chay jallp'apeqa lechewan, abeja misk'iwan yaku jina purishan, chayrayku manchay sumaj jallp'a kashan.

San Lucas 15:32

Chaywanpis raymita ruwaspa, kusikunanchejpuni karqa, imaraykuchus kay wawqeykeqa wañusqa karqa, kawsarimuntaj, chinkasqa kasqanmantataj tarikapunchej, nispa. Ajinata Jesús runakunaman yachacherqa.

San Juan 13:1

Pascua raymiman qayllallaña karqa. Jesustaj kay pachata saqespa Tatanpaman kutipunanpaj p'unchay chayamushasqanta yacharqa. Jinataj kay pachapi ruwananta junt'ashaspa imaynatachus yachachisqankunata munakorqa, ajinata paykunata tukukuykama munakorqa.

San Juan 15:11

Chaykunata niykichej noqawan khuska mayta kusikunaykichejpaj, chay kusikuytaj sonqoykichejmanta phullchirenqa.

Deuteronomio 23:15

15 (16) Sichus uj wata runa patronninmanta qankunaman ayqekamunman chayqa, ama payta ñawpa patronninman kutichinkichejchu.

Deuteronomio 30:9

Chantá Tata Diosqa tukuy ima ruwasqaykichejpi allin risunanta ruwanqa. Ashkha wawayoj kankichej, ashkha uywayoj ima. Jinallataj Diosqa chajraykichejta sumajta poqochenqa. Tata Diosniykichejqa qankunapaj ujtawan allinta ruwaspa, kusikonqa, imaynatachus ñawpa tataykichejkunapaj allinta ruwaspa kusikorqa, ajinata.

Hebreos 7:25

Chayrayku pay wiñaypaj qhespichiyta atin, pikunachus paynejta Diosman qayllakojkunata, imaraykuchus pay wiñaypaj kawsallanpuni paykunarayku Diosmanta mañapunanpaj.