Sofonías 3:14 - DIOSPA QHELQACHISQ

¹⁴ Sión llajtayojkuna, takirikuychej. Israel ayllumanta kajkuna, kusiymanta qhapariychej. Jerusalenpi tiyakojkuna, kusikuychej, tukuy sonqoykichejwantaj kusirikuychej.

Qheshwa Biblia DC

¹⁴ Sión llajtayoj runas, takiychej! Israel ayllumanta kaj runas, kusiymanta qhapariychej! Jerusalempi tiyakoj runas, kusikuychej. Tukuy sonqoykichejwan kusikuychej!

DIOSPA QHELQACHISQAN DEUTEROCANONICAL

¹⁴ Sión llajtayojkuna, takirikuychej. Israel ayllumanta kajkuna, kusiymanta qhapariychej. Jerusalenpi tiyakojkuna, kusikuychej, tukuy sonqoykichejwantaj kusirikuychej.

Sofonías 3:14 ပူးပေါင်းရင်းမြစ်များ

Nehemías 12:43

Chay p'unchaypi ashkha uywata ñak'aspa Diosman jaywarqanku, runakunataj mayta kusikorqanku Dios paykunata mayta kusichisqanrayku. Warmikunapis, wawakunapis sinch'ita kusikullarqankutaj. Chaypacha Jerusalenpi kusiywan ch'ajwasqankoqa karumantapacha uyarikorqa.

Salmos 14:7

Mayta munayman Sionmanta Israelta kacharichej jamunanta. Maypachachus Tata Dios ayllunta suyunkuman kutichimonqa chaypacha, Jacobpa miraynin manchayta kusikonqanku, Israel ayllumanta kajkunataj kusiywan qhaparikonqanku.

Salmos 149:2

Israel aylloqa ruwajninmanta kusikuchun, Sión llajtataj kuraj kamachejninmanta kusikuchun.

Salmos 97:8

Tata Dios, Sión llajtaqa chayta yachaspa kusikun, jinallataj Judá suyupi llajtakunapis raymicharikunku, justiciata ruwasqaykirayku.

Isaías 12:6

Sionpi tiyakojkuna, kusiywan sinch'ita takiychej, imaraykuchus Israelpa May Llimphu Kaj Diosnenqa chawpiykichejpi tukuy jatun kayninwan kashan, nispa.

Isaías 29:19

Tata Diosqa llamp'u sonqoyojkunata mayta kusichenqa, aswan wajcha kajkunapis Israelpa May Llimphu Kaj Diosninkurayku maytapuni kusikonqanku.

Isaías 35:2

Chay ch'in pampaqa qhallallarispa t'ikanqa, mayta kusikuspataj takenqa. Tata Diosqa Libanota jina may k'achituta ruwanqa, Carmelo orqo jina, Sarón valle jinataj sumaj poqoj jallp'a kanqa. Ajinamanta paykunaqa Tata Diospa jatun kayninpa lliphipiyninta rikonqanku, Diosninchejpa kuraj kamachej jina kayninta.

Isaías 37:22

Tata Diosqa Senaqueribpa contranta kay jinata nin: Kuraj kamachej Senaquerib, Sión llajtaqa sipas jina pisipaj qhawasunki, uyaykipitaj asiykukusunki. Jerusalén llajtaqa qhepaykimanta umanta khiwirispa, asiykukusunki.

Isaías 40:1

Qankunaj Diosniykichej nin: Sonqochaykuychej, Israel aylluyta sonqochaykuychej.

Isaías 40:9

Sión llajta, sumaj willaykunata apamoj, orqo pataman wichariy. Jerusalenman sumaj willaykunata apamoj, mana manchachikuspa, jatunmanta qhapariy. Judá suyupi llajtakunaman chay jinata willay: Diosniykichej chayamushanña, nispa.

Isaías 51:11

Pikunatachus Tata Dios pagota qospa kacharicherqa, chaykuna kutimponqankupuni. May kusiywan takirispa, Sión llajtaman yaykonqanku, chaypitaj wiñaypaj kusisqa tiyakonqanku. Paykunaqa kusisqallapuni kanqanku, nanaywan, waqaywantajrí chinkaponqa.

Isaías 52:9

Jerusalén llajtaj laqayan, jatunmanta may kusiywan qhapariychej, imaraykuchus Tata Dios ayllunmanta khuyakun, jinataj Jerusalén llajtata kacharichin.

Isaías 54:1

Tata Dios nin: Jerusalén llajta, jatunmanta kusikuy ari, mana wawata rejsej warmi, mana wawata paqarichikuyta yachaj warmi. Jatunmanta takispa, kusikuy mana wijsallikuyta yachaj warmi, imaraykuchus saqerparisqa warmej wawankuna aswan ashkha kanqanku qosayoj warmej wawankunamanta nisqaqa.

Jeremías 30:19

Chaypi pachis nispa takiykuna uyarikonqa, kusikuymanta asiykunapis uyarikullanqataj. Noqa paykunata ashkhayachisaj, manañataj pisiyanqankuchu. Mana pipis paykunata pisipaj qhawanqachu, imaraykuchus noqamin paykunata jatunpaj qhawasaj.

Jeremías 31:13

Chaypacha sipaskunaqa kusiymanta tusurenqanku, jinallataj waynakuna, machu runakunapis. Chantá noqaqa waqayninkuta kusiyman tukuchisaj. Llakikuyninkumantataj sonqochaspa, paykunata kusichisaj.

Jeremías 33:11

Jinallataj casarakojkunaj kusiymanta takisqanku ima uyarikullanqataj. Chantá Tata Diospa Templonman pachis nispa jaywanata apamojkunaj takisqanku uyarikullanqataj. Kay jinata takenqanku: Tukuy Atiyniyoj Tata Diosman pachis niychej, imaraykuchus Tata Diosqa k'achamin, khuyakuynintaj wiñaypaj, nispa. Arí, noqa kay suyuta watejmanta kutichisaj, ñawpajta karqa, ajinallataj kananpaj. Noqa Tata Diosmin chayta nini.

Joel 2:23

Sionpi tiyakojkuna, mayta kusikuychej. Kusikuychej Tata Diosniykichejpi. Paymin maychus tiemponpi parachimusonqachej. Paymin ñawpaj kaj parata, qhepa kaj paratapis parachimusonqachej, ñawpaj tiempopi jina.

Miqueas 4:8

Qanrí, Jerusalén, uywa qhawana torre jina kanki, sumaj perqasqa llajtataj. Chaypachataj ujtawan Israelpa jatun llajtan kanki, imaynachus ñawpajpi may uyarisqa karqanki, jinallataj.

San Mateo 21:9

Chantá Jesuspa ñawpaqenta rejkuna, qhepanta jamojkuna ima qhaparisharqanku: Davidpa Churin jatunchasqa kachun. Tukuyta Kamachej Diospa sutinpi jamojta jatunchaychej. Qhespichej Dios janaj pachapipis jatunchasqa kachun, nispa.