Sofonías 3:12 - DIOSPA QHELQACHISQ

¹² Manachayqa noqa qankuna ukhupi llamp'u sonqoyoj runakunata, pisi kapuyniyoj runakunatapis kawsashajta saqesaj, pikunachus sutiypi atinikunku, chaykunallata.

Qheshwa Biblia DC

¹² Noqa saqesaj qankuna ukhupi llamp'u sonqoyoj runasta, pisi kapuyniyoj runastapis. Paykunataj sutiypi confianzankuta churanqanku.

DIOSPA QHELQACHISQAN DEUTEROCANONICAL

¹² Manachayqa noqa qankuna ukhupi llamp'u sonqoyoj runakunata, pisi kapuyniyoj runakunatapis kawsashajta saqesaj, pikunachus sutiypi atinikunku, chaykunallata.

Sofonías 3:12 ပူးပေါင်းရင်းမြစ်များ

Esdras 9:8

Kunantajrí, Tata Diosniyku, khuyakuyniykiman jina munarqanki puchoj israelitakuna kacharichisqa kanaykuta, qanpaj t'aqasqa jallp'api tiyakunaykupaj. Wata runa kanamanta samarichiwayku, sonqoykutapis kawsarichiwayku.

Salmos 37:40

Tata Dios cheqan runata mana allin kajmanta kacharichispa, yanapan. Millayta ruwajkunaj makinmanta payta kacharichenqa, imaraykuchus cheqan runaqa Tata Diospi pakananta mask'arqa.

Isaías 14:30

Wajchakunaj kuraj kaj wawankukuna jallp'ankupi poqojta mikhonqanku, mana imayoj runakunapis mana ima llakiyniyoj samarikonqanku. Runaykikunatatajrí yarqhaywan wañurachisaj, chaymanta puchojkunatataj chinkarparichisaj.

Isaías 14:32

Filisteokunaj kachankukunaman ima ninkichejtajri? Sión llajtataqa Tata Diospuni sayachin, chayraykutaj ayllunmanta llakisqa kajkunaqa chay llajtapipuni pakakonqanku.

Isaías 29:19

Tata Diosqa llamp'u sonqoyojkunata mayta kusichenqa, aswan wajcha kajkunapis Israelpa May Llimphu Kaj Diosninkurayku maytapuni kusikonqanku.

Isaías 50:10

Qankunamanta mayqenpis Tata Diosta manchachikoj kanmanchu? Diospa kamachinpa parlasqanta kasukoj kanmanchu? Laqhayaypi purejkuna, ni ima k'anchayta rikojkuna, Tata Diospi atinikuychej, paymantataj jap'ikuychej.

Isaías 6:13

Sichus chunkamanta ujllapis kay suyupi qhepakunman chayqa, chaypis chinkachisqallataj kanqa. Chaywanpis imaynatachus roble sach'ata, encina sach'atapis k'utojtinchej k'ullullanña qhepakun, ajinata qhepakonqa ajllakusqay Israel aylloqa, nispa.

Jeremías 17:7

Saminchasqa kachun noqapi atinikoj runa, pichus noqa Tata Diospi suyakoj.

Jeremías 50:20

Noqa Tata Dios nillanitaj: Chaypacha Israelpa juchallisqanta mask'anqanku manataj tarenqankuchu. Judáj juchallisqantapis mask'allanqankutaj, manallataj tarenqankuchu, imaraykuchus noqa juchankuta pampacharqani.

Ezequiel 6:8

Chaywanpis noqa saqesaj paykuna ukhumanta wakinkuna mana wañunankuta, astawanpis kawsanankuta waj suyukunaman ch'eqerasqa kaspa.

Miqueas 5:6

6 (5) Paykunataj Nimrodpa suyun Asiriata espadawan kamachenqanku. Chay kamachejkunaqa, pikunachus suyunchejpa mojonninta pasaykamuspa jallp'anchejman junt'aykamorqanku, chaykunamanta kacharichiwasunchej.

Nahúm 1:7

Tata Diosqa may k'achamin. Llakiy p'unchaypipis runata jark'akun, paypi atinikojkunatataj waqaychanpuni.

Zacarías 11:11

Chay p'unchaypacha chay trato p'akisqa karqa. Chay ñak'arichisqa ovejakunataj imatachus ruwasqayta rikuspa, repararqanku Tata Dios noqanejta parlashasqanta.

Zacarías 11:7

Jinataj noqa Zacarías ñak'anapaj karqanku, chay ovejakunata micherqani, astawanqa tullu ovejakunata. Chantá iskay tojnuta oqharikuspa, ujninta suticharqani: “Khuyakuy”, nispa, chay ujnintataj “Ujchakuy”, nispa.

San Mateo 11:5

Ñawsakunaqa rikunku, suchukunapis puririnku, jinallataj llejti onqoyniyojkuna llimphuchasqa kanku. Joq'arakunapis uyarinku, wañusqakuna kawsarimunku, wajchakunamanpis Diosmanta sumaj willay willakun.

San Mateo 12:21

Chantá tukuy kay pachapi kaj runakunaqa paypi atinikuspa allin kajta suyakonqanku. Ajinata Isaías Jesusmanta sut'incharqa.

San Mateo 5:3

Kusikuyniyojmin kanku wajcha sonqoyoj kasqankuta reparakojkunaqa, imaraykuchus janaj pachamanta Diospa kamachiyninpi kanqanku.

Romanos 15:12

Diosmanta sut'inchaj Isaiaspis nillantaj: Yesejpa mirayninmanta uj kuraj kamachej sayarenqa. Payqa mana judío kajkunata kamachinanpaj sayarenqa, paykunataj paypi atinikuspa allin kajta suyakonqanku, nispa.

Santiago 2:5

Munasqa wawqe panaykuna, allinta uyariwaychej: Manachu Diosqa pikunachus kay pachapi wajcha kajkunata ajllakun, Diospi atinikuypi qhapaj kanankupaj? Manachu paykuna kamachiyninpi chayaqeyoj kanqanku, Dios payta munakojkunaman chayaqeta qonanta nisqanman jina?

1 Pedro 1:21

Paynejta qankuna Diospi atinikunkichej, pichus Cristota wañusqamanta kawsarichispa jatuncharqa, chaymanta. Chayrayku Diospi atinikuspa, pay imatachus nisqanta qonantapuni suyakushankichej.