Sofonías 3:11 - DIOSPA QHELQACHISQ

¹¹ Munasqa ayllúy, chay p'unchaypi manaña p'enqakunkichejchu contraypi oqharikuspa millayta ruwasqaykichejmanta. Chaypacha noqaqa jatunchakojkunata, umata oqharejkunata ima qankuna chawpimanta wijch'usaj. Manataj jayk'ajpis ujtawan noqapaj t'aqasqa orqoypi wapuykachanqankuchu.

Qheshwa Biblia DC

¹¹ Munasqa runasníy, jaqay p'unchaykunapeqa, mana p'enqakunkichejñachu, ni mayqen sajra ruwasqaykichejmantapis, contraypi sayarejtiykichejpis. Chaypachaqa jatunyakojkunata, mana respetoyojkunata ima, qankuna chaupimanta wijch'usaj. Manataj jayk'ajpis ujtawan wapuykachankichejchu llimphu orqoypi.

DIOSPA QHELQACHISQAN DEUTEROCANONICAL

¹¹ Munasqa ayllúy, chay p'unchaypi manaña p'enqakunkichejchu contraypi oqharikuspa millayta ruwasqaykichejmanta. Chaypacha noqaqa jatunchakojkunata, umata oqharejkunata ima qankuna chawpimanta wijch'usaj. Manataj jayk'ajpis ujtawan noqapaj t'aqasqa orqoypi wapuykachanqankuchu.

Sofonías 3:11 ပူးပေါင်းရင်းမြစ်များ

Salmos 131:1

(1b) Tata Dios, sonqoyqa mana jatunchakunchu, nitaj ñawiypis ni pita pisipaj qhawanchu. Mana jatuchaj t'ukuna imakunaj qhepantachu purini, nitaj mana ruway atinaj qhepantapis.

Salmos 49:5

5 (6) Imaraykutaj manchachikuyman kasqa, llakiylla qhatirinawan p'unchay chayamunawantari? Imajtintaj manchachikuyman kasqa, awqaykuna maqanawankupaj muyuykuwajtinkuri?

Salmos 59:12

12 (13) Siminkuwan juchallikusqankurayku, jatunchakusqankupi urmachunku, imajtinchus siminkuwanqa maldicinku, llullakunkutaj.

Isaías 11:9

Tata Diospaj t'aqasqa orqopeqa mana ima millaytapis ruwanqankuchu, imaraykuchus tukuy kay pacha Tata Diosta rejsej runakunawan junt'a kanqa, imaynatachus mama qochaman yaku junt'aykun, ajinata.

Isaías 2:12

Chaypacha Tukuy Atiyniyoj Tata Diospa p'unchaynin jamonqa runaykachajkunaj contrankupi, uma oqharejkunaj contrankupi, may kasqankuta yuyakojkunaj contrankupi ima, tukuyninku k'umuykuchisqa kanankupaj.

Isaías 45:17

Tata Dios israelitakunata wiñaypaj qhespichenqa. Paykunataj manaña jayk'ajpis p'enqachisqachu nitaj k'umuykachachisqachu kanqanku.

Isaías 5:15

Tukuy runakuna k'umuykachachisqa kanqanku. Mayta runaykachajkunapis chay jinallamantaj chayanqanku.

Isaías 54:4

Ama manchachikuychu ari. Qanqa manaña p'enqachisqachu kanki. Ama p'enqakuychu, imaraykuchus manaña k'umuykachachisqachu kanki. Qanqa sipas kashaspa, p'enqakoj kasqaykita qonqayman churanki, manallataj yuyarikunkichu warmisapa kashaspa k'umuykachasqaykimantapis.

Isaías 56:7

Payqa nin: Noqa Tata Dios paykunata noqapaj t'aqasqa orqoman pusasaj, noqamanta mañakuna wasiypitaj paykunata kusichisaj. Uywata ñak'aspa q'olachisqankuta jinataj jaywawasqankuta ima tukuy sonqo jap'ikusaj. Temployqa Diosmanta mañakuna wasi sutichasqa kanqa tukuy runapaj.

Isaías 61:7

Qankuna manaña p'enqachisqachu nitaj k'umuykachachisqachu kankichej. Aswanpis jallp'ataqa uj jinatawanraj jap'inkichej, chaypi kapuyniyoj kankichej, wiñaypajtaj kusisqa kawsakunkichej.

Jeremías 13:9

Tata Dios ajinata nin: Ajinallatataj Judajta, Jerusalenpatawan runaykachayninkuta ismuchisaj.

Jeremías 7:4

Ama atinikuychejchu q'otiyajkunaj nisqankupi. Paykuna nisunkichej: Tata Diospa Templon kaypi kasqanrayku, Dios kay llajtata mana chinkachenqachu, nispa.

Ezequiel 20:40

Ajllakusqay orqopi, Israelpa jatun orqonpi tukuynin israelitakuna yupaychawanqanku. Chaypi noqa tukuy sonqo jap'ikapusqaykichej. Chayllapitaj qankunamanta mañasqaykichej jaywanata jaywanawaykichejta, chajraykichejmantataj ñawpaj kaj poqoyta apamunawaykichejta, chantá imatachus qonawaykichejpaj t'aqankichej, chaykunatawan. Noqa Tukuyta Kamachej Tata Dios ajinata nini.

Ezequiel 24:21

Israel aylluyman niy: Tukuyta Kamachej Tata Dios nisunkichej: Noqa Temployta ch'ichipaj qhawasqata ruwasaj, mayqentachus chay jinatapuni munakuspa runaykachankichej, chayta. Jinallataj Jerusalenpi saqesqaykichej churiykichejkuna, ususiykichejkuna ima espadawan wañuchisqa kanqanku, nispa.

Daniel (hebreo) 9:16

Chaywanpis Tukuyta Kamachej Diosniyku, cheqan khuyakuyniykiman jina, Jerusalenmanta phiñakuyniykita karunchay, chay sinch'i k'araj phiñakuyniykita, imaraykuchus Jerusalenqa llajtaykimin. Tukuy muyuyninpi suyukunamanta runakunapis Jerusalenmanta, aylluykimantapis alqochakunku, noqaykoj jinallataj ñawpa tataykoj juchankuraykupis.

Daniel (hebreo) 9:20

Noqaqa juchayta jinallataj israelita llajta masiykunaj juchankutapis rimarispa, Diosmanta mañakushallarqanipuni. Ajinamanta Tata Diosniypa ñawpaqenpi mañapusharqani paypa t'aqakusqan Jerusalén llajtanrayku.

Miqueas 3:11

Llajtapi justiciata ruwajkuna, qankuna rantichikunkichej. Sacerdotekuna, qankunapis qolqeraykulla yachachinkichej, sut'inchajkunapis qolqeraykullataj imatapis willankichej. Chantá mayta parlankichej Tata Diospi atinikusqaykichejmanta: Tata Dios noqanchejwan kashan, manataj ni ima mana allin kajpis qhatiriwasunchu, nispa.

Números 16:3

Tukuyninku tantaykukuspa, Moisesman, Aaronmanwan sayaykuspa, nerqanku: Munasqaykichejta ruwanaqa kaykamalla kachun. Tukuy israelitakuna Diospaj t'aqasqa kanchej, Tata Diospis tukuyninchejwan kashan. Imaraykutaj qankuna Tata Diospa ayllunmanta aswan kasqaykichejta yuyakunkichejri? nispa.

San Mateo 3:9

Amataj niychejchu: Noqaykoqa qhespichisqa kasqayku Abrahampa miraynin kasqaykurayku, nispa. Noqa sut'ita niykichej: Diosqa kay rumikunamantapis Abrahampaj wawakunata rikhurichiyta atinman.

Romanos 2:17

Qanrí, judío kani, nispa jatunchakunki, jinataj kamachisqakunapi atinikunki, Dioswan kawsakusqaykimantataj runaykachanki.

Romanos 9:33

Diospa Qhelqachisqanpi nin: Noqaqa Sionpi uj rumita churani, chaypi misk'aspa urmanankupaj. Chaywanpis tukuy pichus paypi atinikojqa mana ch'awkiyasqachu kanqa, nispa.

1 Pedro 2:6

Chayrayku Diospa Qhelqachisqanpi nillantaj: Noqaqa may valorniyoj ajllasqa esquina rumita Sionpi churani. Pichus chaymanta jap'ikojqa mana p'enqachisqachu kanqa, nispa.