Sofonías 2:7 - DIOSPA QHELQACHISQ

⁷ Judá suyumanta puchojkunaqa chay llajtayojkunaj suyunkuta jap'ikaponqanku, imaraykuchus Tata Diosninku paykunata yanapaj jamonqa. Chantá paykunata waj suyuman apasqa kasqankumanta kutichimonqa. Jaqaypitaj Judamanta kajkuna ovejankuta michenqanku. Tutantaj Ascalonpi kaj wasikunapi samarikonqanku.

Qheshwa Biblia DC

⁷ Judá ayllumanta kausaypi puchojkunataj chay runaspa jallp'ankuta jap'ikaponqanku, maypachachus Señor Diosninku paykunata yanapaj jamonqa, preso kaymantataj paykunata kutirichimonqa chaypacha, jaqaypitaj ovejasninkuta michenqanku. Tutasnimpitaj samarikonqanku Ascalompi kaj wasispi.

DIOSPA QHELQACHISQAN DEUTEROCANONICAL

⁷ Judá suyumanta puchojkunaqa chay llajtayojkunaj suyunkuta jap'ikaponqanku, imaraykuchus Tata Diosninku paykunata yanapaj jamonqa. Chantá paykunata waj suyuman apasqa kasqankumanta kutichimonqa. Jaqaypitaj Judamanta kajkuna ovejankuta michenqanku. Tutantaj Ascalonpi kaj wasikunapi samarikonqanku.

Sofonías 2:7 ပူးပေါင်းရင်းမြစ်များ

Génesis 50:24

Uj kuti Joseqa wawqenkunata nerqa: Noqaqa wañupusajña. Diostajrí qankunata yanapaspa, kay jallp'amanta orqhosonqachej. Chaymantataj, ima jallp'atachus Abrahamman, Isaacman, Jacobman ima tiluspa, qonanta nerqa, chay jallp'aman pusasonqachej, nispa.

Salmos 80:14

14 (15) Tukuy Atiyniyoj Dios, kutirimuy ari, janaj pachamantapacha qhawarimuspa, kay uva sach'aykimanta khuyarikuy.

Salmos 85:1

1 (2) Tata Dios, qanqa Israel suyuykiwan manchay k'acha karqanki. Qanqa Jacobta waj suyuman preso apasqa kasqanmanta kutichimporqanki.

Éxodo 4:31

Jinapi israelitakuna paykunaj nisqankuta jap'ikorqanku. Chantá Tata Dios israelitakunamanta yuyarikusqanta, ñak'arisqankutapis rikusqanta ima yachaspa, tukuyninku qonqoriykukorqanku, Diostataj yupaycharqanku.

Isaías 11:11

Chaypacha Tata Dios ujtawan atiyninta rikuchillanqataj, maykunapichus ayllunmanta kajkuna puchorqanku, chaykunata kutichimunanpaj: Asiriamanta, Egiptomanta, Patrosmanta, Etiopiamanta, Elammanta, Sinarmanta, Jamatmanta, mama qochaj kantunmanta ima.

Isaías 11:14

Iskayninku ujllata kallpakuspa, inti yaykuynejman kachaykukonqanku, filisteokunamantaj wasallankumanta phinkiykonqanku. Jinallataj inti llojsimuynejpi tiyakojkunamanta tukuy imankuta qhechumonqanku. Edom suyu, Moab suyu ima israelitakunaj kamachiyninpi ruwanayoj kanqanku, jinallataj Amón suyupi kajkunapis israelitakunaj kamachiyninpi kanqanku.

Isaías 11:16

Ajinamanta Tata Dios allin ñanta wakichenqa ayllunmanta puchojkuna Asiriamanta kutiripunankupaj, imaynatachus israelitakuna Egiptomanta llojsimunankupaj ruwarqa, ajinata.

Isaías 14:1

Chaywanpis Tata Diosqa Jacobpa ayllunmanta khuyakonqa. Israelitakunatataj watejmanta ayllun kanankupaj ajllakonqa, jinaspataj jallp'ankupi paykunata watejmanta tiyachenqa. Chaypacha karu llajtayojkunapis paykunaman ujchakonqanku, Jacobpa ayllunwantaj tiyakonqanku.

Isaías 32:14

Kuraj kamachejpa wasenqa ch'inpacha saqerpayasqa kanqa, jinallataj chay chhika runayoj llajtapis ch'inpachallataj qhepakonqa. Qhawana torrekuna, pakakuna wasikunapis saqerpayasqa qhepakonqanku. Chaypitaj k'ita burrokunalla sunt'irenqanku, jinallataj uywakuna ima chaypi mikhonqanku.

Jeremías 23:3

Tata Dios nillantaj: Noqa kikin puchoj ovejaykunata tantasaj, maymanchus wijch'orqani, chay suyumantapacha kanchankuman kutichimpusaj, chaypitaj mayta miranqanku.

Jeremías 29:10

Noqa Tata Dios nillanitaj: Qanchis chunka wata Babiloniapi kasqaykichej junt'akojtinkama, kay cheqaman qankunata kutichimunayta nerqani, chay nisqayta junt'asaj.

Jeremías 29:14

Arí, noqata qankuna tariwankichej, chantá preso kasqaykichejta tukuchisaj. Chay suyumanta orqhomusqaykichej, maymanchus apasqa karqankichej, chaymanta tantaykusqaykichej. Chantá Jerusalén llajtaman kutichimusqaykichej, maymantachus karuman apacherqaykichej, chayllamantaj. Noqa Tata Diosmin chayta nini.

Jeremías 3:18

Chay p'unchay chayamojtin, Judá aylloqa Israel aylluwan khuska tantakonqa. Iskayninkutaj wichaynej suyumanta kutimonqanku, ñawpa tataykichejkunaman chayaqepaj qorqani, chay jallp'aman.

Jeremías 30:3

Uj p'unchay jamushan, chay p'unchaytaj Israelmanta, Judamantawan apasqa kajkuna llajtankuman kutimponqanku. Noqaqa paykunata ñawpa tatankuman qosqay suyuman kutichimusaj, chaypi tiyakunankupaj. Noqa Tata Diosmin chayta nini.

Jeremías 31:7

Tata Dios nin: Jacobpa ayllunrayku kusikuspa takiychej. Munasqa suyurayku kusiywan qhapariychej. Yupaychaspa, kay jinata niychej: Tata Diosqa ayllunta kacharichin, Israelmanta puchojkunatataj kacharichin, nispa.

Jeremías 32:44

Jallp'ata qolqewan rantikuspa, papel ruwasqankuta sellaspa testigokunaj rikunankuta wakichenqanku. Ajina kanqa Benjamín jap'iypi, jinallataj Jerusalén llajtaj muyuyninpi, chantapis Judáj llajtankunapi, orqorara cheqanejpi kaj llajtakunapi, pampapi kaj llajtakunapi, jinataj Néguev cheqapi kaj llajtakunapi ima. Ajina kanqa, imaraykuchus noqa Babiloniamanta paykunata kutichimusaj. Noqa Tata Dios chayta nini.

Jeremías 33:12

Tukuy Atiyniyoj Tata Dios nillantaj: Kay suyoqa kunan ch'inpacha kashan, manataj runakuna, nitaj uywakunapis kanchu. Chaywanpis tukuynejpi watej pasto wiñallanqataj, tukuy michejkuna chaypi ovejankuta michinankupaj.

Jeremías 33:7

Noqaqa Judata, Israeltawan watej t'ikarichisaj, jinaspataj, imaynachus ñawpajta karqanku, ajinata sayarichisaj.

Jeremías 47:5

Chantá Gaza llajtayojkunaqa p'enqachisqa kaspa, chujchankuta ruthukonqanku. Ascalón llajtapis ch'inpacha qhepakonqa. Qankuna jatunkaray ñawpa runakunamanta puchojkuna, mayk'ajkamataj llakisqa kasqaykichejta rikuchispa ukhuykichejta q'allurakunkichejri? nispa.

Ezequiel 39:25

Chayrayku noqa Tukuyta Kamachej Tata Dios nillanitaj: Kunanqa Jacobpa mirayninta kutichimpusaj. Israel ayllumantaqa tukuyninkumanta khuyakusaj, manataj may llimphu sutiyta ch'ichichanankuta saqesajchu.

Oseas 6:11

Judá, mayk'ajchus jasut'isqa kanaykeqa ñapis nisqaña. Chaywanpis uj p'unchay, aylluyta apasqa kasqanmanta llajtanman watej kutichimusaj, nispa.

Abdías 1:19

Chantá Neguevpi tiyakoj israelitakuna Esaúj orqonkunata jap'ikaponqanku, vallemanta kajkunataj filisteokunaj jallp'ankuta. Chantapis jap'ikapullanqankutaj Efrainpa jallp'anta, Samariaj jallp'anta ima, Benjaminmanta kajkunataj Galaadta jap'ikaponqanku.

Miqueas 2:12

Aswan qhepamanrí, noqa Jacobpa ayllunmanta kajkunata tukuyninta tantasaj. Israelmanta uj chhika puchojta tantaykakapusaj, imaynatachus ovejata tropanman tantaykunchej, ajinata. Chantá pasto chawpipi michisqa oveja jina kanqanku, may chhika runapis kankuman jinataj ch'ajwarenqanku.

Miqueas 4:10

Sión llajta, onqokushaj warmi jina nanaywan qhapariy, imaraykuchus runaykikuna qanmanta llojsenqanku, q'ara pampapi tiyamonqanku. Chaymantataj mana munaspapis, Babiloniaman apasqa kanqanku. Chaywanpis Tata Dios chaypi preciota pagaspa ayllunta kacharichenqa, awqanpa makinmantataj paykunata qhespichenqa.

Miqueas 4:7

Chaykunawan, qhepakojkunawantaj kallpayoj suyuta ruwasaj. Chantá noqa Tata Diosmin Sión orqopi Israel suyuyta wiñaypaj kamachisaj.

Sofonías 2:9

Chayrayku noqa, Israelpa Tukuy Atiyniyoj Tata Diosnin kawsayniyrayku tiluspa, nini: Moab suyu Sodoma jina chinkachisqa kanqa, Amonpi tiyakojkunataj Gomorrapi tiyakojkuna jina tukukonqanku. Jallp'ankukunapis khishka pampaman tukonqa, kachi orqhona qhoya jinataj ch'in pampa kanqa. Aylluymanta puchojkunataj chay suyukunaj kapuyninkuta qhechuranqanku, jallp'ankutapis jap'ikaponqanku, nispa.

Sofonías 3:13

Chaypacha Israel ayllumanta puchojkuna manaña mana cheqan kajta ruwanqankuchu, nitaj llullata parlanqankuchu, nillataj ch'awkiyaspa parlanqankuchu. Aswanpis paykuna mikhurikonqanku, samarikonqankutaj ni imamanta manchachikuspa.

Sofonías 3:20

Chay p'unchaypi qankunata pusamuspa, tantaykusqaykichej. Waj suyuman apasqa kasqaykichejmantataj kutichikampusqaykichej. Jinallataj ruwasaj qankuna tukuy runakuna ukhupi jatunpaj qhawasqa kanaykichejta, jinallataj allin ñawiwan qhawasqa kanaykichejta ima, nispa. Noqa Tata Diosmin chayta nini.

Hageo 1:12

Chantá Salatielpa churin Zorobabel, Josadacpa churin Josué, jinallataj tukuy runapis uyarerqanku, imatachus Tata Dios sut'inchajnin Hageonejta kamachisqa, chay parlasqanta. Jinataj tukuyninku manchachikorqanku.

Hageo 2:2

Paytaj Hageota kamacherqa Judapi kamachej Salatielpa churin Zorobabelman, chantá Josadacpa churin Josueman, tukuy runakunamanwan ima kayta willananta:

San Lucas 1:68

Yupaychasqa kachun Israelpa Tukuyta Kamachej Diosnin, imaraykuchus pay jamun awqankoj makinmanta paykunata kacharichej.

San Lucas 7:16

Chayta rikuspa, tukuyninku mancharikorqanku, Diostataj kay jinata jatuncharqanku: Diosmanta may atiyniyoj uj sut'inchaj noqanchejmanta sayarin, nispa. Wajkunataj nerqanku: Diosqa ajinata ayllunta yanapaj jamun, nispa.

Hechos 8:26

Chay qhepata Diospa uj angelnenqa Felipeta nerqa: Riy ura kaj ñanta, mayqenchus Jerusalenmanta Gaza llajtaman ch'innejta rin, chayman, nispa.

Hechos 8:40

Chay qhepata Felipeqa Azoto llajtapi rikhurerqa. Chaymantataj llajtamanta llajta purispa, Jesusmanta sumaj willayta willararqa Cesarea llajtaman chayanankama.

Romanos 11:5

Ajinallataj kunanpis israelitakunamanta pisilla Diospi atinikuspa kanku. Diosrí paykunata qhasilla k'acha yanapayninman jina ajllakorqa.

Rut 1:6

Moab suyupi tiyakushaspa, Noemí uyarerqa Tata Diosqa ayllunmanta khuyakuspa, chay yarqhay watakunata tukuchisqantaña.