Sofonías 2:3 - DIOSPA QHELQACHISQ

³ Qankunarí, kay pachapi pisi tiyapuyniyojkuna, Diospa kamachisqanta junt'ajkuna, tukuyniykichej Tata Diosta mask'aychej. Jinallataj cheqan kajta ruwaychej, k'umuykuychejtaj. Ajinamanta ichapis Tata Diospa phiñakuyninpa p'unchayninpi waqaychasqa kankichej.

Qheshwa Biblia DC

³ Qankuna kay pachapi pisi kapuyniyojkuna tukuyniykichej Señorta mask'aychej, jinallataj kamachisqasninta junt'ajkuna, cheqa kaj imasta ruwaychej k'umuykukuychejtaj. Ajinamanta ichapis waqaychasqas kankichej Señorpa phiñakuynin p'unchaynimpi.

DIOSPA QHELQACHISQAN DEUTEROCANONICAL

³ Qankunarí, kay pachapi pisi tiyapuyniyojkuna, Diospa kamachisqanta junt'ajkuna, tukuyniykichej Tata Diosta mask'aychej. Jinallataj cheqan kajta ruwaychej, k'umuykuychejtaj. Ajinamanta ichapis Tata Diospa phiñakuyninpa p'unchayninpi waqaychasqa kankichej.

Sofonías 2:3 ပူးပေါင်းရင်းမြစ်များ

2 Samuel 12:22

Davidtaj kuticherqa: Waway kawsashajtillanraj, ayunarqani, waqarqanipis, yuyaspa: Ichapis Tata Diosqa noqamanta khuyakuspa, wawayta kutirichinman, nispa.

Salmos 105:4

Tata Diosta mask'aychej, atiyninpitaj atinikuychej. Payta sapa p'unchay mask'allaychejpuni.

Salmos 149:4

Tata Diosqa ayllunwan sonqo junt'asqa kashan, llamp'u sonqoyojkunatataj atipachispa pilluykuchin.

Salmos 22:26

26 (27) Wajcha runakuna sajsakunankukama mikhonqanku. Tata Diosta mask'ajkuna payta yupaychanqanku, unaytataj kawsanqanku.

Salmos 31:20

20 (21) Qan paykunata waqaychanki, millay ruwayta munajkunamantataj paykunata libranki. Wasiykipi paykunata pakanki awqankunaj alqochakuyninkumanta.

Salmos 45:4

4 (5) May jina atiyniyoj kasqaykiwan atipaj jina puririy, cheqa kajrayku maqanakuspa, llamp'u sonqoyojkunapaj justiciata ruwaspa ima. Atiyniykiwan t'ukuna imakunata ruwaspa, atipankipuni.

Salmos 57:1

1 (2) Khuyarikuway noqamanta, Diosníy, khuyarikullaway. Qan waqaychanawaykita mask'ani, sinch'i llakiy pasanankama lijrayki urapi pakakuyta munani.

Salmos 76:9

9 (10) Qanqa Diosníy, mana allinta ruwajkunata juzganaykipaj sayarinki, tukuy kay pachapi llamp'u sonqoyojkunata qhespichinaykipaj ima.

Salmos 91:1

Patapi Kaj Diospa waqaychayninpi kawsakojqa Tukuy Atiyniyoj Diospa llanthuykusqan kawsakonqa.

Éxodo 12:27

qankuna ninkichej: Kay uywaqa Pascuapi Tata Diospa sutinpi ñak'aspa jaywanapaj kashan. Payqa Egipto llajtayojkunaj kuraj kaj churinkukunata wañuchishajtin, israelitakunaj wasinkuta pasallarqa. Ajinata ruwaspa, Diosqa mana wañuchisqa kanaykumanta jark'akuwarqayku, nispa wawaykichejman ninkichej. Moisés parlayta tukojtinkamataj, israelitakuna qonqorikuspa, Tata Diosta yupaycharqanku.

Proverbios 18:10

Tata Diospa sutenqa sumaj ruwasqa torre jina. Cheqan runakuna chayman ayqespa, sumaj jark'asqa kanku.

Isaías 1:17

Aswanpis allin kaj ruwayta yachaqakuychej. Cheqan kajta ruwayta mask'aychej, ñak'arichisqa kaj runakunatataj yanapaychej. Wajcha wawakunaman kutikuychej, warmisapatapis yanapaychej, nispa. Ajinata Tata Dios nin.

Isaías 11:4

Manachayqa cheqan kajman jina wajchakunata juzganqa, kay pachapi llamp'u sonqoyojkunapajtaj justiciata ruwanqa. Kay pachataqa simi nisqallanwan varawan jina jasut'enqa, samayninwantaj millay ruwajkunata wañuchenqa.

Isaías 61:1

Tukuyta Kamachej Tata Diospa Espíritun noqawan kashan, imaraykuchus Tata Diospuni noqata ajllakuwarqa. Sumaj willaykunata wajchakunaman willaranaypaj kachamuwan, llakisqakunatataj sonqochanaypaj. Presochasqa runakunaman kacharichisqa kanankuta willaranaypaj kachamuwan, jinallataj carcelkunapi kajkunatapis kacharichinaypaj.

Jeremías 39:18

Nillanitaj: Cheqatapuni noqa waqaychasqayki ama wañuchisqa kanaykipaj. Qan noqapi atinikusqaykirayku kawsallankipuni, nispa.

Jeremías 45:5

Qanqa jatunpaj qhawasqa kaytachu mask'akushanki? Chayta ama mask'aychu, imaraykuchus noqa tukuy runaj patankuman ñak'ariykunata kachaykamusaj. Chaywanpis mayman rejtiykipis, waqaychasqayki ama wañuchisqa kanaykipaj, nispa.

Ezequiel 13:5

Perqa q'asata qhawaj mana wicharerqankuchu, nitaj perqatapis sayacherqankuchu Israel aylloj muyuyninpi llajtata waqaychananpaj. Tata Diospa p'unchaynin llajtaman chayamojtin, mana imapipis yanaparqankuchu maqanaku p'unchaypi sayananpaj.

Oseas 10:12

Paykunata nerqani: Cheqan kaj ruwayta tarpuychej, munakuytataj oqharinkichej. Barbechota ruwaychej, imaraykuchus Tata Diosta mask'ana p'unchay chayamunña. Pay jamuspa qhespichisonqachej, chaytaj ch'aki jallp'apaj para jina kanqa.

Oseas 7:10

Israelpa runaykachasqanqa paykunaj contranpi juchachan. Chaywanpis mana noqa Tata Diosman kutirikamuwankuchu, nitaj mask'awankuchu.

Jonás 3:9

Ichapis Dios imatachus nisqanta manaña ruwanmanchu, k'araj phiñakuynintaj tiyaykunman, jinamanta mana wañunanchejpaj, nispa.

Zacarías 8:19

Judajpa miraynin tawa kaj killapi, phishqa kajpi, qanchis kajpi, jinataj chunka kaj killapi ayunasqankoqa paykunapaj kusiyman tukonqa, uj raymi jinataj kanqa. Chayrayku munakuychej ari cheqan kajta, allinpi kawsakuytapis, nispa.

San Mateo 5:5

Kusikuyniyojmin kanku llamp'u sonqoyojkunaqa, imaraykuchus Dios kay pachata chayaqeta jina paykunaman qonqa.

1 Tesalonicenses 4:1

Kunanqa wawqe panakuna, Tukuyta Kamachej Jesuspa sutinpi mañarikuyku, Diospa munasqanman jina kawsakunaykichejta. Diosta qhatejkuna jina imaynatachus kawsanata ña yachacherqaykuña, qankunataj ajinata kawsashankichejña. Chaywanpis qankunata mayta niyku ajinallatapuni kawsanaykichejpaj kallpakunaykichejta.

1 Tesalonicenses 4:10

Qankuna ajinata ruwashankichej, imajtinchus Macedoniapi tukuy Diosta qhatejkunata munakunkichej. Chaywanpis wawqe panakuna, tukuy sonqo mañarikuyku qankuna astawanraj paykunata munakunaykichejta.

1 Pedro 1:22

Kunantaj qankuna cheqa kajta kasusqaykichejrayku llimphuchasqaña kankichej, wawqe panaykichejta tukuy sonqowan munakunaykichejpaj. Chayrayku tukuy sonqo astawan astawan munakuychej.

1 Pedro 3:4

Manachayqa sumaj llamp'u sonqo kaywan, chantá k'acha sonqo kaywan ima sonqoykichejta k'achanchaychej. Chay jina k'achanchakoyqa mana chinkapunchu, chaytaj Diospa ñawpaqenpi may jatunpaj qhawasqa.

2 Pedro 3:18

Manachayqa astawan astawan Tukuyta Kamachej Jesucristota rejsinaykichejpaj kallpakuychej, jinallataj Diospa qhasilla k'acha yanapayninpi astawan atinikuychej. Jesucristo may jatunchasqa kachun kunanpis, wiñaypajpis. Ajina kachun.