Sofonías 2:15 - DIOSPA QHELQACHISQ

¹⁵ Ajina kanqa jatunchakoj llajtapaj, pikunachus ni imamanta llakikuspa kawsakojkunapaj. Chaypi tiyakojkuna sonqonkupi nerqanku: Llajtanchej jina tukuy kay pachapi mana waj llajta kanchu, nispa. Kunantajrí ch'inpacha, k'ita animalkunaj puñunallanña kashan. Chayninta tukuy purejkunataj umankuta khiwirispa, asikunku.

Qheshwa Biblia DC

¹⁵ Chaymin jatunchakoj llajtaqa, paykunallaman confiakuspa kausarqanku, nerqankutaj: Mundontimpi mana waj llajta noqanchej jina atiyniyojqa kanchu. Kunanrí, imaraykutaj ch'impacha, k'ita animalespa puñunankutaj tarikunri? Chayninta pasajkunaqa silbarispa qhesachaspataj qhawarenqanku.

DIOSPA QHELQACHISQAN DEUTEROCANONICAL

¹⁵ Ajina kanqa jatunchakoj llajtapaj, pikunachus ni imamanta llakikuspa kawsakojkunapaj. Chaypi tiyakojkuna sonqonkupi nerqanku: Llajtanchej jina tukuy kay pachapi mana waj llajta kanchu, nispa. Kunantajrí ch'inpacha, k'ita animalkunaj puñunallanña kashan. Chayninta tukuy purejkunataj umankuta khiwirispa, asikunku.

Sofonías 2:15 ပူးပေါင်းရင်းမြစ်များ

Job 16:4

Sichus qankuna noqa jina kawajchej chayqa, noqapis qankuna jina parlayman, qankunaj contraykichejta sinch'ita parlayman. Umayta khiwirispa qankunata kusipayayman.

Job 27:23

Wayraqa manchayta wayraspa, sonaspataj payta qhatiykachanqa, nispa.

Isaías 22:2

Jerusalén kusikuspa, raymita ruwaj llajta karqa. Kunanrí imaymana qhapariywan, ch'ajwawan ima junt'a kashan. Runaj ayan tukuynejpi wijch'urayashan. Chaywanpis chay runakuna mana maqanakupichu wañorqanku. Manachayqa yarqhaywan chantá onqoywan wañorqanku.

Isaías 32:11

Qankuna, ni imamanta llakikoj warmikuna kharkatitiychej, mana imamanta llakiyniyoj warmikuna, pawichikuychej. K'achitu p'achaykichejta lluch'ukuspa, qhashqa p'achata churakuychej, llakisqa kasqaykichejta rikuchinaykichejpaj.

Isaías 32:14

Kuraj kamachejpa wasenqa ch'inpacha saqerpayasqa kanqa, jinallataj chay chhika runayoj llajtapis ch'inpachallataj qhepakonqa. Qhawana torrekuna, pakakuna wasikunapis saqerpayasqa qhepakonqanku. Chaypitaj k'ita burrokunalla sunt'irenqanku, jinallataj uywakuna ima chaypi mikhonqanku.

Isaías 32:9

Qankuna, allinpi kawsayman amañasqa warmikuna, kay nisqayta uyariwaychej. Ni ima llakiyniyoj warmikuna, kay parlasqayta kasuwaychej.

Isaías 47:10

Qanqa millay ruwasqaykipi atinikuspa, nerqanki: Mana pipis rikuwanchu, nispa. Qantaqa yachasqayki, yuyasqayki ima q'otiyasunku. Qantaj sonqoykipi nerqanki: Noqalla kani, noqamanta jawaqa mana waj kanchu, nispa.

Jeremías 18:16

Ajinamanta paykuna suyunkuta ch'inman tukucherqanku, wiñaypaj runaj asikunan kananpaj. Tukuy chayninta purejkuna t'ukuspataj, umankuta khiwirenqanku.

Jeremías 19:8

Kay llajtata ch'in raqayman tukuchisaj, tukuy t'ukunankupaj jina. Chantá tukuy chayninta purejkuna t'ukushaj qhepakonqanku, chay jina phirisqa kasqanta rikuspa.

Jeremías 50:13

Noqa phiñakusqayrayku Babilonia suyuta mana uj runayojta saqesaj, ch'in q'ara pampaman tukuchisqata. Tukuy chayninta pasajkunaqa t'ukuspa, alqochakonqanku, chay jina jasut'isqa kasqankuta rikuspa.

Lamentaciones 1:1

Jerusalén llajta unay may chhika runayoj karqa, kunantaj ch'inpacha qhepakun. Llajtakuna ukhupi chay chhika jatun llajta kashaspa, warmisapaman jina tukun. Suyukunata kamachej llajtataj kunanqa mit'animan tukun.

Lamentaciones 2:1

Tata Diospa phiñakuynin may sinch'i kasqanrayku, k'achitu Sión llajtata laqhayaykuchin. Israelpa jatunchakunanta janaj pachamanta kay pachaman wijch'uykamun, ñut'u jallp'a jinallaña kashan. Chay jina k'arajta phiñakuspa, Tata Diosqa mana Templollanmantapis khuyakorqachu.

Lamentaciones 2:15

Ñanta tukuy purejkunaqa qanmanta asikuspa, t'ajllarakunku. Silbarispa, umankuta khiwirispataj, Jerusalén llajtamanta ninku: Kaychu chay k'achitu llajta, kay pachapi tukuyta kusichejqa? nispa.

Ezequiel 27:36

Waj suyukunamanta ranqherokunapis rikususpa, asipayasonqanku. Cheqamanta mancharinapaj jinapuni kanki, manañataj ujtawan rikhurimuyniyojta chinkapunki, nispa.

Ezequiel 28:2

Runaj churin, Tiro llajtaj kuraj kamachejnintañataj kay jinata niy: Tukuyta Kamachej Tata Dios nisunki: Qan sonqoykipi jatunchakuspa, nerqanki: Noqa uj dios kani, dioskunaj kamachinanku tiyanapi tiyashani mama qocha chawpipi, nispa. Chaywanpis qanqa runalla kanki, manataj dioschu. Uj dios jina yachayniyoj kasqaykita yuyakunki.

Ezequiel 28:9

Wañuchisojkunaj ñawpaqenpi niwajrajchu: Noqa dios kani, nispaqa? Wañuchisojkunaj ñawpaqenpi qanqa runalla kanki, manataj dioschu.

Ezequiel 29:3

Faraonman, runankunamanwan niy: Tukuyta Kamachej Tata Dios kay jinata nisunkichej: Egiptota kuraj kamachej faraón, qanqa sierpe jina mayuyki chawpipi winkuspa, nishanki: Nilo mayoqa noqajta, noqa ruwarqani, nispa. Chayrayku noqa Tata Dios contraykipi kashani.

Daniel (hebreo) 4:27

27 (24) Chayrayku kamachejníy, yuyaychasqayta kasuway: Kamachej jina cheqanta ruway, amataj astawan juchalliychu. Mana allin kajta ruwayta saqespa, wajcha runakunamanta khuyakuy. Ichapis ajinamanta astawan unayta mana ima llakiyniyoj kawsakunki, tukuy imapipis allillan risonqa, nispa.

Nahúm 3:19

K'irisqa kasqaykipaj mana jampi kanchu. Chay onqoyniykeqa mana jampiy atina. Llakiypi rikhurisqaykimanta tukuy uyarejkuna kusikuspa t'ajllarakunku. Millay ruwasqaykeqa pitataj mana ñak'aricherqachuri?

Habacuc 1:7

Caldeokunaqa manchachikunapaj jina millay runakuna kanku. Mana ni ima kamachisqakunatapis kasunkuchu, aswanpis munayninkuman jinalla imatapis ruwanku.

San Mateo 27:39

Chaynejta purejkunataj umankuta khiwirispa, Jesusta mayta turiyarqanku.