Sofonías 1:5 - DIOSPA QHELQACHISQ

⁵ Chantá pikunachus wasi patapi kaj patioman wicharispa ch'askakunata yupaychajkunata chinkachisaj. Jinallataj pikunachus ujllapi noqaj sutiypi, jinataj Milcón diosninkoj sutinpipis qonqorikuspa tilojkunatapis chinkachillasajtaj.

Qheshwa Biblia DC

⁵ Wasi patapi kaj patioman wicharispa estrellasta yupaychajkunata t'unaykusaj. Juramentota ruwallankutaj qonqorikuspa chaykunatapis. T'unaykullasajtaj sutiyrayku juramentota ruwaytawan, chay ratopacha Milcom diospa sutinrayku.

DIOSPA QHELQACHISQAN DEUTEROCANONICAL

⁵ Chantá pikunachus wasi patapi kaj patioman wicharispa ch'askakunata yupaychajkunata chinkachisaj. Jinallataj pikunachus ujllapi noqaj sutiypi, jinataj Milcón diosninkoj sutinpipis qonqorikuspa tilojkunatapis chinkachillasajtaj.

Sofonías 1:5 ပူးပေါင်းရင်းမြစ်များ

1 Reyes 11:33

Chayta ruwasaj, imaraykuchus Salomonqa noqata saqerpariwaspa, yupaychan sidonioj diosninku Astoretta, Moabpa diosnin Quemosta, amonitakunaj diosninku Moloctawan ima. Paypa ruwasqanqa mana sonqoypa munasqanman jinachu, kamachisqayta mana kasuwarqachu, nitaj nisqayta cheqanta ruwarqachu, imaynatachus tatan David junt'arqa, jinataqa.

1 Reyes 11:5

Salomonqa sidoniokunaj diosninku Astoretta, amonitakunaj chay millay lantinku Milcontawan yupaycharqa.

1 Reyes 18:21

Chantá Eliasqa tukuy runaman chimpaykuspa, nerqa: Mayk'ajkamataj iskayrayaspa kankichejri? Sichus Tata Diosqa cheqa kaj Dios kanman chayqa, payta qhatiychej. Baal cheqa kaj dios kajtinrí, paypa ruwananpi kaychej, nispa. Runakunatajrí mana imatapis kuticherqankuchu.

2 Reyes 17:32

Chay jawa Tata Diosta yupaychaj kanku chaypis, paykuna ukhumanta sacerdotekunata churakorqanku, orqo patapi waj diosta yupaychana altarkunapi ruwanayoj kanankupaj.

2 Reyes 17:33

Ajinaqa Tata Diosta yupaychaj kanku chaypis, diosninkukunatapis yupaychallajtaj kanku, imaynatachus llajtankupi ruwaj kanku, ajinallatapuni.

2 Reyes 17:41

Chay runakunaqa Tata Diosta yupaychaj kanku chaypis, lantikunatapis yupaychashallajtaj kanku. Wawankupis, allchhinkupis, imaynatachus tatankukuna ruwaj kanku, ajinallatapuni kunankamapis ruwashanku.

2 Reyes 23:12

Jinallataj payqa Judá suyuta kuraj kamachejkuna Ajazpa wasin patapi ruwasqanku altarkunatapis phirillarqataj. Tata Diospa Templonpa iskaynin pationkunapi kuraj kamachej Manasés altarkunata ruwasqantapis ñut'uta kutarparichispa, Cedrón wayq'oman wijch'uchimorqa.

Isaías 22:1

Isaías mosqoypi jina rikuna vallej contranta kay jinata nerqa: Imataj tiyan wasi pataman tukuyniykichej wicharinaykichejpajri?

Isaías 44:5

Chaypachataj nenqanku: Noqaqa Tata Diospata kani, nispa. Ujtaj nenqa: Noqaqa Jacobpa mirayninmanta kani, nispa. Ujkunataj makinkupi qhelqakonqanku: Noqaqa Tata Diospata kani, nispa. Israel sutiwantaj sutichakonqanku, nispa.

Isaías 45:23

Noqaj kawsayniyrayku tiluni, simiytaj cheqanta parlan. Kay nisqayqa junt'akonqapuni. Chaytaj kay jina kanqa: Noqaman tukuy runakuna qonqorikuwanqanku, sutiypitaj tilonqanku.

Isaías 48:1

Jacobpa ayllun, kayta uyariychej, qankunaqa Israel sutiwan sutichasqa kankichej. Qankuna Judajpa miraynin kankichej, Tata Diospa sutinpitaj tilunkichej. Jinallataj Israelpa Diosninmanta mañakunkichej. Chaywanpis, mana cheqanta ruwankichejchu, nitaj cheqan sonqowanchu mañakunkichej.

Jeremías 12:16

Paykunaqa aylluyman Baalpa sutinrayku tiluyta yachacherqanku. Kunanrí aylluy ukhupi tiyakunankupaj yachachisqayta jap'ikunanku tiyan, sutiyraykutaj tiluyta yachananku tiyan: Tata Diospa sutinrayku tiluni, nispa.

Jeremías 19:13

Jerusalenpi wasikunata, chantá Judapi kuraj kamachejkunaj wasinkuta ima Tofet jina ch'ichipaj qhawasqa kanqanku. Ajinata ruwasaj, imaraykuchus chay wasi patapi tukuy ch'askakunaman inciensota q'oshñicherqanku, jinallataj waj dioskunaj sutinpi vinota jich'aspa jaywarqanku, nispa.

Jeremías 32:29

Caldeokuna kay llajtaman yaykuspa, ninawan jap'iykuchenqanku. Maypichus israelitakuna noqata mayta phiñachiwaspa, Baalman inciensota q'oshñichej kanku, jinataj mana rejsisqa dioskunaman vinota jaywaj kanku, chay wasikunatapis ruphaykuchillanqankutaj.

Jeremías 4:2

Chantá cheqan sonqowan cheqanta ruwaspa, jinallataj wajkunapaj allinta ruwaspa ima sutiypi tiluyta atinki. Ajinatachus ruwanki chayqa, tukuy suyukuna sutiynejta saminchasqa kanqanku, paykunataj yupaychawanqanku, nispa.

Jeremías 49:1

Amón suyoj contranpi Tata Dios kay jinata nerqa: Manachu Israelqa wawakunayoj? Israelpataqa manachu pininpis tiyanri? Imaraykutaj Milcón lanteqa Gadpa jallp'anta jap'ikapun? Imaraykutaj amonitakuna Gadpa llajtankunapi tiyakushankuri?

Jeremías 5:2

Paykuna llullakuspa, tilunku: Tata Diospa sutinrayku tiluni, nispa, nitaj nisqankuta junt'ankuchu, nispa.

Jeremías 5:7

Tata Dios nillantaj: Israel, imaynatataj kay jina juchallisqaykita pampachasajri? Wawaykikunaqa saqerpariwanku, qhasi manakaj diosninkukunaj sutinraykutaj tilunku. Noqaqa sajsakunankukama paykunata mikhucherqani. Chaywanpis paykuna wasanchawarqanku, tukuyninkutaj, maypichus phisu warmikuna sayanku, chay wasiman rerqanku.

Jeremías 7:10

Ajinata ruwashaspapis, qankunaqa kay Temployman yupaychawaj jamunkichejraj, mayqenchus noqapaj t'aqasqa kashan chayman, ninkichejtaj: Kaypi allillan kashayku, nispa. Qankunaqa yuyankichej chay millachikusqay imakunata ruwayta atillasqaykichejta.

Jeremías 7:9

Chantá qankuna suwankichej, runatataj wañuchinkichej, khuchichakunkichej, qhasillata tilunkichej, Baal lantiman inciensota q'oshñichinkichej, mana rejsisqa lantikunatapis yupaychallankichejtaj.

Jeremías 8:2

Chantá paykuna israelitakunaj tullunkukunata intej, killaj chantá ch'askakunaj ñawpaqenpi wijch'onqanku, imaraykuchus israelitakuna janajpi imakunata munakuspa, munayninkuta ruwarqanku, qhaterqanku, tapukorqanku, yupaycharqankutaj. Chay tullukunata mana pipis p'ampanqachu, manachayqa wanu jina pampapi qhallisqa wijch'urayanqa.

Oseas 10:2

Israelqa iskay sonqolla kashan, kunantaj juchanmanta jasut'isqa kanqa. Altarninkunatapis Tata Dios thuñenqa, yupaychana rumi sayantankunatapis phirenqa.

Oseas 4:15

Israel, sichus qan phisu warmi jina wajkunaman jaywakunki chayqa, Judallapis ama kikillantataj juchallichunchu. Judá, ama Gilgalman riychejchu, nitaj Bet Avenmanpis wichariychejchu lantikunata yupaychaj. Amallataj Tata Diospa sutinpi tiluychejchu.

Amós 5:26

Aswanpis kamachejniykichej Sicut lantita aparqankichej, jinallataj Quiún ch'askaj lantintapis lijrarikorqankichej, mayqentachus qankunalla ruwakorqankichej, chaykunata.

San Mateo 6:24

Mana pipis iskay patronkunaj kamachiyninpi ujllapi kayta atinchu, imaraykuchus ujninta chejnenqa, ujnintataj munakonqa. Chayrí, ujnin patronman k'askakonqa, ujnintataj qhesachanqa. Manallataj qankunapis ujllapi qolqetawan, Diostawan aswanpaj qhawayta atinkichejchu.

Hechos 10:9

Q'ayantenqa chay kachakuna Jopeman qayllashajtinkuña, Pedroqa chawpi p'unchaynejta, wasi pataman wicharerqa, maypichus pampalla karqa chayman, Dioswan parlarikunanpaj.

Romanos 14:11

Diospa Qhelqachisqanpi nin: Tukuyta Kamachej Dios nin: Kawsayniyrayku tiluni: Tukuy runakuna ñawpaqeypi qonqorikonqanku, tukuytaj Diospuni kasqayta rimarenqanku, nispa.

Deuteronomio 10:20

Tata Diosniykichejta may jatun respetowan qhawaychej, pay sapallantataj yupaychaychej, payllatataj qhatikuychej. Tilunaykichej kajtenqa, paypa sutinta oqharispa tiluychej.

Deuteronomio 4:19

Janajpi kaj intita, killata, ch'askakunata, imachus janajpi tiyan, chay tukuyta rikuspa, pajtataj chaykunaman qonqorikuspa, yupaychawajchej. Tata Diosniykichejqa tukuy chaykunata kay pachapi runakunapaj ruwarqa.

Josué 23:7

Ama qankuna ukhupi tiyakoj waj llajtayojkunawan chhapukunkichejchu, nitaj qonqorikuspa diosninkuta yupaychankichejchu. Amallataj diosninkuta kasunkichejchu, ni paykunamanta parlallankichejpischu, nillataj sutinkupi tilunkichejchu.